St.Paul's Hospital Millennium Medical College
22.1K subscribers
3.67K photos
39 videos
23 files
583 links
St. Paul's is a leading public hospital and medical college in Addis Ababa, Ethiopia.
Download Telegram
በኢትዮጵያ ሐኪሞች ሳምንት የሐኪሞቻችንን ከራስ በላይ ያለፈ ተግባር የምንዘክርበት ነው፡፡ ሐኪሞቻችንን እናመሰግናለን የምንልበት ወቅት ነው፡፡በዚህ ዙሪያ የአርትስ ቲቪ ጋዜጠኛው መላኩ ብርሀኑ ለ “እናመሰግናለን” ቃላት አቅም ያጡብኛል በማለት የጻፈውን አንብቡለት፡፡ መልካም የሐኪሞች ሳምንት!
ለ “እናመሰግናለን” ቃላት አቅም ያጡብኛል!
በምንችለው ነገር የሚመጣን ሁሉ ለመቋቋም ዝግጁነትም ጉልበትም ሊኖረን ይችላል። በማንችለው ነገር የሚመጣብን ግን ሁሌም ቢሆን እኛን የሚያሸንፍበት ቀዳዳ ይሰፋለታል። እውነቱን ለመናገር ኢትዮጵያውያን ላይ የኮቪድ ወረርሽኝ የመጣብን ልንለውጠው በማንችለው ስስ ጎናችን በኩል ነው። ሰፊና ቶሎ ሊጠብብ የማይችል ስስ ስስ ጎናችን አብሮነት እና ማህበራዊ ህይወታችን ነው።
ኢትዮጵያውያን ህይወታችን በማህበር የሚመራ ዜጎች ነን። ብቻችንን ህይወት መምራት ብንሞክረው የሚከብደን ብቻ ሳይሆን ብንጀምረው እንኳን በምንኖርበት ማህብረሰብ ዘንድ የሚያነውረን ነው። እያንዳንዳችን ከውልደት እስከሞት ያለ ጉዟችን የማህበረሰቡ እጅ ያለበት ነው።ወደዚህች አለም ለመምጣት ከእናታችን ማህጸን ጋር ግብግብ ስንገጥም የጎረቤትና የአካባቢ ሰዎች በ “ማርያም ማርያም” ልመና እና በደማቅ እልልታ ይቀበሉናል። በ”ያሳድግህ፣ ያሳድግሽ” ምርቃት “ቱፍ ቱፍ” ተብሎብን በማህበረሰቡ ፊት እናድጋለን። በጎረቤት እና አካባቢ ሰው “ጎሽ ጎሽ” ማበረታታት እና በ “ተው ልጄ” ምክር ባህሪያችንን አጎልብተንና አርቀን ለቁምነገር እንደርሳለን። በዚሁ ባሳደገን ህዝብ ፊት በእልልታ እና በሆታ ፣ በምርቃት እና በአጀብ ተሰርገን ቤተሰብ ለመመስረት እንበቃለን። ዘመን ተራው ደርሶ ይህችን አለም ስንሰናበትም በህዝብ አጀብ፣ ዋይታ እና እዬዬ እንሸኛለን። ከሰልስት እስከአርባ ታስበን፣ ሙት አመታችን ተዘክሮ ነው የህይወታችን ምዕራፍ የሚቋጨው። ኢትዮጵያዊነታችን የዚህ ሁሉ ስብስብ ፣ አንድነት፣ ህይወትን በአብሮነት የመካፈል እና ኑሮን በጋራ የመምራት ውጤት ነው። ብቻችንን ምንም ነን።
ኮቪድ የመጣብን በዚህ ነው። በደስታም በሃዘንም ጊዜ ብቻችንን እንድናሳልፍ፣ የየዕለት ህይወታችን አካል ከሆነው ማህበረሰብ እንድንራራቅ፣ ማህብራዊ ህይወት እንድናቆም ሊያስገድደን ጥርሱን ስሎ የመጣብን በሽታ ነው። ውልደት፣ ክርስትና፣ በዓላት፣ ሰርግ፣ ሞት እኒህ ሁሉ እንደባይተዋር ለብቻ እንዲታለፉ የሚፈልግ ለእኛ ከባድ ፈተና ነው ኮቪድ። እጅግ ከባድ ነው! ከበሽታውም በላይ ለእኛ ጎጂው፣ በጣም ከባዱ እና የማይገፋው አሳር ይኼው ነበር !። በዚህ ላይ ደግሞ ችግራችንን ተካፍለንና ተጋግዘን እንጂ ብቻችንን የማንዘልቅ ፣ የመጣውን መርግ በአቅም መቋቋም የማንችል ድሃ ህዝቦች ነን። ይህም ሌላው በቡሃ ላይ ቆረቆራችን ነው።
ይህንን ዘመን እንዴት እና በምን ሁኔታ እናልፈው ይሆን ? ማንስ ነው ከዚህ በማንችላቸው ጎኖቻችን ሰርጎ ከገባብን መርገምት ለማዳን ከፊት ሆኖ የሚዋጋልን? እንዴትና በማን “አይዞዟችሁ” ባይነትስ ይህንን ፈተና እናልፈው ይሆን? ይህ ነበር የሁላችንም ጭንቀት። እናም ሸክሞቻችንን ለሁለት ከፍለን ፣ ለሁለት አካላት ወርውረን ቁጭ አልን።ለፈጣሪ እና ለህክምና ባለሙያዎቻችን!!
እነሆ ጧት ማታ በጸሎት ፈጣሪን ስንለምን መሬት ላይ ደግሞ አደራ የሰጠናቸው የህክምና ባለሙያዎች ሁላችንንም ለማዳን የገቡትን ቃል ጋሻ አድርገው ተነሱ። እንደራሳቸው ወንድሞች፣ እናቶቻቸው፣ አባቶቻቸው፣ ልጆቻቸው ቆጥረውን ህይወታቸውን አደጋ ላይ ጥለው ጦርነቱን ከፊት ቆመው ተጋፈጡልን። ለብዙ ወራት ተዋጉ። ቤታቸውን ሳያዩ ፣ ልጆቻቸውን ሳይጎበኙ፣ ኑሯቸውን መላ መላ ሳይሉ፣ ደህና ዋሉ ብለው አንዴ እንደወጡ የኛኑ የሞት ስጋት እና ፍርሃት ለመከላከል ውጪ ከረሙ…በቀዝቃዛ ወለል ላይ እየተኙ ብዙ ጊዜም እንቅልፍ በአይናቸው ሳይዞር ለቆሙለት ዓላማ እስከመጨረሻው ተፋለሙ። እነዚህ የዘመናችን ወቶ አደሮች እኛን ቤታችን አስቀምጠው እነርሱ ውጊያውን ኖሩበት። ብዙዎች በዚህ ክቡር ሙያ ላይ ሆነው ሲታገሉ ራሳቸው አለፉ። ብዙዎች ለማይጠገን ቁስል ተዳረጉ። ብዙዎች የሚወዷቸውን ልጆቻቸውን ሳያዩ ተሰናበቱ። ብዙዎች ህይወታቸው ተናጋ !!
እነሆ ያ አስከፊ፣ አስፈሪ፣ ተስፋ አስቆራጭ፣ብዙዎቻችንን መሸሻ መጠጊያ ያሳጣን ፣ በተለይ በድህነት አቅማችን የማንችለው መሆኑ ያስበረገገን እና በአብሮ መኖራችን ላይ ጥርሱን አግጥጦ የመጣ ኮቪድ በፈጣሪ እርዳታ እና በነዚህ እንቁ ልጆቻችን የህይወት መስዋዕትነት በከባድ ምት ከውጊያ አውዱ አፈገፈገ። የዘመኑ ድንቅ ጀግኖች አሁንም እስከወዲያኛው ስጋታችንን ሊሸኙት የጦር ቀጠናው ላይ ቢሰለፉም ቢያንስ ጥቂት እፎይታ አገኙ። አሁን እንደፈጣሪ ፍቃድ እና እንደነዚህ ባለውለታዎቻች ድካም ሆኖ ያ አስፈሪ ጨለማ ፈገግ ብሏል። እየተጠነቀቅን ማህበራዊ ህይወታችንን ቀጥለናል። ራሳችንን እየጠበቅን እሴቶቻችንን ዳግም አግኝተናቸዋል። የማንችለው ብቸኝነት በብዙ ሞክሮን ተሸንፎ አብሮነታችን ካፈገፈገበት ዳግም ወደቦታው ተመልሷል።
እንኳን ደስ ያለን!! ለዚህ ክብር ላበቁን፣ ሞተው ላኖሩን፣ ቀን ላስቀጠሉን፣ ራሳቸውን ያለስስት ለሰዉልን፣ ከከባድ አደጋ ጋር ተጋፍጠው ይህንን ቀን ላሳዩን ለነዚህ ጀግና የኢትዮጵያ የህክምና ባለሙያዎች በሙሉ የአክብሮት ምስጋናዬ ይድረሳቸው!! ክብራችን ናቸው!
በቅርብ ውሏቸውን እንደሚከታተል ጋዜጠኛ ፣ በጦርሜዳው ውስጥ ታሪክ የማይረሳው ጀብዱአቸውን ተከታትሎ ሲዘግብ እንደቆየ የሚዲያ ሰው ለነዚህ ምርጥ ኢትዮጵያውያን ምስጋና ለማቅረብ ቃላት አቅም ያጡብኛል ! አንደበት ይሰንፍብኛል!! በአንድ ቃል ብቻ “እናመሰግናለን!” እላቸዋለሁ። ላሉት ቀሪ ውለታቸውን ደግሞ አምላክ በቁም ይክፈላቸው!! በውጊያ ቀጠናው ለእኛ መዳን ሲሉ ለተሰዉ ባለሙያዎች ሁሉ ነፍሳቸውን ይማር! ታሪክ በደማቅ ቀለም ሲዘክራቸው ይኖራል!!
እንደገና የልጆቼ እናት እንድሆን ለረዱኝ ሐኪሞች ምሥጋና ለማቅረብ የሚበቁ ቃላት የሉኝም። ( የሺእመቤት ደመቀ)
----------------------------------------------------------------------
ጊዜው ከሁለት ዓመት በፊት ነው፤ ቦታው በቅዱስ ጳውሎስ ሆስፒታል የቀዶ ሕክምና ክፍል፤ ተጨንቄያለሁ፣ ነጭ ጋዎን የለበሱ ዘለግ ያለ ቁመና ያላቸው ሀኪም ስሜን ጠሩና ሠላምታ ሰጡኝ፣ ትህትናና ፈገግታቸው ጭንቀቴን ቀለል አደረግልኝ፤ እያወሩኝ ከቆዩ በኋላ "የሺመቤት አሁን ምላስሽን አሳይኝ ስልሽ እንደቅድሙ ታሳይኛለሽ" አሉኝ እሺ አልኩና ትዕዛዛቸውን ለመፈፀም ተዘጋጀሁ።

ወዲያውኑ "የሺመቤት... የሺመቤት" ስሜ ሲጠራ ምላሴን ለዶክተር ላሳይ .... ዓይኔን ገለጥኩ፣ ሕመም ተሰማኝ ቀዶ ሕክምናው ተጠናቋል። ለእኔ ቅፅበት በምትመስለኝ ባላወቅኳት ጊዜ እነ ዶክተር ጤናዬ እንዲመለስ፣ እስትንፋሴ ቀጥሎ እንደገና የልጆቼ እናት እንድሆን ለከፈሉት ዋጋ ምስጋና ለማቅረብ የሚበቁ ቃላት የሉኝም።

ከተሜና ገጠሬውን፣ ሀብታምና ድሀውን፣ ፅዱና አዳፋ ለባሹን፣ ቁስሉን፣ ደሙን፣ ሌላም ሌላውን.... ፊታቸው ቅጭም ሳይል ሳይጠየፉ .... ከማለዳ እስከ ሌሊት ሲታትሩ፤ ወንበር ላይ ተኮራምተው ሲያድሩ ለተመለከትኳቿው፤ እና ደግሞ ይህን የሚመጥን ክፍያ፣ ዋጋ፣ ክብር ላላገኙት፣ ላልተዘመረላቸው የአገሬ ሐኪሞች በሁሉን አይነቱ ወገኔ ስም ከፍ ያለ አክብሮትና ምስጋናዬን ማቅረብ እሻለሁ።

አሁንም ዓለምን እየፈተነ ያለው ኮቪድ-19 በአገራችን ከተከሰተ ጀምሮ ቤቴ፣ ትዳሬ፣ ልጆቼ፣ እናቴ አባቴ ሳይሉ ለወገናቸው ሲሉ ሕይወታቸውን ጭምር እየከፈሉ ለሚገኙት የኢትዮጵያ ሐኪሞች "እጅግ ከፍ ያለ ምስጋናና ክብር ይገባችኋል "! አይዟችሁ ኢትዮጵያ ውለታችሁን አትረሳም ትከፍላችኋለች።
የሺእመቤት ደመቀ
የዜና ኤዲተር
ፎረንሲክ እና ቶክሲኮሎጂ ትምህርት ክፍል ምን ይሰራል?
1. የአስከሬን ምርመራ አገልግሎት መስጠት፡፡ ዉጤቱ ተተንትኖ በ ሁለት ሳምንት ዉስጥ ለሚመለከተዉ አካል መስጠት፡፡
2. የፆታዊ ትንኮሳ ጉዳቶችን ፖሊስ በጠየቀዉ ጥያቄ መሰረት በመመርመር እና በማብላላት መረጃዉን ለሚመለከተዉ አካል ማሳወቅ፤
3. የእድሜ ምርመራ በማድረግ ዉጤቱን ለህግ አካላት ማድረስ፤
4. የፍትህ አካላት የተቀበሩ አስከሬኖችን የሞታቸዉ መንስዔ ሲጠይቁን የ “ዲኤንኤ” (DNA) ናሙናን ለመሰብሰብ በቦታዉ ሄዶ በመገኘት በመመርመር እና የተገኘዉን ዉጤት ለጠያቂው አካል ማቅረብ፡፡
5. የተፈጥሮ ወይም የሰዉ ሰራሽ የጅምላ ግድያ አደጋዎች በሰዎች ላይ ሲከሰቱ ከቦታዉ ድረስ በመገኘት መመርመር እና የተገኘዉን ዉጤት ለህግ አካላት መስጠት፤
6. በሰዎች ላይ በመኪና አደጋ በሰዉ ወይም በግንባታ ምክንያት የደረሱ ጉዳቶችን የጉዳቱን መጠንና ዓይነት በመለየትና በመመርመር ዉጤቱን ለሚመለከተዉ መስጠት
7. ለመንገድ ጉዞ እንዲመች ወደኛ የመጡ አስከሬኖችን በማድረቅ ወደተለያዩ የዓለማችን ክፍሎች በአየር ወይም በመንገድ ትራንስፖርት እንዲጓዙ የማመቻቸት ስራ መስራት፤
8. በተደረገልን ሕጋዊ ጥሪ መሰረት ወንጀል ወይም ግድያ የተፈፀመበት ቦታ ድረስ በመሄድ ወይም በመገኘት ለሞት መንስዔ ግኝት ይጠቅም ዘንድ የቦታዉን ሁኔታ መመርመር እና መገንዘብ ወይም (crime scene investigation) ማድረግ፤
9. ፍርድ ቤቶች ሙያዊ ማብራሪያ ሲስፈልጋቸው መስጠት
10. በሜዲካል ኢቲክስ እና የህክምና ስህተቶች ጋር የተያያዙ ማንኛዉንም ጉዳዮችንበመለየት ለፍትህ አካላት መረጃ መስጠት፡፡
11. የተመረመሩ የዉጭ ወይም የሃገር ዉስጥ አስከሬኖችንባለቤት እስኪመጣ ድረስ በፍሪጅ
ማቆየት

ምን ታቅዷል?

1. እስከ አሁን በአገሪቱ ደረጃ የለለዉን የፎረንሲክ የስነ-ምረዛ ላብራቶሪ የሚያሰፈልጉ እቃዎችን ባስቸኳይ በማሟላት በቂ የተማረ የሰዉ ኃይል ስላለን አስፈላጊዉን አገልግሎት ለመጀመር በዝግጅት ላይ ነን፡፡ ዝግጅታችን የአልኮል መመረዝ እና የተለያ የመመረዝ ሁኔታዎችን መለየት ፣ የ “ዲኤንኤ” (DNA) ምርመራ ማድረግ እና መሳሰሉትን ያጠቃልላል፡፡
2. የፎርንሲክ አገልግሎት ላይ ዉስን ቦታዎች ላይ ብቻ አገልግሎቱ ስለሚሰጥ አገልግሎቱን በተለያዩ ዩኒቨርስቲዎች እንዲጀመር እና እንዲስፋፋ ማገዝ
3. የ “Fitness certificate” ወይም የተለያዩ የ አካል ብቃት ማረጋገጫ እና ሌሎችን አገልግሎቶች ለመጀመርም በዝግጂት ላይ እንገኛለን፡፡
የረጅም ጊዜ እቅዳችን ደግሞ በዋናነት እና በግንባር ቀደምነት የስራ ክፍላችን ራሱን የቻለ ተቋም ማለትም በሃገራችን ብሎም በምስራቅ አፍሪካ ግንባር ቀደም የፎረንሲክ እና ስነ-ምረዛ ትልቅ ሃገራዊ ኢንሰቲቱት ወይም ተቋም እንዲሆን ማድረግ ነዉ፡
በቅዱስ ጳውሎስ ሆስፒታል ሚሊኒየም ሕክምና ኮሌጅ
የፎረንሲክ እና ሥነ-ምረዛ ትምህርት ክፍል
ለተጨማሪ ማብራረሪያ
ስልክ-0935665292
“A hero is somebody who is selfless, who is generous in spirit, who just tries to give back as much as possible and help people. A hero to me is someone who saves people and who really deeply cares.” This is a quote taken from Deborah A. Mazaar, a renowned Hollywood actress who impersonates “HEROES” in her films. I believe this quote narrates the life of true heroes, physicians who are selflessly serving their patients in this pandemic. It is indeed the real description of “HEROES” who chose to prioritize their patients’ needs over their own wellbeing, family and mental health. It is indeed “Service above Self “ to set aside one’s comfort, physical pain and fatigue to help and deeply care for others. This is a witnessed truth of our colleagues who fought COVID 19 with their full might and dedications. They will indeed be commemorated as “HEROES” who sacrificed themselves to the greater good of saving patients’ lives.

Rahel A.Kebede(MD,PCCM)

Secretary of Ethiopian Thoracic Society

#ServiceAboveSelf
#EthiopianlDoctorsWeek
#SPHMMCDoctorsWeek
የዓለም የጤና ድርጅት አፍሪካ በሦስተኛ ዙር ከባድ የሆነ የኮቪድ-19 ወረርሽኝ ስጋት ላይ እንደምትገኝ አስታወቀ፡፡ ለዚህም በዋናነት በአህጉሪቱ አዳዲስ እና ፈጣን የቫይረሱ ዝርያዎች መስፋፋታቸውን በምክንያትነት አንስቷል፡፡

የዓለም የጤና ድርጅት አራት አሳሳቢ የሆኑ የኮቪድ-19 የቫይረስ አይነት ለይቷል፡፡ እነሱም አልፋ ፣ ቤታ ፣ ጋማ እና በጣም ተላላፊና ተለዋዋጭ ባህሪ ያለው ዴልታ ናቸው፡፡
የዴልታ ለመጀመሪያ ጊዜ ከተገኘው ከአልፋ ቫይረስ አይነት ከ 40 እስከ 60 በመቶ የበለጠ ተላላፊ መሆኑን ጥናቶች ያመለክታሉ፡፡

ዴልታ ቫርያንት ኦፍ ሳርስ ኮቨ-2 የተሰኘው የኮቪድ-19 ቫይረስ ስርጭት ከ100 በሚበልጡ ሀገሮች መገኘቱ የዓለም የጤና ድርጅት አሳውቁዋል፡፡

ክትባቱን እየተሰጠ ቢሆንም የኮቪደ-19 ክልከላዎችን ማንሳት እና መከላከያ መንገዶችን በአግባቡ አለመተግበር ለከፋ የወረርሽኝ ማዕበል ሊያጋልጥ እደሚችል አሳስቧል ፡፡

ምንጭ: EPHI
የህጻናት የደም ማነስ (Anemia) ምንድነው?

የደም ማነስ ማለት ምን ማለት ነው?

የደም ማነስ ማለት በሰውነታችን ዉስጥ ያለው የቀይ የደም ህዋስ መጠን ወይም ቁጥር መቀንስ ማለት ነው::
የደም ማነስ የሚለካውም የሄሞግሎቢን/ሄማቶክሪት በሚባል የደም ምርመራ ልኬት ነው፡፡ አንድ ሰዉ ሄሞግሎቢን/ሄማቶክሪት በላብራቶሪ ተለክቶ በእድሜ እና በፆታው ከሚጠበቀው ቁጥር የቀነሰ ሆኖ ከተገኘ የደም ማነስ አለበት ማለት ይቻላል፡፡

የህጻናት ደም ማነስ መንስኤዎቹ ምንድናቸው?

የህጻናት ደም ማነስ ዋና ዋና መንስኤዎቹ የሚከተሉት ናቸው፡፡

1. አጠቃላይ የምግብ እጥረት ወይም የምግብ ጉዳት ካላቸው
2. ህፃናት ሰውነታቸው ዉስጥ ያለው ማእድናት እጥረት ካለ በተለይ ደሞ የብረት(Iron) የፎሊክ አሲድ እና የቫይታሚን ቢ 12 መጠን ዝቅተኛ ከሆነ፡፡በተለይ ደሞ ከ6 ወር ጀምሮ በቂ የሆኑ እና በውስጣቸው በብዛት የብረት ማዕድን ያላቸዉን ተጨማሪ ምግቦችን ካላገኙ::(ለምሳሌ: የእህል ዘሮች ቀይ ስጋ እንቁላል ወተት እና የመሳሰሉት)ጻናት በተለይ ደሞ ፈጣን እድገት ስላላቸው ብዙ የብረት ማእድን ያስፈልጋቸዋል ይሄንን ብረት ማዕድን በበቂ መጠን ካላገኙ ለደም ማነስ ተጋላጭ ይሆናሉ
3. የደም መፍሰስ ችግር (በ አደጋ ወይም በበሽታ)
4. የላም ወተት አብዝቶ መጠቀም በተለይ ከ አንድ ዓመት በታች ያሉ በቀን ከ 500- 600 ሲሲ. በላይ የሚወስዱ ከሆነ አንጀታቸው ላይ በሚከሰት መቆጣት እና መድማት የደም ማነስ ልከሰትባቸው ይችላል::ስለዚህም ከአንድ ዓመት በታች ያሉ ህፃናት የላም ወተት ባይወስዱ ይመከራል፡፡
5. በተፈጥሮ የብረት ማእድን ከሰውነት ጋር ያለው ውህደት አነስተኛ መሆን(Malabsorbtion)
6. የአንጀት ዉስጥ ጥገኛ ትላትል (parasite)
7. ረጅም ጊዜ የሚቆዩ በሽታዎች (Anemia of Chronic illness)
8. የመቅኔ መድከም(Aplastic Anemia and bone marrow failure )ይህም የቀይ ደም ህዋስ ምርት መቀነስ ያመጣል፡፡
9. የደም ካንሰር፡፡
የደም ካንሰር በራሱ መቅኔን(Bone marrow) በማድከም በተመሳሳይ መልኩ የቀይ ደም ህዋስ ምርት በመቀነስ የደም ማነስ ያመጣል ::
10. የቀይ የደም ህዋስ የአፈጣጠር ችግሮች

የህጸናት ደም ማነስ ምልክቶች ምንድናቸው?
 ምግብ ፍላጎት መቀነስ
 የሰውነት መቀንጨር
 ራስ ማዞር
 የድካም ስሜት
 የላብ መብዛት
 የሰውነት መገርጣት
 የባህሪ መቀየር እና መነጫነጭ
 የራስ ምታት
 የልብ ድካም

የህጸናት ደም ማነስ መፍትሔ

 አይረን ያላቸውን ምግቦች በብዛት መመገብ፡፡ ለምሳሌ ቀይ ስጋ፣ጉበት፣ከእህል ዘሮች ባቄላ፣ አተር፡፡ ከአረንጓዴ ተክሎች ጎመን፣ቲማቲምፓፓዬ እና ሌሎችም ይጠቀሳሉ፡፡
 ሕጻኑ የላም ወተት አየወሰደ ከሆነ መቆምና በቆርቆሮ ወተት መቀየር፡፡

 ለተጨማሪ መረጃ ሐኪምን ማናገር ይበጃል፡፡
ዶ/ር ፋሲል መንበረ (በቅዱስ ጳውሎስ ሆስፒታል ሚሊኒየም ሕክምና ኮሌጅ የሕፃናት ስፔሻሊስት ሐኪም እና ረዳት ፕሮፌሰር)
SPHMMC is proud to participate in #WorldMaskWeek with@pandamicAction. Wear a mask to protect others. #ThanksforMasking #WorldMaskWeekSPHMMC
እርግዝና እና ሄፓታይተስ ቢ

ነፍሰጡር ከሆንሽ የሄፓታይተስ ቢ ምርመራ ማድረግ አለብሽ፡፡
አዎ! ሁሉም ነፍሰ ጡር እናቶች የሄፓታይተስ ቢ ምርመራ ማድረግ አለባቸው፡፡ ነፍሰ ጡር ከሆንሽ ዶክተርሽ የሄፓታይተስ ቢ ምርመራ እንዳደረገልሽ አርግጠኛ ሁኚ:: ልጅሽን ከመውለድሽ በፊት፡፡

የሄፓታይተስ ቢ ምርመራ ለነፍሰጡር እናቶች በጣም አስፈላጊ ነው፡፡
የሄፓታይተስ ቢ ምርመራ ውጤትሽ ፖዘቲቭ ሆኖ ነፍሰጡር ከሆንሽ፤ ቫይረሱ በእርግዝና እና በወሊድ ግዜ አዲስ ወደሚወለደው ህፃን ይተላለፋል፡፡ ሄፓታይተስ ቢ እንዳለብሽ ዶክተሩ ካወቀ በማዋለጃ ክፍል ውስጥ ወደ ልጅሽ እንዳይተላለፍ ተገቢ የሆነ ህክምና ያደርግልሻል፡፡ ተገቢውን ሂደት መከተል ካልተቻለ ልጅሽ ስር በሰደደው ሄፓታይተስ ቢ የመያዝ እድሉ እስከ 95% ይደርሳል፡፡

በሄፓታይተስ ቢ መያዝ ካወቅሽ የሐኪምሽን ምክር መቀበል አለብሽ፡፡
አንቺ በሄፓታይተስ ቢ ስለመያዝሽ ዶክተርሽ ሊውቅ ይገባል፡፡ እንዲያ ከሆነ ክትትል የሚያደርግልሽ ሐኪም ልጅሽ ከተወለደ በኋላ በበሽታው እንዳይያዝ ማድረግ ይችላል፡፡ ሐኪሙ አንቺም ተገቢውን የህክምና ክትትል እንድታገኚ ይረዳሻል፡፡
በሄፓታይተስ ቢ ላይ ስፔሻሊስት ሐኪም ሊከታተልሽም ይችላል፡፡
ልጅሽ በሽታው እንዳይተላለፍበትም የሐኪም ክትትል ያስፈልገዋል፡፡
ሄፓታይተስ ቢ እንዳለብሽ ከታወቀ ደግሞ አዲስ የተወለደው ልጅሽ በማዋለጃ ክፍል ውስጥ እንዳለ ወዲያውኑ ሁለት ክትባት ይሰጠዋል፡፡
• የመጀመሪያው ክትባት የሄፓታይተስ ቢ ክትባት
• አንዱ ክትባት ሄፓታይተስ ቢ ኢሚዩኖ ግሎቡሊን (HBIG)
በመጀመሪያዎቹ 12 ሰዓታት ውስጥ እነዚህ ሁለቱ መድሀኒቶች በትክክል ቢሰጡት አዲስ የተወለደው ህፃና እድሜ ዘመኑን አብሮት ሊኖር ከሚችለው የሄፓታይተስ ቢ ከ90% በላይ ተጠብቆ የመኖር እድል ይኖረዋል፡፡
ቀሪዎቹን ከ2-3 የሚደርሱ የሄፓታይተስ ቢ ክትባቶች በመርሀግብሩ መሰረት ልጅሽ ስለመውሰዱ እርግጠኛ መሆን አለብሽ፡፡ ጨቅላ ልጅሽን ሙሉ በሙሉ ከሄፓታይተስ ቢ ለመጠበቅ ሁሉንም ክትባቶች ማስከተብ ያስፈልጋል፡፡ ሄፓታይተስ ቢ ካለባት እናት የተወለደ ልጅ ሰሮሎጂክ ምርመራ ከ9-12 ወራት ውስጥ በማድረግ ህፃኑ ከሄፓታይተስ ቢ መጠበቁንና አለመያዙን ማረጋገጥ በጣም ጠቃሚ ነው፡፡
ከዚህ በተጨማሪም ህጻናት ሲወለዱ ሄፓታይተስ ቢ ን ለመከላከል የሚያግዘውን ክትባት መከተባቸው የሚመከርና በቀጣይ ሊመጣ የሚችልን ማንኛውም አይነት የህመም ችግርን የመቀነስ እድልን ይፈጥራል፡፡ ለሄፓታይተስ ቢ ተብሎ የሚታዘዘው ቲኖፎቪር ጡት ለሚያጠቡ እናቶች አስተማማኝ ስለመሆኑ መረጃዎች አሉ፡፡
እርግዝና እና ሄፓታይተስ ቢ

ነፍሰጡር ከሆንሽ የሄፓታይተስ ቢ ምርመራ ማድረግ አለብሽ፡፡
አዎ! ሁሉም ነፍሰ ጡር እናቶች የሄፓታይተስ ቢ ምርመራ ማድረግ አለባቸው፡፡ ነፍሰ ጡር ከሆንሽ ዶክተርሽ የሄፓታይተስ ቢ ምርመራ እንዳደረገልሽ አርግጠኛ ሁኚ:: ልጅሽን ከመውለድሽ በፊት፡፡

የሄፓታይተስ ቢ ምርመራ ለነፍሰጡር እናቶች በጣም አስፈላጊ ነው፡፡
የሄፓታይተስ ቢ ምርመራ ውጤትሽ ፖዘቲቭ ሆኖ ነፍሰጡር ከሆንሽ፤ ቫይረሱ በእርግዝና እና በወሊድ ግዜ አዲስ ወደሚወለደው ህፃን ይተላለፋል፡፡ ሄፓታይተስ ቢ እንዳለብሽ ዶክተሩ ካወቀ በማዋለጃ ክፍል ውስጥ ወደ ልጅሽ እንዳይተላለፍ ተገቢ የሆነ ህክምና ያደርግልሻል፡፡ ተገቢውን የሕክምና ክትትል ሂደት መከተል ካልተቻለ ልጅሽ ስር በሰደደው ሄፓታይተስ ቢ የመያዝ እድሉ እስከ 95% ይደርሳል፡፡

በሄፓታይተስ ቢ መያዝሽን ካወቅሽ የሐኪምሽን ምክር መቀበል አለብሽ፡፡

አንቺ በሄፓታይተስ ቢ ስለመያዝሽ ዶክተርሽ ሊውቅ ይገባል፡፡ እንዲያ ከሆነ ክትትል የሚያደርግልሽ ሐኪም ልጅሽ ከተወለደ በኋላ በበሽታው እንዳይያዝ ለማድረግ ይችላል፡፡አንቺም ደግሞ ተገቢውን የህክምና ክትትል እንድታገኚ ይረዳሻል፡፡
በሄፓታይተስ ቢ ላይ ስፔሻሊስት ሐኪም ይከታተልሻል፡፡

ልጅሽ በሽታው እንዳይተላለፍበትም የሐኪምክ ትትል ያስፈልገዋል፡፡

ሄፓታይተስ ቢ እንዳለብሽ ከታወቀ ደግሞ አዲስ የተወለደው ልጅሽ በማዋለጃ ክፍል ውስጥ እንዳለ ወዲያውኑ ሁለት ክትባት ይሰጠዋል፡፡
• የመጀመሪያው ክትባት የሄፓታይተስ ቢ ክትባት
• አንዱ ክትባት ሄፓታይተስ ቢ ኢሚዩኖ ግሎቡሊን (HBIG)
በመጀመሪያዎቹ 12 ሰዓታት ውስጥ እነዚህ ሁለቱ መድሀኒቶች በትክክል ቢሰጡት አዲስ የተወለደው ህፃን እድሜ ዘመኑን አብሮት ሊኖር ከሚችለው የሄፓታይተስ ቢ ከ90% በላይ ተጠብቆ የመኖር እድል ይኖረዋል፡፡
ቀሪዎቹን ከ2-3 የሚደርሱ የሄፓታይተስ ቢ ክትባቶች በመርሀግብሩ መሰረት ልጅሽ ስለመውሰዱ እርግጠኛ መሆን አለብሽ፡፡ ጨቅላ ልጅሽን ሙሉ በሙሉ ከሄፓታይተስ ቢ ለመጠበቅ ሁሉንም ክትባቶች ማስከተብ ያስፈልጋል፡፡ ሄፓታይተስ ቢ ካለባት እናት የተወለደ ሕጻኑ ሰሮሎጂክ ምርመራ ከ9-12 ወራት ውስጥ በማድረግ ህፃኑ ከሄፓታይተስ ቢ መጠበቁንና አለመያዙን ማረጋገጥ በጣም ጠቃሚ ነው፡፡
ከዚህ በተጨማሪም ህጻናት ሲወለዱ ሄፓታይተስ ቢ ን ለመከላከል የሚያግዘውን ክትባት መከተባቸው የሚመከርና በቀጣይ ሊመጣ የሚችልን ማንኛውም አይነት የህመም ችግርን የመቀነስ እድልን ይፈጥራል፡፡ ለሄፓታይተስ ቢ ተብሎ የሚታዘዘው ቲኖፎቪር ጡት ለሚያጠቡ እናቶች አስተማማኝ ስለመሆኑ መረጃዎች አሉ፡፡
በአፍሪካ በአንድ ሳምንት በኮቪድ-19 ህይወታቸውን ያጡ ሰዎች ቁጥር ጨመረ
************************
በአፍሪካ በአንድ ሳምንት ብቻ በኮቪድ-19 ወረርሽኝ ምክንያት ህይወታቸውን ያጡ ሰዎች ቁጥር በ43% መጨመሩን የዓለም ጤና ድርጅት አስታወቀ፡፡ ለቁጥሩ መጨመር በዋና ምክንያትነት የተጠቀሱት የድንገተኛ ህክምና መስጫ አልጋዎች እና ኦክስጅን እጥረት በመከሰቱ እንዲሁም ዴልታ የተባለው የቫይረሱ ዝርያም በአህጉሩ መከሰቱን ተከትሎ እንደሆነ የዓለም ጤና ድርጅት አስታውቋል፡፡ ባለፈው ሳምንት ከፍተኛ የሟቾች ቁጥር ካስመዘገቡ ሀገራት ውስጥ ናሚቢያ ፣ ደቡብ አፍሪካ ፣ ቱኒዚያ ፣ ኡጋንዳ እና ዛምቢያ የ83 በመቶውን ድርሻ ይይዛሉ::

የዓለም ጤና ድርጅት ከዚህ ሳምንት ቀደም ብሎ በነበረው ሳምንት በሰሜን አፍሪካ ሀገራት አጠቃላይ ተመዝግቦ የነበረው የሞት መጠን 4384 የነበረ ሲሆን ባለፈው ሳምንት ግን ቁጥሩ ወደ 6294 ከፍ ያለ መሆኑ በተጨማሪም በአፍሪካ የሚገኙ ሆስፒታሎች በኮቪድ-19 ታማሚዎች መሞላቱን የሚያሳይ የማንቂያ ደውል መሆኑን በዓለም ጤና ድርጅት የአፍሪካ ተጠሪ ዳይሬክተር ዶክተር ማትሺዲሶ ሞይቲ ገልጸዋል፡፡

የኮቪድ-19 ወረርሽኝ አሁን ላይ በአፍሪካ አገራት ሦስተኛ ዙር እየተከሰተ ሲሆን ይህም ችግር ኢትዮጵያን ጨምሮ በሌሎች የአፍሪካ አገራት ላይ ከፍተኛ ስጋትን ስለፈጠረ ሕብረተሰቡ የኮቪድ-19 የመከላከያ መንገዶችን በአግባቡ እንዲተገብር የኢትዮጵያ የሕብረተሰብ ጤና ኢንስቲትዩት አሳስቧል።
July 18, 2021

Notice for those applicants  who were taking the interview session
  to join Doctor of Medicine at NIME Schools Ministry of Health at (Yekatit 12 Hospital college ,  Adama University and Yirgalem University.

Please find the list ( (Click here ) containing yor final result of and status (Accepted or Not Accepted). (Click here...)

or visit SPHMMC's website. (www.sphmmc.edu.et)
ሄፓታይተስን መከላከል እና ክትባት

ሄፓታይተስ ቢ በደም ውስጥ በሚሰራጭ ቫይረስ አማካይነት የሚመጣ ተላላፊ በሽታ ነው፡፡ ሄፓታይተስ ቢ ወደ ሌላ ሰው የሚተላለፍባቸው ዋና ዋና መንገዶች የሚከተሉት ናቸው፡፡
• በቫይረሱ ከተያዘ ደም አሊያም የሰውነት ፈሳሽ ጋር በሚደረግ የቀጥታ ግንኙነት
• በእርግዝና ወይም በወሊድ ወቅት ከተያዘች እናት ወደ ሚወለደው ልጅዋ
• ከተያዘ ሰው ጋር በሚደረግ ጥንቃቄ የጎደለው ወሲብ
• መርፌዎችን በመጋራት ወይም ድጋሚ በመጠቀም (ለምሳሌ ያህል ለህገ ወጥ መድሀኒቶች መርፌ መጋራት ወይም በአግባቡ ያልተቀቀሉ መርፌዎችን ለመድሀኒት፣ ለአኩፓንቸር ለንቅሳት፣ ወይም ጆሮንና ሌላ የሰውነት ክፍልን ለመብሳት መጠቀም)
• በአግባቡ ያልተቀቀሉ የህክምና እቃዎች ወይም መርፌዎች ፡ የመንደር መርፊ ወጊዎች እቃዎች፣ የጥርስ ሀኪሞች ወይም የፀጉር አስተካካዮች ጥቅም ላይ ሊውል ይችላል፡፡

ሄፓታይተስ ቢ የማይተላለፍበት ሁኔታ
ሄፓታይተስ ቢ በአየር፣ በመተቃቀፍ፣ በመነካካት፣ በማስነጠስ፣ በማሳል፣ መፀዳጃ ቤት በመጋራትና በበር እጀታን በመንካት አይተላለፍም፡፡ በሄፓታይተስ ቢ ቫይረስ ከተያዘ ሰው ጋር አብሮ በመብላትና በመጠጣት አሊያም ቫይረሱ ያለበት ሰው ያዘጋጀውን ምግብ መመገብ በሽታውን አያስተላልፍም፡፡

በሄፓታይተስ ቢ የበለጠ ሊጠቃ የሚችለው ማነው?
ምንም እንኳን ሁሉም በሄፓታይተስ ቢ የመያዝ የተወሰነ እድል ቢኖረውም፣ የበለጠ የመያዝ እድል ያላቸው ሰዎች ደግሞ አሉ፡፡ ስራቸዎ፣ የአኗኗር ዘይቤያቸው ወይም ሄፓታይተስ ቢ ካለባቸው ቤተሰብ መወለድ በቫይረሱ የመያዝ እድልን ከፍ ያደርጋል፡፡ እነዚህ በብዛት የተለመዱና "ከፍተኛ ስጋት" ያለባቸው ብለን ልንመድባቸው አንችላለለን፡፡ ነገር ግን እነዚህ ግን ሁሉም አለመሆናቸው ልብ ሊባል ይገባል፡፡
• ያገቡ ወይም ሄፓታይተስ ቢ ካለበት ሰው ጋር በቅርበት የሚኖሩ፤ ይህ አዋቂዎችን እና ህፃናትንም ይጨምራል፡፡
• ሄፓታይተስ ቢ በብዛት ባለባቸው ሀገሮች የተወለዱ ሰዎች ወይም ሄፓታይተስ ቢ በብዛት በሚስተዋልባቸው አገሮች (ኤሽያ፣ የአፍሪካ የተወሰኑ ክፍሎች፣ ደቡብ አሜሪካ፣ ምዕራብ አውሮፓ፣ እና መካከለኛው ምስራቅ) የተወለዱ ወላጆች፡፡
• ሄፓታይተስ ቢ በብዛት በሚታይባቸው ሀገራት (ኤሽያ፣ የአፍሪካ የተወሰኑ ክፍሎች፣ ደቡብ አሜሪካ፣ ምዕራብ አውሮፓ፣ እና መካከለኛው ምስራቅ) የሚኖሩ አሊያም ወደዛ የሄዱ ሰዎች፡፡
• ከተለያዩ ሰዎች ጋር ወሲብ የሚፈፅሙ ጎልማሶች እና ወጣቶች
• ከተለያዩ ወንዶች ጋር ወሲብ የሚፈፅም ወንድ
• ከተያዘች እናት የተወለደ ህጻን
• የጤና ባለሙያዎች እና ሌሎች ሰራተኞች ከስራቸው ጋር በተያያዘ በሚገጥማቸው የደም ንክኪ፡፡
• ኤመርጀንሲ ፐርሶኔል
• አደገኛ እፅ ተጠቃሚዎች በሚወጉት መርፌ
• የሚነቀሱ እና ሰውነታቸውን የሚበሱ ሰዎች
• ተጠጋግተው ባሉ ቤቶች የሚኖሩ ነዋሪዎች፣ ተቋማት ወይም በጋራ በሚጠቀሙባቸው ነገሮች፡፡


የሄፓታይተስ ቢ ክትባት
የሄፓታይተስ ቢ ክትባት ለሁሉም ጨቅላ ህፃናትና እድሜያቸው እስከ 18 ዓመት ለሆናቸው የሚመከር መሆኑን አለም አቀፉ የጤና ድርጅትእና በአሜሪካ ያለው በሽታን የመከላከልና የመቆጣጠር ማዕከል አሳውቀዋል፡፡ በአሜሪካ ያለው በሽታን የመከላከልና የመቆጣጠር ማዕከል ከፍተኛ ስጋት ያለባቸው ቡድኖች ውስጥ ያሉ ጎልማሶች መከተብ እዳለባቸው ይመክረል፡፡
የሄፓታይተስ ቢ ክትባት አስተማማኝና ውጤታማ ሲሆን ይህም ለተወለዱ ጨቅላ ህፃናት በሙሉ እና አድሜያቸው እስከ 18 ኣመት ለሆናቸው ልጆች ይሆናል፡፡ የሄፓታይተስ ቢ ክትባት ስኳር ላለባቸው ጎልማሶች እና ከስራ ባህሪያቸው ጋር በተያያዘ፣ የአኗኗር ዘይቤያቸው፣ የኑሮ ሁኔታቸው፣ እና በተወለዱበት አገር የመያዝ እድላቸው ከፍ የሚል ከሆነ ይመከራል፡፡ ሁሉም የመያዝ ስጋት ቢኖርበትም፣ ሁሉም ጎልማሶች አደገኛ የሆነውን የጉበት በሽታ በዘላቂነት ለመከላከል የሄፓታይተስ ቢ ን ክትባት መውሰድ አለባቸው፡፡ የሄፓታይተስ ቢ ክትባት አስተማማኝ እና ውጤታማ ነው፡፡

ማስታወስ ያለብን ነገር በቫይረሱ ከተያዘች እናት የተወለደ ህፃን በመጀመሪያዎቹ 12 ሰዓታት ውስጥ የመጀመሪያውን ክትባት ማግኘት አለበት፡፡
• 1ኛው ክትባት- የተወለደው ህፃን በተወለደበት ክፍል እንዳለ ሊሰጠው ይገባል
• 2ኛው ክትባት- 1ኛው ክትባት ከተሰጠው ከአንድ ወር (28 ቀናት) በኋላ
• 3ኛው ክትባት- ከስድስት ወራት በኋላ የመጀመሪያው ክትባት ከተሰጠው (ወይም ቢያንስ ከ2 ወራት በኋላ 2ኛው ክትባት ከተሰጠው)
የግዴታ 16 ሳምንታት መኖር የግድ ነው፣ በ1ኛውእና በ3ኛውክትባት፡፡ የክትባት መርሀ ግብሩ ከተቋረጠ፣ ከታዘዘው በላይ መውሰድ ተገቢ አይደለም፡፡ ካቆሙበት መጀመር ይቻላል፤ ምንም እንኳን በርካታ ዓመታት ቢቆጠሩም፡፡
ከሄፓታይተስ ቢ ራስዎን የጠበቁ ስለመሆንዎ እርግጠኛ ለመሆን ቀላል የደም ምርመራ በማድረግ “የሄፓታይተስ ቢ አንቲቦዲ ምርመራ” (HBsAb) ክትባቱ ስኬታማ ስለመሆኑ ማረጋገጫ ማግኘት ይቻላል፡፡

ከሄፓታይተስ ቢ ራሴን ለመጠበቅ ሌላ ማድረግ ያለብኝ ነገር ምንድን ነው?
ሄፓታይተስ ቢ የሚተላለፈው በተበከለ ደምና በተበከለ የሰውነት ፈሳሽ ስለሆነ፤ ክትባቱ እስከሚያልቅ ድረስ ሊከሰቱ ከሚችሉ መያዞች ራስዎን ለመጠበቅ ሊያደርጓቸው የሚገቡ ቀላል ተግባራት አሉ፡፡
• በቀጥታ ደምንም ሆነ የሰውነት ፈሳሽን ከመንካት መቆጠብ ያስፈልጋል፡፡
• ከወሲብ አጋርዎ ጋር ኮንዶም ይጠቀሙ፡፡
• ህገ ወጥ የሆኑ መድሀኒቶችን እና የተሳሳተ የመድሀኒት ትዕዛዝን ከመጠቀም እንዲሀም ከመወጋት መቆጠብ ያስፈልጋል
• ስለታም የሆኑ ነገሮችን ለምሳሌ እንደ ምላጭ፣ የጥርስ ቡርሽ፣ የጆሮ ኩክ ማፅጃ፣ እና የጥፍር መቁረጫ በጋራ መጠቀምን ማስወገድ ያስፈልጋል፡፡
• ለህክምና፣ ለጥርስ ህክምና፣ ለደረቅ መርፌ ህክምና፣ ለንቅሳት፣ እንዲሁም ጆሮን እና ሌላውን የሰውነት ክፍል ለመብሳት የተቀቀሉ መርፌዎችንና ሌሎች መገልገያዎችን መጠቀማችንን እርግጠኛ መሆን አለብን፡፡
• የፈሰሰ ደምን ለማፅዳት ጓንት ማድረግ እንዲሁም ያልቆየና ንፁህ ውሀ መጠቀም ያስፈልጋል፡፡
• ደም ከነኩ ወይም ካፀዱ በኋላ እጅን በውሀና በሳሙና በሚገባ መታጠብ ያስፈልጋል፡፡
• ከምንም በላይ የሄፓታይተስ ቢ ን ክትባት መውሰድዎን እርግጠኛ ይሁኑ!
የልጆች ቆረቆር በሽታ መፍትሄው ምንድነው?
ቆረቆር ( Tinea capitis) ማለት የጭንቅላት ቆዳ የላይኛው ሽፋን የፈንገስ ኢንፌክሽን ሲያጋጥም ማለት ነው ፡፡በዓለም ላይ በተደረጉ ጥናቶች ከሁሉም አይነት የቆዳ የፈነገስ በሽታዎች ቆረቆር ቀደሚ ነው፡፡በተለይ ደሞ ዕድሜያቸው ትምህርት ቤት የገቡ ህፃናትን(school age) እና ጉርምስና ላይ ያልደረሱ (Prepubertal) ታዳጊ ልጆችን የበለጠ ያጠቃል ፡፡

ይህ የቆዳ ችግር Trichophyton tonsurans Microsporum audouinii, Zoophilic Microsporum canis በሚባሉ የፈንገስ አይነቶች አማካኝነት የሚመጣው ነው::ከሌሎች የቆዳ በሽታዎች ይልቅ በጣም ተላላፊ ነው፡፡ በዚህም ምክንያት ልጆች በቀላሉ ከትምህርት ቤት ጓደኛቸው ሊተላለፍባቸው ይችላል ::
 ታክመው ሙሉ ለሙሉ ከጠፋም በዋላ ድጋሚ ሊይዛቸው ይቺላል፡፡
 ድመቶችና ውሾች ሳይታወቅባቸው ይህን በሽታ ወደ ሰዉ ሊያስተላልፉ ይቺላሉ:

የቆረቆር ምልክቶች
 ትንሽ ክብ መሳይ እና ቅርፊት ያለው እባጭ
 ቁስሉ ሙሉውን በሰፋ ጊዜ ነጣ ይልና እንደ ቀለበት ክብ ይሰራል፡፡ዙሪያውን ደግሞ ዳርቻ ይኖረዋል፡፡
 ሲሰፋ ወደፊት ቆዳም እና የዓይን ሽፋሽፍት ሊመጣ ይችላል፡፡
 በተወሰነ ቦታ ያለ የጸጉር መመለጥ( በተለይ የቆየ ከሆነ )
 መሳከክና መቅላት
 አንዳንድ ጊዜ የባክቴርያ ተጨማሪ ኢንፌክሽን ካለው፣ በጣም ሊያብጥና ፈሳሽ ሊኖረው ይችላል፡፡

መከላከያው
 የቆረቆር ምልክት ካለበት ሰው ጋር ንክኪ መቀነስ
 የሌላውን ሰው ትራስ ፣ልብስ ፣ ፎጣ ኮፍያ ፣ ማበጠሪያ እና የጸጉር ቡሩሽ አለመጠቀም
 ድመቶችና ውሾች ሳይታወቅባቸው ይህን በሽታ የሚያመጡትን ሕዋሳት በጸጉራቸው ላይ ሊኖር ስለሚችል ንሕናቸውን መጠበቅ እና ማስከተብ
ሕክምናው ምንድነው?
 ቁስሉ ባለበት ቦታ ላይ የበቀለውን ጸጉር መላጨት፣መቁረጥ እና በአግባቡ በሳሙና በሳምንት ከ2-3 ጊዜ መታጠብ፡፡
 የፈንገስ ኢንፌክሽን የሚያጠፉሻምፖዎችን በሳምንት ከ2-6 ጊዜ መጠቀም፡፡
 በሐኪም የታዘዙ ፈንገስን የሚያጠፉ መድሓኒቶችን መጠቀም፡፡
 ሕክምናው ከ6-8 ሳምንት ሊፈጅ ይችላል፡፡

ዶ/ር ፋሲል መንበረ
(በቅዱስ ጳውሎስ ሆስፒታል ሚሊኒየም ሕክምና ኮሌጅ የሕፃናት ስፔሻሊስት ሐኪም እና ረዳት ፕሮፌሰር)