بطل العالم للشطرنج النرويجي ماجنوس كارلسن خسر بطولة أساتذة الشطرنج اللي بينظمها موقع Chess .Com لصالح الياباني هيكارو ناكامورا بسبب غلطة من الماوس 🐭
ماجنوس (القطع باللون الأبيض) المفروض كان هيحرك الملكة للمربع b6 عشان يقضى على بيادق هيكارو.. لكن بسبب حركة الماوس الغلط حركها للمربع f6 وده خلالها بدون دفاع، وقضى عليها ملك هيكارو.
كارلسن خسر البطولة وجائزة المركز الأول 30,000$.

الشرطة الإسبانية نجحت في القبض على José Luis Huertas اللي كان معروف باسم Alcasec وكان بيعتبر أخطر هاكر في إسبانيا ☠️
خوسيه سبق واخترق شبكة الكمبيوتر الخاصة بالمجلس الوطني للقضاء في إسبانيا وسرق بيانات 575 ألف مواطن وعرضها للبيع، وانتحل شخصية باولو فاسيلي مدير قناة Telecinco وسرق 300 ألف يورو من حسابه.. ده غير إدعائه إنه بيمتلك وصول لبيانات أكتر من 90% من المواطنين الإسبان.
خوسيه كان ليه عمليات اختراق مضحكة.. منها إنه اخترق سيستم مطعم بيرجر كينج في مدريد وخلاه يوزع وجبات مجانية.. واخترق شركة HBO ووزع 150 ألف حساب مجاني على الإنستجرام.
المهم إنه اتقبض عليه من خلال تتبع المعاملات المالية اللي كان بيعملها والشرطة اتأكدت منه من خلال إنفاقه ببذخ على الملابس والرحلات والسيارات الرياضية.. وعاش حياة مش منطقية بالنسبة لشاب عنده 19 سنة ومش بيشتغل!
نصيحة: لما توصل متعملش زي صاحبنا.. خليك حويط وامسك إيدك في المصاريف 💰💰

دلوقتي تقدر تصنع صور بالذكاء الاصطناعي مباشرة من المتصفح العظمة Edge 🔥
تقدر تصنع الصور من خلال الضغط على أداة Image Creator من الشريط الجانبي للمتصفح.

تطبيق واتساب يطلق ميزة استخدام الحساب على هاتف آخر بشكل منفصل بدون حاجة إلى اتصال الهاتف الرئيسي بالإنترنت.
الميزة متاحة حاليا على تطبيق واتساب نسخة بيتا للأندرويد.
مميزات ثورية مبتكرة 🔥

حصري من الواشنطن بوست
أوووف 🔥🔥🔥🔥

شركة مايكروسوفت عالجت ثغرة في برنامج الحماية على ويندوز Windows Defender كانت بتسبب ارتفاع استهلاك متصفح فايرفوكس للمعالج.
المشكلة دي تم اكتشافها في 2018 وتم حلها الحمد لله بعد خمس سنين بس 🙂

جوجل أعلنت عن طرح ميزة جديدة في الأندرويد وهي ميزة Auto-Archive.. ودي ميزة بتساعد على تنظيف الموبايل من التطبيقات الغير مستخدمة.. ولأن معظم الناس مش بتمسح التطبيقات حتى لو مش هتستخدمها تاني، فالميزة دي هتقوم بالمهمة وهتساعد على توفير مساحة على الموبايل من خلال التخلص من حوالي 60% من المساحة اللي التطبيق مستخدمها.
الميزة لازم يوافق المستخدم على تفعيلها، ولازم يكون التطبيق بيدعمها.
باقي البيانات بتفضل موجودة عشان لو حبيت تستخدم التطبيق مرة تانية مش هتحتاج تنزل التطبيق بالكامل، وكل بياناتك اللي كانت موجودة بيتم حفظها.
تم استعارة الميزة من الآيفون 👈👉

شركة جوجل طرحت نسخة البيتا من أندرويد 14 بشكل رسمي لهواتف جوجل بيكسل بداية من Pixel 4A.
النسخة النهائية من أندرويد 14 هيتم طرحها في النصف الثاني من العام إن شاء الله.

مجموعة من ملاك سيارات تيسلا رفعوا قضية ضد الشركة بعد ما تم اكتشاف إن موظفي الشركة كانوا يقدروا يوصلوا للبث المباشر لكاميرات سيارات الشركة، وكانوا بيشاركوا صور وفيديوهات المستخدمين في جروبات خاصة!
سيارات تيسلا مزودة بكاميرات بيتم استخدامها في المساعدة على القيادة والقيادة الذاتية.. والموظفين كان عندهم وصول غير محدود للكاميرات دي عن بعد.. وكانوا بيشاركوا فيديوهات للحوادث وصور للمستخدمين منها صور حساسة من داخل سياراتهم وبيوتهم !

من حوالي ساعة مكتب التحقيقات الفيدرالي الأمريكي FBI قبض على موظف في الحرس الوطني بالقوات الجوية الأمريكية بتهمة تسريب وثائق دفاع واستخبارات أمريكية شديدة الحساسية
جاك تيكسيرا (21 عام)، عضو في جناح المخابرات في الحرس الوطني الجوي لولاية ماساتشوستس، متهم بتسريب أكثر من 100 وثيقة تشمل معلومات مخابراتية عن الحرب في أوكرانيا ومعلومات تجسس عن بعض الدول الحليفة لأمريكا.
جاك كان مسئول عن جروب شات على تطبيق ديسكورد عدد أعضائه حوالي 25 عضو.. ونشر الوثائق على الجروب لدعم وجهة نظره عن نتائج الحرب الروسية الأوكرانية.. وبعدها بدأت الوثائق يتم تسريبها إلى منتدى 4chan ومجموعات تليجرام.
تم تصنيف التسريب كأسوأ خرق للأمن القومي الأمريكي خلال آخر 10 سنوات.

شركة Western Digital مطلوب منها فدية من 8 أرقام 💲💲💲
شركة Western Digital الشهيرة في مجال صناعة الهاردوير اتعرضت لاختراق في بداية الشهر نتج عنه سرقة 10 تيرابايت من بيانات الشركة.
البيانات بتضم شهادات توقيع رقمية، بيانات شخصية لكبار الموظفين في الشركة.. بالإضافة لبيانات ضخمة تم سرقتها من البنية التحتية للشركة.
الهاكرز حاليا ما زالوا داخل نظام وشبكات الشركة.. وحاليا بيحاولوا يتفاوضوا معاها للحصول على فدية للخروج من الشبكة وعدم تسريب البيانات المسروقة!
الهاكرز طالبين من الشركة فدية من 8 أرقام 💲💲💲

قتل 5 بطلقة واحدة CS:GO 😲😲😲

تويتر دلوقتي بيسمح للمستخدمين إنهم يحصلوا على أرباح مقابل مشاركة المحتوى على تويتر 💲💲💲
المستخدمين يقدروا يشاركوا محتوى نصي مطوّل أو مقاطع فيديو مدتها ساعات.. والمحتوى ده بيكون حصري للمشتركين فقط.. حاجة شبه ميزة الانتساب في يوتيوب.
تويتر مش هياخد نسبة من أرباح صنّاع المحتوى في أول 12 شهر.

تويتر دلوقتي بيسمح للمشتركين في خدمة Twitter Blue بتنسيق النصوص Bold & Italic مع إمكانية كتابة ((تغريدات)) بطول 10,000 حرف 🙂

شركة مايكروسوفت بالتعاون مع Snapchat أضافت ميزة عدسات سناب شات في برنامج الاجتماعات المرئية Teams 🤠
تقدر تضيف التأثيرات مباشرة من البرنامج بدون حاجة إلى إضافات خارجية عشان تظهر بشكل احترافي في اجتماعاتك المهمة 👌

شركة Mullvad بالتعاون مع مشروع Tor عملوا متصفح جديد ممتاز للناس اللي بتدور على حماية خصوصية بياناتها 🛡
المتصفح غرضه الرئيسي إخفاء هوية المستخدم، وعدم السماح للمواقع إنها تعمل بصمة للمتصفح من خلال:
▪️ عدم حفظ أي تاريخ للتصفح أو كوكيز
▪️ إخفاء المنطقة الزمنية ولغة الكيبورد المستخدمة
▪️ إخفاء بيانات هاردوير الجهاز زي ذاكرة النظام وأنوية المعالج
▪️ تصغير نافذة المتصفح بشكل افتراضي (لمنع الموقع من معرفة أبعاد الشاشة)
▪️ وجود إضافة uBlock Origin لمنع الإعلانات وأدوات التعقب، وإضافة NoScript لمنع هجمات XSS بشكل افتراضي.
المتصفح كمان متوفر مع VPN افتراضي، لكن ده بيحتاج اشتراك في خدمة Mullvad VPN، وهي واحدة من خدمات الـVPN المحترمة مفتوحة المصدر.
المتصفح متاح حاليا لنظام ويندوز ولينكس وماك، وتقدر تحمله من الرابط في أول تعليق 👇

شركة جوجل خسرت 55 مليار دولار من قيمتها السوقية بعد أخبار عن نية شركة سامسونج استبدال محرك جوجل من هواتفها واستخدام محرك Bing 😯
جوجل بتدفع لسامسونج مبلغ ضخم سنويا مقابل استخدام جوجل كمحرك افتراضي على هواتفها.. لكن يبدو إن مايكروسوفت قدمت عرض أفضل لسامسونج.
أرباح جوجل من اتفاقها مع سامسونج بتقدر بحوالي 3 مليار دولار سنويا 💲💲💲

شركة آبل هتسمح بتحميل التطبيقات من خارج المتجر بداية من iOS 17 😯
حسب محلل بلومبرج فالشركة حاليا شغالة على توفير ميزة الـSideloading في الإصدار القادم من الـiOS للتوافق مع قانون الأسواق الرقمية للاتحاد الأوروبي، اللي بيجبر الشركات إنها تفتح منتجاتها ومنصاتها لشركات ومطورين آخرين؛ وإلا هتواجه غرامات تصل إلى 20% من إجمالي أرباحها السنوية.

هاكر ألعاب نينتندو هيدفع 30% من مرتبه للشركة طول حياته 😯
الأسبوع ده تم الإفراج عن الكندي Gary Bowser المعروف بدوره في قرصنة ألعاب شركة نينتندو، وتطوير شرائح معدلة وفيرموير SXOS اللي كان بيسمح للاعبين بتشغيل الألعاب المقرصنة على جهاز Nintendo Switch.
جاري اتقبض عليه في 2020 واترحل لأمريكا واتسجن 40 شهر، وتم الإفراج عنه الأسبوع ده.
بالإضافة لعقوبة السجن، تم فرض عقوبة عليه لتعويض شركة نينتندو عن الخسائر اللي سببها من خلال دفع 20%-30% من مرتبه شهريا لنهاية حياته.
المفروض إنه مطالب بدفع تعويض 14.5 مليون دولار.. دفع منهم حتى الآن 200 دولار 😂

مستخدمي فيسبوك بدأو يقدموا طلبات للحصول على تعويضات من شركة ميتا بعد فضيحة Cambridge Analytica 💲💲💲
القضية كان تم تسويتها مقابل تعويض بقيمة 725 مليون دولار.
أي شخص كان بيستخدم فيسبوك في الفترة من مايو 2007 إلى ديسمبر 2022 يقدر إنه يقدم للحصول على نصيبه من التسوية.