الإعلانات قادمة للتلاجات 😶

سامسونج أعلنت إنها هتبدأ تعرض إعلانات على شاشات ثلاجاتها الذكية Family Hub. الإعلانات هتظهر لما التلاجة تكون في وضع الخمول، والمستخدم يقدر يقفل إعلان معين ومش هيشوفه تاني.

التحديث ده هيوصل للتلاجات عن طريق النت، ومفيش طريقة توقف الإعلانات إلا لو التلاجة اتفصلت عن النت، وده معناه إن بعض المميزات الذكية هتتعطل.

سعر التلاجات دي غالي أصلا وبيوصل لـ 3,500 دولار، فمش منطقي حد يدفع المبلغ ده وبرده يتعرضلهم إعلانات!

صندوق الاستثمارات السعودي يستحوذ على شركة ألعاب الفيديو الأمريكية Electronic Arts (EA) مقابل 55 مليار دولار 🙂

متبقي 10 أيام فقط على إنتهاء دعم مايكروسوفت الرسمي لويندوز 10 🪦

هل قمت بترقية نظامك بعد؟

في كوريا الجنوبية حصل حريق كبير في مركز بيانات حكومي في مدينة دايجون، وده سبّب شلل شبه كامل في أنظمة الحكومة الإلكترونية.

الحريق بدأ لما بطارية ليثيوم انفجرت أثناء ما العمال كانوا بينقلوها، والنار مسكت في باقي البطاريات والسيرفرات، وفضلت مولعة حوالي 22 ساعة.

بسبب الحريق، الحكومة اضطرت توقف 647 نظام إلكتروني علشان تحمي البيانات، وده خلّى كل حاجة تقريبًا تقف: البريد الحكومي، المواقع الرسمية، معاملات الضرائب والعقارات، نظام الشكاوى، وحتى بعض المستشفيات ومحطات النقل مقدروش يخدموا الناس اللي معاهمش بطايق فعلية.

الحريق اتسبب في فقدان 858 تيرابايت من البيانات الحكومية بالكامل، والغريب إن الحكومة الكورية لا تمتلك أي نسخ احتياطية من البيانات دي.

كل البيانات كانت في المركز اللي اتحرق، والحكومة بررت ده بإن حجم البيانات ده "كبير جدا" وصعب يتعمل منه نسخة احتياطية.

8 سنين من البيانات راحت للأبد.

الميكنة الإلكترونية 🙂

انفجار موبايل Pixel 10 Pro Fold أثناء اختبار المتانة على قناة JerryRigEverything 😬

شركة OpenAI النهاردة أعلنت عن متصفح خاص بيها ChatGPT Atlas 🤖

ده متصفح ويب جديد من OpenAI معمول حوالين ChatGPT نفسه.

المتصفح مبني على دمج ChatGPT في عملية التصفح، وفكرته إنك مش بتستخدمه بس عشان تبحث، ولكن كمان تشتغل وتتعامل مع كل حاجة في نفس المكان.

يعني ChatGPT يبقى معاك جوه المتصفح ويفهم إنت بتعمل إيه ويساعدك في شغلك.

1. بيشتغل داخل بيئة العمل بتاعتك (Works in your flow)

- لما تفتح تبويب جديد، تقدر تسأل سؤال أو تحط لينك، وChatGPT هيعرضلك نتائج أسرع وتنظيمها بشكل مفيد.

- تقدر تشوف البحث، الأخبار، الصور، الفيديوهات في تبويبات منفصلة.

- لو بتتفرج على محاضرة، ChatGPT ممكن يفهم المحتوى ويشرحلك في نفس اللحظة.

2. معمول مخصوص ليك (Built around you)

- فيه حاجة اسمها “ذاكرة المتصفح”، بتخلي ChatGPT يفتكر المواقع اللي زرتها والحاجات اللي بحثت عنها عشان يساعدك أكتر المرة الجاية.

- تقدر تتحكم في الخصوصية: توقف الميزة دي، تمسح الذاكرة، أو تستخدم وضع "تخفي" (incognito).

3. بيشتغل مكانك (Get work done for you)

- فيه وضع اسمه “agent mode” بيخلي ChatGPT يقدر ينفّذ حاجات بنفسه جوه المتصفح:
يفتح تبويبات، يضغط أزرار، يجمع معلومات، يرتبها، أو حتى يشتري حاجات أونلاين لو طلبت منه.

زي إنك تقول له: “حضرلي مكونات العشا واطلبهم من متجر قريب” — وهيعمل كده فعلاً.

الميزة دي شغالة حاليًا في النسخة التجريبية لمشتركي Plus وPro وBusiness.

4. الأمان والخصوصية (Safety & control)

الوكيل (agent) مش بيقدر يشغل كود في النظام أو يوصل لملفاتك.

لو دخلت موقع حساس زي البنك، هيوقف ويسألك الأول.

بيحذّرك لو فيه صفحات فيها أوامر خبيثة أو مخاطرة.

المتصفح متاح حاليا لمستخدمي نظام macOS وقريبا لباقي الأنظمة.

خاصية تعيين اسم مستخدم لحساب واتساب بدل مشاركة رقم الموبايل أصبحت متوفرة في النسخة البيتا، وغالبا هتكون متوفرة قريبا في النسخة العادية.

شركة OpenAI حققت خسارة في الربع السابق بقيمة 12 مليار دولار.. واحدة من أكبر الخسائر الربعية لشركة في المجال التقني في التاريخ!

في تصريح سابق.. المدير التنفيذي للشركة سام ألتمان قال سواء حرقنا 500 مليون دولار أو 5 مليار أو 50 مليار في السنة.. أنا لا أهتم 🔥

من حوالي أسبوعين كدة متحف اللوفر Louvre في فرنسا اتعرضت للسرقة في وضح النهار بطريقة مضحكة، وتم سرقة مقتنيات بقيمة تتجاوز 100 مليون دولار.

المهم في التحقيقيات اكتشفوا إن أمن المتحف كان بيستخدم أحد البرامج الأمنية من شركة THALES وكان باسورد الوصول ليه هو "THALES".. ونظام كاميرات المراقبة الخاص بمتحف اللوفر كان الباسورد بتاعه "Louvre".

جونسون هوانج المدير التنفيذي لشركة نيفيديا:

الصين أصبحت على بعد نانو ثانية خلف أمريكا في سباق الذكاء الاصطناعي، والصين هي من ستفوز في هذا السباق 🤖

في موجة التسريحات الأخيرة، شركة إنتل طردت أحد مهندسيها اسمه Jinfeng Luo واللي كان شغال في الشركة من أكتر من 10 سنين.

المهم عم Luo في بعد ما وصله القرار سرق أكتر من 18 ألف ملف من الشركة واختفى.

شركة إنتل قالت إن البيانات المسروقة "عالية السرية" وحاليا بيحاولوا يوصلوا لمكان المهندس ورافعين عليه قضية.

الإنترنت الفضائي وصل سوريا واحنا لسه..

المدير التنفيذي لشركة فورد جيم فارلي بيقول إن الشركة عندها 5,000 وظيفة ميكانيكي متاحة بمرتبات من 6 أرقام (120,000$) مش قادرة إنها تملاها!

كنت قرأت مقالات كتير عن قصص مشابهة، وواضح إن فيه نقص حاد في "العمالة الماهرة" في دول كتير خصوصا الدول الغربية.. في ظل توجه معظم الجيل الجديد لمجالات التوظيف الحديثة وخصوصا المجال التقني.

أعتقد إن الموضوع ده حاليا فرصه أعلى في السفر من الشهادات العليا، مع قضاء الذكاء الاصطناعي على عدد كبير من الوظائف.

شوفت الصورة دي النهاردة على reddit
إحصائيات التحميل والرفع لمستخدم على أحد برامج التورنت.

رفع 1.1 مليون جيجابايت
حمّل 51,000 جيجابايت

🙂

منصة الاستضافة وخدمات الويب Cloudflare وقعت من شوية ووقعت معاها 100 مليون موقع، منهم X - ChatGPT.

حسب تصريح الشركة حصل صعود غير عادي للترافيك قبل المشكلة، فيبدو إن اللي حصل هجوم أكتر من كونه مجرد خلل تقني.

لو فعلا كان الموضوع هجوم ده هيكون ليه تأثير كبير جدا، لأن Cloudflare هي أكتر شركة بتمتلك أفضل تقنيات على الإطلاق في رصد هجمات الحرمان من الخدمة "DDoS" وإبطالها، وكون إنه فيه جهة قدرت تتجاوز التقنيات دي هيكون مؤشر في غاية الخطورة.

في باحث أمني نجح في عمل قاعدة بيانات فيه 3.5 مليار رقم موبايل اللي بيستخدموا واتساب.

لو فتحت واتساب هتلاقي إنك تقدر تبحث عن أي رقم عشوائي وتعرف لو هو موجود على واتساب ولا لا.

الفكرة بقى إن واتساب مش عاملة حماية كافية على عمليات البحث دي عشان تمنع استغلالها، زي مثلا فرض حدود على عدد عمليات البحث.

بالتالي الباحث قدر إنه يجمع كل أرقام الموبايل اللي بتستخدم واتساب في 235 دولة، وجمع معلومات عنهم زي نوع نظام المستخدم، وجود صورة أو حالة، نوع الحساب إلخ.

مصر موجودة في المرتبة 10 من حيث عدد الحسابات على التطبيق ☹️

شركة أمازون تكشف عن جهاز الطرفية Amazon Leo Ultra الخاص بمشروع الإنترنت الفضائي بتاعها Amazon Leo.

الجهاز هيدعم سرعات 1 جيجابت تحميل و400 ميجابت رفع.

البيع هيبدأ في 2026، والسعر لم يتم إعلانه حتى الآن.

أمازون حاليا عندها 150 قمر اصطناعي في المدار هيتم زيادتهم قبل طرح الخدمة المنافسة لخدمة Starlink.

ولا عزاء لأصحاب الباقات المحدودة.

النهاردة كنت بقرأ قصة عن مطور برمجيات صيني اسمه Davis Lu اتحكم عليه بالسجن 4 سنوات في أمريكا.

الأخ ده كان بيشتغل في شركة Eaton وهي شركة طاقة ضخمة متعددة الجنسيات. في 2018 حصله demotion او خفض للمسمى الوظيفي بتاعه، فقرر يزرع Kill switch او كود برمجي خبيث داخل أنظمة الشركة هيعمل 3 حاجات:
1. يعمل Infinite loops أو حلقات تكرارية لا نهائية تستنزف موارد الخوادم وتعطلها في النهاية.
2. يعمل Profile deletions لمسح حسابات الموظفين من خوادم الشركة.
3. كود لتحقق من شرط التفعيل IsDLEnabledinAD أو Is Davis Lu enabled in Active Directory?
الشرط ده باختصار هو اللي بيفعل الكود الخبيث، والشرط ده بيتحقق لو حساب المطور تم سحب صلاحيات الوصول بتاعته من مستودعات البرمجيات من الشركة.
يعني هو كان عامل الكود يتفعل أول ما الشركة تقرر تطرده.

وبالفعل في اليوم اللي الشركة طردته الكود اتفعل وتم منع آلاف الموظفين حول العالم من الوصول إلى أنظمة الشركة، والخوادم اتعطلت والشركة وقفت بالكامل.

المضحك في القصة إنهم اكتشفوا سبب اللي حصل في الشركة لما طلبوا من Davis يسلم لابتوب الشركة واكتشفوا أدلة نسى يحذفها منها عمليات بحث في هيستوري المتصفح!

الشهور اللي فاتت جربت نماذج AI على جهازي الشخصي، وحتى الآن نموذج Gemma بتاع جوجل هو أفضل نموذج استخدمته.

النموذج حجمه مش كبير مقارنة بإمكانياته، بيدعم اللغة العربية، ومتاح للاستخدام مجانا. وطبعا ميزة النماذج دي إنه بيشتغل على جهازك الشخصي بدون اتصال بالإنترنت، وبالتالي تقدر تشارك معه ملفات أو بيانات سرية بالنسبالك ويساعدك في أي سؤال عنها أو تحليل ليها، بدل ما تشارك البيانات دي أون لاين.

ممكن لو إمكانيات جهازك مش كبيرة تجرب نسخة Quantized منه وهيشتغل معاك بدون مشاكل.

يبقى العيب الوحيد اللي في النموذج ده إن جوجل عاملة عليه رقابة صارمة وصعب تخدع النموذج لتقديم إجابات عن موضوعات معينة. والعيب ده بردو ممكن تتحايل عليه بإنك تستخدم واجهة تسمح لك بتجاوز الرقابة دي.

مخـــدرات للذكاء الاصطناعي 😵‍💫

في واحد سويدي اسمه Petter Rudwall قرر يجمع تقارير التجارب والأبحاث النفسية حول تأثيرات مختلف المواد المؤثرة على العقل، وكتب مجموعة من الأكواد البرمجية اللي لو تم تقديمها للشات بوت بيخليه يستجيب زي ما لو كانت تحت تأثير المخــدرات أو الكحول.

صاحبنا ده أطلق متجر على الإنترنت بيبيع من خلاله أكواد "هلوسة" أو مخــدرات للذكاء الاصطناعي. ممكن تشتري منه كود يخلي الشات بوت تحت تأثير الحشيــش أو الكيتامين أو الكوكايين أو الكحول، وحقق مبيعات كويسة.

الناس اللي استخدمت الأكواد دي أكدت إن ردود الشات بوتس بتاعتهم كانت إبداعية ومبتكرة بشكلٍ مثير للإعجاب، بخلاف الإجابات المعتادة المملة للشات بوت.

المهم الأخ بيتر بيقول إنه حاليا بيعمل تحسينات عشان يخلي تأثير كل جرعة من المخــدرات دي يدوم لفترة أطول.

سرايا المجانين