صديقتي الجديدة تعرفت عليها بعد المطر جلسنا جنب بعض بالصدفة، اسمها سهام، صغيرة شكلها ببداية العشرينات، بنص السوالف انصدمت انها باكستانية من مواليد السعودية، جت معي خلتني المس الكعبة
قعدت اسولف معها ساعتين ونص، بصيح يا ربي الشعور، تقول انها قد اشتغلت مع نظافة الحرم فأعرف كل اماكن الحرم وما اضيع، يوم قلت لها ما قد لمست الكعبة قالت تعالي والله اخليك تلمسينها
لما فتحوا اشرطة الدخول بعد التنظيف، رجعنا بسرعة لاماكنا، قالت يا رب ندخل الجنة سوا واحنا نسرع كذا
يا ناس 😢!
يا ناس 😢!
تقول بيتنا قريب من الحرم ١٠ دقايق مشي، كل ما اتضايق اجي هنا ارجع للبيت كأني اطير من الراحة ما يهمني اروح لاماكن ثانية والا حدايق ولا شي عشان ما اتكلم بالناس
سألتها قلت فيه دعوات دعيتيها شفتيها تحققت قدامك؟ قالت كثير تصير لي مثلا بعد ما توفى ابوي صارت امي تقول نروح باكستان -امها وابوها باكستانيين وجايين من ايام الملك فيصل- المهم لما يجي على بال امي سالفة الرجعة لباكستان على طول اروح للحرم اقول لربي ادعيه ما نروح، ويستجيب لي والله ارجع للبيت امي ناسية السالفة مع ان اللي حولنا كلهم راحوا الا احنا