🇺🇿“Yagona Vatan, yagona xalq bo‘lib, yangi hayot va kelajak yaratamiz!” g‘oyasi asosida “Mustaqillik darslari” tashkil etildi.

🤩 2026-yil 21-sentabr kuni Aniq fanlar pedagogika oliy maktabi fakultetida “Yagona Vatan, yagona xalq bo‘lib, yangi hayot va kelajak yaratamiz!” g‘oyasi asosida “Mustaqillik darslari” tashkil etildi. Mazkur ma’naviy-ma’rifiy tadbirda fakultet dekani Sh. Qosimov, fakultet tyutorlari hamda 1-bosqich talabalari faol ishtirok etdilar.

🇺🇿 “Mustaqillik darslari” davomida yurtimiz mustaqilligining mazmun-mohiyati, xalqimizning boy tarixiy va milliy qadriyatlari, milliy birlik va hamjihatlik, Vatanga sadoqat hamda yoshlarning mamlakatimiz taraqqiyotidagi o‘rni haqida fikr-mulohazalar bildirildi.

🇺🇿 Talabalarga mustaqillikning xalqimiz hayotidagi beqiyos ahamiyati, tinchlik va osoyishtalikni asrash hamda yurt ravnaqi uchun mas’uliyat bilan yashash kabi ezgu tushunchalar haqida atroflicha ma’lumotlar berildi.

🇺🇿 Shuningdek, yoshlarni Vatanga muhabbat, milliy qadriyatlarga hurmat, fuqarolik mas’uliyati va bunyodkorlik ruhida tarbiyalash masalalariga alohida e’tibor qaratildi. Tadbir talabalarning tarixiy xotirasi va milliy g‘ururini mustahkamlash, yurt kelajagiga daxldorlik tuyg‘usini yanada oshirishga xizmat qildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

➡️ Talabalarning ijara xonadonlaridagi yashash sharoitlari o‘rganildi

🏠Termiz davlat pedagogika institutida talabalarning yashash sharoitlarini o‘rganish, ularning xavfsizligi va farovonligini ta’minlash maqsadida ijara xonadonlari o‘rganildi.

🔵 O‘rganish jarayonida institutning Yoshlar bilan ishlash, ma’naviyat va ma’rifat bo‘limi uslubchisi D. Eshov, profilaktika inspektori B. Allaberdiyev hamda tyutorlar ishtirok etdi.

🔎 Jarayon davomida talabalarning yashash sharoitlari, xonadonlarning tozaligi, isitish tizimi, yoritish vositalari, sanitariya-gigiyena holati hamda umumiy qulayliklari ko‘zdan kechirildi.

❄️ Shuningdek, kuz-qish mavsumiga tayyorgarlik holati o‘rganilib, talabalarga xavfsizlik qoidalariga rioya qilish, isitish moslamalaridan to‘g‘ri foydalanish hamda sanitariya-gigiyena talablariga amal qilish yuzasidan tegishli tavsiyalar berildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🇺🇿 “YAGONA VATAN, YAGONA XALQ BO‘LIB, YANGI HAYOT VA KELAJAK YARATAMIZ!” G‘OYASI ASOSIDA “MUSTAQILLIK DARSLARI” O‘TKAZILDI

🗣 2026-yil 21-sentabr kuni Termiz davlat pedagogika instituti Tillar fakultetida “Yagona Vatan, yagona xalq bo‘lib, yangi hayot va kelajak yaratamiz!” g‘oyasi asosida “Mustaqillik darslari” tashkil etildi.

✔️ Ma’naviy-ma’rifiy yo‘nalishdagi mashg‘ulotlarda fakultet dekan o‘rinbosari Ch. Nodirov, professor-o‘qituvchilar, tyutorlar hamda 1-bosqich talabalari ishtirok etdi.

🇺🇿 Darslar davomida O‘zbekiston mustaqilligining tarixiy ahamiyati, milliy qadriyatlarimiz, xalqimizning birdamligi va hamjihatligi, Vatanga sadoqat hamda yoshlarning mamlakat taraqqiyotidagi mas’uliyati haqida fikrlar bildirildi.

📚 Bundan tashqari talabalarga chet ellik professor-o‘qituvchilar tomonidan o‘quv mashg‘ulotlari olib borilib, ular jarayonda mavzu yuzasidan fikr almashishi, mustaqil mushohada yuritishi va tarixiy voqealarga munosabat bildirishiga imkon yaratildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

#Birga_hayotni_saqlaymiz

🤩 Bir tomchi qon — bir inson hayoti uchun umid

🤩 Termiz davlat pedagogika instituti Jismoniy madaniyat va san'at fakulteti tyutor va talabalari insonparvarlik g‘oyalarini keng targ‘ib etish, yoshlar o‘rtasida ijtimoiy ma'suliyatni mustahkamlash hamda beg‘araz donorlik madaniyatini rivojlantirish maqsadida “Birga hayotni saqlaymiz” shiori ostida milliy donorlik aksiyasi tashkil etildi.

🩸 Xayriya aksiyasida institutning Yoshlar bilan ishlash, ma’naviyat va ma’rifat bo‘limi xodimlari, fakultet dekanlari o‘rinbosarlari, tyutorlar, professor-o‘qituvchilar faol ishtirok etib, inson hayotini saqlab qolishga xizmat qiladigan ezgu tashabbusni qo‘llab-quvvatladilar va ixtiyoriy ravishda qon topshirdilar.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram