🏃‍♂️ YENGIL ATLETIKA SPORT TO‘GARAGI FAOLIYATINI BOSHLADI

💪Termiz davlat pedagogika instituti Jismoniy madaniyat va san’at fakultetida talaba-yoshlarning bo‘sh vaqtini mazmunli tashkil etish, jismoniy faolligini oshirish hamda yengil atletikaga bo‘lgan qiziqishini rivojlantirish maqsadida yengil atletika sport to‘garagi tashkil etildi.

🏅 To‘garak rahbari Omonov Shohrux boshchiligida muntazam mashg‘ulotlar olib borilmoqda. Mashg‘ulotlar davomida talabalar yugurish texnikasi, tezkorlik, chaqqonlik va chidamlilikni rivojlantirishga qaratilgan turli jismoniy mashqlarni bajarmoqdalar.

💪 Mashg‘ulotlarda talabalarning faol ishtiroki ularning jismoniy imkoniyatlarini yanada rivojlantirish, sport ko‘nikmalarini mustahkamlash va sog‘lom turmush tarziga bo‘lgan e’tiborini oshirishga xizmat qilmoqda.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🏐🏐🏐🏐

🏆 STOL TENNISI BO‘YICHA MUSOBAQA G‘OLIBLARI ANIQLANDI!

📝 1-oktabr — O‘qituvchi va murabbiylar kuni munosabati bilan Termiz davlat pedagogika instituti professor-o‘qituvchilari hamda ishchi-xodimlari o‘rtasida tashkil etilayotgan sport musobaqalari davom etmoqda.

🏓 Bugun dasturdan o‘rin olgan stol tennisi bo‘yicha bellashuvlar qizg‘in va murosasiz kurashlar ostida o‘tkazildi. Ishtirokchilar chaqqonlik, tezkorlik va sport mahoratlarini namoyish etdilar.

👩‍🦰Ayollar o’rtasida g’oliblar:

🥇 1-o‘rin — Muminova Umida (O‘zbek tili va adabiyoti kafedrasi o‘qituvchisi)
🥈 2-o‘rin — Abdullayeva Nasiba (Amaliy psixologiya kafedrasi o‘qituvchisi)
🥉 3-o‘rin — Shamanova Zarina (Falsafa, ma’naviyat asoslari va huquq talim kafedrasi o‘qituvchisi)

🙎‍♂️Erkaklar o’rtasida g’oliblar:
🥇 1-o‘rin — Xabibullayev Abbos (Matematika kafedrasi o‘qituvchisi)
🥈 2-o‘rin —Nodirov chorshanbi (Tillar fakulteti dekan o‘rinbosari)
🥉 3-o‘rin — Qudratov Nomoz (Tarix va geografiya kafedrasi o’qituvchisi)

👏 G‘olib va sovrindorlarni munosib natijalari bilan muborakbod etamiz! Ularga kelgusidagi sport musobaqalarida ham omad va yangi zafarlar tilaymiz.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🚨 “TIG‘” VA “DAVOMAT” REYDLARI MUNTAZAM O‘TKAZILMOQDA

🔐 O‘zbekiston Respublikasi Prezidenti Administratsiyasi huzuridagi Narkotiklar va o‘qotar qurollarni nazorat qilish agentligining 2026-yil 18-mart kuni o‘tkazilgan yig‘ilish bayonida belgilangan vazifalar ijrosini ta’minlash maqsadida Termiz davlat pedagogika institutida profilaktik nazorat va targ‘ibot tadbirlari izchil davom ettirilmoqda.

🔎 Shu doirada institut profilaktika inspektori tomonidan talaba-yoshlar o‘rtasida guruhlar kesimida “Tig‘” va “Davomat” reydlari muntazam tashkil etilmoqda.

🛡️ “Tig‘” reydi davomida talabalar tomonidan taqiqlangan va xavfli buyumlarni olib yurishining oldini olish, “Davomat” reydi orqali esa talabalarning mashg‘ulotlarda ishtiroki hamda davomati nazorat qilinmoqda.

📌 Mazkur profilaktik tadbirlarning asosiy maqsadi — talabalar xavfsizligini ta’minlash, huquqbuzarliklarning oldini olish, ta’lim jarayonidagi intizomni mustahkamlash va yoshlar o‘rtasida huquqiy madaniyatni oshirishdan iborat.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🎉🎉🎉🎉🎉🎉🎉🎉🎉🎉

💻 “IT QUEENS — KELAJAKNI YARATUVCHI QIZLAR” RESPUBLIKA INNOVATSION TANLOVI

🎓 Termiz davlat pedagogika institutining talaba-qizlari ishtirokida "IT QUEENS — KELAJAKNI YARATUVCHI QIZLAR” respublika miqyosidagi tanlovning institut bosqichi o‘tkazildi.

📌Tanlov ishtirokchilari zamonaviy texnologiyalar, innovatsion g‘oyalar va yangi imkoniyatlar sari chorlovchi “IT Queens — kelajakni yaratuvchi qizlar” respublika innovatsion tanlovida faol ishtirok etishdi

💻 Mazkur tanlov talaba-qizlarning IT sohasidagi bilim va ko‘nikmalarini namoyon etish, kreativ fikrlash qobiliyatini rivojlantirish hamda innovatsion g‘oyalarini ro‘yobga chiqarish uchun ajoyib imkoniyatlardan biri bo‘ldi.

📌 Tanlov davomida:

💡 innovatsion g‘oyalar;
💻 IT va zamonaviy texnologiyalar;
🧠 kreativ fikrlash;
🎯 qiziqarli topshiriq va sinovlar kabi Nizomiga ko‘ra belgilangan shartlarni talaba qizlar bajarishdi.

👑 Talaba-qizlar kelajakni yaratuvchi, texnologiyalarni rivojlantiruvchi va yangi g‘oyalarni hayotga tatbiq etuvchi yoshlar safida bilim va iqtidorlarini namoyin etishganidan mamnun bo‘lishdi!
Tanlovda 1,2 va 3-o’rinlarga sazovor bo‘lgan talaba qizlarga institut nomidan "Faxriy yorliq va sovg‘alar topshirildi.

🎉 Barcha ishtirokchilarga omad va muvaffaqiyat tilaymiz!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram