🎓 #Himoya_2026
📅 2026-yil 20-OKTABR | 🕙 13:00

✨ Falsafa doktori (PhD) ilmiy darajasini olish uchun yozilgan dissertatsiya ishi muvaffaqiyatli himoya qilindi!

🎓 Ergasheva Dilnoza Mamasharifovna Termiz davlat pedagogika instituti huzuridagi PhD.01/2025.27.12.Ped.11.01 raqamli Ilmiy kengashning majlisida “Sharq allomalarining tarbiyaga oid asarlari vositasida talabalarda axloqiy madaniyatni rivojlantirish asoslarini takomillashtirish” mavzusidagi dissertatsiya ishini muvaffaqiyatli himoya qildi.

📖 13.00.01- Pedagogika nazariyasi. Pedagogik ta’limotlar tarixi ixtisosligi bo‘yicha pedagogika fanlari bo‘yicha falsafa doktori (PhD) ilmiy darajasini olish uchun yozilgan mazkur ilmiy tadqiqot ishi o‘zining dolzarbligi, ilmiy yangiligi va amaliy ahamiyati bilan e’tirof etildi.

👏 TerDPI jamoasi nomidan Ergasheva Dilnoza Mamasharifovnani ushbu yuksak ilmiy yutug‘i bilan samimiy tabriklaymiz hamda kelgusidagi ilmiy-pedagogik faoliyatida ulkan muvaffaqiyatlar, mustahkam sog‘liq va yangi zafarlar tilaymiz!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

📚📚📚📚📚📚

🖌 “Ma’rifat ulashib” loyihasi doirasida 19-oktabr kuni Termiz davlat pedagogika instituti Tillar fakultetida talaba-yoshlar o‘rtasida “Mushoira kechasi” tanlovi o‘tkazildi.

🎙 Tanlov davomida ishtirokchilar Xosiyat Bobomurodova, Guljahon Mardonova va Shavkat Do‘stmuhammad ijodidan namunalarni yoddan, ifodali o‘qib berdilar. Shuningdek, o‘zlari tanlagan ijodkorlar asarlarini tahlil qilib, adabiy bilim va ijodiy mahoratlarini namoyon etdilar.

🏆Hakamlar hay’ati qaroriga ko‘ra, g‘oliblar quyidagicha aniqlandi:

🥇1-o‘rin — O‘razova Inobad (O‘zbek tili va adabiyoti yo‘nalishi 4-bosqich talabasi)
🥈2-o‘rin — Yoriyeva Muhlisa (O‘zbek tili va adabiyoti yo‘nalishi 2-bosqich talabasi)
🥉3-o‘rin — Abdujabborova Dilnura (O‘zbek tili va adabiyoti yo‘nalishi 1-bosqich talabasi)

🎁 G‘oliblar diplomlar hamda bazaviy stipendiya miqdorining mos ravishda 2, 1,5 va 1 baravari miqdoridagi pul mukofotlari bilan taqdirlanadilar.

👏 G‘oliblarni samimiy tabriklaymiz! Barcha ishtirokchilarga kelgusida ulkan muvaffaqiyatlar tilaymiz!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram