🌟🌟🌟🌟🌟🌟🌟

🇺🇿 “El-yurt umidi” jamg‘armasi vakillari bilan uchrashuv o‘tkazildi

🗣 Termiz davlat pedagogika institutida O‘zbekiston Respublikasi Prezidenti huzuridagi Istiqbolli kadrlarni tayyorlash bo‘yicha “El-yurt umidi” jamg‘armasi mas’ullari hamda institut talaba-yoshlari va professor-o‘qituvchilari ishtirokida uchrashuv bo‘lib o‘tdi.

✔️Uchrashuv davomida talabalarga jamg‘arma faoliyati, xorijning nufuzli oliy ta’lim muassasalarida tahsil olish imkoniyatlari, stipendiya tanlovlari, shuningdek, mutaxassislar uchun xorijda stajirovka o‘tash imkoniyatlari haqida batafsil ma’lumot berildi.

✍️ Ochiq muloqot davomida talaba-yoshlar o‘zlarini qiziqtirgan savollar bilan jamg‘arma vakillariga bevosita murojaat qilib, xorijda ta’lim olish va mavjud imkoniyatlardan samarali foydalanish bo‘yicha zarur tavsiyalarga ega bo‘ldilar.

🏢 Tashrif davomida mehmonlar institutda talabalar uchun yaratilgan shart-sharoitlar bilan tanishib, yoshlarga mavjud imkoniyatlardan oqilona foydalanish, o‘z ustida muntazam ishlash va xorijiy ta’lim dasturlarida faol ishtirok etish yuzasidan tavsiyalar berdilar.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🎮Kiberxavfsizlik va huquqbuzarliklarning oldini olish — dolzarb masala

🤩 Termiz davlat pedagogika instituti talaba-yoshlari ishtirokida kiberxavfsizlikni ta’minlash, kiber madaniyatni yuksaltirish hamda jinoyatchilik va huquqbuzarliklarning oldini olish masalalariga bag‘ishlangan profilaktik davra suhbati tashkil etildi.

🗣Uchrashuvda institut profilaktika inspektori, kapitan S. Amanov, talabalar turar joyi tarbiyachisi I. Eshniyozova hamda talaba-yoshlar ishtirok etdi.

🔒 Kiberxavfsizlik yo‘nalishida internet muhitidagi firibgarliklar, fishing saytlar, ijtimoiy tarmoqlardagi turli tuzoqlardan himoyalanish, shaxsiy ma’lumotlarni asrash va onlayn xavfsizlik qoidalariga rioya qilish masalalari yuzasidan tushuntirishlar berildi.

📱Shuningdek, Surxondaryo viloyati IIB tomonidan ishlab chiqilgan “APK-qo‘riqchi” dasturi haqida ma’lumot berilib, uning imkoniyatlari ishtirokchilarga tanishtirildi.

🌿 Giyohvandlikning oldini olish yo‘nalishida esa giyohvandlik va psixotrop moddalarning inson hayoti, sog‘lig‘i hamda kelajagiga salbiy ta’siri, shuningdek, uning og‘ir oqibatlari haqida fikr-mulohazalar bildirildi.

💬 Tadbir davomida talaba-yoshlar o‘zlarini qiziqtirgan savollar bilan murojaat qilib, mutaxassislardan batafsil javob va zarur tavsiyalar oldilar.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

⚖️⚖️⚖️⚖️⚖️⚖️⚖️

⚖️“Huquqiy bilim – shaxsiy xavfsizlik kafolati”

🤩 Termiz davlat pedagogika instituti Tabiiy va aniq fanlar fakulteti kechki ta’lim shaklida tahsil olayotgan talabalar ishtirokida 15-sentabrdan 15-oktabrgacha davom etayotgan “Talaba xavfsizligi” oyligi doirasida “Huquqiy bilim – shaxsiy xavfsizlik kafolati” mavzusida davra suhbati tashkil etildi.

🤝 Tadbirda “Qalqon” guruhi a’zolari hamda institut inspektori B. Allaberdiyev ishtirok etib, talaba-yoshlarga xavfsizlik va huquqiy savodxonlikni oshirishga qaratilgan muhim tavsiyalar berildi.

🗣Suhbat davomida talabalarga yo‘l harakati qoidalariga qat’iy rioya qilish, internetdagi firibgarliklardan ogoh bo‘lish, pul tikish o‘yinlariga berilmaslik, giyohvandlik hamda ekstremistik oqimlar ta’siriga tushib qolishdan saqlanish masalalari yuzasidan tushuntirishlar berildi.

🔥 Shuningdek, kuz-qish mavsumi yaqinlashayotgani munosabati bilan is gazidan zaharlanishning oldini olish, qo‘lbola isitish moslamalaridan foydalanmaslik hamda yong‘in xavfsizligi qoidalariga qat’iy amal qilish bo‘yicha zarur tavsiyalar bildirildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram