🏗 TERMIZ DAVLAT PEDAGOGIKA INSTITUTI HUDUDIDA 1000 O‘RINLI TALABALAR TURAR JOYI QURILISHIGA START BERILDI

✔️ Bugun Surxondaryo viloyati hokimi Ulug‘bek Qosimov Termiz davlat pedagogika institutiga tashrif buyurib, institut hududida davlat-xususiy sheriklik asosida barpo etiladigan 1000 o‘rinli talabalar turar joyi qurilishiga ramziy start berish marosimida ishtirok etdi.

✍️ Tashrif davomida qurilish loyihasining maqsadi, quvvati va talabalar uchun yaratiladigan shart-sharoitlar haqida taqdimot o‘tkazildi. Shuningdek, qurilish maydonida ishlarni samarali tashkil etish, obodonlashtirish hamda zarur tashkiliy va texnik sharoitlarni ta’minlash masalalariga e’tibor qaratildi.

🏗 1000 o‘rinli yangi talabalar turar joyining bunyod etilishi institutda tahsil olayotgan yoshlar uchun munosib yashash sharoitlarini yaratish, ularning ijtimoiy-maishiy ehtiyojlarini qo‘llab-quvvatlash hamda ta’lim olishlari uchun yanada qulay muhit shakllantirishga xizmat qiladi.

🔘 Mazkur bunyodkorlik ishlari talaba-yoshlar uchun yaratilayotgan imkoniyatlarni kengaytirish, institutning moddiy-texnik bazasini mustahkamlash va ta’lim muhitini yanada rivojlantirish yo‘lidagi muhim qadamlardan biridir.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

#YOSHLAR_KUNI

🎓 Payshanba — yoshlar kuni doirasida Surxondaryo viloyati hokimi Ulug‘bek Qosimov Termiz davlat pedagogika institutida talabalar uchun yaratilgan zamonaviy shart-sharoitlar va imkoniyatlar bilan yaqindan tanishdi.

◾️ Tashrif avvalida viloyat hokimiga institutning ta’lim va tarbiya jarayoni, talabalar uchun yaratilgan sharoitlar, yoshlarning bo‘sh vaqtini mazmunli tashkil etish, ularning ijtimoiy faolligini oshirish hamda tashabbuslarini qo‘llab-quvvatlash borasida amalga oshirilayotgan ishlar haqida ma’lumot berildi.

✔️ Shuningdek, mehmonlarga institutdagi Sun’iy intellekt xonasi faoliyati, unda yaratilgan zamonaviy texnologik imkoniyatlar hamda yoshlarning raqamli va innovatsion ko‘nikmalarini rivojlantirishga qaratilgan loyihalar haqida ma’lumot berildi.

🔵 Tashrif davomida zamonaviy qulayliklarga ega ona-bola xonasi ham ko‘zdan kechirilib, talabalar uchun yaratilgan sharoitlar bilan tanishildi.

🔵 Shundan so‘ng viloyat hokimi talaba-yoshlar bilan ochiq muloqot o‘tkazib, ularning taklif va tashabbuslarini tingladi. Muloqot davomida yoshlarni qo‘llab-quvvatlash, ularning ta’lim olishi, kasbiy rivojlanishi va bo‘sh vaqtini mazmunli tashkil etish masalalariga alohida e’tibor qaratildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

✨ “SURXON YULDUZI” LOYIHASI G‘OLIBLARI TAQDIRLANDI

🏆 Termiz davlat pedagogika institutida “Surxon yulduzi” televizion iste’dodlar loyihasining final bosqichi g'oliblari munosib taqdrlandi.

✔️Final bosqichida viloyatning turli hududlaridan saralab olingan iqtidorli yoshlar o‘zlarining ijodiy salohiyati, sahna mahorati va iste’dodini namoyish etib, munosib bellashdilar.

🗣 Yakuniy natijalarga ko‘ra, loyihada g‘oliblikni qo‘lga kiritgan ishtirokchilar Surxondaryo viloyati hokimi tomonidan tantanali ravishda taqdirlandi. 4 ta yo‘nalish bo‘yicha 1-o'rin g‘oliblarga
15 million so‘m miqdoridagi pul mukofotlari hamda 2-3-o'rin egalariga qimmatbaxo esdalik sovg'alari topshirildi.

🔵 Termiz davlat pedagogika instituti mazkur loyihani muvofiqlashtiruvchi oliy ta’lim muassasasi sifatida uning tashkiliy jarayonlarini samarali tashkil etishga va yoshlarning iste’dodini namoyon etishi uchun munosib sharoit yaratish hamda g‘oliblarni rag‘batlantirish borasida o‘z hissasini qo‘shdi.

🏆 G‘oliblarni muborakbod etamiz! Ularga kelgusidagi ijodiy faoliyatida yangi zafarlar tilaymiz!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram