‏ماتبين النجوم إلا بوقت الظلام
‏ولا يبين الصديق إلا بوقت اللزوم .

‏فلا تغرّك ضحكة حجاجي الطلق
‏هذي ماغير سلومنا في التحايا .

‏الردي يحسَّبنا نطريه وعلى بالنا
‏وحنا لاجاء طاريَه قلنا تكرمون .

‏الدار دارك والدعاوي سهالات
‏ترا محلّك . . ما تغيَّر محلّه .
‏- عناد الشيباني .

‏مرحبا بالطاري اللي في خيالي جابك
‏مرحبا يا أعز من يستاهل الترحيبه .

‏يرهقني التّرك ، والهجران ، والصدّه
‏حتى الجمادات .. ما ودّي أخليها .

‏احدٍ يدور للجمايل بالسوالف والعلوم
‏واحدٍ سكوته عن شئون الاخرين يجمله .

‏والله ما أخترت الفراق ولا تساهلت الرحيل
‏لاكن قلوب الطيبين تضيع .. مثل إحقوقها .

‏لي أيام سارح ما يشدّ إنتباهي شي
‏يمر الكلام المختلف كنّه العادي .

‏السن ما يحكم عقول الأوادم
‏وميزان عقل الأدمي في لسانه .

‏ما دام الكرامه سالمه و الوجيه طوال
‏فداها الزمان الشين من صغره لـ كبره .

‏ما عاد نشره على المقفين لا راحوا
‏ولا عاد نحرص على اللي ما يعبرنا .

قلطنا على الطاله بهمه وطول ذراع
‏يوم ان الضعوف ايدينها في مخابيها

‏الوفاء بالحب مثل الأمانه فالرقاب
‏ملتزم فيها سنافي و خاينها رديّ .

‏لله درّي على الصبر .. وعلى الاعتياد
‏أواجه الوقت صلب وخاطري ماحكى .

‏" يا كيف هانت كل ذيك المحبّه "

‏لا باس يا شكايّة الوقت لا باس
‏عند المدبّر .. دبرةٍ نحتريها .

‏أعتذر ما كنت لك شخص مناسب
‏كنت شخص يعجز أمثالك يطوله .

‏لك المرحبا .. وأرحبي ولبيه
‏يا صوتٍ جعل الخلايق تفداه .

‏أحيان تلقى لك مع الناس إنسان
‏يغنيك عن كل العرب و الرفاقه .