St.Paul's Hospital Millennium Medical College
22.1K subscribers
3.66K photos
39 videos
23 files
583 links
St. Paul's is a leading public hospital and medical college in Addis Ababa, Ethiopia.
Download Telegram
የነርቭ ሥርዓት ጤና አጠባበቅ

የሰው ልጅን ሙሉ እንቅስቃሴ፣ አስተሳሰብና ስሜት በመቆጣጠር ረገድ የነርቭ ሥርዓት የሚጫወተው ሚና እጅግ የላቀ ነው።
አንጎልን፣ የአከርካሪ አጥንትን እና መላው የሰውነት ነርቮችን ያካተተው ይህ ሥርዓት፣ መልእክቶችን ከአእምሮ ወደ ተለያዩ የሰውነት ክፍሎች በማስተላለፍ የሰውነትን ተፈጥሯዊ ሚዛን ይጠብቃል ።

ለነርቭ ሥርዓት መዛባትና ጉዳት የዘረ-መል ተጽዕኖዎች፣ የሰውነት የበሽታ መከላከል ሥርዓት መዛባት እና የባክቴሪያ ወይም የቫይረስ ኢንፌክሽኖች ዋነኛ ምክንያቶች ናቸው ።

ድንገተኛ አደጋዎች፣ የደም ዝውውር እጥረት፣ ለመርዛማ ኬሚካሎች መጋለጥ፣ የቫይታሚን ቢ እጥረት እና ከአቅም በላይ የሆነ የአልኮል መጠጥ መጠቀም ለችግሩ ያጋልጣሉ ።

ምንም እንኳን ሕመሙ በማንኛውም የዕድሜ ክልል ላይ ሊከሰት ቢችልም፣ በተለይም ዕድሜያቸው ከ65 ዓመት በላይ በሆኑ አረጋውያን ላይ በብዛት ይከሰታል ።

የነርቭ ሥርዓት መታወክ ሲያጋጥም የጡንቻ ድክመት፣ መንቀጥቀጥ፣ እና የሰውነት ሚዛንን የመጠበቅ ችግር ያስከትላል ።
የነርቭ ችግሮች እንደ Stroke (የአንጎል የደም ዝውውር መታወክ) ያሉ ድገተኛ አደጋዎችን ሊያስከትሉ ስለሚችሉ፣ ድንገተኛ የእጅ/እግር ሽባነት ወይም የአፍ መጣመም ሲከሰት "ወዲያውኑ ወደ ህክምና ቦታ መሄድ ይገባል ።
እንዲሁም በእጅና በእግር ላይ የሚሰማ መደንዘዝ፣ የመወጋት ወይም የመቃጠል ስሜት፣ የመስማት፣ የመናገር፣ የመዋጥ ወይም የመተንፈስ ድንገተኛ መዛባትም ይከሰታል።

የማስታወስ ችሎታ ማጣት፣ ከፍተኛ ግራ መጋባት፣ የማያቋርጥ ከባድ ራስ ምታት፣ ያለ በቂ ምክንያት የሚከሰት ከፍተኛ ድካም እና የንቃት ደረጃ መቀነስ የሕመሙ ተጨማሪ ምልክቶች ናቸው ።

በሽታውን ሙሉ በሙሉ መከላከል አስቸጋሪ ቢሆንም፣ አዘውትሮ አካላዊ እንቅስቃሴ በማድረግ፣ በቀን ከ6 እስከ 8 ሰዓት በቂ እንቅልፍ በማግኘት እና በአትክልትና ፍራፍሬ የበለጸገ ምግብ በመመገብ የሕመሙን ስጋት ለመቀነስ ይጠቅማሉ።

ከዚህ በተጨማሪ ከአልኮልና ከትምባሆ ሙሉ በሙሉ በመቆጠብ እንዲሁም እንደ ከፍተኛ የደም ግፊት፣ የስኳር በሽታ እና የኮሌስትሮል መጠን ያሉ ተዛማጅ የጤና እክሎችን በመከታተል ራስን መጠበቅ ይገባል። በተጨማሪም ​ አእምሮን የሚያነቃቁ እንቅስቃሴዎች (ማንበብ፣ ቼስ መጫወት) እና ማህበራዊ ግንኙነት የአልዛይመር እና የመርሳት በሽታዎችን ለመቀነስ ይረዳሉ ።
ሕመሙ በምርመራ ከተረጋገጠ በኋላ እብጠትን የሚቀንሱ፣ ሕመምን የሚያስታግሱና የነርቭ ሴሎችን ተግባር የሚያሻሽሉ መድኃኒቶችን መውሰድ ይገባል ።
በፊዚዮቴራፒና በንግግር ቴራፒ የሰውነት እንቅስቃሴንና የመናገር አቅምን ማሻሻል የሚቻል ሲሆን፣ በአደጋ የተጎዱ ነርቮችን ለማነቃቃት ወይም በውስጥ የሚበቅሉ ዕጢዎችን ለማስወገድ በቀዶ ሕክምና መታገዝ ተገቢ ነው ።

በዶ/ር ዳንኤል ስብሀት ።
ቅዱስ ጳውሎስ ሆስፒታል ሚሊኒየሞ ሕክምና ኮሌጅ
የአንጎል፣ የነርቭ እና የህብለ ሰረሰር ቀዶ ሕክምና ስፔሻሊስት
ሐኪማችንን ይተዋወቁ!
ዶር አበበ አዲሴ ጠቅላላ የቀዶ ሕክምና ስፔሻሊስት እና የደም ሥር ልዩ ቀዶ ሕክምና ሰብ ስፔሻሊስት ናቸው፡፡
ምን ግዜም የላቀ አገልግሎት እንዲያገኙ እንሰራለን!
🩺 The 2nd SPHMMC Clinical Nexus: Taming the Wolf 🐺

The 2nd SPHMMC Clinical Nexus was truly a phenomenal scientific and clinical journey, featuring an extraordinary case of SLE → Lupus Nephritis → Dialysis → Motherhood.

Beyond the diagnosis and treatment, this remarkable journey demonstrated what is possible when multiple disciplines come together around one patient, combining expertise, experience, compassion, and teamwork to navigate complex clinical challenges and ultimately help save a life and achieve motherhood. ❤️

This is the power of multidisciplinary collaboration—where complex cases become opportunities for learning, innovation, and better outcomes.

SPHMMC Clinical Nexus

One Patient. Many Minds. Better Outcomes.

A platform where our clinicians learn from each other, challenge conventional thinking, share expertise, and advance patient-centered care.

Together, we are building SPHMMC as a Center of Excellence and a hub for specialty, subspecialty, and super-specialty care.

#SPHMMC #ClinicalNexus #TamingTheWolf #MultidisciplinaryCare #Teamwork #PatientCenteredCare #CenterOfExcellence #BetterOutcomes
የህፃናት ቆልማማ እግር (Clubfoot) 🦶
ምንድን ነው?

ቆልማማ እግር ምንድን ነው?
• ህጻናት ላይ በተፈጥሮ የሚከሰት፣ ሲወለዱ ጀምሮ የሚታይ የእግር መጣመም (መቆልመም) ነው።
• ከሚወለዱት 1,000 ህጻናት ውስጥ በ1 ወይም 2 ህጻናት ላይ ሊታይ ይችላል።
• በወንዶች ህጻናት ላይ ከሴቶች በበለጠ ይከሰታል።
• በግማሽ የሚሆኑት ህጻናት ላይ በሁለቱም እግሮች ላይ ሊገኝ ይችላል።
➪ ምልክቶች
🔹 የእግር ወደ ውስጥ መዞር
🔹 የባት እና የእግር መጠን መቀነስ
🔹 ያልተለመደ የቆዳ እጥፋት መኖር
🔹 ተገቢ የሃኪም ምርመራ ማድረግ ችግሩ መኖሩን ለማወቅ ያስችላል።
➪ አይነቶች
1. ምክንያቱ የማይታወቅ (Idiopathic)፣ በአብዛኛው የሚከሰተው አይነት ነው።
2. ከነርቭ ጉዳት ጋር ተያይዞ የሚመጣ (Neurogenic)
3. ከሌሎች አካላዊ ችግሮች ጋር የሚያያዝ (Syndromic)

➪ ህክምና አለው?
ህክምናው ህጻኑ ከተወለደ በኋላ ከ1 እስከ 2 ሳምንት ባለው ጊዜ ውስጥ እንዲጀመር ይመከራል። ህክምናው ሶስት ክፍሎች አሉት።
1. በየሳምንቱ የሚቀየር ጀሶ
ሃኪሙ በየሳምንቱ በጥንቃቄ የዞረውን እግር ቀስ በቀስ በማዞር እና በጀሶ ወደ ትክክለኛ ቦታው ይመልሰዋል። ይህም በትንሹ ከ5 እስከ 6 ሳምንት ሊወስድ ይችላል።
2. ቀላል የጅማት ቀዶ ህክምና
ከ80 እስከ 90 በመቶ የሚሆኑት ልጆች ሊያስፈልጋቸው ይችላል።
3. የእግር ጫማ ድጋፍ
የጀሶ ህክምናው ካለቀ በኋላ ህፃናት ጫማውን በመጀመሪያዎቹ 3 ወራት ለ24 ሰዓት ማድረግ ይጠበቅባቸዋል። ከዚያ በኋላ አራት ዓመት እስኪሞላቸው ድረስ ማታ ማታ ማድረግ አለባቸው።
❗ ጫማውን ሃኪም በሚያዘው መሰረት አለማድረግ የቆልማማ እግር መልሶ መከሰት ሊያመጣ ይችላል።
🚫 ቆልማማ እግር ፀሐይ በማሞቅ፣ በማሳሸት ወይም በራሱ ሊስተካከል አይችልም።
🤱 እናቶች ጨቅላ ህጻናት ሲወለዱ የተጣመመ (የተቆለመመ) እግር ካስተዋሉ ለህክምና ባለሙያ ያሳዩ።

ለሁሉም ወላጆች 👨‍👩‍👧‍👦 ይህ 👁️‍🗨️ መረጃ ይደርስ ዘንድ Share ያድርጉት።

በዶ/ር ዳዊት አለማየሁ
በቅዱሰ ጳውሎስ ሆስፒታል ሚሊኒየም ሕክምና ኮሌጅ
የህጻናት አጥንት ቀዶ ህክምና ሰብ-ስፔሻሊስት

#clubfootawareness #AaBET #SPHMMC #MOH #Orthopedics #pediatricsorthopedics
ሐኪማችንን ይተዋወቁ!
ዶር እንዳልካቸው ኃይሉ ጠቅላላ የቀዶ ሕክምና ስፔሻሊስት እና የጉበት : ጣፊያ የሐሞት ቀዶ ሕክምና ሰብ ስፔሻሊስት ናቸው፡፡

ምን ግዜም የላቀ አገልግሎት እንዲያገኙ እንሰራለን!