#ለመረጃ

ጅቡቲ ላይ የተከማቹ የነዳጅ ተሸከርካሪዎች እንዲገቡ ተፈቀደ!


የገንዘብ ሚኒስቴር ከጉምሩክ ኮሚሽን ጋር በመተባበር፣ በጅቡቲና ድሬዳዋ ደረቅ ወደብ ላይ ተከማችተው የሚገኙ በነዳጅ የሚሰሩ ተሽከርካሪዎች ወደ አገር ውስጥ እንዲገቡ መፈቀዱ ተሰምቷል፡፡


አዲሱ መመሪያ፤ ከዚህ ቀደም እንዳይገቡ ታግደው የቆዩ ተሸከርካሪዎችን ጉዳይ መፍትሄ ለመስጠት ያለመ ነው ተብሏል፡፡


መረጃዎች እንደሚጠቁሙት፤ከተለያዩ ኤጀንሲዎችና ከጉምሩክ ኮሚሽን ተውጣጥቶ የተቋቋመ ኮሚቴ፣ ዝርዝር ግምገማ  ማድረጉን ተከትሎ፣ በጥያቄ ውስጥ የነበሩ ተሽከርካሪዎች በተገዙበት ቀንና የጉምሩክ ምዝገባ መሰረት እንዲመደቡ ተደርጓል፡፡


መንግሥት በተለይም ከየካቲት 26 ቀን 2016 ዓ.ም በፊት የተገዙና በጉምሩክ ተገቢው ምዝገባ የተደረገላቸው ተሽከርካሪዎች፣ ወደ ድሬዳዋ ተጓጉዘው መንግሥት ተጨማሪ ውሳኔ እስከሚሰጥ ይጠበቃል ተብሏል (@አዲስ አድማስ)፡፡

IMF ለኢትዮጵያ የተራዘመ ብድር ለመልቀቅ ሲያደርግ የቆየውን ግምገማ ማጠናቀቁንና አገሪቱ የክፍያ ሚዛን ጉድለቷን ማስተካከል እንድትችል ባፋጣኝ 340.7 ሚሊዮን ዶላር ብድር እንዲለቀቅላት ከፍተኛ የሥራ አስፈጻሚ ቦርዱ መወሰኑን ድርጅቱ ባወጣው መግለጫ ገልጿል።


IMF የኢትዮጵያ የኢኮኖሚ ሪፎርም አንቀሳቃሽ በመሆኑ የሚያወጣቸው መግለጫዎች በሀገር ውስጥ የሚተገበሩ በመሆናቸው በትኩረት መከታተል በጣም ጠቃሚ በመሆኑ..


በመሆኑም ከግምገማው በኋላ ኢትዮጵያ ውስጥ በቀጣይ መከናወን አለባቸው በሚል ያቀረባቸውን 5 Statements በዝርዝር እንመለከታለን....https://youtu.be/q6Lpd_OwJrg

የኢትዮጵያ ብሔራዊ ምርጫ ቦርድ የአገልግሎት ክፍያ ላይ ጭማሪ አድርጓል። (ልክ ሳየው ከገረመኝ የታሪፍ ጭማሪዎች መካከል ነው!)....

ጊዜያዊ ዕውቅና ክፍያ ከ100ብር ወደ 15,000 ብር፤

የሙሉ ዕውቅና ክፍያ ከ200ብር ወደ 30,000 ብር፤

የሰነድ ማሻሻያ ክፍያ ከ30ብር ወደ 5,000 ብር ገብቷል።

ጥብቅ የገንዘብ ፖሊሲ....

ኢትዮጵያ ብሄራዊ ባንክ ጥብቅ የገንዘብ ፖሊሲ መከተሌን እቀጥላለሁ ሲል ዛሬ ገልጿል..... IMF የገንዘብ ፖሊሲችሁ መጥበቅ አለበት ብሎ በቅርቡ መክሯል።

ለመሆኑ ጥብቅ የገንዘብ ፖሊሲ (Tight Monetary Policy) ምን ማለት ነው? የኢትዮጵያ ብሄራዊ ባንክ እየተከተለ ያለው ጥብቅ የገንዘብ ፖሊሲ መገለጫምች ምንድን ናቸው? የገንዘብ ፖሊሲው ጥብቅ የመሆኑ እድል እና ስጋት ምንድን ነው?

እነዚህን እና የመሳሰሉትን መሰረታዊ ነጥቦች ተከታተሉ...https://youtu.be/PaPaufDSgf0

የBRICS አባል በመሆን የኢኮኖሚ ወይስ የፖለቲካ ተጠቃሚነት የሚረጋገጠው?


በማደግ ላይ ያሉ የዓለም ሀገራት ጥምረቱን ለመቀላቀል ከፍተኛ እርብርብ እያደረጉ ነው! አሜሪካ እና አውሮፓን እየሸሹ ወደ ራሽያ እና ቻይና እየተጠጉ ነው? ወይስ ተጨማሪ አማራጭ እየፈጠሩ ነው?


አብዛኞቹ አባል ሀገራት የIMF እና የWorld Bank ባለእዳዎች ሆነው ወደ BRICS ጥምረት መቀላቀላቸው የሚያመጣው አሉታዊ ጎን ምን ሊሆን ይችላል?


እነዚህን የተመለከቱ ጉዳዮች ላይ የባለሙያዎች ትንተናዎች እና ጥናታዊ መረጃዎችን ጨምሮ እንመለከታለን! ተከታተሉት..... https://youtu.be/5Fd-581QfDY

ከዚህ ቀደም ኢትዮጵያ የBRICS አባል በመሆኗ ሊያጋጥሟት የሚችሉ እድሎች እና ስጋቶች ዙሪያ የተሰራውን ትንተና ለመመልከት...https://youtu.be/k_gJB3G2vM8

IMF ዛሬ ከሰሃራ በታች ያሉ ሀገራትን የዘንድሮ የ2024 እና የ2025 የGDP እድገት ትንበያ አቅርቧል! ደቡብ ሱዳን ዘንድሮ ከዜሮ በታች በ -26.4% እንደምታድግ ከገመተ በኋላ በቀጣይ ዓመት በ27.2% ታድጋለች እያለ ነው!

ደቡብ ሱዳን ምን ሊፈጠር ነው?

IMF: Regional Economic Outlook 2024 ሙሉ ሰነድ ማንበብ ለምትፈልጉ።

IMF የ2024 እና የ2025 የሰብሰሃራ አፍሪካ ቀጠና ሀገራት የኢኮኖሚ ደረጃ ሪፖርት (Regional Economic Outlook 2024) አውጥቷል!

የሰብሰሃራ አፍሪካ ሀገራትን በ6 ቡድን የከፈለ ሲሆን ነዳጅ ያላቸው፤ ከነዳጅ ወጪ ከፍተኛ ነዳጅ ያላቸው፤ ማዕድን የሌላቸው፤ መካከለኛ ገቢ ያላቸው፤ ዝቅተኛ ገቢ ያላቸው እና በግጭት የሚታመሱ ናቸው...

የትንበያ ሰነዱ ኢትዮጵያን ዝቅተኛ ገቢ፤ አነስተኛ ማዕድን፤ በግጭት የታመሰ በሚል ቢመድብም በቀጣይ ዓመት 6.5% የኢኮኖሚ እድገት ታስመዘግባለች ይላል.....

የሰነዱን መሰረታዊ ነጥቦች እና የሰጠውን ትንበያ ለመመልከት...https://youtu.be/viXWTsWHv94

#ለመረጃ

ዛሬ ፓርላማው ረቂቁ ቀርቦለት ወደ ቋሚ ኮሚቴ የመራው  "የከተማ መሬትን በሊዝ ለመያዝ የቀረበ ረቂቅ አዋጅ" በተለይ አዲሱን ሃሳብ ማለትም "በድርድር በሊዝ የከተማ መሬት ስለማግኘት" ማንበብ ለምትፈልጉ! https://t.me/WaseAlpha ላይ አስቀምጫለሁ።

የኢትዮጵያ ብሔራዊ ባንክ በብቸኝነት ሲሸፍን የነበረውን የነዳጅ መግዣ የውጪ ምንዛሬ ከፍተኛ መጠን ባንኮች ከህዳር ወር ጀምሮ ለነዳጅ አስመጪዎች LC (ፍቃድ) በመስጠት መጋራት አለባቸው ሲል መምሪያ አስተላልፏል።

የዚህ መመሪያ ምክንያት እና ውጤት እንመልከት...https://youtu.be/-JQ93CoI3kw

#ለመረጃ፡ የጉምሩክ ኮሚሽን በራሳቸው የውጭ ምንዛሪ (ፍራንኮ ቫሉታ) ጥሬ ዕቃ ወደ አገር ውስጥ የሚያስገቡ ኩባንያዎች የሚያቀርቧቸው የኤሌክትሮኒክ የማጓጓዣ ሰነዶች ተቀባይነት አግኝተው እንዲገለገሉ ፈቀደ፡፡

ሪፖርተር የተመለከተውና በጉምሩክ ኮሚሽነሩ አቶ ደበሌ ቃበታ ተፈርሞ ለሁሉም የጉምሩክ ሥነ ሥርዓት ለሚፈጸምባቸው ቅርንጫፍ ጽሕፈት ቤቶች የተመራው ደብዳቤ እንደሚያስረዳው፣ ሌሎች በሕግ የተገለጹ ደጋፊ ሰነዶች መሟላታቸው እንደተጠበቀ ሆኖ በራሳቸው የውጭ ምንዛሪ (ፍራንኮ ቫሉታ) ሥርዓት ጥሬ ዕቃ ወደ አገር የሚያስገቡ ኩባንያዎች ብቻ የሚያቀርቡት የቴሌክስ ሪሊዝ (Telex Release)፣ ሲ ዌይቢል (Sea Waybill) ሰነዶች እንደ መጓጓዣ ሰነድ ተቀባይነት አግኝተው ተገቢው አገልግሎት ማግኘት ይችላሉ፡፡

ቴሌክስ ሪሊዝ (Telex Release) ግዥ ለተፈጸመበት ዕቃ መርከብ ላይ መጫኑ ሲረጋገጥ አጓጓዡ ወይም የአጓጓዡ ወኪል (Agent) በየትኛውም ቅርንጫፍ ዋናውን ቅጂ በማስገባት (Surrendered)፣ ሰነዶቹን የተቀበለው አጓጓዥ ድርጅትም ሆነ የአጓጓዡ ወኪል ዋናውን ቅጂ መቀበሉን በማረጋገጥ ለመዳረሻ ወደብ (Destination Port) ዕቃው እንዲለቀቅ በኤሌክትሮኒክ መልዕክት የሚያስተላልፍበት ሥርዓት ነው፡፡

ሲ ዌይቢል (Sea Waybill) ደግሞ አጓጓዡ ድርጅት (Carrier/Shipping Line) ዕቃውን ስለመቀበሉ የሚረጋገጥበትና የመጓጓዣ ውል ማስረጃ ሆኖ የሚያገለግል ሰነድ ሲሆን፣ መዳረሻ ወደብ ደርሶ ክሊራንስ ከመጠናቀቁ በፊት ባለቤትነት ማስተላለፍ የማይቻልበት ነው፡፡

በተለያዩ የኢንዱስትሪ ፓርኮችና ከኢንዱስትሪ ፓርኮች ውጪ የሚገኙ አምራቾች ጥሬ ዕቃ ወደ አገር ውስጥ ሲያስገቡ ቴሌክስ ሪሊዝ (Telex Release) እንዲሁም ሲ ዌይቢል (Sea Waybill) የማጓጓዣ ሰነድ እንደሚጠቀሙ በመግለጽ፣ በእነዚህ ሰነዶች አገልግሎት እንዲሰጣቸው ለጉምሩክ ኮሚሽን ጥያቄ ሲያቀርቡ መቆየታቸው ታውቋል፡፡

የዕቃ ዲክላራሲዮን በኤሌክትሮኒክ ሰነድ መቅረብ እንደሚችልና ወደ አገር ለሚገቡና ለሚወጡ ዕቃዎች ላይ የጉምሩክ ሥነ ሥርዓት ለመፈጸም የሚቀርቡ ደጋፊ ሰነዶችን ለመወሰን ሥልጣን የተሰጠው ኮሚሽኑ፣ የተሻሻለውን የጉምሩክ አዋጅ 859/2014 መሠረት በማድረግ ኩባንያዎች ውጭ አገር ከሚገኝ ላኪ ድርጅት ጋር ባላቸው ስምምነት መሠረት የሚላኩላቸውን ጥሬ ዕቃዎች ለመቀበል የሚጠቀሙበት ሥርዓት በመሆኑ ውሳኔውን ተግባራዊ ማድረግ እንዳስፈለገ አስታውቋል፡፡

ጉምሩክ ኮሚሽን እንዳስታወቀው ቴሌክስ ሪሊዝና ሲ ዌይቢል ሥርዓት በሌሎች አገሮችም ንግድን ለማቀላጠፍ ተግባራዊ የሚደረግ ነው፡፡

ሪፖርተር ያነጋገራቸው የሎጂስቲክስ ባለሙያዎች በሰጡት አስተያየት የጉምሩክ ኮሚሽን ቴሌክስ ሪሊዝና ሲ ዌይቢል እንደ ሕጋዊ የማጓጓዣ ሰነድ አድርጎ መቀበሉ፣ ኢትዮጵያን ከዓለም አቀፍ ዕቃዎች የማጓጓዝ ስታንዳርድ ጋር የሚያስተሳስር ነው ብለዋል፡፡

ባለሙያዎቹ በተጨማሪም ኮሚሽኑ የፈቀደው ይህ ሥርዓት የሎጂስቲክስና የጭነት አስተላላፊነት አገልግሎት አሠራርን ከማስተካከል ባሻገር፣ ፍጥነትና ቅልጥፍናን እንደሚጨምር አስረድተዋል፡፡
መረጃው የሪፖርተር ነው!

#በፍራንኮ_ቫሉታ ጥሬ እቃ ለማስገባት የኤሌክትሮኒክ የማጓጓዣ ሰነድ ተፈቅዷል!


የጉምሩክ ኮሚሽን በራሳቸው የውጭ ምንዛሪ (ፍራንኮ ቫሉታ) ጥሬ ዕቃ ወደ አገር ውስጥ የሚያስገቡ ኩባንያዎች የሚያቀርቧቸው የኤሌክትሮኒክ የማጓጓዣ ሰነዶች ተቀባይነት አግኝተው እንዲገለገሉ ፈቅዷል፡፡


በራሳቸው የውጭ ምንዛሪ (ፍራንኮ ቫሉታ) ሥርዓት ጥሬ ዕቃ ወደ አገር የሚያስገቡ ኩባንያዎች ብቻ የሚያቀርቡት Telex Release እና Sea Waybill ሰነዶች እንደ #መጓጓዣ ሰነድ ተቀባይነት አግኝተው ተገቢው አገልግሎት ማግኘት ይችላሉ ተብሏል!


የዚህ ፍቃድ ፍራንኮ ቫሉታ ተጠቃሚ ለሆኑ አስመጪዎች ያለውን ፋይዳ እና ሰነዶቹ መያዝ ስላለባቸው መሰረታዊ መረጃዎች እንመልከት....https://youtu.be/aLNdHFElLEE

ጠቅላይ ሚኒስትሩ ዛሬ በህዝብ ተወካዮች ምክር ቤት ባደረጉት ምላሽ እና ንግግር ላይ የኢትዮጵያ ኢኮኖሚ በዚህ 3 ወር ከሪፎርም ወዲህ ያስመዘገበችውን የኢኮኖሚ ውጤቶች እና ማስተካከያ ሊደረግባቸው የሚገቡ ጉዳዮችን ገልፀዋል....

ወሳኝ ጥያቄዎች እናንሳ....

1. የፍራንኮቫሉታ ቀጣይ ማሻሻያ (መከልከል፤ የሸመታ መጠን ገደብ መቀመጥ፤ የቁስ አይነቶች መገደብ ወይስ  የውጪ ምንዛሬ ምንጭ ማጣራት...ምን ሊሆን ይችላል?

2. ኢትዮጵያ ውስጥ ያለው የዋጋ ንረት ከConsumption Bundle (የፍጆታ መብዛት) የተነሳ ነው?

3. ለንግድ ባንክ የተደረገለት ውለታ የመንግስት የልማት ተቋማትን የአገልግሎት ክፍያ ጨምሮ የተጠቃሚ ወጪን አላሳደገም?

4. ኢኮኖሚው ከ25% በላይ ገቢውን እየደጎመ ምን ያህል ከIMF ጋር ይቆያል?

ቁጥራዊ ውጤቶች እና በቀጣይ በስጋትነት ሊጠቀሱ የሚገባ ጉዳዮች እና ማብራሪያ የሚፈልጉ ነጥቦች ዙሪያ የሚከተለውን ዳሰሳ እንመልከት....https://youtu.be/Tp7e9kVuGc0

የኢትዮጵያ ብሔራዊ ባንክ በባንክ ቤቶች መካከል መበዳደር እንዲጀመር ፈቅዷል!

1. በባንክ ቤቶች በኩል የብድር ግንኙነት እንዴት ሊፈጠር እንደሚችል፤

2. አበዳሪ እና ተበዳሪ ባንክ የመሆኛ መስፈርት፤

3. ባንኮች በጊዜ ገደብ መበዳደር የሚችሉት የብድር ጣሪያ፤

4. የወለድ መጠን እና አከፋፈል፤

5. ተበዳሪ የተበደረውን ብድር ካልከፈለ የተቀመጠ ቅጣት፤

6. ተበዳሪ ባንክ ማስያዝ ያለበት የመበደሪያ ዋስትና አይነቶች፤

7. የመበዳደሪያ ቀናት እና ሰዓታት፤ ወዘተ ላይ ዝርዝር መረጃ ተመልከቱ....https://youtu.be/PaoS51q54y0