‏والقمر تال الشهر عاد عرجونٍ قديم
‏من تدنّي رؤيته كنّ فالنور غطشه ..

‏أشوف الفضا بعيوني أصغر من البرّاد
‏يهيم الخيال المندفع غصب وأرده.

تعال صافح بالحشى لهفة الشوق ترا المواصل بين الأحباب جنه .

‏الوضع مزري ويؤسف له ويرثى له
‏حاول على وضع يصلح لك ويصلح لي

‏لا هاج موج البحر واحتار مجدافي
‏من لي عوينٍ على الشدات غير الله .

واقفٍ مثل المعزّب على باب المضيف
‏بيت شعرٍ كل ماقلت بنسى غنّته .

‏" يا وجودي وجد من صفق على ماضي شبابه
‏بان شيبه والسنين إللي يبيهن خالفنّه

‏غرّته خضر السنين وراح عمره ما درى به
‏غرّته وارفعنّه الين سج وحولنّه

‏ما لقى فزعة رفيق ولا دعاةٍ مستجابه
‏كل ما أمسى له بظنٍ خيبت الأيام ظنّه "
‏_ سلطان الهاجري .

‏اما تشّد الحبل قبل يتثنى
‏والا ع باب الغلا ويش جابك
‏- بن فطيس .

‏على الله يزين الوقت و إن مازان
‏مقاسيـم ربي كلها عندنَا خيـره

‏تمر السنين ويلحق الصمت حد اقصاه
‏وعسى الله يعين صدورنا من تجاربنا ):

‏العمر غفوه طويله و النعَم ما تدوم
‏واَحوال الانسان ما تبقى على حالها.

‏سرحنا من بلاد الشرق كن قلبي تجث عراه
‏ولاضني يعاتبني على اللوعه مجربها

‏نساني عالم عيونك
‏وتهت بعالم اوهامي

‏حداك النور يا ليل السهارى يوم جيت تقود
‏همومٍ لو يسابقها القـطى تسبق مراويحه .

‏رفيقٍ على الشدات مثل القمر وهاج
‏بعييد النظر ما يخلفه كل هراجي

‏كنت أحسب إن الليال تجود باللي نويت
‏وأثر الليالي ماندري وش ورا غيبها.

‏نبي رفيقٍ على الشدّه يصافينا
‏معي وانا معه فالسرّا و فالضرّا
‏
لو انـتزاعـل ما عنـد اقـلوبنا فينا
‏كنّـه يــجينا الـزعل وقـلوبـنـا برّا

‏ليت فرخ الحمام عصير ماعاد يسجع .

‏ايه استريب من الردا واهل الردا
‏اللي ماايفرقهم عن العالم سمه

‏تلعب بي الأفكار لعب النود في حزة اعْصير
‏مثل ما تلعب حيرة التخمين في راس العمى