🟥🟥🟥🟩🟩🟩

🇺🇿Sovrin jamg‘armasi 111 million so‘m bo‘lgan tanlovga start berildi!

🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi 21-oktabr – O‘zbek tili bayrami kuni munosabati bilan “Til bilimdonlari” respublika tanlovini eʼlon qiladi.

🟥Tanlovda barcha (davlat, xususiy va xorijiy) oliy ta’lim tashkilotlari (bakalavr va magistr) talabalari hamda texnikum, kollej va litsey o‘quvchilari @tiluzbot orqali ro‘yxatdan o‘tib, ishtirok etishi mumkin.

✅Tanlov g‘oliblari Oliy ta’lim, fan va innovatsiyalar vazirligi tomonidan diplom va pul mukofotlari bilan taqdirlanadi.
🔵1-o‘rin – 8 million so‘m;
🔵2-o‘rin – 6 million so‘m;
🔵3-o‘rin – 5 million so‘m;
🔵4-o‘rin – 3 million so‘m;
🔵5-o‘rin – 2 million so‘m;

🗣Shuningdek, hududiy bosqich g‘oliblari ham o‘zi tahsil oladigan oliy talim tashkiloti tomonidan mos ravishda 1-o‘rin bazaviy stipendiya miqdorining 4 barobari, 2-o‘rin 3 barobari va 3-o‘rin 2 barobari miqdorida pul yutuqlariga ega bo‘ladi.

➡️Tanlov nizomi bilan tanishish

Aziz talaba-yoshlar, tanlovda faol ishtirok eting, o‘zbek tili bo‘yicha bilimingizni sinovdan o‘tkazing va g‘oliblar qatoridan joy egallang.

🌷 Ustoz va murabbiylarga yuksak ehtirom!

📚 Termiz davlat pedagogika institutida 1-oktabr — O‘qituvchi va murabbiylar kuni munosabati bilan professor-o‘qituvchilarni tantanali kutib olish tadbiri tashkil etildi.

🎉 Bayramona ruhda o‘tgan tadbirda ustoz va murabbiylarga chuqur hurmat va ehtirom ko‘rsatilib, ularning yosh avlodga bilim va tarbiya berish, boy hayotiy tajribasini ulashish hamda kelajak avlod kamoloti yo‘lidagi fidokorona mehnati alohida e’tirof etildi.

💐 Samimiy tabriklar, ezgu tilaklar va ko‘tarinki kayfiyatga boy kutib olish jarayoni ustozlarga bayram shukuhini ulashdi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

✨✨✨✨✨ 🎬🎬🎬🎬🎬🎬🎬

🖌 1-oktabr — O‘qituvchi va murabbiylar kuni munosabati bilan Termiz davlat pedagogika instituti professor-o‘qituvchilari va xodimlari uchun bayram tadbiri tashkil etildi. Viloyatimiz markazidagi “Olmos” tantanalar saroyida o‘tkazilgan tantanali kecha ustozlarga hurmat va ehtirom ifodasi bo‘ldi.

💐 Tadbirda institut rektori A. Xasanov so‘zga chiqib, ta’lim-tarbiya yo‘lidagi fidokorona mehnati, kasbiga sadoqati va yosh avlod kamoloti yo‘lida qo‘shayotgan hissasi uchun barcha ustoz va murabbiylarga samimiy minnatdorlik bildirdi. Shuningdek, ularga mustahkam sog‘liq, oilaviy xotirjamlik va sharafli faoliyatlarida ulkan muvaffaqiyatlar tiladi.

🌷 Bayram dasturiga institutning iqtidorli talabalari va ijodiy jamoalari alohida fayz bag‘ishladi. Ijro etilgan kuy-qo‘shiqlar, badiiy chiqishlar va sahna namoyishlari yig‘ilganlarga ko‘tarinki kayfiyat ulashdi.

🗣 Tadbir davomida ustozlarga bayram sovg‘alari topshirilib, kecha samimiy tabriklar, quvonchli lahzalar va unutilmas taassurotlarga boy bo‘ldi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🙁☹️😭🙁😭🙁☹️🙁

Aziz ustoz va murabbiylar!

🙁☹️😭🙁😭🙁☹️🙁

Avvalo, barchangizni 1-oktabr — O‘qituvchi va murabbiylar kuni bilan chin qalbimdan samimiy muborakbod etaman!

Bugun yurtimizda ustoz va murabbiylar mehnatini qadrlash, ularning jamiyat taraqqiyotidagi beqiyos o‘rnini e’tirof etish ezgu an’anaga aylangan. Zero, ustozning mehnati bir kun yoki bir yil bilan cheklanmaydi. Uning samarasi yillar o‘tib, shogirdlarining kamoli, yutuqlari va Vatan ravnaqiga qo‘shayotgan hissasida namoyon bo‘ladi.

Hurmatli ustozlar!

Sizlarning har kungi mehnatingiz, yoshlarga berayotgan bilimingiz, tarbiyangiz va hayotiy saboqlaringiz kelajak avlodning shakllanishida muhim o‘rin tutadi. Bugun yoshlarimizning ilm-fan, sport, madaniyat va san’at sohalarida erishayotgan yutuqlari barchamizni quvontiradi. Ana shu muvaffaqiyatlar zamirida, albatta, ota-ona tarbiyasi bilan bir qatorda, ustozlarning ham beqiyos mehnati mujassam.

Davlatimiz rahbari ta’kidlaganlaridek: ''Biz ustozni otadek ulug‘ deb bilgan, uni hamisha boshiga ko‘tarib e’zozlagan buyuk, ma’rifatparvar xalqning vakillarimiz. Tariximizdagi qaysi mashhur ajdodimizni olmaylik, ularning barchasi ustozlarga yuksak ehtirom bilan qaraganlariga guvoh bo‘lamiz. Ustozini, muallimini e’zozlagan jamiyat albatta ravnaq topadi, gullab-yashnaydi. O‘qituvchisining qadr-qimmati baland bo‘lgan xalqning obro‘-e’tibori yuksak bo‘ladi''.

Qadrli ustozlar!

Ayniqsa, pedagog kadrlar tayyorlaydigan oliy ta’lim muassasasi sifatida Termiz davlat pedagogika instituti jamoasi zimmasidagi mas’uliyat nihoyatda katta. Bizning asosiy vazifamiz — nafaqat zamonaviy bilim va kasbiy ko‘nikmalarga ega mutaxassislarni tayyorlash, balki ularni Vatanga sadoqat, milliy qadriyatlarga hurmat, insoniylik va yuksak mas’uliyat ruhida tarbiyalashdan iborat.

Ishonamanki, har birimiz o‘z bilimimiz, tajribamiz va tashabbusimiz bilan institutimiz taraqqiyotiga, ta’lim sifatini oshirishga hamda barkamol avlodni tarbiyalashga munosib hissa qo‘shishda davom etamiz.

Aziz ustoz va murabbiylar!

Fursatdan foydalanib, institutimiz rivoji va yoshlar kamoloti yo‘lida sidqidildan mehnat qilayotgan barcha professor-o‘qituvchilarimizga samimiy minnatdorlik bildiraman.
Barchangizga mustahkam sog‘liq, uzoq umr, oilaviy baxt va xotirjamlik, sharafli faoliyatingizda ulkan muvaffaqiyatlar tilayman. Ilmiy izlanishlaringiz samarali, shogirdlaringizning yutuqlari esa doimo qalbingizga quvonch bag‘ishlasin.

Bayramingiz muborak bo‘lsin, aziz ustozlar va murabbiylar!

☹️☹️☹️🤩😜🥳😖☹️

Hurmat bilan,
Azizbek Xasanov — Termiz davlat pedagogika instituti rektori

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram