#TTJ_FAOLIYATI

🏢 Talabalarni turar joylarga joylashtirish jarayonlari davom etmoqda

📎 Yangi o‘quv yilini munosib boshlash arafasida Termiz davlat pedagogika instituti talabalarini talabalar turar joylari va ijara xonadonlariga joylashtirish ishlari davom etmoqda.

✔️ Joylashtirish jarayonlari davomida talabalarga turar joylardan foydalanish tartibi, ichki tartib-qoidalar, odob-axloq me’yorlari, xavfsizlik talablari va yashash madaniyati yuzasidan zarur tushuntirish va tavsiyalar berilmoqda.

🎓 Talabalarning ta’lim olishi uchun sifatli ta’lim muhiti bilan bir qatorda, qulay, xavfsiz va munosib yashash sharoitlarini yaratish ham muhim vazifalardan biridir.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🖤 Fakultet xotin-qizlarining yangi o‘quv yilidagi vazifalari muhokama qilindi

💾 2026-yil 4-sentabr kuni Termiz davlat pedagogika institutining Tillar fakultetida Institut Xotin-qizlar maslahat kengashi raisi S.I. Tursunova ishtirokida fakultet xotin-qizlar kengashi raisi N. Xamidova tashabbusi bilan yangi o‘quv yilidagi vazifalarga bag‘ishlangan yig‘ilish o‘tkazildi.

🤩 Yig‘ilishda 2026/2027-o‘quv yilida xotin-qizlar bilan ishlash yo‘nalishidagi ustuvor vazifalar, ularning institut va jamiyat hayotidagi o‘rni, shuningdek, talaba-qizlarning ichki tartib-qoidalarga rioya etishi, kiyinish va muomala madaniyati, salomlashish odobi kabi masalalar muhokama qilindi. Ishtirokchilarni qiziqtirgan savollarga Institut Xotin-qizlar maslahat kengashi raisi S.I. Tursunova tomonidan javoblar berildi.
Shuningdek, “Xotin-qizlarni tazyiq va zo‘ravonlikdan himoya qilish to‘g‘risida” hamda “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi qonunlarning mazmun-mohiyati, xotin-qizlarning huquq va qonuniy manfaatlarini himoya qilish, gender tenglikni ta’minlash hamda tazyiq va zo‘ravonlikning oldini olish masalalari yuzasidan tushuntirishlar berildi.

✔️ Yig‘ilish davomida “Madaniyatlararo muloqot” darsligining xotin-qizlarning jamiyatdagi o‘rni, teng huquq va imkoniyatlari hamda karyera rivojiga bag‘ishlangan 5-bobi — “Ayollar teng huquqliligi va karyera masalalari” haqida ham ma’lumot berildi. Mazkur bob muallifi — Gumanitar yo'nalishlarda xorijiy tillar kafedrasi mudiri, PhD, dotsent— Zamira Shirnazarova hisoblanadi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram