👥👥👥👥👥👥

🔝 🇺🇿Xalqaro hamkorlik: Amerikalik mutaxassislar Termiz davlat pedagogika institutida

🎓 Bugun Termiz davlat pedagogika institutiga xalqaro ta’lim dasturlari va akademik almashinuv doirasida AQShning O‘zbekistondagi elchixonasi Akademik almashinuvlar koordinatori Xamid Inomkhodjaev hamda “Fulbright English Teaching Assistants” dasturi vakillari Kale Fuller va Kyle Reese tashrif buyurdi.

🔵 Mehmonlarni institut rektori A. Xasanov kutib oldi. Uchrashuvda Xalqaro hamkorlik bo‘limi boshlig‘i U. Eshmuratov, Tillar fakulteti dekani A. Umarov, Amaliy ingliz tili kafedrasi mudiri S. Kabilova hamda kafedra o‘qituvchilari ishtirok etdi.

✍️ Muloqot davomida akademik almashinuvni rivojlantirish, talabalarning ingliz tili ko‘nikmalarini xalqaro standartlar asosida takomillashtirish va kelgusidagi qo‘shma loyihalar muhokama qilindi. Shuningdek, Kale Fullerning 2026/2027-o‘quv yilida institutda dars mashg‘ulotlarini olib borishi yuzasidan amaliy kelishuvga erishildi.

🤝 Tashrif yakunida mehmonlar hamda institut rahbariyati tomonidan esdalik sovg‘alari topshirildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

#birinchi_kurs_maktabi
#kelajak_soati

🤩 TERMIZ DAVLAT PEDAGOGIKA INSTITUTIDA "KREDIT TA'LIMI TIZIMIGA KIRISH HAFTALIGI" TASHKIL ETILDI

🎓 Yangi 2026/2027-o'quv yili boshlanishi munosabati bilan institutimizda "Kredit haftasini tashkil etish metodikasi" metodik qo'llanmasi asosida Kredit ta'limi tizimiga kirish haftaligi tashkil etildi.

Hafta davomida quyidagi yo'nalishlarda tizimli ishlar amalga oshirildi:

🏛 Institut faoliyati bilan tanishtirish
Yangi qabul talabalari institutimiz tarixi, tarkibiy tuzilmasi, fakultetlar, kafedralar, o'quv-laboratoriya bazasi bilan yaqindan tanishtirildi, shuningdek, Axborot-resurs markazi va sport majmualari bilan bevosita tanishib chiqdilar.

📚 Kredit-modul tizimi targ'iboti
Talabalarga kredit-modul tizimining mazmun-mohiyati, afzalliklari, HEMIS elektron tizimi va o'quv dastur asosida ishlash tartibi bo'yicha amaliy ma'lumotlar berildi.

🎯 Tanlov fanlarni maqsadli tanlash
Talabalarning kasbiy qiziqishlari va istiqbolli rivojlanish yo'nalishlaridan kelib chiqib, tanlov fanlarni ongli va maqsadli tanlashi yuzasidan tushuntirish ishlari olib borildi.

✍️ Mustaqil ta'lim ko'nikmalarini shakllantirish
Talabalarda mustaqil izlanish, vaqtni samarali boshqarish va bilimlarni amaliyotga tatbiq etish ko'nikmalarini rivojlantirishga qaratilgan mashg'ulotlar tashkil etildi.

⚖️ Akademik halollik targ'iboti
Ta'lim va ilmiy faoliyatda halollik, mas'uliyat va shaffoflik tamoyillari yuzasidan targ'ibot-tashviqot ishlari amalga oshirildi.

📂 Kasbiy va shaxsiy rivojlanish
Talabalarni tanlagan kasb-hunariga bo'lgan ishonchini mustahkamlash, kelajakdagi kasbiy faoliyatga puxta tayyorgarlik ko'rish borasida ma'ruza va tadbirlar o'tkazildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🏠 Ijarada yashayotgan talaba-qizlarning xonadonlari o‘rganildi

✍️ Termiz davlat pedagogika institutining Aniq fanlar pedagogika oliy maktabi hamda Maktabgacha va boshlang‘ich ta’lim fakultetlari talabalarining 4- va 5-uylaridagi ijara xonadonlariga tashrif buyurilib, ularning yashash sharoitlari ko‘zdan kechirildi.

📝 Unda institutning Xotin-qizlar masalalari bo‘yicha rektor maslahatchisi S. Tursunova, fakultetlarning Xotin-qizlar maslahat kengashi raislari S. Niyozova va X. Qulmamatova ishtirok etdi.

📂 O‘rganish davomida talaba-qizlar bilan ta’lim olish, odob-axloq me’yorlariga rioya qilish, sog‘lom turmush tarzini shakllantirish, xonadonlarda texnika xavfsizligi qoidalariga amal qilish hamda turli salbiy ta’sirlardan himoyalanish masalalarida suhbatlar o‘tkazildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram