كل الوجيه إبتسامتها عمل خيري
‏وانت إبتسامة ثغرْك تدخّل الجنه

‏ياسعد ودك نسافر تحت نور القمر
‏صوب دار يشرح الصدر شوف حدودها .

‏سلامي على اللي يبتسم والحمول ثقال
‏وسيع البنايد لا احتمى الوقت كلمته

‏عيش يا راسي على العز والدنيا مدار
‏ما تضيق صدورنا والدروب موسعه

‏جعل ترويك السحايب ويرضيك الربيع
‏يا ديارٍ مبطي البرق ، فيها ما شعى

‏اتركوني في متاهات الخيال الجرهدية
‏لين اسوي صلح بين الممكنة والمستحيلة

‏- حزمي بن سعد

‏جا بدونك ليل ٍ الله يقطعه يسحب ردونه
‏وانا مدري ويش ابي في الليل يوم يغيب بدره

‏- عويد النجود

‏ولا خذيت السوالف لبّ ومقارح
‏أصغي مع السالفه من حب راعيها
‏سعد بن جدلان

بعض الرياجيل مثل الدلو فالجمه
‏مطيحه ورفعته ماهيب في ايدينه

النشاما عن مقاصد بعضهم يعرفون..
‏والردي لو صبوا العلم فـ اذنه ماعرف

من كسب ود الاوادم بـ وجهٍ مستعار
‏تجبره لأيام يدفع ضرايب مكسبه

‏ليا منا لقينا كل بابٍ للأمل مسدود
‏طرقنا باب ربٍ ما عليه أقفال وحراسة

لك في دماث الصدر روض وربيع ومضيف
‏أبعد على كف غيرك من نجوم السماء .

لا قل دين الرجل قلّت شيمته
‏ما عاد يدرا العيب والمنقود

‏على كثر العباد اللي على مترامية الاطراف
‏ما يجذبني حنين الا الحنين لربعها الخالي

ياعلّ مدهم السحابه
‏وبلٍ يسوقه بارد النود

يقولون الحذر لمّاح و اقول الحذر خوّاف
‏كلام اللي يغامر و العمر في دبرة الوالي