شركة يوتيوب أعلنت إيقاف تجربة توفير جودة 4K حصريا للمشتركين في خدمة يوتيوب بريميوم.. ودلوقتي تقدر تشوف الفيديوهات بجودة 4K مجانا إلا لو انت عايش في مصر..

إضافة F.B. Purity بتسمحلك بالتحكم في التايم لاين الخاص بيك ومنع ظهور أي منشورات فيها كلمة معينة.
كمان تقدر تستخدمها في إخفاء الإعلانات والريلز ومنشورات تطبيقات الألعاب وغيرها من المحتوى التافه..

الأسبوع ده تم الإعلان عن تفكيك خلية تجسس تابعة للموساد في ماليزيا كانت اختطفت عالم فلسطيني (غير معروف) متخصص في مجال تكنولوجيا المعلومات.
تمت عملية اختطاف العالم من منزله في العاصمة الماليزية كوالالمبور ونقله لمنزل آمن، ليتم التحقيق معاه من قبل 2 ضباط صهاينة عن طريق اتصال مرئي عبر الإنترنت.
التحقيق كان غرضه معرفة قدراته على تطوير البرمجيات، وعلاقته بقوة حركة حماس في المجال.
المخابرات الماليزية نجحت خلال 24 ساعة من تحديد مكان الخلية وتحرير الرهينة، وتم القبض على الخلية بالكامل (11 فرد)، واكتشاف قيامهم بعمليات تجسس أخرى واختراق لشركات حكومية في ماليزيا.

لما تنقل ملفات على الكمبيوتر..

مجموعة من النشطاء في مجال المناخ اقتحموا أحد معارض شركة فولكس فاجن ولزقوا إيديهم في أرضية المعرض للضغط على الشركة والحكومة الألمانية لبذل مجهود أكبر في مكافحة التغير المناخي.
الموظفين في المعرض بعد ما خلصوا شغل طفوا النور والتدفئة وقفلوا الأبواب وروحوا.. وسابوا النشطاء ملزوقين في الأرض من غير نور أو تدفئة أو أكل أو وسيلة لدخول الحمام 😂

المدير التنفيذي لشركة آبل تيم كوك نشر تويتة للترويج للآيباد الجديد.. ففريق جوجل بيكسل حبوا يألشوا عليه بس مخدوش بالهم ونشروا التويتة من آيفون 🙂

تهيئة خاطئة لأحد خوادم مايكروسوفت تسببت في تسريب بيانات 65 ألف شركة في 111 دولة حول العالم.
المشكلة اكتشفتها شركة SOCRadar يوم 24 سبتمبر وتم تسميتها BlueBleed.
البيانات المسربة حجمها وصل 2.4 تيرابايت بتضم معلومات شخصية منها أسماء وعناوين وأرقام هواتف وإيميلات بمحتوياتها، ومعلومات تجارية تخص الشركات منها:
▪️ فواتير وطلبات المنتجات
▪️ استراتيجيات المبيعات
▪️ مستندات أصول العميل
▪️ رسائل البريد الإلكتروني للعملاء
▪️ مستندات ووثائق تخص معاملات الشركة الداخلية
بالرغم من إن المشكلة حدثت في حاوية (Bucket) واحدة.. لكنها ممكن تكون واحدة من أسوء التسريبات اللي حصلت من سنين.. نظرًا لحساسية البيانات وعدد الشركات المتضررة.

ستبدأ شركة جوجل العام القادم في طرح اتصال بالإنترنت بسرعة 5 جيجابت & 8 جيجابت في الثانية عبر خدمتها Google Fiber 😢
ميزة هذا الاتصال أنه اتصال تناظري، أي أن سرعة الرفع ستكون نفس سرعة التحميل، وسيحصل المستخدمون على راوتر WiFi 6 عند الاشتراك 😢
هذه السرعات تعتبر ترقية من الشركة للسرعات البطيئة التي تقدمها حاليا وهي سرعة 2 جيجابت في الثانية 😢
من خلال السرعة الحديثة سيتمكن المستخدمون من تحميل لعبة Microsoft Flight Simulator بحجم 150 جيجابايت في 3 دقائق بدلًا من 11 دقيقة 😢

من الحاجات اللي لازم تاخد بالك منها وانت بتشتري كمبيوتر أو لاب توب هي معالج الرسوميات أو كارت الشاشة زي ما بنقول.. خصوصا لو بتشتري جهاز للألعاب أو لاستخدام برامج بتحتاج تعمل Render زي برامج التصميم والمونتاج وغيرها.
من أهم مواصفات الكارت اللي لازم تعرفها هي ذاكرة الفيديو أو الـVRAM.
زي ما المعالج بعتمد على ذاكرة النظام (الرام) مع ذاكرة الكاش في تخزين وسحب البيانات اللي بيحتاجها لسرعتها الفائقة؛ كارت الشاشة بيعتمد على الذاكرة بتاعته في تخزين معلومات الصورة قبل معالجتها وعرضها على الشاشة.
كمان الـVRAM بتكون من معايير اختيار الشاشة. يعني مينفعش تشتري شاشة 4K مثلا وكارت الجرافيك في الجهاز ذاكرته 4 جيجا!
كدة انت مش هتستفيد بإمكانيات الشاشة الكاملة، لأن كل ما أبعاد الشاشة كانت أكبر والدقة أعلى.. الفريم أو حجم بيانات الصور اللي بيتم تخزينها في الذاكرة قبل عمل ريندر ليها بيكون أكبر، خصوصا لو بيتم استخدام تقنيات لتحسين الصورة زي تقنية التنعيم Spatial Anti-Aliasing وبالتالي بيحتاج الكارت إلى ذاكرة ومساحة تخزين أكبر.
ذاكرة الـVRAM كمان في منها أجيال وصلنا حاليا إلى GDDR6X.. كل جيل بيحاول يوفر تحسينات عن الجيل السابق في حاجات زي الباندويدث، استهلاك الطاقة، الحرارة، وغيرها من الأمور.
معلومات أكتر عن ذاكرة الـVRAM وكيفية تحديد الحجم المناسب لاستخداماتك على الكمبيوتر موجودة في مقالنا على الموقع 👇
https://bit.ly/3Dybamr

الآن: تعطل خدمات واتساب حول العالم بشكل شبه كلي..

لو بتستخدم آيفون أو آيباد حدث نظامك لأحدث إصدار iOS 16.1 / iPadOS 16 عشان تم اكتشاف ثغرة خطيرة في النظام من نوع Zero-Day بتسمح للمهاجم بتنفيذ تعليمات برمجية بصلاحية النواة.
دي الثغرة رقم 9 من نوع Zero-Day اللي تعالجها آبل السنة الحالية فقط.