قناة WE على اليوتيوب اتهكرت 😂😂😂

صورة لن يفهمها الكثيرون..

كورس مهارات من Google 👨‍💼
واحد من أفضل الدورات التدريبية اللي ممكن تدرسها على الإطلاق.
الكورس في مجال التسويق الرقمي.. بيبدأ معاك من الصفر وطريقة بناء بيزنس أونلاين.. بعد كدة بتدرس مجموعة مهمة جدا من الموضوعات أبرزها:
▪️مفهوم التجارة الإلكترونية
▪️كيف تعمل محركات البحث
▪️كيفية تهيئة المواقع لمحركات البحث
▪️كيفية استخدام إعلانات جوجل Google Ads
▪️كيفية استخدام الإنترنت لتعزيز مبيعات نشاط تجاري محلي
▪️كيفية بناء متجر إلكتروني والاستفادة من التسويق بالمحتوى وبالفيديو
▪️كيفية عمل حملات إعلانية على الموبايل وباستخدام البريد الإلكتروني
▪️طرق استخدام مواقع التواصل الاجتماعي في جذب عملاء وجمهور للبيزنس
الكورس بالعربي مكون من 26 وحدة ومدته بالكامل 40 ساعة، بيكون في اختبار بسيط بعد كل وحدة عبارة عن أسئلة اختيار من المتعدد، وفي نهاية الكورس بيكون في اختبار نهائي بعد اجتيازه بتحصل على شهادة باسمك من جوجل معترف بيها دوليا 🌍
ده مقال عن الكورس والمحتوى الخاص بيها وطريقة دراسته والحصول على الشهادة 👇
https://bit.ly/3hWJQDL

كشفت شركة آبل عن وصول عدد أجهزتها النشطة إلى 2 مليار جهاز، بزيادة 200 مليون جهاز في العام السابق.
عدد أجهزة الأندرويد النشطة وصل إلى 2 مليار جهاز في عام 2017، وآخر رقم معلن من جوجل هو 3 مليار جهاز في 2021.

جوجل من ساعات أعلنت عن إطلاق أداة Bard وهي شات بوت منافس لأداة ChatGPT.
الحقيقة يمكن ده أسوأ إطلاق لأداة من جوجل خلال السنوات الأخيرة بالرغم من أهميتها. مفيش معلومات كافية عن قدرات وخصائص الأداة، ولا هي متاحة للعامة أو في دول محددة، ولكن متاحة فقط لأشخاص معينين للتجربة، وده يوضح إن الاستعجال في إطلاق الأداة!
إطلاق ضعيف أعطيه -1 من 10.

▪️ قسم الواقع الافتراضي في شركة ميتا حقق خسائر بقيمة 13.7 مليار دولار في 2022.
▪️ شركة ميتا تعلن عن خطة لإعادة شراء أسهمها بتكلفة 40 مليار دولار.
▪️ شركة ميتا تقرر طرد 11 ألف موظف لتوفير حوالي 2 مليار دولار نفقات.
3 أخبار مختلفة تعرفك قيمة الموظف في النظام الرأسمالي.

شركة مايكروسوفت النهاردة أعلنت عن أول خطوة لدمج خدمة ChatGPT في محرك البحث الخاص بيها Bing.
الخدمة حاليا متاحة على شكل نماذج بحث معدة مسبقا، يعني مش متاح البحث بشكل مباشر، لكن متاح التسجيل في قائمة انتظار لتجربة الخدمة البحث لما يتم طرحها.
مايكروسوفت كمان عندها خطط لإضافة الخدمة داخل متصفح Edge، منها على سبيل المثال ميزة Chat واللي هتقدر من خلالها تسأل البوت أسئلة عن المقال أو المستند المفتوح في المتصفح.
طبعا كل ده غير إن الخدمة هيتم إضافته لمنصة السحابة Azure وحزمة برامج الأوفيس وليلة كبيرة..
مايكروسوفت ناوية تحلب ChatGPT لآخر نقطة..

في العرض التجريبي اللي قدمته شركة جوجل لأداة الذكاء الاصطناعي الخاصة بيها Bard الأداة جاوبت على أحد الأسئلة بشكل خاطئ.. فورا سهم جوجل هبط 8% والشركة خسرت 100 مليار دولار من قيمتها السوقية 🙂

إيلون ماسك طرد مهندس من تويتر عشان الريتش بتاع حسابه واقع 🙂
تويتر حصل فيه عطل لعدة ساعات قبل يومين، مشكلة الحسابات المزيفة لسه موجودة، معدل الوصول للحسابات انخفض مقارنة بعدد المتابعين عن الأول، الموظفين عايشين في جحيم.. بيناموا في الشغل وبيدفعوا تمن الأكل والقهوة اللي الشركة بتوفرها متتشربش ويستخدموا سيجنال للتواصل بدل Slack من كتر الخوف عشان ماسك مدور فيهم الضرب..
ماسك جمع المهندسين وطلب منهم تفسير لسبب انخفاض الوصول في حسابه بالرغم من إن عنده 128 مليون متابع.. مهندس رد عليه بإن المشكلة مش في الموقع ولكن شعبيته هبطت حسب Google Trends.. ماسك رد عليه بإنه زحلقه من الشركة..

موقع ProtonMail اللي كان بيستخدمه مستر روبوت في إرسال واستقبال الإيميلات بشكل آمن تماما 🛡
تعتبر خدمة ProtonMail واحدة من أفضل الخدمات لعمل بريد إلكتروني آمن ومجاني في خطوات بسيطة بدون رقم موبايل.
أهم ميزة في الخدمة إنها بتوفر لك إيميل مشفر تماما ولا يمكن من خلاله تعقبك أو معرفة أي معلومات عنك.
ده مقال بسيط عن الخدمة وكيفية عمل إيميل باستخدامها بسهولة 👇
http://bit.ly/30RQHYD

شركة جوجل أعلنت إنها هتضيف ميزة عمل بلور بشكل تلقائي على الصورة اللي بتحتوي على عنف أو إباحية في نتائج البحث.
الميزة اللي هتبدأ تظهر خلال شهور قليلة هتكون الخيار التلقائي للمحرك حتى في حالة كان خيار البحث الآمن Safe Search غير مفعل.

لعبة Counter-Strike: Global Offensive حطمت رقمها القياسي على ستيم لعدد اللاعبين المتزامنين بوصولها إلى 1.32 مليون لاعب في نفس الوقت 🔥
اللعبة اللي صدرت في عام 2013 ما زال عندها شعبية ضخمة بالرغم من عدد الألعاب المنافسة اللي صدرت طول السنين السابقة، ونجحت في كسر رقمها القياسي السابق بعدد 1.30 مليون لاعب متزامن.
رقم CS:GO الجديد نقلها للمرتبة رقم 3 على مستوى الرقم القياسي للعدد اللاعبين المتزامنين في نفس الوقت على Steam:
1- لعبة PUBG: عدد اللاعبين 3,257,248
2- لعبة Lost Ark: عدد اللاعبين 1,325,305
3- لعبة Counter-Strike: Global Offensive: عدد اللاعيبن 1,320,219

شارت من بحث منشور في مجلة Nature عن انخفاض حاد في عدد الأوراق العلمية الـDisruptive بداية من منتصف القرن الماضي.
الأبحاث الـDisruptive يقصد بيها الأبحاث اللي بتعمل نقلة نوعية وتغيير ضخم في طريقة فهم مجال معين، وبيكون ليها أثر كبير على مجال البحث بعد النشر. يعني ممكن نقول عليها أبحاث ثورية.
البحث تم على 45 مليون مخطوطة و 3.9 مليون براءة اختراع، وبيستخدم مقياس من 1 وده للأبحاث اللي بيكون ليها أعلى تأثير Disruptive إلى -1 وده أقل تأثير.
هل ده معناه إن احنا حاليا كجنس بشري بنصل لأقصى نقطة من النوع ده من المعرفة، وكل الأبحاث والاكتشافات الحالية والمستقبلية هي مجرد معرفة تراكمية عامل تأثيرها على مقياس الـDisruptiveness منخفض؟

حسب تصريح لرئيس مجموعة شاومي؛ شركة هواوي خسرت 80 مليون مستخدم للهواتف الذكية بسبب العقوبات الأمريكية.
شركة شاومي نجحت في جذب 50 مليون مستخدم منهم، وشركة آبل حصلت على 20 مليون مستخدم، وهونر 10 مليون مستخدم.
حصة شاومي من سوق الهواتف الذكية وصلت 13% حسب تصنيف Canalys.
هل حان دور شاومي 🇺🇸 🔨؟

انتوا ليه مش بتشحنوا النت من تطبيق ماي وي عشان تاخدوا جيجات هدية 🤔
لو شحنت 150 جنيه من تطبيق WE هتحصل على 5 جيجا هدية
لو شحنت 300 جنيه من تطبيق WE هتحصل على 10 جيجا هدية
عروض خرافية تنافس شبكات الجيل السادس والإنترنت الفضائي 🔥
شرح الطريقة 👇
https://youtu.be/WnLABQnDYsw

كل سنة وانتوا طيبين يا شباب ❤️ 💕 ❤️
النهاردة يوم 14 فبراير واحد من أجمل أيام السنة وذكرى سعيدة لينا كلنا ولازم نحتفل بيها..
زي النهاردة من 18 سنة تم تأسيس وإطلاق موقع يوتيوب.

شركة هيونداي وشركة كيا أصدروا تحديث عاجل لسوفتوير 8 مليون سيارة بعد انتشار تحدي Kia Challenge على تيك توك لسرقة السيارات.
التحدي بيتضمن خطوات بيتم استخدامها لتجاوز حماية نظام السيارة وتشغيلها باستخدام أدوات بسيطة زي كابل USB.
انتشار التحدي على تيك توك اتسبب في سرقة مئات السيارات و14 حادثة و 8 حالات وفاة.

أعلنت شركة جوجل عن توفير اتصال بالإنترنت بسرعة 5 جيجابت في الثانية عبر خدمتها Google Fiber بسعر 125$ 😢
ميزة هذا الاتصال أنه اتصال تناظري، أي أن سرعة الرفع ستكون نفس سرعة التحميل، وسيحصل المستخدمون على راوتر WiFi 6 عند الاشتراك + 1 تيرابايت مساحة تخزين سحابية 😢
هذه السرعات تعتبر ترقية من الشركة للسرعات البطيئة التي تقدمها حاليا وهي سرعة 2 جيجابت في الثانية 😢
من خلال السرعة الحديثة سيتمكن المستخدمون من تحميل لعبة Microsoft Flight Simulator بحجم 150 جيجابايت في 3 دقائق بدلًا من 11 دقيقة 😢