📚 XORIJLIK TALABALAR O‘RTASIDA O‘ZBEK TILIDAN RESPUBLIKA OLIMPIADASI BO‘LIB O‘TDI

🔔16-oktabr kuni Urganch RANCH texnologiya universitetida O‘zbekiston Respublikasi oliy ta’lim tashkilotlarida tahsil olayotgan xorijlik talabalar o‘rtasida o‘zbek tilidan respublika olimpiadasining ochilish marosimi bo‘lib o‘tdi.

✔️Mazkur olimpiada xorijlik talabalar orasida davlat tilini keng targ‘ib etish, ularning o‘zbek tilini o‘rganishga bo‘lgan qiziqishini oshirish, shuningdek, o‘zbek xalqining milliy qadriyatlari, boy madaniyati va an’analariga hurmatni mustahkamlashga qaratilgan.

📑 Ochilish marosimida O‘zbekiston Respublikasi Ta’lim va ilm-fan vazirligining Iqtidorli talabalar bilan ishlash bo‘limi boshlig‘i Sherzod Ashirovich Rasulov, Xorazm viloyati hokimligi kotibiyat mudiri Jahongir Yaqubboyevich Nurmetov ishtirok etdilar.

🎓 Respublikamizning turli hududlaridagi 46 ta oliy ta’lim tashkilotidan 100 nafarga yaqin xorijlik talaba qatnashayotgan mazkur olimpiadada Termiz davlat pedagogika instituti talabalari ham ishtirok etishdi.

✔️Shu o'rinda, Termiz davlat pedagogika instituti talabasi Xanimqulov Nodirbek ham ushbu olimpiadada faol ishtirok etib, esdalik sovgʻalari va maxsus sertifikat bilan taqdirlandi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🔅 “G‘OYA BER, FIKR BILDIR, KELAJAKNI BIRGALIKDA YARAT!”

🏛 O‘zbekiston Respublikasi Prezidenti huzuridagi Davlat siyosati va boshqaruvi akademiyasida “G‘oya ber, fikr bildir, kelajakni birgalikda yarat!” shiori ostida Yosh siyosatchilar marafoni tashkil etildi.

🎓 Mazkur marafonda Termiz davlat pedagogika instituti Pedagogika va ijtimoiy fanlar fakulteti talabasi, “Yoshlar parlamenti” a’zosi Sarvar Zulqaynarov ham faol ishtirok etdi.

💡 Marafon yoshlarning siyosiy tafakkuri, fuqarolik faolligi va yetakchilik salohiyatini rivojlantirish, ularning davlat boshqaruvi va jamoatchilik hayotidagi ishtirokini kengaytirish, shuningdek, ilgari surilgan g‘oya va tashabbuslarni amaliy takliflarga aylantirishga qaratildi.

💠 Tadbir yoshlar o‘rtasida fikr almashish, dolzarb masalalarga yangicha yondashuvlarni ilgari surish hamda jamiyat taraqqiyotiga daxldorlik hissini mustahkamlash uchun muhim muloqot maydoni bo‘lib xizmat qildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram

🏢 MAKTABLARDA TA’LIM SIFATINI OSHIRISH VA METODIK KO‘MAK KO‘RSATISH ISHLARI DAVOM ETMOQDA

◾️Viloyat hokimligi tomonidan hududlardagi umumta’lim maktablarida ta’lim sifatini oshirish, o‘qituvchilarning kasbiy mahoratini yuksaltirish hamda ta’lim jarayonini metodik jihatdan qo‘llab-quvvatlash maqsadida oliy ta’lim muassasalari rahbarlariga bir nechta maktablar biriktirilgan.

Jumladan, Termiz davlat pedagogika instituti rektori A.Xasanov mas’ulligiga Bandixon tumanidagi 1 ta hamda Qiziriq tumanidagi 4 ta umumta’lim maktabi biriktirilgan.

🏛 Bugun A.Xasanov hamda institut mas’ullari Bandixon tumanidagi 45-sonli umumta’lim maktabida bo‘lib, ta’lim muassasasidagi mavjud shart-sharoitlar va o‘quv jarayonining tashkil etilishi bilan tanishdilar.

✔️ Tashrif davomida o‘quvchilar bilan suhbat qilinib, ularning fikr-mulohazalari tinglandi. Shuningdek, ta’lim sifatini oshirish, o‘qituvchilarning kasbiy salohiyatini rivojlantirish va pedagoglarga metodik ko‘mak ko‘rsatish masalalariga e’tibor qaratildi.

✍️  TerDPI matbuot xizmati

✅ Facebook 🌐 Veb sayt  📹 Youtube 🌐 Instagram   ✅ Telegram