خل في صدرك .. على الدنيا قبول
‏واعرف ان الشمس تشرق لو تغيب

نعشق الـعلا ونقدم الجـود حال ومال
‏ونـسر الكفو وكـبود الانذال نوجعهـا

اما نجي بالكف سمن ودسايم
‏ولا نموت ولا نسوق الضعيفـة

خل صدرك يالسنافي على الدنيا وسيع
وأعرف ان الضيق فالقبر والدنيا سعة

كل ما ضاقت مساليك الحياه
‏مالقيت اطيب من علاج السجود

كم ليلة نبرد وكم ليلة بفراش
‏ وكم ليلة مره وكم ليل مااحلاها

جعلنا نوفي حق منهو علينا ديين
وجعلنا نموت وطاعة الله تحيينا

ماذبحنا الا القريب اللي يعرف اقصانا..
ايتفنن بـ الطعون وعارفٍ مضرابه

انا الهادي اللي ما شكى جوره الخلان
‏يشوف الخطا ويصدّ ما جادل أصحابه

ياصاحبي ان طال الحزن مصيرها تزين
‏وان قدر الله وما زانت . . ترى تاليها كفن

ودي ان الوقت يمشي على شف النفوس غير عيا الوقت يمشي على ماودنا !!

وان شانت الايام والحظ مازان
‏ رجاي بالله جعل في الامر خيرهـ

أصَبر وأتصبر وأقول يالله السلوان
‏على دنيا قد الخاطر عايف باقيها .

على الله ياخاطري تصبر على ماجاك
‏يجي يوم بعد الصبر وتحقق احلامك .

عجزت عيوني على غيرك تمون
‏ما عرفت انطق لغيرك ذاك الشعور ..

خلوني اسج عـن موضوعه احسن لّي
‏ولـّا الغلا,, والله ان يبطي وهـو غالـي

عاد قلبي في رجاهم مثل خاطي غرير
‏في الحياه ادنى ما بكاه وادنى ما ضحكّه

صدوف الليالي مابها يمكن و بعدين
‏وسنين العُمر ماهي على كيف راعيها .

‏حتى الردي لا تردى ما ترديت فيه
‏علي من طيب راسي ما علي من رداه .

‏اما تجي بالفعل تثبت غرامك
‏ولا السوالف كل ابوها عوافي .