تقرير زياره جورجيا
السلام عليكم ورحمه الله وبركاته
في البدايه نشكر القائمين على هذا القروب الرائع الذي يخدم السياح ويوجههم التوجيه الصحيح بالاضافه الى وجود الشركات السياحيه الموثوقه وهذا ضروري بالنسبه لنا كسياح .

ملخص الترتيبات قبل الرحله:-
١- الرحله كانت لعائله زوجين وطفلين ورضيع .
٢- الاقامه كانت 13 يوم 12 ليله الوصول 2 أغسطس والعوده 14 أغسطس (4ليالي في باتومي وكانت محطه الوصول - 3 ليالي في باكورياني - ليلتين في كازبيجي - ليله في تبليسي ثم ليله في منتجع لابوتا ثم ليله في تبليسي )

٣- الرحله برعايه شركه توليب @Tulipegeorgia والمنسق التون @altun_14
حيث تم الاتفاق على شراء بكج يشمل حجوزات الفنادق (حسب اختياري ) وتوفير السياره والسائق مع تقديم برنامج سياحي بالاضافه الى توفير شريحتين نت نفتوح طوال الرحله.

٣- معي عزبه قهوه وشاي وطبخ ( قهوه عربيه وبلاك وشاي ومكرونه ورز اندومي ومفرحات وبساكيت للاطفال ) ضروري خاصه للعوائل ومعهم اطفال.

٤- رصدت ميزانيه ٦٠٠ لاري باليوم للفعاليات والمطاعم منها كاش ومنها ببطاقه D360 . (وغطت الرحله كامله ) طبعاً بدون مبلغ السكن والتنقلات والمطاعم ليست يوميه لان معي عزبه طبخ وشاي وقهوه .

التفاصيل :
(اليوم الاول ) باتومي
تم الوصول لمطار باتومي واستكمال اجراءات السفر وبتنسيق مسبق مع شركه توليب ان اول يوم سيكون سائق مؤقت ومن ثاني يوم سيرسلون سياره وسائق مميز
وصل السائق المؤقت واستلمنا شريحتين نت فوراً حسب البكج الذي شريناه وتم الذهاب لكوفي دونا
https://maps.app.goo.gl/BXxHXHatjQNDMXX76?
g_st=ic
توقعنا الكوفي كبير مثل ماتعودنا عليه بالرياض لاكن كان صغير ومزدحم اخذنا بعض الكيك والكوفي وطلبنا ان نذهب لمطعم 4 cast وتم تناول وجبه الغداء ومن ثم الذهاب الى فندق اليانس بلاس باتومي حيث وصلنا للفندق الساعه 2 ولاكن لم ندخل الا الساعه 4 حسب نظام الفندق وانتظارنا باللوبي مع محاولات من الشركه ان ندخل قبل لاكن لم نستطع الا الدخول الساعه 4 وتمنيت انني جلست في كوفي او مطعم افضل من الجلوس باللوبي لانه كان زحمه .
بخصوص فندق او شقق فندقيه اليانس بلاس اخذنا شقه بغرفتين نوم وصاله بها مطبخ صغير وكانه اطلاله رائعه على البحر ومن حسن الحظ كانت الاجواء غائمه طوال مده الاقامه وامطار بين فتره واخرى بعد هذا التعب قررنا ان نرتاح هذا اليوم ونبدء الفعاليات باليوم الثاني .
—-
(اليوم الثاني ) في باتومي
تم وصل سائق الرحله الاساسي من شركه توليب اخونا (سيدات ) وبسياره نظيفه وواسعه واخذنا في جوله جميله بارياف باتومي في اجواء غائمه ومطر خفيف ، بالبدايه اخذنا قارب في نهر قبل شلال ماخونسيتي لمده نصف ساعه ب150 لاري وكانت رحله جميله استمتعنا بها وشاهدنا التقاء النهرين وجلسنا بكوفي على النهر ومن ثم الذهاب الى شلال ماخونسيتي وبعدها الذهاب الى مكان فيه فعاليات ركوب الخيل والسيارات والرمي بالسلاح وكان المكان جميل وعلى نهر
والعوده بعدها الى باتومي لتناول وجبه الغداء في اروما الهندي في باتومي

https://maps.app.goo.gl/UpnCkMneXgt5wM1y7?g_st=ipc
وهو مطعم جميل جلسات حلوه اكل لذيذ ومكان مكيف تمنينا اننا جيناه اول يوم واستبدلته عن مطعم 4cast بسبب ان المكان في مطعم اروما الهندي اكبر ومكيف عكس مطعم 4cast كان حر ولا يصلح بالنهار . كان هذا اليوم يوم مميز واعطاني ارتياح كبير مع الشركه ارتحنا مع السواق والسياره النظيفه والجدول والتوصيات والمتابعه من التون وتحذيرنا وابعادنا عن النصابين بالشوارع قبل الوصول لهم 👌🏻.
—-
(اليوم الثالث) في باتومي
تم زياره حديقه النباتات وتم تنسيقها من التون شركه توليب بان ندخل من الباب الثاني ودخلنا واخذنا سياره القولف ب10 لاري للشخص واخذ جوله ثم الوصول للبوابه الرئيسيه الاولى حيث يوجد الزيب لاين واحلى مطل بجانب الزيب لاين التقطنا بعض الصور والفيديوهات الجميله وجلسنا الى قبل اذان المغرب تم العوده واخذ عشاءنا من مطعم شورما XXL الموجود بالبوليفارد وتقيمي له 7 من 10 وهو حلال وتم تجربته بناء على توصيه احد الاصدقاء خارج هذا القروب.
———-
(اليوم الرابع ) في باتومي

تم زياره قلعة قونيو التاريخيه التي بنيت في القرن الاول الميلادي وهي ذات اسوار عاليه وتحتوي على اشجار مثمره ومسطحات خضراء كبيره واسلحه قديمه استخدمت في العصر الروماني بعدها تم الذهاب وتناول وجبه الغداء في مطعم Blue Wave للاسماك مكان كبير على البحر والاكل البحري جميل ومميز لاكن البيتزا لديهك لم تكن جيده والاطفال لم يتناولو معنا الوجبه مع ملاحظه ان المطعم يقع خلف سوق السمك وحركه السيارات صعبه وتاخرنا بالخروج من الشارع ، وبعدها توجهنا الى الساحه الاوربيه في جو مطر غزير واخذنا وجبات للاطفال من مطعم ماكدونالدز بالساحه الاوروبيه ومن ثم التمشيه في الساحه بعد توقف المطر وهي مكان جميل فيها محلات (بازار ) وخيول وعربات ولاكن لم نركبيها (المكان جميل بمكانه ومبانيه القديمه العاليه).
——-
(اليوم الخامس ) التوجه الى باكورياني
خرجنا من فندق اليانس بلاس تم زياره مترو مول في باتومي وتناول وجبه من برجر كنق واخذ اغراض من كارفور بالمول والانطلاق الى باكورياني ووصلنا بعد 5 ساعات في طريق ممتع وغائم وومطر بعض الاوقات واستلمنا السكن في (فلل ماتشي ) وهي فلل تتكون من دورين
الدور الارضي صاله ومطبخ مجهز بكل مانحتاجه من اغراض للمطبخ ودوره مياه بها شطافات وغساله ملابس مع وجود حوش خارجي مجهز بطاولتين ومكان للشواء خاص بالفلا
اما الدور العلوي يتكون من غرفتين نوم ودورتين مياه لكل غرفه دوره مع اطلاله جميله على الطبيعه من البلكونه (الي كنت اصور منها )
ولا يوجد بالفلا تكييف ولا نحتاج تكييف لان الجو كان غائم وبارد بعض الشي خاصه بالليل ولاكن يوجد مروحه لو احتر الجو شغلناها مع وجود غساله ملابس (المكان كامل ومتكامل والكامل وجه الله )
——
(اليوم السادس)في باكورياني
في اجواء غائمه مع رشات المطر تم ركوب تلفريك كرستال ب٣٥ لاري للشخص للمرحلتين (المرحلة الاولى تلفريك مغلق - المرحله الثانيه تلفريك مفتوح ويوصلك للزحليقه) وبعدها تم تجريه الزحليقه بعد انتظار في طابور لمده لاتقل عن ساعه ،وتم توصيتنا مع قبل التون (شركه توليب ) بزياره كوفي اسبين بجانب فندق كرستال شفناه ممتاز وجميل لاكن كان زحمه ولم نجربه وبعدها الذهاب لحديقه وسط باكورياني كبيره فيها ملاهي اطفال مجانيه وبازار جميل
موقع الحديقه
https://maps.app.goo.gl/yvmtjbp3xnQ4TbT99?g_st=ipc

ومن ثم العوده للسكن والاستمتاع بالطبيعه بالمسطحات الخضراء التي امامه .
——-
اليوم السابع (زياره بارجومي )
تم تخصيصه لمدينه بارجومي ، حيث تم اخذ دباب يتسع لنا كعائله بقيمه ٢٥٠ لاري لمده ساعتين (والسعر المفترض لايتعدى ٢٠٠ لاكن انا وافقت لهذا السعر)وفي هذه الجوله الجميله بطرقها الوعره حيث وصلنا الشلال ونزلنا له وكان هنالك جسر بجانبه يقرب للشلال وعبوره برسوم بسعر ٢ لاري للشخص لاكن دخلت وعائلتي بعدد ٥ اشخاص بسعر ٥ لاري
ومن ثم الذهاب بالدباب لمرجيحه برجومي وركبناها بسعر ٥٠ لاري للشخص وكانت مطلع على الغابه والشلال السابق وفي الموقع كوشكات بيع هدايا تذكاريه وبوفيه صغير وبعدها الذهاب بالدباب الى منطقه مفتوحه فيها تجربه ركوب خيول ورمي بالسلاح استمتعنا فيه وباشجاره المثمره وقطف ثمار العبري والاكل منها بمساعده السائق والاجواء كانت ممطره على الخفيف
بعد ذلك ثم الذهاب لحديقه النباتات في برجومي بسعر ٥ لاري للشخص والحديقه جميله جداً فيها جلسات وملاهي اطفال وبازار مرتب ومجرى للنهر وزيب لاين وترفليك لاكن لم اجربه وانصح بزياره الحديقه
وخرجنا بعدها للشارع عند مدخل الحديقه وهو عباره عن بازار جميل طويل وفيه محل دونات ريو Rio
https://maps.app.goo.gl/iLyVgRouoDoFbmdTA?g_st=ipc
تم اخذ الدونات منه بتوصيه التون وكانت لذيذه جداً احذت ٣ اكياس منه كل كيس ٨ حبات وتحسفت ماخذيت زياده وتاكله مع شرب الكوفي ولا غلطه والقهوه الامريكيه خذيتها من البقاله الي جنب المحل .
بعدها عدنا الى السكن في باكورياني .
————
(اليوم الثامن ) الى كازبيجي
قبل الذهاب بليله اخبرني التون ان الكوخ الذي تم حجزه مسبقاً الغي من صاحب الكوخ بسبب عدم وجود ماء وانهم يبحثون عن كوخ بديل وتركت الامر عنده والشركه للتفاهم مع صاحب ا لكوخ او ايجاد البديل المناسب وفعلاً تم ارسال صور الكوخ البديل وكان اصغر لاكن جديد ومناسب كموقع وفيه مطبخ ودوره مياه فيها شطاف وسرائر ٣ وصاله فيها كنب تكفي لنا جميعا وتم الوصول له واعجبنا وسكناها
https://maps.app.goo.gl/C2WFjrZordDbjDJHA?g_st=ipc
لاكن من سلبياته ان المطبخ لايوجد به تهويه مناسبه وتصريف الماء بالمغسله ومخرج الماء (الصفايه ) تحت المغسله بطيئه اضطر اقفل الماء يتصرف الماء ثم افتحه وهذي مو مشكله كبيره) مع وجود واي فاي مجاني وغساله ملابس
وفي طريقنا من باكورياني الى كازبيجي تم توصيتنا من الشركه لاخذ احلا خبز خشابوري من بارجومي وهذا موقعه
https://maps.app.goo.gl/nuGJKyc2cq3LWp8F8?
g_st=ipc

كان لذيذ جداً مع الشاهي ولا غلطه خاصه انه بالفتره الصباحه وكان احلا فطور بالطريق
وايضاً بالطريق وقفنا واستمتعنا (ببحيره جينوالي ) وجنبها بازار جميل والموقع مميز وبعدها وقفنا في موقع بالطريق جميل يذبحون خرفان ويعملون شوي كباب لحم طازج ويبيعون السيخ ب٣٥ للسيخ واخذناه ب٣٠ للسيخ كان مميز وجميل ويعطونك خبز وسلطه مجاناً وكلهم مسلمين
وموقعه بعد بانوراما غوداوري حدود ٥٠٠ متر يسارك باتجاه كازبيجي ثم بعدها وصلنا الى الكوخ على المغرب على امطار والحو بارد بعض الشي .
——-
(اليوم التاسع)
هو يوم الجوله بكازبيجي وفعالياتها تكفيها يوم حث زرنا
١- قريه سنو sno
https://maps.app.goo.gl/fhSHy3C3tyr3VvpUA?g_st=ipc
٢- تماثيل الجورجيين
https://maps.app.goo.gl/cDBoC5osFboyu7iSA?
g_st=ipc
مواقع تراثيه وتماثيل خلفها مناظر طبيعه تستحق الزياره
ومن ثم انطلقنا لتجربه التلفريك الطويل سعر التذكره ٣٥ لكامل المسار واخذنا فيه ٣ محطات ورجعنا ماكملنا لانه طويل واخذ وقت طويل وكل محطه فيها مطل طبيعي جميل وشلالات انصح بها وهذا موقعه
https://maps.app.goo.gl/H66UvEBXAEznx8vaA?
g_st=ipc
واثناء نزولنا من اللفريك لاحظنا انه فيه شلال بجانب محطه التلفريك الاولى وهو شلال جنان حسب ماهو مكتوب بقوقل ماب
https://maps.app.goo.gl/oLkpHmUgSfYLfCFW9?
g_st=ipc
ثم عندنا للكوخ
——-
(اليوم التاسع ) الذهاب للعاصمه تبليسي
مشينا الساعه ١ الظهر لتبليسي وفي الطريق وقفنا في مطل او بانوراما غوداوري موقع جميع ومطل جميل فيه فعاليات خيول وبارشوت وبازار ودبابات مريناه سريع واستمتعنا به وكملنا الطريق لتبليسي وعلى السكن في فندق خمس نجوم Glarros OldTown
https://maps.app.goo.gl/UjPG2rvA5MRvrtJF8?g_st=ipc
الفندق جميل اخذنا غرفتين فتحوها على بعض وخدمه سريعه بالدخول مع افطار جيد مجاني ضمن الحجز وقريب مع ساحه الحريه ومن قلاريا مول ومن جسر السلام والفعاليات (ماتحتاج سياره ولا تكسي كلش قريب)
يعيبه فقط عدم وجود شطاف وازعاج السيارات الى الساعه ١ الليل
——-
(اليوم العاشر ) منتجع لابوتا
تم الذهاب الى منتجع لابوتا الجميل الذي يبعد عن تبليسي ساعتين دخلنا بسرعه وخدمات سريعه ووصلونا بسياره قولف للسكن اخذنا غرفه عائليه كبيره فها ٣ سراير تكفينا وكان الحجز قبلها ب٣ اشهر
المنتج بها بحيره وحديقه حيوانات ( فروسيه وخيول وغزلان وحضيره دجاج )
وملاعب تنس وتزلق وسله وتجرب
وجم
ومطاعم وكوفيهات
ومطعم المنتجع كبير واستمتعنا بالفطور المجاني المميز بتنوع الاصناف ، وانصح به ليلتين على الاقل لان المكان حق استجمام ومايكفيه ليله الا اذا مضطر خذ ليله .
——-
(اليوم الحادي عشر )
العوده لتبليسي
مرينا سوق ليو بس كان الجو حار وشفناه من السياره ماحبيناه وكملنا طريقنا للعوده لفندقنا السابق
Glarros OldTown
واعطونا غرفتين ثانيه وكان الدخول سريع وتركنا بعض الشنط عندهم في غرفه امانات قبل نطلع منتجع لابوتا ورجعنا استلمناها
وطلعنا قبل المغرب الى محل OnePrice له فروع كثيره بتبليسي حق محل تجميل (اغلبه للحريم ) فيه مكاييج ومن هذا القبيل وبنفس الوقت سوبر ماركت مصغر
ثم طلعنا لمول قالريا Galleria Tbilisi
https://maps.app.goo.gl/eEfg6APHDP7HbfC87?g_st=ipc
مول جميل ومرتب ٤ او ٥ ادوار
المطاعم والكيفيهات بالدور الرابع تعشينا مع ماك وتقهوينا في كوفي سينابون
ونزلنا في الدور القبو B حصلنا هايبرماركت جميل ونظيف ومكيف ذكرني بكارفور السعوديه👌🏻 واخذنا منه حلويات من ضمنها حلويات الي عليها علم جورجيا
وبعدها عدنا للفندق مشياً على الاقدام ووصلنا ب٥ دقائق
——
(اليوم الثاني عشر) يوم العوده للوطن
طلعنا الساعه ٩ من الفندق واتجهنا لمطار تبليسي
اجراءات شوي بطيئه بشحن الشنط لاكن مشت والاشكاليه انهم ماتكلمون انجليزي وهذا عائق لفهم الموظفين واذا مافهمتهم يزعلون🥴 (بلشه🤓)
شحنت الشنط وعديت الجوازات وسالت عن لاونج المطار ودلنا عليه شرطي بالمطار وانا عندي ٣ عضويات ماستر كارد الفرسان وكل عضويه تدخل شخصين وعددنا ٥ اشخاص وصلت لهم وطلبت يعطوني واي فاي وشبكو لي لان واي فاي المطار ماشبكت معي. للاسف مع انه كان شابك معي بمطار باتومي
وفتحت التطبيق الخاص باللاونج والعضويات البنكيه ورفضو يقبلون عضويات عيالي وطلبو ان كل عضويه تكون بجوال مستقل وهذا اول مطار يطلب مني كذا وبما ان العضويات مسجله باسمي بالتطبيق قالو اثبت ان العضويات باسماء عيالك
وكان معي البطاقات الماستر كارد كل واحد باسمه وفتحت التطبيق وعطيتهم بطاقه ممغنطه باسم عيالي وطابقت الرقم بين التطبيق والبطاقه وبرضو رفضو وشدينا بالكلام شوي وبعدها رجعت عند بوابه المغادره ، وللاسف التعامل كان غير جيد ولا قد رفضني اي مطار كذا غير هذا المطار وناوي برفع عليهم شكوى لدى ماستر كارد
وبعدها اخذت وجبات من صب وي وركبت الطياره وتوكلنا للرياض ووصلنا بسلام ولله الحمد .
———-
(ملخص وانطباعي عن البلد مع التوصيات)

البلد جميل بجوه ومناظره الطبيعيه وفعالياته المتنوعه وتضاريسه الرائعه وبالنسبه لي وعائلتي انبسطنا بغض النظر عن المواقف السلبية عند بعض اهل البلد والمواقف الاخرى والنصب والاحتيال الي حصل للبعض والحمد لله لم يحصل لي من هذا القبيل بسبب اني ماشي على توصيات هذا القروب الجميل
بالمقابل حصلت لي مواقف ايجابه خاصه مع ولدي الرضيع عمره سنه كل من مر عليه خاصه العاملات في الفنادق او المطاعم او المطار يضحكون معه ايضاً اول ماوصلت ساعدني جورجي بصرف عمله ٥ لاري الى عملات معدنيه لكي اشتري كوره مطاطيه صغيره من مكينه ذاتيه بدون ما اطلب منه .
البلد سهل الوصول له والتعايش معهم لاكن اشوف وقت الذروه في الاجازه الصيفيه لابد من ترتيب حجوزات الفنادق والتنقلات مع شركات سياحيه وخل اهم البلد يتفاهمون مع بعض ويخارجونك من اي مشكله بالحجوزات بما ان اصحاب الشقق والاكواخ يلغون حجوزات اذا جاهم زبون يدفع اكثر.
الشركه
تحياتي لكم وان شاء الله اني نقلت التجربه لكم بصوره واضحه
ملاحظه
(توصياتي )
١- اوصي باخذ عزبه قهوه وشاهي وطبخ حتى لو يقتصر الطبخ على الفطور ( معلبات فول وفاصوليا وتاخذ مكرونه واندومي للاطفال ) لان المطاعم محدوده وغاليه وصعب انك تاكل فيها يومياً
٢- اوصي في اوقات الذروه بالاجازه الصيفيه ان يتم حجز الفنادق والسياره هم طريق الشركات الموثوق بالقروب نظراً لتجنب الغاء الحجوزات من اصحاب الفنادق والفلل والاكواخ قبل وصول السائح بفتره قصيره لاكن اذا الحجز عن طريق شركه راح تريحك الشركه بابجاد البديل حتى لو ان التكلفه اكثر لاكن اشتر راحتك وراحه عائلتك ، اما بالاشهر العاديه الي مافي ذروه بامكانك ترتيبها بنفسك لان السكن بيكون متوفر بشكل كبير.

(تقييمي للرحله والشركه)
الرحله ممتعه ومرتبه واشكر شركه توليب @Tulipegeorgia على هذا الترتيب الاحترافي بالاخص الاخ التون @altun_14 حيث ان الرحله كانت حسب ماخطط له بنسبه ٩٩٪؜ من حجوزات فنادق وسياره ورحلات سياحيه مميزه ولا يمنع ان نذكر بعض الملاحظات الي حصلت وهي خارج ارادتهم وتم تلافيها بالحال وهي
١ - انه حصل تاخير باستقبالنا بالمطار لمده ٢٠ دقيقه تقريباً بسبب تعطل سياره السائق وارسلو سائق بديل .
٢- خلصت باقت النت بعد اسبوع ونحن في حديقه برجومي وفقدنا التواصل مع السائق لاكن استعنا باحد المواطنين الجورجيين واتصلنا بالسائق ومن ثم ابلغنا الشركه وجددو الباقيه.
وهذي الملاحظات فقط وتم حلها في وقتها من الشركه لذلك انا انصح بهذه الشركه وتقييمي لها ١٠ من ١٠
يستاهلون
—
ولو برجع بالسنوات القادمه ممكن ارجع اما
١ - باتومي واريافها فقط.
٢- تبليسي وازور القوقاز وباكورياني .
٣- تبليسي واسكن بمنتجع لابوتا.
—-

ختاماً نشكر اداره القروب والمشرفين والاعضاء على مساعدتنا في نجاح الرحله ونتمنى لكم التوفيق.

ان شاء الله اني وفقت بالتقرير واعتذر ان طولت فيه بس حبيت اعطيكم التفاصيل للفايدة

السلام عليكم ورحمة الله وبركاته.

في البداية حاب اتقدم بالشكر الجزيل للقائمين على هذا القروب الطيب على رأسهم مالك القروب الأخ نايف والاساتذة الكرام أبو خالد وفهد الليل و Xd7

كما أشكر الأخ الكريم أبو فيصل مالك شركة سفانيتي على تعاملة الراقي وخدمته الاحترافية العالية بتأجير سيارة من نوع بيريوس موديل 2015 وجودة السيارة على الرغم من سنة صنع السيارة يعتبر قديم نوع ما ولكن هذا طلبي للنوع هذا من السيارة حيث أصبحت سنة صنع السيارة مجرد رقم في شركة سفانيتي لجودة صيانة المركبات لديهم.
ومثل ما تعرفون جودة السيارة لها تأثير في نجاح الرحلة وقت السايح ثمين ومو فاضي لأي نوع من التعطل.
كما أكرر الشكر لأبو فيصل مرة آخرى على حرصة الدائم وتواصله المستمر للسؤال وعرض تقديم المساعدة وهذا يدل على الاحترافية العالية لدية.

الرحلة كانت لمدة 29 ليلة 30 يوم من تاريخ 16 يوليو حتى 14 أغسطس.

تاريخ 16 حتى 20 تبليسي المدينة حسيت أني أعرفها من قبل من كثر المعلومات والجدول بالقروب الله يعطيكم العافية الجدول مرسوم رسم مرتب الخطة وموزعها على عدد الأيام وبهدوء ورقان التمشي مو بالعجلة.

تاريخ 20 يوليو حتى 24 كازبيجي و ضواحيها طبعاً مروراً بجميع المزارات السياحة على الطريق من تبليسي.

تاريخ 24 يوليو حتى 29 باكورياني مروراً ببرجومي وكذلك تم المرور بجميع المناطق المذكورة بجدول القروب وبعدها قمت ابحث بنفسي والمكان الجميل أوقف فيه والعزبة معي.

تاريخ 29 يوليو حتى 4 أغسطس باتومي والسكن في المدينة وبالنهار أحوم في الجبال وطبخ وروقان الجو ساعد كان غيوم وقتها وقبل غروب الشمس أرجع للفندق أوقف السيارة وأبدل ملابسي وانزل للكورنيش والفعاليات اللي في المدينة.

تاريخ 5 أغسطس زوغديدي كانت محطة راحة للطريق إلى ميستيا ومثل جدول باتومي جلست أحوم بالارياف ونزلت العزبة وتقهويت وقبل مغيب الشمس توجهت للفندق وريحت من بدري استعداد للطريق اليوم التالي لميستيا.

تاريخ 6 - 7 أغسطس كانت في ميستيا وقرية أشكوالي أو كما تنطق أشقولي قرية مرتفعة عن سطح البحر تقريباً 2500 متر وباردة جداً وبعدها بخمسة كيلو يوجد مطل بانورامي على الجبال الجليدية يحتاج سيارة مرتفعة للوصول له لقيت لي واحد معاه سيارة مرتفعة وصلني للمطل.

تاريخ 8 - 9 كوتايسي والتمشي في اريافها مثل جدول باتومي النهار ارياف مرروا بالفعاليات المذكورة بالقروب وقبل غروب الشمس العودة للمدينة والتمشي في سنترها التاريخي حتى الساعة 11 بالليل.

تاريخ 10 - 11 آمبرولاوري القرية المفاجئة بالنسبة لي طبيعة خلابة جداً وتوفقت بجو غائم وماطر في بعض الأوقات طبعاً حولها قرى كثير جميلة وغنية بالطبيعة والتاريخ وكما قيل لي كانت منطقة مصطاف لملوك جورجيا في العهد القديم.

تاريخ 12 - 13 العودة إلى تبليسي للتسوق وشراء بعض الذكريات والتمشي في السنتر من شارديني حتى شارع روستيفالي الجميل.

14 أغسطس المغادرة من تبليسي إلى الوطن الغالي.

السلام عليكم ورحمة الله وبركاته
الحمدلله انتهت رحلتي لجورجيا على خير كانت سفره ممتعه واستمتعت فيها الصراحه و بنقل لكم تجربتي لكن اولاً حابه اشكر المشرفين والاعضاء بدون اي استثناء الجميع ماقصر و لولاكم كان ضعت يعطيكم الف عافيه وجعلها الله في موازين حسناتكم يارب ❤️

اما بخصوص الشعب كانو محترمين معانا وماشفت منهم اي عنصريه او تمييز او مضايقات او حتى صراخ ورفعه صوت او عصبيه حتى بعض اصحاب الفعاليات كانو يسولفون ويضحكون معانا

خطة سير الرحله :- باتومي ، كوتايسي ، باكورياني ، تبليسي مع زيارة جبال القوقاز .
( ١٠ ايام و لـ ٥ اشخاص ) ( من تاريخ ٣١ يوليو الى ٩ اغسطس )

اعتمدت على برق فيزا ( بطاقتين لحسابين مختلفيين ) و اعتمدت على الكاش

مطار باتومي وصول : اجراءات الدخول كانت سهله وبسيطه ما يضيع وكلهم موظفات و لازم كشف الوجه

السواق :
جورجي ما يعرف انجليزي او عربي طريقه التواصل معاه بالترجمه وارسل له موقع المكان اللي ابيه في الواتس اخذته عن طريق شركة من خارج القروب وقتها كنت لسى ما اعرف عن القروب لكن الحمدلله كان كويس معانا و توفقنا فيه محترم وما كان يتدخل في جدولنا ولا يتكلم مع اصحاب الفعاليات والمطاعم ابداً وهو اللي وفر لنا الشرايح واخترت انها تكون من شركة Magte

الفنادق :
كل حجوزاتي كانت عن طريق بوكينج واكلم الفنادق واتس اسوي تأكيد للحجز وحجزت قبل السفره بـ ٣ شهور تقريباً

فندق باتومي : فندق كونار إن
https://www.booking.com/Share-pi9j8t
الفندق نظيف وحلو الغرف واسعه وفيه بلكونه مطله على البحر و فيه شطاف وموقع الفندق ممتاز عند جراند مول

فندق كوتايسي : West way
https://www.booking.com/Share-t1hfwjZ
نظيف وحلو الفندق اساساً جديد لكن مافيه شطاف موقعه كويس نوعاً ما

فيلا باكورياني : Star Villa Bakuriani
https://www.booking.com/Share-PT9FLY1
تجنن واسعه متكامله بجميع الاغراض و نظيفه فيها حوش و بلكونه موقعها ممتاز قريبه من فندق كريستال لكن العيب الوحيد فيها درج من الداخل ماتنفع لكبار السن

شقه في تبليسي : Comfortable House on Marjanishvili
https://www.booking.com/Share-Ivs3LE
الشقه كبيره تنفع للعوائل الكبار نظيفه الشقه مرا ومتكامله بكل الاغراض وفيها شطاف موقع الشقه اعتبره ممتاز و قدام الشقه مطاعم تركيه وحلال صاحبه الشقه تجنن اخلاقها ولطيفه مرا وتسأل اذا محتاجين شي و وكانت تحذرنا من النصابين

المطاعم والكوفيهات :
اول شي انا كانت معاي العزبه فيها معلبات واشياء خفيفه للفطور واخذت كشنه جاهزه كنت مجمدتها 🫣 و بهارات وقهوه وشاهي فكنت معتمده عليها كثير خصوصاً في الفطور واحسها شي مهم الصراحه والاغراض الثانيه اللي احتجتها اخذتها من كارفور

باتومي :
١- مطعم فور كاتس كان الاكل لذيذ ٧ /١٠ لكن المطعم صغير وضيق

٢- مطعم مهراجا لذيذ واعجبني ٩ /١٠

٣- مطعم الخاشبوري اعجبني مرا وكانت اول مرا اجرب الخاشبوري طلبته بدون البيض ١٠ /١٠
هذا موقع المطعم
https://maps.app.goo.gl/HXjzWio3L3wfvpMm7?g_st=ic

٤ - كوفي برج الحروف الاطلاله والكوفي والحلا رهيييبه ١٠ /١٠

كوتايسي :
١- كوفي Mio الوافل حقهم لذيذ مرا مرا و ايسكريم الفراوله كانت نكهة الفراوله طبيعيه اشوفه ما يتفوت و الامريكانو و الموهيتو حلوه حقتهم ٩ /١٠

٢- مطعم هندي طلبت منه عن طريق تطبيقات التوصيل الصراحه نسيت اسم المطعم وكان اسوء مطعم جربته 😔

باكورياني :
١- مطعم مرحبا ما اعجبني كثير اعطيه ٦ /١٠

٢- مطعم وكوفي اسبن جربت الكوفي و جربت المطعم كلها لذيذه واعجبتني ١٠ /١٠

٣- مطعم اوشبا كان لذيذ لكن المنيو اعتبره محدود شوي ٨ /١٠

٤- مخبز جورجي اخذت منه فطاير وكانت لذيذه ٦ /١٠ هذا الموقع
https://maps.app.goo.gl/j6A2rkxi8E3VxPSu8?g_st=ic

تبليسي :
١- مطعم نسيم التركي الاكل لذيذ مرا واعجبني رحت له ٣ مرات 😂 ١٠ /١٠

٢ - شانديز الايراني الاكل لذيذ لكن اشوف سعره غالي ٩ /١٠

٣- مقهى ستامبا الـ V60 حقتهم لذيذه لكن خفيفه و الكباتشينو كان عادي جداً كيكة الفستق لذيذه ٩ /١٠ المكان مميز

٤- مقهى Santino الـ V60 كمان خفيفه و عصيراتهم لذيذه ٧ /١٠

المولات والاسواق :

١- باتومي : رحت قراند مول واشوفه مول عادي جداً حتى الاسعار نفس اللي عندنا يعني اعتبره حق تضييع وقت مو اكثر ، المحلات اللي في الساحه الاوربيه ، المحلات اللي عند شلال ماخونيستي

٢- تبليسي : السوق اللي تحت الارض

٣- القوقاز : المحلات اللي على الطريق

الفعاليات والاماكن السياحيه :

١- باتومي : برج الحروف الاطلالة حلوه مرا ، قارب خاص اخذته بـ ١٥٠ عند علي ونينو ، العجله الدواره اللي على البحر المنظر من فوق حلو
شلال ماخونيستي وقارب التجديف كان بـ٢٠٠ بس انتهت الجوله في نقطه غير عن نقطه البدايه ومافي اي وسيله للرجوع ( في الرجوع دبر نفسك )
الساحة الاوربيه ، الحديقه النباتيه و الزبلاين اعتبره افضل فعاليه سويتها في جورجيا ممتع جداً

٢- كوتايسي : ودانا السواق لمطل يطل على المدينه كان حلو
هذا موقع المطل
https://maps.app.goo.gl/N8PATg2ukcTXDk3JA?g_st=ic

و رحت كهف بروميثيوس كانت تجربه حلوه وجديده لكن ماينفع لكبار السن من داخل الكهف درج و فيه طين يزحلق شوي والمسافة طويله

٣- باكورياني : رحت لزحليقه ديدفيلي سريعه مرا بس بالنسبه لي كانت ممتعه وكان التلفريك مغلق المنظر من التلفريك حلو

و رحت كريستال جربت التلفريك المفتوح لحاله كانت تجربه جديده علي وحلوه

٤- تبليسي : جسر السلام و القطار المعلق وحديقه ماتيسمندا

٥- القوقاز : بحيره انانوري و قلعه انانوري والتقاء النهرين و قوس السلام

مطار تبليسي مغادره : رحت قبل موعد الرحلة بـ٣ ساعات كاونتر الشحن كان مرا زحمه والمطار بشكل عام كان زحمه الموظف ما شاف وزن شنط المقصوره بعد ما خلصت اجراءات الشحن طلعت للدور الثاني بالمصعد وعلى طول تفتيش خلصت كامل الاجراءات والتفتيش خلال ساعتين ونص تقريبا و بعدها رحت للبوابه

اعتذر لو طولت في التقرير لكن حاولت اكتب كل التفاصيل وللمرا الثانيه اشكر كل المشرفين و الاعضاء و ان شاء الله اذا ربي كتب لي رجعه ثانيه لجورجيا ❤️❤️.

✈️ رحلتي إلى جورجيا – 14 يوم


السلام عليكم ورحمة الله وبركاته،
الحمد لله وصلنا إلى وطننا الغالي ❤️🇸🇦 بعد رحلة جميلة جدًا وممتعة بكل تفاصيلها. أسأل الله أن يمتعنا وإياكم بجنات النعيم.
وأحب أشكر جميع أعضاء القروب على تعاونهم وسرعة تجاوبهم. 🌹

رحلتي كانت غير مخطط لها، حجزت قبلها بيوم واحد فقط، لكن ربي يسّر كل شيء، والحمد لله كانت من أجمل الرحلات.




📍 تفاصيل الرحلة:


المدة: 14 يوم
المدن التي تمت زيارتها: تبليسي – قوداري – باكورياني – بورجومي – باتومي – جبال القوقاز - كوتايسي - مورتفيلي




🏠 تبليسي – اليوم الأول


• سكنت عند نينا في شارع العرب، بيت مرتب ونظيف جدًا للعائلات.
• إنسانة متعاونة جداً وطيبة عسل ساعدتنا حتى في أمور خارج السكن، و موفرة حتى السجادات.
🔗 https://www.booking.com/Share-74pL3rz
• أخذنا سائق من شركة ابن الأردن – خليل، وكانوا يهتمون بنا بشكل يومي تقريبًا.
• سائقنا ميكاييل: خلوق، متعاون، مسلم، وقدم لنا خدمة ممتازة.
📩 kh.qaisi5555@gmail.com
📞 533 33 31 32





🏔️ قوداري – يومان


• منطقة استرخاء رائعة وهادئة والجو كان لطيف جدًا.
• السكن مرتب ونظيف، لكن يجب تسجيل عدد الأشخاص بدقة في الحجز مايدخلون الا على العدد الموجود
🔗 https://www.booking.com/Share-TRQqT0a





🌲 باكورياني & بورجومي – 5 ليالٍ


• منطقة رائعة و اجواء مطر و ضباب شي من الخيال حقها يومين لكن طولت بسبب الاجواء
• للأسف تعرضنا للتسمم من المطاعم، ف فضلنا نشتري خروف (550 لاري) وطبخنا بأنفسنا، وكان أفضل قرار. 🍲
• السكن تعرفنا على ( مقا ) إنسانة لطيفة جدًا ساعدتنا كثيرًا:

◦ أول ليلتين سكنا في كوخ عنده مرتب (800 لاري → كاسرناه إلى 400).
◦ بعدها من باب التغيير دبرتنا ب سكنا في فلل جديدة وتجنن! طلبنا يكونون بسعر 400 لاري، مع الفله في باب ل مزرعة وخيول، مكان هادئ وجميل كنا نفطر فيه
◦ اهتمت بأماننا ووفرت شطاف.
📞 +995 557 60 20 80 (قولوا من طرف ثريا حايل)
•





🌊 باتومي – 4 ليالٍ


• توفقنا بسكن عند عائلة محترمة جدًا، مسلمة محافظة.
• ابنهم يتكلم عربي فسهل التواصل معهم.
• الشقة نظيفة جدًا وواسعة، مطلة على البحر والطبيعة، وبالقرب من كل الخدمات.
📞 أبو بكر: +995 555 56 66 69
🔗 https://www.booking.com/Share-MrJL59





🏞️ جبال القوقاز – ليلة واحدة


• سكن وجدناه بالصدفة، مكان جميل لكنه يكفي لليلة واحدة فقط.





🏙️ تبليسي (العودة) – ليلة واحدة


• سكنت في شقق فندقية قريبة من المطار.
• السعر مناسب جدًا، المكان نظيف وهادئ، والخدمات ممتازة.
• قريب من: دانكن – سوبرماركت – مول.
🔗 https://www.booking.com/Share-g8B27l




رحلة جميلة جدًا، والحمد لله واجهنا كل خير، رجعنا مبسوطين وراضين الحمدلله 🙏🏻❤️
و المعذرة على الأطاله

السلام عليكم ورحمة الله وبركاته الحمدلله. انتهت رحلتي العائلية الموفقه. يارب لك الحمد شكراً جزيلاً ل اصحاب. هذا القروب لهم فضل كبير بعد الله فعلا ما ينلحق. جزاهم. قروب الفزعه.
نظمت رحلتي كلها.منه مانقدر نوفيكم حقكم
لكم. منا الدعاء الله يجزآكم خير الدنيا والاخره


توفقنا كثير فالأجواء
وبالناس الطيبه.
وصادفنا كذالك ناس عكسهم تمام

ودام تمشي مشّها حاول. ما تخرب رحلتك واستمتع


مطعم. فور كاتس ف باتومي مطعم. لذيذ جدا وأهل الكرم كل شوي يقدمو ضيافه
شارع العرب او الحي التركي في باتومي جميل قريب من البحر.

ف تبليسي استأجرنا سياره وطلعنا القوقاز من الخلوق جداً
مصطفى لتأجير السيارات

+995 514 82 22 11

كان وصولنا باتومي. ومغادره تبليسي مدة أسبوعين باتومي مدينه جميله جدا جامعه لكل شي. صح حر ورطوبه. بس الحمدلله كانت اغلب أيامها امطار بالليل الأجواء لطيفه وأذا برجع. باتومي. برجع ف وقت. الربيع او شتاء


وادي مرتفلي. جينا قبل العصر رطوبه. مووووت. بس لما وصلنا التجديف كان. المكان بارد وممتع جدا. يستاهل التعب


وصلنا باكرياني كانت أجمل ٣ أيام سكن ب أجمل إطلاله تلفريك زحليقه واحلا شي لما طلعنا اعلى قمه مع الجيب




تبليسي ما حبيتها جتني ضيقه فيها بالخصوص شارع العرب الموضفين اللي عند المطاعم ينشبون لك. ما يخلونك تأخذ راحتك مرينا ارتحنا استأجرنا سياره وطلعنا القوقاز. جميله جميله. بشكل لا يوصف. لو. أجي مخصوص. للقوقاز هذا يكفي عن. مدن جورجيا كلها
للي يحب الاسترخاء وما يبي فعاليات

رجعنا من القوقاز استأجرنا شقه بالقرب من المطار من بوكنق. شقه واسعه. غرفتين وصاله مطبخ مجهز شطاف اصنصير الموضف على الشقه هندي كان خدوم جدا عنده سيارتين كبيره وصغيره. أخذا. فينا فره على تبليسي قبل المغادره من ١ إلى ٦ المغرب ب١٠٠ لاري ودخل معانا المحلات. وتسوقنا. بالمختصر كان مرشد سياحي
هذا رقمه
+995 599 15 22 83

جرّبنا بولت
وجربنا السايق
وجربنا نستأجر سياره
بولت مريح فالمدن الكبيره

التعامل مع السايق. مره ماحبيت السايق مع انه كان عربي. بس للأسف كان سيء
يتاخر. ويدور اعذار.
وللأسف ما زرنا برجومي ب سبته.
واخر يوم طلبنا بولت ورحنا تبليسي صح كان غالي مره.بس عشان ما يخرب الجدول.



الأفضل. استأجر. سياره. وريح. عمرك. للانتقال بين المدن والأرياف وانتبه للقواعد المروريه
وأمورك فالسليم
أخذنا مخالفتين السير في مكان الحافلات ما كان عندنا علم كل مخالفه ١٠٠ لأري يجعلها فداء


والحمدلله رجعنا بسلام. لارض الوطن. اللي مافي . مثلها. بالدنيا كلها

من لايشكر الناس لايشكر الله

احب اشكر الجميع في هذا القروب الرائع الي فادني في النصائح والتحذيرات الي ساعدتني بفضل من الله ثم انتم في إنجَاح سفره تتكون 6 اشخاص بالغين

المدة كانت 14 يوم في شهر اغسطس

اول شي بتكلم فيه عن شي كنت متخوف منه قبل اسافر لاني قريت عنه بكثره وسبب لي ازمه لان معي كبار سن

الي هو الشعب الجورجي والتعامل معه وعصبيته وجديتة، الحمدالله ما واجهت اي مشاكل مع الشعب وبالعكس اذا فهموك بيساعدونك باللي يقدرون عليه
الشعب عملي وفي حالة فلا تتوقع انهم بيبتسمون لك ولا يرحبون فيك، خلك عملي مثلهم خلّص امورك وامش
واحترم طبيعة عيشهم بحكم انك ضيف وانت اخترت السفر لهذي الدولة بإرادتك

تعرضت لموقف عنصري واحد من سواق قارب في مارتفيلي وماكان جورجي بل كان من جنسية اخرى تعودنا على كرهها للعرب، طبعا ادبته وعلمته اننا مو بديرته وان حنا بجورجيا وبعدها ماعاد تكلم

السواق كان عن طريق ابو محمد الاذربيجاني واسمه رامين وهو مسلم وكان قمة في الاخلاق وصبور والتفاهم معه سهل بحكم انه يعرف انجليزي شوي وايضا تراه نصوح، حيث احيانا عند الكشكات الي تبيع يكون السعر 100 لاري فهو يقول لا ان السعر عادة بين 40 الى 50 لاري وانت حر

البداية من باتومي سكنت في اليانس بالاس لمدة يومين وخذت جناحين من غرفة نوم وحده وكانت رائعة جداً ولكن ترا في الويكند الفندق يكون زحمه ومليان وتتاخر المصاعد فحاول التشيك اوت مايكون ويكند لان بتطول مثلي على ماتنزل عفشك

ثم رحت ارياف باتومي سكنت في Chalet Rivier لمدة يومين خذت كوخين وكانت حلوه جداً وطبخنا فيها والي زاد المكان جمال هو قرب النهر وايضا المطر و صاحبة الكوخ متعاونة جداً وخدومه

نصيحة نصيحة اذا كان معك كبار سن فلا تاخذ اكواخ لان صعب جداً الصعود لغرف النوم بالكوخ وايضاً صعب ينزلون في حال الاحتياج لدورة المياة الله يكرمكم

بعدها رحنا لكوتايسي وسكنت ليلة في فندق Four Seasons Riverside
الفندق جميل وتديره عائلة متعاونه ومطل على نهر ولكن يعيبه لا يوجد مصعد
الصدق كوتايسي حلوه ولكن يكفيها يوم فقط كنت ابي مارتفيلي ولا ابي وقت سفر طويل بالسياره والحمدالله خلصتها

بعدها رحنا باكورياني وسكنت في Villa Megobrebi لمدة 3 ايام
وهي عبارة مجمع فلل متلاصقة ببعضها، الفله كانت حلوه ولكن عيبها دورات المياة الله يكرمكم تطلع منها ريحه كريهة جداً
وقتها ايضا باكورياني كان فيها اصلاحات في الطرقات ومع ذلك انبسطنا الحمدالله فيها ومنها ايضا مرينا برجومي وزرنا الحديقة الي فيها واشوفها عاديه جداً

بعدها رحنا قودايري والسكن كان في New Gudauri Geoflats لمدة 3 يوم السكن نظيف جداً وجميل
مع ان الخطة كانت السكن في كازبيجي في كوخ بس عقب ماشفت تعب الاهل في اكواخ باتومي وانه صعب الصعود لغرف النوم فغيرت الخطة لشقة فندقية

طبعاً قودايري حلوه ولكن الي وضح لي انها تنفع في الشتاء ووقت الثلج اكثر بحكم قرب السكن للتلفريك وكثرة محلات تأجير ادوات التزلج ومع ذلك اعجبتنا المنطقه
وبعدها رحت كزبيجي سكنت في كوخ اسمة moodvillakazbegi وخذته مدة ليلة وميزته فيه غرف نوم تحت

اخر 3 ايام كانت بتبليسي والسكن كان من Airbnb الصدق كان هذا افضل سكن حجزته خلال السفرة كلها، الشقة جدا نظيفة وكل شيء فيها وهي السكن الوحيد الي ما اضطريت اتواصل مع صاحب السكن لان كل شي متوفر فيها والمبنى امان ماتدخله الا ببطاقة وموقعها جميل ايضا هذا رابطها للي يبي يشوفها:
https://www.airbnb.com/l/z0IlNar5

بالنسبة لتبليسي اشوفها ممله ولكن خليناها الاخير وليس باتومي لان الفرق في السعر فوق 3 الاف ريال وممكن فكرة التسوق من العاصمة بيكون كانت افضل بالنسبة لنا

نجي للسؤال المهم، هل اكرر الزيارة ؟
لا لان انا شخص اشوف ان الدول الي تتميز بطبيعتها ماراح تتغير وحتى لو تغيرت فيكون تغير بسيط جدا بعكس الدول الي مشهوره بسبب مدينة لان التغير وارد

السلام عليكم
بعد العوده ولله الحمد راح اكتب تجربتي عن جورجيا مده الرحله كانت 12 يوم
الرحله من ابها الى تبليسي عن طريق فلاي دبي
واجهت مشكله في مطار دبي منعونا من صعود الطائره لكن رجعوا حجزوا لنا اقرب رحله و وفروا لنا فندق لوقت الرحله
وفقدت شنطه استلمتها وانا راجعه ابها

اتقدم بجزيل الشكر والامتنان لكل من قدّم لي نصيحة أو تنبيه او حاول المساعده او التخفيف ، فجزاكم الله خير الجزاء وبارك في جهودكم، وجعل ما قدمتم في موازين حسناتكم .

حجوزات الفنادق اغلبها من مواقعهم الرسميه او عن طريق بوكنق
والسواق اخذته عن طريق شركه لكن ماتوفقت فيه سيء واستغلالي وكنا نمشي الايام نبي السلامه

السكن في تبليسي
حجزت يوم الوصول ويوم قبله لان دخولي بيكون متاخر وتواصلت مع الفندق عن طريق الواتس وكان ردهم ان حجزك مو عن طريق بوكنق عن طريق وسيط في بوكنق لاول مره تواجهني هذي المشكله الغريب اني حاجزه بنفس الوقت غرفه قالوا اي انتي حاجزتها وغرفه قالوا لا عن طريق وسيط وكلها من بوكنق الغلط اني دافعه لهم وجلست اطالبهم في استرداد المبلغ بس ردوه بالاخير

Zemeli Boutique Hotel by DNT Group

https://www.booking.com/Share-YjD9x0R

حجزت من جديد في تبليسي في فندق

Tbilisi Philharmonic Hotel by Mercure

https://www.booking.com/Share-YSMXpUh

حلو انصح بالسكن فيه نظيف وتابع لفنادق ميركيور


الصرف استدخدم بطاقة برق وبطاقه سفر بلس و جايبه كاش وحولتهم فيه تحويل عملات كثير بنفس الشارع

الاماكن الحلوه بتبليسي
كوفي ستامبا

https://maps.app.goo.gl/7xQUFVMuAZrHKHCt5?g_st=com.google.maps.preview.copy

بيتزا حلوه وقريب للفندق
https://maps.app.goo.gl/Ko4X3Cs5XC9TNrek7?g_st=com.google.maps.preview.copy

مكان شاي حلو
https://maps.app.goo.gl/NpNnDv9oThh4CZfc9?g_st=com.google.maps.preview.copy

استخدمت بولت جداً مناسب مع ان عندنا سواق بس كان ماينطاق ونبي الفكه منه واحنا محاسبينه ع كل الايام

اليوم الثاني رحنا منطقه كافريلي ومرينا من تيلافي جميله بس حر شوي

https://maps.app.goo.gl/CPimGArrH8YzS3um7?g_st=com.google.maps.preview.copy

حلو فيه اكثر من اكتفتي مجاني مع الحجز حجزت عن طريق الموقع وفيه خدمه الصيد برسوم اعتقد 97 ريال حبيت التجربه لكن الواضح ان البحيره مافيها سمك 🎣

بعدها مشينا الى جبال القوقاز حجزت عن طريق airbnb
حجزت في غوداوري
كوخ فوق شقق سكنيه مره المكان حلو ونظيف وموفر كل شي وفيه مدفئه وحطب والمؤجر متواجد ويرد ع طول
https://www.airbnb.com/l/Pog9kEAz

ومشينا ع باكورياني سكنا بكوخ متواضع ماكان بمستوى الي نبيه حاولت اغيره بس دافعين و اغلب الي شفتها مو مستواها احسن منه فجلسنا فيه ونعد الايام للعوده

رجعنا لتبليسي وسكنا بهالفندق جميل وفيه شطاف تعامل الموظفين حلو

Khedi Hotel Tbilisi

https://www.booking.com/Share-MVJaZQ

زرنا اغلب الاماكن الي موجوده بالقروب فيه اماكن كثير ماذكرتها ومطاعم ماكانت بمستوى جيد للامانه الدوله فيها ضيقه مادري وش السبب مع ان طبيعتها حلوه السمك عندهم لذيذ واللحم جيد
ولان السفره ماكانت بالمستوى الي توقعناه قررنا ان نعوض نفسنا ونكمل رحلتنا في دبي الجو حار بس لطيف لان بين اهلنا 🤍🇦🇪
ملخص الرحله جورجيا بلد حلو كطبيعه شوارعهم سيئه استغلاليين ريحتهم غريبه هل بكرر الزياره لا 🙅🏻‍♀️

السلام عليكم ورحمة الله وبركاته
من بعد اذن المشرفين الكرام

رح اكتب عن موضوع متردد بكثرة الايام هاي وان شاءالله مايصيب احد ومن باب الوقاية خير مم قنطار علاج المقصود فيه إذا شفت المطعم مو نظيف اتركه أو اكله مكشوف أو طبخ مو مستوي حتى لو دفعت اتركه لانه على حساب صحتك

وبشكل عام فتره قصير يوم او يومين والأمور تتحسن ان شاء الله

📌 التهاب المعدة والأمعاء
(Gastroenteritis)
بحكم اكل يكون غير نظيف

الاعراض:

إسهال (مائي أو دموي).

غثيان + ترجيع

ألم بطني / مغص.

حمى (أحيانًا).

جفاف (عطش، قلة تبول، جفاف فم، دوخة ، هبوط الضغط ).

العلاج

1️⃣ العلاج الأساسي (Supportive):

تعويض السوائل والأملاح:
بحكم انه سياحه نحاول انه مابضيع سفرتك في المستشفى(سوائل ثم سوائل ثم سوائل)

إذا فقدان شديد ل السوائل او ماتقدر
تشرب سوائل يفضل سوائل وريدية في المستشفى لجل نعوض الجفاف


الراحة الغذائية:

أكل خفيف (رز، بطاطا، موز، شوربة).

نبعد عن الدهنيات، الأطعمة الحارة، الكحول، السكريات، حلويات،الكافيين(كولا _ قهوه_ شاي_لانه تزيد الفقدوتلين المعده وسكريات )

2️⃣ الأدوية:

مضادات الإسهال (مثل Loperamide / metronidazole )→ ممنوع إذا الإسهال دموي أو فيه حرارة عالية (لأنه ممكن يزيد العدوى).

خافض حرارة / مسكن: Paracetamol.

مضاد ترجيع: مثل Ondansetron إذا ترجيع شديد.

مضادات حيوية: فقط في حالات خاصة (إسهال دموي بجراثيم معينة، أو عند مرضى نقص المناعة).

مراجعة المستشفى إذا:

إسهال دموي أو شديد جدا

جفاف واضح (قلة بول، هبوط ضغط، دوخة).

حرارة عالية مستمرة.

أطفال، كبار السن، أو مرضى مزمنين

واي شخص يحتاج استفسار عن اي شي حاضرين في اي وقت

ودمتم بخير وصحة وسلامة أين ماحللتم

السلام عليكم ورحمة الله وبركاته
حبيت اشاركم تجربتي في جورجيا كانت من تاريخ ١١ حتى ٢٢ من شهر اغسطس، تم التواصل والتنسيق مع الدكتور عبدالله رقم الجوال واتس اب +995511225013 طلبت منه توفير سائق خلال فترة جولتي وتوفير سيارة من نوع سيدان وتم توفير طلبي ولله الحمد.
طبعاً اذا ترغب سيارة فان يوجد لديهم.

الاستقبال تبليسي: يومين
تم استقبالي من الاخ علي وعند الخروج من المطار تم الذهاب لشراء شريحه انترنت خارج المطار وصرف العمله انصح يكون خارج المطار.
بعدها تم توصيلي للفندق وكان اسم الفندق Castor pollux hotel صدمت فيه للامانه وما انصح فيه والناس اذواق. الشكل في موقع بوكينق غير عن الواقع.

اليوم الثاني الذهاب لجولة في تبليسي مع شخص اخر اسمه عمر من طرف الدكتور عبدالله تم الذهاب لمطعم ايراني اسمه شانديز لايفوتكم تبارك الله المطعم جميل جداً ورائع بعدها انتقلنا لجسر السلام ممشى على الجسر فيه فعاليات بسيطة وبعدها ركبنا التلفريك في اعلى الجبل طبعاً فيه كافيهات صغيره واشياء بسيطة للتسوق وبعدها نرلنا حديقة سعر الشخص ٤ لاري بس ما انصح فيه اذا عندكم اطفال لان المكان طويل وفيه درج ونزول وطلوع ولازم تمشي عشان توصل للشلال (الشلال صغير جداً ) وبعدها طلعنا قارب وسوق داخل المدينة يوجد حديقة فوق عند جسر السلام والعاب اطفال مجاناً.

جبال القوقاز: يومين
تم الذهاب إلى جبال القوقاز مع الاخ علي وفي نص الطريق واحنا متجهين لجبال القوقاز وقفنا وركبنا التجديف صراحه تجربه كانت رائعه وعند وصولنا لجبال القوقاز وقفنا عند شخص اسمه ابراهيم لايفوتكم اكلنا من عنده سيخ لحم وكفته طبعاً حلال وجلسنا على منطقه الجبل والجو جميل وبارد وغيم وبعدها ذهبنا للفندق وكان اسم الفندق hotel memoir kazbegi by dnt group لايفوتكم صراحه فندق جميييل جداً واطلاله رائعه على الجبل طبعاً مافي شطاف بدورة المياه كرمتم والمكان قريب منه التسوق.
بالنسبة للفعاليات ركوب البرشوت لا يفوتكم ممتع جداً ٣٥٠ لاري وبعد ماتخلص البرشوت ينزلون المقطع على الواتس اب او يوتيوب خاص فيهم او بريدك الخاص، وجوله سفاري اذا كان دباب سعره ٣٥٠ لاري اذا سيارة يطلعك على نهر واعلى القمة سعره ٥٠٠ لاري وبعدها رحنا لمطعم هندي اكله جميل على اطلاله والجو كان رائع اسمه سبايس جاردن الهندي حلال.

باكورياني - برجومي : ٣ أيام تنفع للعائله واللي عندهم اطفال
تم الذهاب لباكورياني واخذنا فندق اسمه Dialog Kokhta
فندق جميل ونظيف بس فيه مشكله يوجد جلسه خارجيه مع شبت الضوء لازم انك تحجز عند الاستقبال وتدفع حق الجلسه والشي الثاني ازعاج بالليل صوت الكلاب كرمتم ولا يوجد شطاف كرمتم وغساله وكل شي قريب منك سوبر ماركت والمطاعم.
فعالية باكورياني: ٣ أيام
ركوب التلفريك المكان القديم ويوجد في أعلاه خيول وزحليقة.
ركوب التلفريك عند فندق كريستال. انصح في التلفريك حق تذكرتين رسومه ٥٠ لاري للشخص تطلع تلفريك مغلق والثاني تتحكم فيه ي تقفله او مكشوف الين توصل للزحليقه والمرجوحة
ركوب الزحليقة اللي بكريستال < لايفوتكككككم سعره ٣٠ لاري للشخص.
مطعم اسبن ضروري تزوروه طعم رائع لايفوتكم والمكان جميل جداً
كشته على النهر.
بعدها نزلنا برجومي لليوم الاخير اخذنا سفاري سياره جيب صغير يطلعك على النهر وعلى الشلال وعلى مكان دبابات ومرجوحة.