#Ma’rifat_ulashib

☝️ “Ma’rifat ulashib” — adabiyotga ehtirom, ijodga e’tibor

🤩 Termiz davlat pedagogika instituti Tillar fakulteti O‘zbek tili va adabiyoti kafedrasi qoshida faoliyat yurituvchi “Badiiy tafakkur” to‘garagi rahbari Mahzuna Bobomurodova hamda to‘garak a’zolari ishtirokida “Ma’rifat ulashib” loyihasi doirasida taniqli shoira, O‘zbekistonda xizmat ko‘rsatgan madaniyat xodimi Xosiyat Bobomurodova hayoti va ijodiga bag‘ishlangan ma’naviy-ma’rifiy tadbir tashkil etildi.

📖 Tadbir davomida talabalar shoira ijodiga murojaat qilib, Vatan, ona, sadoqat va insoniy fazilatlar tarannum etilgan she’rlaridan namunalar o‘qidilar. Shuningdek, uning ijodiy merosi, she’riyatining badiiy o‘ziga xosligi hamda asarlarida aks etgan yuksak ma’naviy qadriyatlar xususida fikr-mulohazalar bildirildi.

🖌 Mazkur tadbir talabalarning adabiyotga bo‘lgan qiziqishini yanada oshirish, milliy she’riyatimizning boy merosini chuqur o‘rganish hamda yoshlar qalbida kitobxonlik va ijodga mehr uyg‘otishga xizmat qildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

📑 MUALLIFLIK HUQUQI VA AKADEMIK HALOLLIK MASALALARIGA BAG‘ISHLANGAN SEMINAR O‘TKAZILDI

📚 Termiz davlat pedagogika instituti Axborot-resurs markazida “Mualliflik huquqini himoya qilish oyligi” doirasida mualliflik huquqini himoya qilish, plagiatning oldini olish hamda akademik halollik tamoyillarini keng targ‘ib etishga bag‘ishlangan seminar tashkil etildi.

📚 Tadbirda Termiz tumani adliya bo‘limi boshlig‘i o‘rinbosari S.Sharipov hamda institut Axborot-resurs markazi mudiri O‘.Rashidova ma’ruzalari bilan ishtirok etdilar.

📝 Seminar davomida “Mualliflik huquqi, plagiat va akademik halollik” hamda “Kutubxona va mualliflik huquqi: kutubxonachi nimalarni bilishi kerak?” mavzulari atroflicha yoritildi.

📚Shuningdek, kutubxona xodimlarining mualliflik huquqiga oid huquqiy savodxonligini oshirish, elektron axborot resurslaridan qonuniy foydalanish va bibliografik ma’lumotlarni to‘g‘ri rasmiylashtirish bo‘yicha amaliy tavsiyalar berildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🌐 TerDPI prorektori xalqaro ilmiy konferensiyada ishtirok etdi

➡️Termiz davlat pedagogika instituti Ilmiy ishlar va innovatsiyalar bo‘yicha prorektori Sh.Kuldasheva Boku shahrida 2026-yil 15–16-oktabr kunlari o‘tkazilayotgan “Modern Corrosion Problems and Mitigation Strategies” xalqaro ilmiy konferensiyasida ma’ruza bilan ishtirok etdi.

✍️Ozarbayjon Respublikasi Fan va ta’lim vazirligi huzuridagi akademik Yu.G.Mamadaliyev nomidagi Neft-kimyo jarayonlari instituti tomonidan tashkil etilgan anjuman zamonaviy korroziya muammolari, ularning oldini olish strategiyalari va innovatsion yechimlarni ishlab chiqish masalalariga bag‘ishlangan.

🔔Ma’ruza davomida Sh.Kuldasheva O‘zbekiston va Ozarbayjon o‘rtasidagi ilmiy hamkorlikni rivojlantirish, oliy ta’lim muassasalari va ilmiy-tadqiqot institutlari o‘rtasidagi aloqalarni kengaytirish, qo‘shma loyihalarni amalga oshirish hamda tajriba almashish muhimligini ta’kidladi.

Jumladan, Sh.Kuldasheva o‘z nutqida shunday dedi:

◾️“Ilm-fan sohasidagi hamkorlik — bu nafaqat bugungi kun vazifasi, balki kelajak taraqqiyotiga qo‘yilgan mustahkam poydevordir”.

Shuningdek, O‘zbekiston va Ozarbayjon o‘rtasidagi do‘stlik va strategik sheriklik munosabatlarini mustahkamlash, ilmiy aloqalarni yangi bosqichga olib chiqish hamda Ozarbayjon Fanlar akademiyasi bilan hamkorlikni rivojlantirishga chaqirildi.

🔵Ta’kidlanganidek, korroziya muammolarini bartaraf etish, materiallarning xizmat muddatini uzaytirish va ekologik xavfsizlikni ta’minlash kimyo sanoati, energetika, neft-gaz, mashinasozlik hamda qurilish sohalari uchun dolzarb ahamiyatga ega.

✔️Mazkur xalqaro konferensiyada ishtirok etish TerDPIning xalqaro ilmiy aloqalarini kengaytirish, ilmiy salohiyatini namoyon etish va istiqbolli hamkorlik loyihalarini rivojlantirishga xizmat qiladi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram