‏القلوب البيضاء تصبر على مالا تطيق
‏والسبب طيب النوايا وزينات الظنون

صكيت باب العتب ما عاد له داعي ،
‏وعودت نفسي على الفرقا وطاريها

أمطري بالخير ورشي ياسحابه
‏واطلبي يانفس دام الله كريم ..

قلبي واعرفه .. ما يفيد الرجا فيه ،
لا حب حب ولا انكسر حيل يقسى

ماعاد باقي للمحبه عناوين ..
‏ولا عاد باقي للوفا اي داعي

خلك معي وأبشر بقلبٍ يداريك
‏يصون حبك في زمان المجامل!!

صح الكلام يفيد ، لكن مو على كل حال ،،
‏لا شفت ما فاد الكلام ، الصمت يصنع أثر .

لا تلتفت لـ اللي زرع فيك الأحزان
فيه شخص همّه ضحكتك انتبه له

ما أقسى من الجرح إلا الجرح لو جاك
من قلبٍ ضيّعت عُمرك تمسَح جروحه

الله عطى نُور القمر .. وقت ويغيب
والله عطاك النور في كل الأوقات

زوله في عيني إليا حضر بين الحضور
مثل ضي القمر لاعتلى بين السحاب

شفت القمر اللي نُوره مسرّات
عليه من وجهِك .. رسوم وملامح

لطيف المحيّا جبرني ثغره الفتان
لا من تبسّم ضوت من مبسمه قمرا

ألا يا قمر ذكرتني بواحدٍ مغليه
بعد ما اكتملت وشفت نورك تذكّرته "

زينة الدنيا القلوب اللي وفاها عادة
والعيون اللي ليا أخطينا تغاضت عنّا .

طويت الدفاتر ثم رجعت اعيدها
ولقيتك اول صحف دفتر الماضي

انشهد ان الفقد موجع وذباح
‏ماينشرح خاطرك مهما تناسيت

لاصار في صدري من الضيق كلام
جنبت عن كل الخلايييّق وصديت .

اليا هدا الليل في صدري يضج الحنين
‏على زمان اول اللي راحت ايامه ...

حكم القدر مافيه تفرض و تختار
كلٍ نصيبه ،، ياخذه لو يعافه ..