⚡️⚡️⚡️⚡️⚡️⚡️

📙 “VATAN BO‘YLAB SAYOHAT” LOYIHASI DOIRASIDA ARXEOLOGIYA MUZEYIGA EKSKURSIYA TASHKIL ETILDI

📚 Termiz davlat pedagogika instituti Maktabgacha va boshlang‘ich ta’lim fakulteti tyutori U. Xudoyberdiyeva tashabbusi bilan talaba-yoshlarning bo‘sh vaqtini mazmunli tashkil etish, ularning tarixiy-madaniy merosimizga bo‘lgan qiziqishini yanada oshirish maqsadida “Vatan bo‘ylab sayohat” loyihasi doirasida Arxeologiya muzeyiga ekskursiya tashkil etildi.

🏛 Ekskursiya davomida talabalar yurtimiz hududidan topilgan qadimiy arxeologik yodgorliklar, tarixiy ashyolar va ajdodlarimizning boy madaniy merosi bilan yaqindan tanishdilar. Muzey ekspozitsiyalari orqali O‘zbekistonning qadimiy tarixi, milliy qadriyatlari va asrlar davomida shakllangan bebaho ma’naviy merosi haqida qimmatli ma’lumotlarga ega bo‘ldilar.

🧢Mazkur ma’rifiy sayohat talabalarning tarixiy bilimlarini boyitish, ajdodlar merosiga hurmatini oshirish hamda Vatanga muhabbat, milliy g‘urur va tarixiy xotira tuyg‘ularini mustahkamlashga xizmat qildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🔥🔥🔥🔥🔥🔥

🇲🇾 Malayziyalik professor-o‘qituvchilar ishtirokida xalqaro seminar-treninglar o‘tkazildi

📂 Termiz davlat pedagogika institutida Malayziyaning nufuzli oliy ta’lim muassasalaridan tashrif buyurgan professor-o‘qituvchilar ishtirokida magistrantlar hamda bakalavriat bosqichidagi talabalar uchun xalqaro seminar-treninglar tashkil etildi.

🎓 Seminar-treninglarda Malayziyaning Sulton Idris nomidagi Ta’lim universiteti (UPSI) vakili Dr. Dahlia Binti Janan hamda Malayziya Kelantan universiteti vakili Dr. Suhaida Omar ishtirok etdi.

📚 Dr. Dahlia Binti Janan tomonidan “Challenge-Activated Learning: Nature is the Original Teacher – From Challenge to Change” mavzusida seminar-trening o‘tkazilib, ta’lim jarayonida muammoli vaziyatlardan foydalanish, ularni ta’limiy imkoniyatga aylantirish hamda zamonaviy o‘qitish yondashuvlari haqida fikr almashildi.

📖 Dr. Suhaida Omar tomonidan esa “Multilingualism in Malaysia: Constitutional Frameworks, Educational Reforms, and Public Discourse” mavzusida seminar-trening tashkil etilib, Malayziyada ko‘ptillilikning konstitutsiyaviy asoslari, ta’lim sohasidagi islohotlar va jamiyatdagi til siyosati bilan bog‘liq masalalar muhokama qilindi.

👥 Seminar-treninglarda institutning magistrantlari hamda bakalavriat bosqichidagi talabalar faol ishtirok etdi. Tadbirlar davomida ishtirokchilar xorijiy professor-o‘qituvchilar bilan fikr almashib, o‘zlarini qiziqtirgan savollar bilan murojaat qildilar va mavzular yuzasidan batafsil javob hamda tavsiyalar oldilar.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🏃‍♂️ YENGIL ATLETIKA SPORT TO‘GARAGI FAOLIYATINI BOSHLADI

💪Termiz davlat pedagogika instituti Jismoniy madaniyat va san’at fakultetida talaba-yoshlarning bo‘sh vaqtini mazmunli tashkil etish, jismoniy faolligini oshirish hamda yengil atletikaga bo‘lgan qiziqishini rivojlantirish maqsadida yengil atletika sport to‘garagi tashkil etildi.

🏅 To‘garak rahbari Omonov Shohrux boshchiligida muntazam mashg‘ulotlar olib borilmoqda. Mashg‘ulotlar davomida talabalar yugurish texnikasi, tezkorlik, chaqqonlik va chidamlilikni rivojlantirishga qaratilgan turli jismoniy mashqlarni bajarmoqdalar.

💪 Mashg‘ulotlarda talabalarning faol ishtiroki ularning jismoniy imkoniyatlarini yanada rivojlantirish, sport ko‘nikmalarini mustahkamlash va sog‘lom turmush tarziga bo‘lgan e’tiborini oshirishga xizmat qilmoqda.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🏐🏐🏐🏐

🏆 STOL TENNISI BO‘YICHA MUSOBAQA G‘OLIBLARI ANIQLANDI!

📝 1-oktabr — O‘qituvchi va murabbiylar kuni munosabati bilan Termiz davlat pedagogika instituti professor-o‘qituvchilari hamda ishchi-xodimlari o‘rtasida tashkil etilayotgan sport musobaqalari davom etmoqda.

🏓 Bugun dasturdan o‘rin olgan stol tennisi bo‘yicha bellashuvlar qizg‘in va murosasiz kurashlar ostida o‘tkazildi. Ishtirokchilar chaqqonlik, tezkorlik va sport mahoratlarini namoyish etdilar.

👩‍🦰Ayollar o’rtasida g’oliblar:

🥇 1-o‘rin — Muminova Umida (O‘zbek tili va adabiyoti kafedrasi o‘qituvchisi)
🥈 2-o‘rin — Abdullayeva Nasiba (Amaliy psixologiya kafedrasi o‘qituvchisi)
🥉 3-o‘rin — Shamanova Zarina (Falsafa, ma’naviyat asoslari va huquq talim kafedrasi o‘qituvchisi)

🙎‍♂️Erkaklar o’rtasida g’oliblar:
🥇 1-o‘rin — Xabibullayev Abbos (Matematika kafedrasi o‘qituvchisi)
🥈 2-o‘rin —Nodirov chorshanbi (Tillar fakulteti dekan o‘rinbosari)
🥉 3-o‘rin — Qudratov Nomoz (Tarix va geografiya kafedrasi o’qituvchisi)

👏 G‘olib va sovrindorlarni munosib natijalari bilan muborakbod etamiz! Ularga kelgusidagi sport musobaqalarida ham omad va yangi zafarlar tilaymiz.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram