الدفاع المدني السوري
37.6K subscribers
52.9K photos
5.32K videos
21 files
1.68K links
Syria
Download Telegram
"بعد حرمانٍ دام أكثر من سبع سنوات عن بلدتنا سنجار في ريف #إدلب، بسبب حرب النظام السوري وحلفائه علينا وتهجيرنا من منازلنا، رجعنا اليوم للبلدة وعم نغسل المسجد فيها ليكون بأحلى صورة بيوم عيد الأضحى المبارك، هذا العمل أشبه بعودة الحياة لإنسان سقيم من المرض، وعودته بهمة ونشاط، اجتمعنا كبار وصغار بغسيل المسجد يلي هو رمز لصمودنا، وكل زاوية فيه تروي حكاية صبر وانتصار"
رضوان الإبراهيم، متطوع في #الدفاع_المدني_السوري
يوم جديد من العمل في إزالة الأنقاض من بلدة أورم الكبرى في ريف #حلب الغربي، والذي بدأته فرقنا بالتنسيق مع المجلس المحلي للبلدة لتسريع جهود التعافي ودفع عجلة الحياة إلى الأمام.
#الدفاع_المدني_السوري #الخوذ_البيضاء #سوريا #تعافي
This media is not supported in your browser
VIEW IN TELEGRAM
حوادث السير تؤدي إلى خسائر بشرية ومادية كبيرة، وتؤثر سلباً على الاقتصاد والبنية التحتية وتزيد من الضغط على النظام الصحي، ويمكننا من خلال الالتزام بقواعد السير والحماية عند القيادة، والحد من السرعة، حماية أرواحنا والآخرين.
#الخوذ_البيضاء #سوريا
وفاة مدني وإصابة 2 آخرين بحروق خطرة، جراء حريق اندلع في مكتب سيارات للأجرة في حي بستان الديوان في مدينة #حمص، بسبب محولةٍ للكهرباء ووجود محروقات في المكان، نقلت فرق الهلال الأحمر السوري جثمان المتوفى وأسعفت المصابين، فيما عملت فرق الإطفاء في الدفاع المدني السوري على إخماد الحريق.
#الدفاع_المدني_السوري #الخوذ_البيضاء #سوريا #حرائق
"أنا خالد درويش من أهالي خان شيخون، في هذا المكان وبين الدمار والركام كنا عايشين، والقصف فوق روسنا ما يوقف لا بالليل ولا بالنهار، وما كان يميز بين أطفال ونساء أو حارات ما فيها غير المدنيين، ونحنا مدنيين وهي حارتنا ما فيها لا ثكنات عسكرية ولا فيها سلاح، كان فيها بس الأهالي، كنا عايشين قبل القصف والطيران بكل هدوء وطمأنينة ومبسوطين نروح على شغلنا والأولاد يروحوا على المدارس ويتعلموا يعني كانت حياتنا كتير حلوة لحتى بلش بشار الأسد المجرم يقصفنا بكل أنواع الذخائر ودمر بيوتنا وقتل ولادنا وهجرنا، دمر حياتنا البسيطة الله ينتقم منه ونشوفه بالمحكمة وعم يتحاسب عن كل جرائمه، هون بهاد المكان قصفنا بصواريخ من البحر بعيدة المدى وبالبراميل هي اللي بتدمر حارة بكاملها ونزل بنفس الحارة صواريخ راجمة محملة قنابل عنقودية هون استشهد إبني وإبن أخي وأولاد عمي 3 شباب، شو بدي أحكي كل كلمة فيها قهر وغصة وكل مكان فيه ذكرى قاسية، الحمد لله احتسبناهم عند ربنا شهداء وإن شاء الله رح نعمر بيوتنا ونرجع الفرح والسعادة لحاراتنا ولأولادنا وبهمتكم ومساعدتكم وايدنا بإديكم"
#الدفاع_المدني_السوري #الخوذ_البيضاء #سوريا #تعافي