#fikr

Ushbu kungacha eng ko’p muqim BEPUL RASH TESTI sinovlarini o’tkazgan kanallardan biri aynan bizning @onatilitestlar kanali hisoblanadi.

Hamda shu paytgacha juda ko’plab insonlar bizga ma’lum qilishgan narsa shuki, ko’pchilik kanal egalari bizning testlardan foydalanib, o’z auditoriyalarini test bilan bahramand qilishadi. Bu bizni xursand qiladi, ammo ayrim kanal egalari (qallob, ikkiyuzlamachi, mishqi insonlar) bizning testlarni to’g’ridan to’g’ri o’zlashtirib, ularga o’z nomlarini qo’yib olishadi. Bu esa bizning g’azabimizga tegishi tabiiy.

Chunki biz bu test uchun umrimizni tikkanmiz. Ko’zimiz nurini bag’shida qilganmiz. Albatta, bunday holatda kimdir shunchaki testni o’zlashtirib ketsa, bizning qarg’ishimiz unga borishi aniq.

Shunday ekan, ayrim betamiz kanalning betamiz egalari, iltimos, testimizni o’zingizniki qilib olmang. Ishlatsangiz, muallif bilan ishlating. Yo’qsa, o’zingiz tuzing. Test tuza olmasangiz, kanalingizni tag-tugi bilan o’chirib, onlayn ta’limdan suring.

O’z muallifi bilan testlarimizni ommaga taqdim qilayotganlarga esa 🫰

Ortiqali To’lanboyev

@onatilitestlar

#xushxabar #tushuntirish

Prezident portaliga limit yuzasidan murojaat yuborganimda unga izoh berish uchun Oʻzbekiston Respublikasi Bilim va malakalarni baholash agentligining Namangan viloyati hududiy boʻlimi boshligʻi — Abdulxafizov Bunyod Xakimjonovich men bilan bog’landilar.

U kishi bilan ko’plab masalalar bo’yicha bafurja gaplashib oldik. Ayrim masalalarni men tushunmagan tomoni ham bor ekan. Buni tushunganimdan xursandman.

Shu o’rinda ushbu mas’ul kishi hozirda Respublika bo’yicha ro’yxatdan o’tganlarning 49% i to’lov qilmaganini, 3-oktabr kuni soat 23:59 da ro’yxatdan o’tganlarning to’lov qilish imkoniyati tugashini va 4-oktabr kuni qayta qabul ochilishini aytib o’tdilar. Ammo, azizlar, hech qanday qo’shimcha limit ochilmaydi. Shunchaki bo’sh qolgan o’rinlar uchun qayta qabul ochiladi.

Demak, 4-oktabr kuni bo’sh qolgan o’rinlar uchun qayta qabul ochiladi. Qaysi vaqtda ochilishi esa aniq belgilanmagan. (Katta ehtimol bilan tonggi 10:00 dan keyin ochiladi)

Bir narsani unutmang, bu ochilgan qabul keng qamrovli bo’lmaydi. Bir necha daqiqada yakunlanishi ham mumkin.

Ortiqali To’lanboyev

@onatilitestlar

ERTAGA RO’YXATDAN O’TGAN PULINI QACHON TO’LAYDI?

Juda ham ko’plab talabgorlarda savol paydo bo’lmoqda: Ustoz, qayta qabul ochilsa, o’sha qabulda ro’yxatdan o’tganlar to’lovni qachon amalga oshiradi?

Javob:

4-oktabr kungi qayta qabulda ro’yxatdan o’tganlarga to’lov qilish uchun bir kun vaqt beriladi, ya’ni 5-oktabr kuni bemalol to’lov qilishlari mumkin.

DIQQAT!!!
Hozirgi kungacha ro’yxatdan o’tib, invoys raqam olganlarga bu muddat ishlamaydi. Ular uchun bugun oxirgi kun hisoblanadi!

@onatilitestlar

#fikr

Biz insonlarning qalbidan Islomni sug’urib olaverar ekanmiz. Go’daklarning zo’rlanishi, yosh bolalarning kaltaklanib o’lishi va bundan ham battar behayoliklarning hali ko’p guvohi bo’lamiz!

Ortiqali To’lanboyev

@onatilitestlar