#Juma_milliylik_kuni

🇺🇿 ASRLAR SADOSI: MILLIYLIK VA AN’ANALAR

🇺🇿 Termiz davlat pedagogika instituti Pedagogika va ijtimoiy fanlar fakultetida “Milliylik kuni” doirasida Pedagogika kafedrasi v.b. professori Z.A. Nazarova rahbarligida 2-kurs magistrantlari ishtirokida “Asrlar sadosi: milliylik va an’analar” mavzusida ma’naviy-ma’rifiy tadbir tashkil etildi.

🎶 Tadbirda xalq qo‘shiqlari, yalla va laparlar, milliy raqslar hamda milliy liboslar namoyish etildi. Shuningdek, “Kelin salom”, “Alla” va “O‘sma qo‘yish” kabi qadimiy urf-odatlarimiz jonli tarzda aks ettirildi.

✨ Mazkur tadbir milliy qadriyatlarimizni asrab-avaylash, ajdodlar merosiga hurmat va yoshlarda milliy o‘zlikni anglash tuyg‘usini mustahkamlashga xizmat qildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

#Ma’rifat_ulashib

☝️ “Ma’rifat ulashib” — adabiyotga ehtirom, ijodga e’tibor

🤩 Termiz davlat pedagogika instituti Tillar fakulteti O‘zbek tili va adabiyoti kafedrasi qoshida faoliyat yurituvchi “Badiiy tafakkur” to‘garagi rahbari Mahzuna Bobomurodova hamda to‘garak a’zolari ishtirokida “Ma’rifat ulashib” loyihasi doirasida taniqli shoira, O‘zbekistonda xizmat ko‘rsatgan madaniyat xodimi Xosiyat Bobomurodova hayoti va ijodiga bag‘ishlangan ma’naviy-ma’rifiy tadbir tashkil etildi.

📖 Tadbir davomida talabalar shoira ijodiga murojaat qilib, Vatan, ona, sadoqat va insoniy fazilatlar tarannum etilgan she’rlaridan namunalar o‘qidilar. Shuningdek, uning ijodiy merosi, she’riyatining badiiy o‘ziga xosligi hamda asarlarida aks etgan yuksak ma’naviy qadriyatlar xususida fikr-mulohazalar bildirildi.

🖌 Mazkur tadbir talabalarning adabiyotga bo‘lgan qiziqishini yanada oshirish, milliy she’riyatimizning boy merosini chuqur o‘rganish hamda yoshlar qalbida kitobxonlik va ijodga mehr uyg‘otishga xizmat qildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

📑 MUALLIFLIK HUQUQI VA AKADEMIK HALOLLIK MASALALARIGA BAG‘ISHLANGAN SEMINAR O‘TKAZILDI

📚 Termiz davlat pedagogika instituti Axborot-resurs markazida “Mualliflik huquqini himoya qilish oyligi” doirasida mualliflik huquqini himoya qilish, plagiatning oldini olish hamda akademik halollik tamoyillarini keng targ‘ib etishga bag‘ishlangan seminar tashkil etildi.

📚 Tadbirda Termiz tumani adliya bo‘limi boshlig‘i o‘rinbosari S.Sharipov hamda institut Axborot-resurs markazi mudiri O‘.Rashidova ma’ruzalari bilan ishtirok etdilar.

📝 Seminar davomida “Mualliflik huquqi, plagiat va akademik halollik” hamda “Kutubxona va mualliflik huquqi: kutubxonachi nimalarni bilishi kerak?” mavzulari atroflicha yoritildi.

📚Shuningdek, kutubxona xodimlarining mualliflik huquqiga oid huquqiy savodxonligini oshirish, elektron axborot resurslaridan qonuniy foydalanish va bibliografik ma’lumotlarni to‘g‘ri rasmiylashtirish bo‘yicha amaliy tavsiyalar berildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram