🤩 TA’LIM TIZIMIDA PSIXOLOGIK XIZMATNING ZAMONAVIY TENDENSIYALARIGA BAG‘ISHLANGAN RESPUBLIKA ILMIY-AMALIY ANJUMANI O‘TKAZILDI

📚Termiz davlat pedagogika institutida “Ta’lim tizimida psixologik xizmatning zamonaviy tendensiyalari: nazariya va amaliyot” mavzusida respublika ilmiy-amaliy anjumani tashkil etildi.

🏢 16–17-oktabr kunlariga mo‘ljallangan anjumanning ochilish marosimida institut rektori, professor Azizbek Xasanov Baxtiyarovich kirish so‘zi bilan ishtirok etib, ta’lim tizimida psixologik xizmatni rivojlantirish, zamonaviy yondashuvlarni amaliyotga tatbiq etish hamda sohadagi ilmiy izlanishlarning ahamiyatiga to‘xtaldi.

🗣Anjumanning asosiy maqsadi ta’lim tizimida psixologik xizmatning zamonaviy tendensiyalarini ilmiy jihatdan o‘rganish, ilg‘or tajribalar va tadqiqot natijalarini muhokama qilish, shuningdek, sohaning istiqbolli yo‘nalishlarini belgilashdan iborat.

📑 Ilmiy-amaliy anjuman doirasida quyidagi yo‘nalishlarda ma’ruzalar va muhokamalar tashkil etildi:

➡️ Ta’lim tizimida psixologik xizmatning nazariy va amaliy jihatlari hamda istiqbollari;
➡️ Maktabgacha ta’limda psixologik xizmat samaradorligini oshirish;
➡️ Umumiy o‘rta ta’limda psixologik xizmatga zamonaviy yondashuvlar, muammolar va yechimlar;
➡️ Professional ta’limda amaliy psixologiyadan foydalanish samaradorligi;
➡️ Oliy ta’limda psixologik xizmatning nazariy va amaliy masalalari.

✔️Anjuman olimlar, professor-o‘qituvchilar, tadqiqotchilar va soha mutaxassislari o‘rtasida ilmiy fikr almashish, tajriba va yangi tadqiqot natijalarini ommalashtirish, ta’lim muassasalarida psixologik xizmat sifatini oshirishga qaratilgan takliflarni ishlab chiqish uchun muhim ilmiy muloqot maydoni bo‘lib xizmat qilmoqda.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🥇 Xurramova Shoxsanam — O‘zbekiston kubogining oltin medali sohibasi!

🏃🏻‍♀️ Joriy yilning 16–18-oktabr kunlari kattalar o‘rtasida yengil atletika bo‘yicha o‘tkazilgan O‘zbekiston kubogi musobaqasida Xurramova Shoxsanam Ulug‘bek qizi 1500 metr masofaga yugurish bahslarida muvaffaqiyatli ishtirok etib, faxrli 1-o‘rinni qo‘lga kiritdi.

🏆 Ushbu yutuq bilan Shoxsanam Xurramovani samimiy muborakbod etamiz! Sportchimizning kelgusi musobaqalarda ham ulkan zafarlar quchishini tilaymiz.

🎉Shuningdek, sportchining muvaffaqiyatida munosib hissasi bor murabbiyi H.Raimovga samarali mehnati va fidoyiligi uchun minnatdorlik bildiramiz!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

⚡️⚡️⚡️⚡️⚡️⚡️⚡️

🏅TerDPI talabalari O‘zbekiston kubogida kumush medalni qo‘lga kiritdi

🏆Termiz davlat pedagogika instituti talabalari yengil atletika bo‘yicha O‘zbekiston kubogida muvaffaqiyatli ishtirok etishdi.

Joriy yilning 16–18-oktabr kunlari kattalar o‘rtasida o‘tkazilgan yengil atletika bo‘yicha O‘zbekiston kubogi musobaqasining aralash 4×400 metr estafeta bahslarida Surxondaryo viloyati jamoasi faxrli 2-o‘rinni egalladi.

🥈Ushbu natijaga erishishda Termiz davlat pedagogika instituti talabalari Shoxsanam Xurramova va Shoxrux Omonov ham munosib hissa qo‘shib, jamoa safida kumush medalni qo‘lga kiritishdi.

🎉 Talabalarimizni ushbu yutuq bilan samimiy tabriklaymiz va kelgusi musobaqalarda ularga yanada katta muvaffaqiyatlar tilaymiz!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram