🏆 “Besh tashabbus olimpiadasi” doirasida sport musobaqalarining guruh bosqichlari o‘tkazildi

🤩 Termiz davlat pedagogika institutida yoshlarni sportga keng jalb etish, ularning bo‘sh vaqtini mazmunli tashkil etish hamda sog‘lom turmush tarzini targ‘ib qilish maqsadida “Besh tashabbus olimpiadasi” doirasidagi sport musobaqalarining fakultetlararo guruh bosqichlari tashkil etildi.

🏐 ⚽ Voleybol va mini-futbol sport turlari bo‘yicha o‘tkazilgan bahslarda fakultetlarning talaba-yoshlari faol ishtirok etib, o‘zaro kuch sinashdilar.

💬Musobaqalar davomida ishtirokchilar jamoaviy hamjihatlik, chaqqonlik, mahorat va sportga bo‘lgan ishtiyoqini namoyon etdilar. Qizg‘in va murosasiz kechgan bellashuvlar talabalarga ko‘tarinki kayfiyat ulashdi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🕊️ “TINCHLIK — ENG OLIY NE’MAT, JAHOLATGA QARSHI — MA’RIFAT BILAN KURASH!”

📖 Termiz davlat pedagogika institutida talaba-yoshlarning ma’naviy dunyoqarashini yuksaltirish, ularni tinchlik va osoyishtalikni qadrlashga undash, turli yot g‘oyalar ta’siridan asrash hamda mafkuraviy immunitetini mustahkamlash maqsadida “Tinchlik — eng oliy ne’mat” va “Jaholatga qarshi — ma’rifat bilan kurash!” mavzularida ma’naviy-ma’rifiy tadbir tashkil etildi.

✔️ Tadbirda Imom Termiziy nomidagi Islom instituti rektori K.Ismoilov, Surxondaryo viloyati IIB Terrorizmga qarshi kurashish boshqarmasi Mafkuraviy targ‘ibot bo‘limi boshlig‘i I.Suyunov, institutning Yoshlar masalalari va ma’naviy-ma’rifiy ishlar bo‘yicha birinchi prorektori U.Turamuratov, professor-o‘qituvchilar, institut xodimlari hamda talaba-yoshlar ishtirok etdi.

💬 Tadbir davomida jaholat, befarqlik va turli yot mafkuralarga qarshi kurashishda bilim, ma’rifat va sog‘lom dunyoqarashning o‘rni haqida fikr-mulohazalar bildirildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🕓🕔🕕🕖🕗

👩‍💻👑 IT Queens: TerDPI talaba-qizlari viloyat bosqichida sovrindor bo‘lishdi

💻 Termiz davlat pedagogika instituti talaba-qizlari o‘rtasida IT sohasiga qiziqishni oshirish, zamonaviy texnologiyalar bo‘yicha bilim va amaliy ko‘nikmalarni rivojlantirish maqsadida tashkil etilgan “IT Queens — Kelajakni yaratuvchi qizlar” tanlovining Surxondaryo viloyati bosqichida munosib natijalarga erishdilar.

🏆 Tanlovning turli yo‘nalishlarida ishtirok etgan institutimiz talaba-qizlari quyidagi o‘rinlarni egalladi:

🥇 1-o‘rin — Norqulova Nafisa, Aniq fanlar pedagogika oliy maktabi 1-kurs talabasi (Dasturiy ta’minot);
🥈 2-o‘rin — Qurbonnazarova Jasmina, Pedagogika fakulteti talabasi (Aqlli qurilmalar va IoT yechimlari);
🥉 3-o‘rin — Ravshanova O‘g‘ilshod, Aniq fanlar pedagogika oliy maktabi 4-kurs talabasi (Veb-ishlanmalar);
🥉 3-o‘rin — Xonimova Sevinch, Aniq fanlar pedagogika oliy maktabi 3-kurs talabasi (Kiberxavfsizlik).

📂 Mazkur natijalar talaba-qizlarimizning dasturiy ta’minot, veb-texnologiyalar, kiberxavfsizlik hamda IoT yo‘nalishlaridagi bilim va salohiyatini namoyon etdi.

🌷 Institut jamoasi barcha sovrindorlarni ushbu yutuqlari bilan muborakbod etib, kelgusidagi ilmiy izlanishlari va innovatsion loyihalarida muvaffaqiyatlar tilaydi!

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram