ҲИКМАТ

Сенинг юрагинг бетламаган таваккулни зиммасига олиб, таваккул қила билганлар, сен орзу қилиб етиша олмаган ҳаётда яшамоқдалар.

© Суқрот

https://t.me/Ramazon

ИБРАТ

Бир кишининг дўсти оламдан ўтганига анча вақт бўлса-да унинг исмини телефонидан ўчирмади. Сабаби нима деб сўрадилар?

Киши айтди: «Тўғри, дўстимни ўтганига узоқ вақтлар бўлди. Шунга қарамай унинг исмини телефонимдан ўчирмадим. Ҳар сафар телефон рўйхатидаги рақамларни кўздан кечираётсам дўстимнинг исмини кўриб, унинг ҳаққига Аллоҳдан раҳмат тилаб дуо қиламан. Сабаби шу, деган экан.

Агар дўстлик садоқат устига қурилса қандай гўзал-а?!

https://t.me/Ramazon

КУН_ҲИКМАТИ

Биламан, бу савдо ила ҳеч қаерга сиғмайсан, дунё сенга тордир.
Аммо чида кўнглим! Чидагил-ки, ҳар бир қоронғу кечанинг албатта бир тонги бордир...

© Жалолиддин Румий

https://t.me/Ramazon

БАҲОНА

Қалб – асли зим-зиё, қоронғу хона,
Маразлик яшайди ичда пинҳона.
Айблари очилиб қолгудек бўлса,
Инсон излай бошлар осон баҳона:

Кўплардан хатою айби сўралса,
Нетай, дер, қисматим шундай яралса...
Баҳоналар ичра ўйлаб қаралса,
“Тақдири азал” энг ёмон баҳона.

Ҳукмни билгувчи инсоннинг ўзи,
Тағин жим кулгувчи инсоннинг ўзи,
Ҳар ишни қилгувчи инсоннинг ўзи,
Айбни тўнкаш учун шайтон – баҳона!

Одамлар фитнанинг кўрсатиб кучин,
Самога термулиб дейдилар: “Нечун?”
Ердаги маъсият, фужурлар учун
Доимгидек мовий осмон – баҳона...

Ҳазрати инсоннинг пойида замон,
Ҳеч қачон ўзгармас, жойида замон...
Ўзимиз ўзгариб кетганмиз ёмон,
Ёмонлашга келса, замон – баҳона!

Инсон умри нима, қолса гар тугаб,
Ортиқчалик қилар ҳар қанақа гап.
Ўлим фариштаси – ҳақиқий сабаб,
Ўқ, қилич, ханжару камон – баҳона!

Хайрулло, ҳазир бўл, сароб ютмасин,
Қалбинг нақд хатарни ҳеч унутмасин.
Тағин, бир умрга алдаб ўтмасин
Оловга элтувчи ёлғон баҳона!

© Хайрулла Ҳамидов

https://t.me/Ramazon

ОНАЖОН

Етмиш юлдуз ёғилиб,
Ярим ойча тўлолмас.
Етти янга йиғилиб,
Битта она бўлолмас.
Она тирик эшикка
Ғурбат яқин йўлолмас.
Менинг эса, бағрим қон,
Вайронаман, Онажон...

Гарчи биз ёш, ғўр эдик,
Сиз бор — биз ҳам зўр эдик.
Бир майизни беш ўғил
Тенг бўлишиб ер эдик.
Гоҳ талашсак, ҳақ сўзни
Онам айтсин, дер эдик.
Тушми энди у замон,
Ҳайронаман, Онажон.

Тирик юрса волиданг,
Тоққа кучинг етаркан.
Онанг ўлса, бошингдан
Офтоб ўтиб кетаркан.
Жиндеккина алам ҳам
Тоғдек ботиб кетаркан.
Кўксим тўла минг армон,
Тўлғонаман, Онажон.

Онасиз уй — ойсиз тун
Экан энди ўйласам.
Қалбни ўртар дардларим,
Қай бирини сўйласам?
Сизсиз кўчам бефайз,
Ҳаловат йўқ уйда ҳам.
Фариштаси тарк этган
Остонаман, Онажон.

Ўзинг учун ўл етим!
Ўрда ҳам мен, қирда ҳам.
Кўйлагимда тугма йўқ,
Тугма бўлса, кир — ёқам.
Тўрт янгамга қўшилиб,
Турткилайди тўрт оғам.
Ўз уйимда жонажон,
Бегонаман, Онажон.

Кўнгил ўзин тутинган
Бир меҳрибон қўмсайди.
Дунёда бир одамга
Сиринг айтиб бўлсайди.
Онасизни дўсти ҳам,
Душмани ҳам алдайди.
Айтинг ахир, мен кимга
Ишонаман, Онажон?

Йўқлигингиз қадамда
Турар шундай билиниб.
Нон ёпмайсиз тонглари
Менга кулча илиниб.
Сарғаярман сарғайган
Расмингизга термулиб.
Зиё истаб зор қақшар
Парвонаман, Онажон.

Уй тўрида толбешик —
Акам ётган, мен ётган.
Шердек-шердек келбатли
Беш ўғилга асқотган.
Қайтиб кириб бўлсайди,
Бўлардим жон деб қайтган!
Мен бу жойни ҳаммадан
Қизғонаман, Онажон.

Яшаяпман шарпадек,
Сезилмай гоҳ, сезилиб.
Гоҳи кўкка интилиб,
Гоҳи ерга эгилиб.
Соғинганда шеър ёзиб,
Юракларим эзилиб.
Эл ичра бир шоири
Девонаман, Онажон.

© Муҳаммад Юсуф



https://t.me/Ramazon

#Қуръонга_муҳаббат

Қуръон тиловати билан машғул бўлганимда руҳий лаззатни ҳис қилдим. Шунда бир солиҳ инсоннинг гапини тушуниб етдим: «Биз шундай лаззатлар ичидамизки, агар подшолар уни тотиб кўрганларида, бу лаззатга эришиш учун бизга қарши қилич кўтариб жанг қилардилар», деган эди.

Билдимки, ана шу лаззат боқий қолади. Ҳар қандай лаззатнинг чегараси бор, фақатгина руҳий лаззатда чегара йўқ.

Aли Tантовий раҳимаҳуллоҳ

✅ДЎСТЛАРИНГИЗГА ҲАМ УЛАШИНГ!!!
🤲АЛЛОҲ РОЗИ БЎЛСИН!!!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉 @ramazon

БАНДА

Алданма кимсалар хушомадига,
Унга керак манфаат, сен эса нега?!
Ваъда қилмаганда Аллоҳ Жаннатни,
Ҳаттоки Унга ҳам қилмасди сажда.

© Муҳаммад Окиф Эрсой

https://t.me/Ramazon

ТЎРТЛИК

Сабабсиз кетсалар, сафлар бузилиб,
Ўкиниб юрмагин, кўнглинг эзилиб.
Зеро дарахтдан ҳам, билки, энг аввал –
Чириган мевалар кетар узилиб...

© Бобур Бобомурод

https://t.me/Ramazon

Ўлим ҳаётдаги энг катта мусибат эмас. Энг катта мусибат ўзинг тирик бўла туриб, қалбингдаги Аллоҳдан қўрқиш ҳисси ўлиб қолишидир.

©️Шайх Шаъровий роҳимаҳуллоҳ

https://t.me/Ramazon

Расулуллоҳ 🩷 айтдилар:
- Агар Аллоҳ бир бандага яхшиликни хоҳласа, ўлимидан олдин уни поклаб қўяди.
- Банданинг покланиши қандай бўлади, дея сўрашди.
- Уни бир солиҳ амалга илҳомлантиради, тоинки унинг устида жонини олади, дея жавоб қилдилар.

Таброний ривояти, "Саҳиҳул-жомиъ", 306-рақамли ҳадис.


Бу ҳадиси шарифни ўқиб, яхши амал устида вафот топишни ич-ичимдан хоҳладим. Чунки энг қўрқадиганим, ҳаёт поёнида ҳидоят йўлидан оғиб кетишдир.
Аллоҳ ҳаммамизга гўзал хотима насиб қилсин. 🤲



https://t.me/Ramazon

Imom Ibn Qayyim rahimahulloh dedilar:

«Nafsni isloh qilishning eng katta sabablari: butun fikru zikringni ilm bilan mashgʻul qilishing, oʻlim haqida tafakkur yuritib, foydasiz narsalarni oʻylamasliging hamda qalbingni zararli hayol va vasvasalardan saqlashingdir».


https://t.me/Ramazon

Payg'ambarimiz Rasululloh ( S.A.V ) hazrati Alidan so'radilar " Ali, Meni ko'proq yaxshi ko'rasanmi?
Allohnimi? Fotimanimi? Bolalaringnimi?
Hazrati Ali : "Hammangizni yaxshi ko'raman yo Rasululloh" - deganlarida.
Payg'ambarimiz ( S.A.V ) : Ey Ali bir qalbda shuncha sevgi bo'lishi mumkinmi?
Hazrati Ali ilmning eshigi bo'lishiga qaramasdan javob berolmadi, ijozat istadi.
Uyga kelganlarida parishon holatlarini ko'rgan hazrati Fotima sababini so'radilar.
Hazrati Ali tushuntirdilar dedilarki
" Borib otamga ayting: Allohni ruhim bilan, Payg'ambarni qalbim bilan, Fotimani nafsim bilan, Bolalarimni shavqatim bilan sevaman "
Payg'ambarimiz (S.A.V) javobni eshtib tabassum qilib shunday dedilar :
" Ey Ali keltirgan guling payg'ambarlik daraxtidan uzilgandir. Javobingdan Fotimaning isi kelyapti"


https://t.me/Ramazon

Agar sen yaxshi ko’rgan narsangda Alloh davomli qilishini hohlasang, o’zing ham Alloh yaxshi ko’rgan narsada davomli bo’l..


https://t.me/Ramazon

МАСЛАҲАТ

Худойимга солиб кетавер,
Манзилингга тезроқ етасан.
Кўрмаганга олиб кетавер,
Кўрмагандай бўлиб кетасан.

© Иқбол Мирзо

https://t.me/Ramazon