عندك فكرة مشروع وتبي 150 الف ريال دعم غير مسترد؟

‏في هذه المقالة بساعدك تقدم على جهة حكومية وتعطيك 150 الف ريال في حال القبول وباقي 6 أيام على انتهاء التسجيل ف الحق على التقديم🔴

قبل لا اعطيك الرابط لازم اول اشرح وش هي مبادرة MVPLAB ؟
‏هي مبادرة حكومية تابعة للبرنامج الوطني لتنمية تقنية المعلومات والهدف منها دعم وتمكين أصحاب المشاريع التقنية المبتكرة من تطوير افكارهم وتسريع النمو .

‏البرنامج يهدف الى اطلاق 1000 شركة تقنية بالسوق خلال سنتين او ثلاث..

هذه هي الدفعة الثانية للبرنامج والدفعة الأولى قدموا 400 شخص وقبلوا 50 منهم ونفس الشي هذا الدفعة اتوقع القبول 50 شركة.

‏والبرنامج يفتح تقريبا لاستقبال دفعة جديدة كل شهرين يعني إذا ما انقبلت الحين تقدر تقدم بعد شهرين وهكذا..


طيب وش يعطي البرنامج؟
‏يعطيك 150 الف دعم غير مسترد + 30 الف دعم لخدمات مساندة مثل مساحات عمل حر + خدمات قانونية والخ..

‏طيب هل البرنامج يقبل الفكرة؟
‏البرنامج يقبل النموذج الأولى للفكرة يعني لازم تطبق فكرتك على ارض الواقع ولو بشيء بسيط ويفشل اهم شي ان الفكرة اثبتت انها ناجحة

طيب قبل لا تقدم لازم اقولك ان البرنامج عشان تقدم عليه لازم يكون معك شريك وما يقبل الفرد لحاله

‏وعادي تقدم بدون سجل تجار ولكن لو قبلت لازم تسوي سجل شركة وليس مؤسسة

‏هذا رابط المبادرة👇🏻
https://ntdp.gov.sa/ar/initiative/mvplab

‏وهذا حسابهم على تويتر ⁦@ntdpsa⁩
https://twitter.com/ntdpsa?s=21&t=2u4X1FDKRkyHlppN8UpOew

‏ننتقل الان الى كيفية التقديم👇🏻


طبعا احنا قدمنا في اول دفعة وتم رفضنا والحين رجعنا قدمنا وان شاء الله نقبل بهذه الدفعة

‏لما تجي تسجل بيطلبك معلومات عامة ولكن الجزء الاهم وهو معيار القبول انه بيطلب منك 3 ملفات pdf تصف المشروع من الناحية
‏المالية
‏التقنية
‏بروفايل عن المشروع
‏وهذه الثلاث ملفات اهم شي في التقديم


طيب كيف اسوي هذه الثلاث ملفات؟
‏1- تكلم خبير يسويها لك
‏2- تسويها بنفسك وبرفق روابط تقدر تستخدمها
‏3- تسويها بنفسك بمساعدة خبير مثل محمد وهذا حسابه على تويتر
https://twitter.com/othman_utube?s=21&t=2u4X1FDKRkyHlppN8UpOew

‏طبعا محمد ما قصر ونبهني على كذا نقطة ناقصتني بالملفات الخاصة بي

‏ملاحظة مقدر ارسل ملفي الخاص لاني ابي انقبل واذا ارسلته الكل بينسخه🌝

طبعا اذا تم قبولنا ابشروا برسلكم الملف تسوا زيه ولكن حاليا لازم تسوا الملف باستخدام برنامج البوربوينت وهذا نماذج ممكن تساعدكم في انشاء العرض👇🏻
https://pngtree.com/free-templates-psd/powerpoint-templates

وهذا ايضا موقع فيه نماذج كثيرة تساعدك في عرض المشروع
https://www.arabppt.com/category/exclusive-arabic-powerpoint-templates/page/2/

‏برضوا بامكانك تدخل قوقل وتكتب pitch deck وبتطلع لك قوالب كثيرة مدفوعة ومجانية وحمل اللي يناسبك وعدل عليها

و كانفا ما راح يقصر معاكم وتقدروا تسوي من خلالها عرض من هذا الرابط
https://www.canva.com/templates/?query=pitch%20deck

لازم تدخل اليوتيوب وتسوي عرض إحترافي بناء على المعلومات اللي تعلمتها
‏ولا تنسى تكلم الخبراء يساعدونك في إعداد الملف واخيرا طبيعي تنرفض زي ما انرفضنا اول مره ولكن بتتعلم من الرفض وتسوي عرض يشلخ الوجه🌝
‏واخيرا المطلوب منك الدعاء اذا استفدت من هذا الثريد وشكرا💚

وأخيرا تم إطلاق كتاب زبدة التسويق بالعمولة وبشكل مجاني 100٪🎉

‏الكتاب تم كتابته من طرفي وبرعاية من:
‏منصة كود ماب ⁦
‏منصة دفترة ⁦

‏الكتاب تجده بالمتجر وقراءة مربحة👏🏻
‏⁦ dakhlk.com⁩