الله يقلع الكوره

تعلمت أن الخسارة خسارة الجنة أما الناس ، ذهَاب وإيابْ.

الصوره اللي ( بجوالي ) تعذبني
ياكثر ما جيت أبمسحها! وأخليها

ياللي جفيت وجفاك..المر ذابحني
عقبك وجيه البشر ماني بدانيها

من يوم حبك .. غزى القلب وتملكني
قطعت كل العلاقات وطواريها

أقرى رسايلك ودموعي تسابقني
وأرد أقرى الرسايل وأحتفظ فيها

أنت آخر إنسان هاقي منه يصدمني
والظاهر إن هقوتي بانت مواريها

لو الوصايا إذا إحتديت ! تنفعني
ياكثر ناس(ن) على ذودي بوصيها

ليت الفرح (بنك) لا جيته يسلفني
وأقاصده (راحتي) وحقوقه أوفيها

من كثر ما كنت! جارحني وظالمني
قمت أعزل جروحك بقلبي وأسميها

تدري وش اللي يبكيني ويضحكني
إنك محامي قضيتنا وقاضيها

تدري متاك؟ تعرف قدري وتفقدني
لا رخصت نفسك،،لشخص(ن) مايراعيها

بكره إذا هملوك الناس تذكرني
وتقول: عزااااه عيني من يداريها؟

مدام غيري على قلبك مشاركني
وش هو له؟ أعلق الآمال وأبنيها

يكفيني إنك رحلت ومنت عايفني
هذا عزا النفس من كثرة بلاويها

أهديتك: دموع من طعنتك تحرقني
وأنت اللي تستاهل الدنيا وما فيها

وأهديتني جرح..موجعني!وعاجبني!
لأن الهدايا على مقدار مهديها

صحيح! حنا (إنتهينا) بس صدقني!!
والله إن تبقى هوى روحي وغاليها

مفضوح راعي .. الهيام ونظرته تغني
ملامحه واضحه'!في وجهه راعيها

لكل داء(ن) دوا .. لو هو متعبني
إلا محبتك....أعيت من يداويها

إن قلت : علمني إنسى لا تعلمني
دنياي لا من نسيتك ويش تاليها؟!

فارقتني وضحكتك عيت تفارقني
والله يلعن أبو الفرقا وطاريها

نشدت عنك؟ وسمعت اللي يفرحني
وإرتاح صدري من هموم(ن) يحاتيها

تبي تعرف! وش على الفرقا مصبرني؟!
إنك بخير وحياتك مهتني فيها

من يوم ما غبت! والوحده تعذبني
أقرى ( رسايلك ) في حرقه وألاحيها

أشوف (صورتك) ودموعي تسابقني
وياكثر ما جيت أبمسحها وأخليها!

الله يرد خطّاك لدروب خلانك
لعيون ما تنساك لو طال هجرانك .