⚜️Энергетика министрлігі ACEF 2026 форумында таза энергетиканы дамыту бастамаларын таныстырды

▪️Манила қаласында энергетикалық ауысу, экономиканы көміртексіздендіру және заманауи энергетикалық технологияларды дамыту мәселелеріне арналған Asia Clean Energy Forum 2026 (ACEF 2026) халықаралық форумы өтті. Форумды Asian Development Bank (ADB) ұйымдастырды.

▪️2026 жылы форумның негізгі тақырыбы «Beyond Transition: Building Secure, Resilient, Inclusive and Intelligent Energy Systems» тұжырымдамасы болды. Оның аясында халықаралық сарапшылар таза энергетиканы дамыту, энергетикалық инфрақұрылымды жаңғырту, энергетикалық жүйелердің орнықтылығын арттыру және жаһандық энергетикалық ауысу жағдайында жаңа технологиялық шешімдерді енгізу мәселелерін талқылады.

▪️Форум барысында жаңартылатын энергия көздерін одан әрі дамыту, оларды энергетикалық жүйелерге ықпалдастыру тетіктерін жетілдіру, энергия жинақтау технологияларын дамыту, желілік инфрақұрылымды жаңғырту, өнеркәсіпті көміртексіздендіру, сондай-ақ төмен көміртекті және баламалы энергетикалық шешімдерді енгізу мәселелеріне ерекше назар аударылды.

▪️Форум аясында Қазақстан Республикасы Энергетика министрлігінің атынан «Power and Industry Transformation: Lessons from ADB’s Energy Transition Mechanism to Industrial Decarbonization» тақырыбындағы сессияда Энергетика министрлігі Жаңартылатын энергия көздері департаменті директорының орынбасары Балтуған Дәулетқызы Тажмакина спикер ретінде сөз сөйледі.

▪️Өз баяндамасында ол Қазақстанда климаттық мақсаттар, экономикалық орнықтылық және елдің ұзақ мерзімді энергетикалық қауіпсіздігі арасындағы теңгерімді сақтауға негізделген кезең-кезеңімен энергетикалық ауысуды қамтамасыз ету бағытында жүзеге асырылып жатқан тәсілдерді таныстырды.

▪️Сондай-ақ жаңартылатын және баламалы энергетика саласындағы нормативтік-құқықтық базаны жетілдіру, энергетика секторында төмен көміртекті технологияларды кеңінен енгізуге қолайлы жағдай жасау жөніндегі жұмыстарға ерекше тоқталды.

▪️Баяндама барысында жаңартылатын энергия көздері секторын дамыту энергетикалық инфрақұрылымды кешенді жаңғыртуды талап ететіні атап өтілді. Бұл бағытта маневрлік генерацияны дамыту, энергия жинақтау жүйелерін енгізу және тұрақты энергетикалық жүйені қалыптастырудың маңызды құрамдас бөлігі ретінде жылумен жабдықтау секторына жаңа технологиялық шешімдерді енгізу қажеттігі айтылды.

▪️Сонымен қатар Қазақстанның жылу энергетикасы секторын жаңғырту бағытындағы жұмыстары, оның ішінде энергия тиімділігін арттыруға, көміртегі ізін кезең-кезеңімен азайтуға және заманауи энергетикалық технологияларды енгізуге бағытталған жылу инфрақұрылымын дамытуды ұзақ мерзімді жоспарлаудың жаңа тетіктері таныстырылды.

▪️Asia Clean Energy Forum 2026 форумына қатысу Қазақстанның жаңартылатын және баламалы энергетиканы дамыту, сондай-ақ энергетика секторын ұзақ мерзімді трансформациялау шеңберінде заманауи төмен көміртекті технологияларды енгізу жөніндегі дәйекті саясатын халықаралық сарапшылар қауымдастығына таныстыруға кезекті мүмкіндік болды.

⚜️Минэнерго Казахстана представило инициативы по развитию чистой энергетики на ACEF 2026

▪️В городе Манила состоялся международный форум Asia Clean Energy Forum 2026 (ACEF 2026), организованный Asian Development Bank (ADB) и посвященный вопросам энергетического перехода, декарбонизации экономики и развитию современных энергетических технологий.
В 2026 году ключевой темой форума стала концепция “Beyond Transition: Building Secure, Resilient, Inclusive and Intelligent Energy Systems”, в рамках которой международные эксперты обсудили вопросы развития чистой энергетики, модернизации энергетической инфраструктуры, повышения устойчивости энергосистем и внедрения новых технологических решений в условиях глобального энергоперехода.

▪️Основное внимание участников форума было уделено вопросам дальнейшего развития возобновляемых источников энергии, совершенствования механизмов интеграции ВИЭ в энергосистемы, развития технологий накопления энергии, модернизации сетевой инфраструктуры, декарбонизации промышленности, а также внедрения новых низкоуглеродных и альтернативных энергетических решений.
В рамках форума от имени Министерства энергетики Республики Казахстан в качестве спикера в тематической сессии “Power and Industry Transformation: Lessons from ADB’s Energy Transition Mechanism to Industrial Decarbonization” выступила Тажмакина Балтуган Даулетовна, заместитель директора Департамента возобновляемых источников энергии Министерства энергетики Республики Казахстан.

▪️В ходе выступления были представлены реализуемые в Казахстане подходы по обеспечению поэтапного энергетического перехода, основанные на соблюдении баланса между климатическими целями, экономической устойчивостью и обеспечением долгосрочной энергетической безопасности страны.

▪️Отдельное внимание было уделено проводимой в Казахстане работе по совершенствованию нормативно-правовой базы в сфере возобновляемой и альтернативной энергетики, а также созданию условий для дальнейшего внедрения низкоуглеродных технологий в энергетическом секторе.

▪️В рамках выступления отмечено, что развитие сектора возобновляемых источников энергии требует комплексной модернизации энергетической инфраструктуры, включая развитие маневренной генерации, систем накопления энергии и внедрение новых технологических решений в секторе теплоснабжения как одного из важных элементов устойчивой трансформации энергосистемы.

▪️Кроме того, была представлена работа Казахстана по модернизации сектора теплоэнергетики, включая внедрение новых механизмов долгосрочного планирования развития тепловой инфраструктуры, направленных на повышение энергоэффективности, постепенное снижение углеродного следа и дальнейшую интеграцию современных энергетических технологий.
Участие в Asia Clean Energy Forum 2026 стало очередной возможностью представить международному экспертному сообществу проводимую Казахстаном последовательную политику по развитию возобновляемой энергетики, альтернативной энергетики и внедрению современных низкоуглеродных технологий в рамках долгосрочной трансформации энергетического сектора страны.

⚜️Жасанды интеллект Екібастұз ГРЭС-1 жұмысын тәулік бойы бақылауда

2026 жылды Мемлекет басшысы Цифрландыру және жасанды интеллект жылы деп жариялау аясында Қазақстан Республикасы Энергетика министрлігі энергетика саласын цифрлық трансформациялау бойынша жүйелі жұмыстар жүргізуде. Салалық компаниялармен бірлесіп заманауи цифрлық технологиялар енгізіліп, өндірістік процестер автоматтандырылып, интеллектуалды басқару жүйелері дамытылуда.

▪️Б.Нұржанов атындағы Екібастұз ГРЭС-1 станциясында жасанды интеллект технологияларын қолданатын 200-ден астам бейнебақылау камерасы орнатылды. Жүйе өндірістік қауіпсіздік деңгейін арттыруға және төтенше жағдайларға жедел ден қоюға бағытталған.

▪️Интеллектуалды жүйе өндірістік нысандарды нақты уақыт режимінде бақылап, түрлі бұзушылықтарды автоматты түрде тіркейді. Арнайы жасанды интеллект платформасы тұлғаны тану, жылдамдық режимін бақылау, оқиғалар журналын жүргізу, талдамалық есептер мен графиктер қалыптастыру мүмкіндіктерін қамтиды. Кешен құрамына бұзушылықтар мен штаттан тыс жағдайлар туралы қызметкерлерді жедел хабардар етуге мүмкіндік беретін заманауи байланыс және құлақтандыру жүйесі де енгізілген. Қолмен басқару режимінен бөлек, жүйе белгілі бір оқиғаларды анықтаған кезде ескерту хабарламаларын автоматты түрде іске қосатын сценарийлер де қарастырылған.

▪️Жауапты қызметкерлердің жедел өзара іс-қимылы үшін корпоративтік Telegram-арна құрылды. Қандай да бір бұзушылық анықталған жағдайда жүйе оқиғаның сипаты, анықталған орны, камера нөмірі, тіркелген күні мен уақыты көрсетілген хабарламаны автоматты түрде жібереді. Жүйеге диспетчерлік қызметтің ауысым бастықтарын қоса алғанда, басшылар мен жауапты қызметкерлер қосылған.

▪️Жүйенің жұмысы тәулік бойы бақыланады. Бейнеағындарды бақылау және талдау үшін бейнеқабырғалармен жабдықталған операторлық бекеттер ұйымдастырылған. Бейнежазбалар серверлік жабдықта сақталады, бұл қажет болған жағдайда оқиғаларды жан-жақты талдауға мүмкіндік береді.

▪️Қосымша бақылау деңгейін бейнежазба жүргізу және онлайн-трансляция функцияларымен жабдықталған ақылды каскалар қамтамасыз етеді. Бұл құрылғылар бірінші тұлға атынан бейнежазбаны нақты уақыт режимінде жеткізеді, ал жасанды интеллект технологиялары жұмыс барысында орын алып жатқан жағдайларды бірден талдауға мүмкіндік береді.

▪️Станцияның бүкіл аумағында деректердің тұрақты берілуін қамтамасыз ету үшін 10 Wi-Fi кіру нүктесінен тұратын желі іске қосылды. Бұл цифрлық инфрақұрылымның үздіксіз жұмыс істеуіне жағдай жасайды.

▪️Жобаның маңызды ерекшеліктерінің бірі – оны пайдалану барысында үздіксіз жетілдіру мүмкіндігі. Операторлар алгоритмдердің жұмыс нәтижелерін талдап, дұрыс анықталған оқиғаларды растап, жалған хабарламаларды алып тастайды. Бұл алгоритмдердің дәлдігін тұрақты түрде арттырып, жалпы жүйенің тиімділігін күшейтуге, соның нәтижесінде кәсіпорындағы қауіпсіздік пен бақылау деңгейін одан әрі жоғарылатуға мүмкіндік береді.