‏عسىّ الله يديم الستر ويزين الأحوال
‏علىّ اللي ليا أذنب لا تجاهر ولا فاخر

‏كل غاوي غره الوصل لا بده يذوق
‏صدةٍ منها الخلايق تعاف ارواحها .

‏أنا لولا مشاعرنا وضحكة وجهك البرّاق
‏جفيت الشعر ودروب الكلام وماتت أحلامي .

أقول اني بشوفك فـ المنام إن غبت كالمعتاد
‏وانا حتى المنام اللي بشوفك فيه ، ما اذوقه .

‏كل ماهزيت ل يمين الهوى فنجالي
‏صب لي فنجالٍ اعذب من اللي قبله

‏ياوجه الرجال الهيتني معك واستلهيت
‏حديثك ونيس وجلسةٍ معك ما تنمّل

‏مشى الوقت مدري كيف وشلون ماحسيت
‏والله يالكلام ان يظهر الصبح ما كمّل.

‏"لو تقبلت المشاريه من نص اخوياي
‏ما قبلت من أتلع الجيد مشروهه علي"

والله إني شره وان هقوتي ترقا الطفوف
‏غير عيّا يستحي الـفقر من وجه الـغناه

‏كم تعبنا نحسب الــجهد مثمر ومخلوف
‏وكل ما غرسها على قوز ينطحها صفاه

قامت تذعذع على صدري هبوب بلادي
‏لين هزت غصن قلبي وانثنى معلوقه .

‏على خطاويك يا المقفي يحن النديم
‏حنين عودٍ على ماراح له من سلف

‏من سجّة الذكريات لـ عاذيات النسيم
‏غيبوبةٍ ما تصدقها لو انْك اتحلف

‏من ذاق طعم الليال الخاليه من قديم
‏لقيت في رف عالم ذكرياته ملف .

عاد للماضي الجميل اللي رحل فالعين صوره
‏وعاد قلبي مانسى ضحك الوجيه اللي صدفها

لا بيعت الذمّه مع كل بيّاع
‏خلّك على باب الفضيله محامي

‏ولا تمنّى شحّ الامطار في قاع
‏يمكن تمرّ اطرافها وانت ضامي .

والله ان ابطي وجرحي ماتشوع
‏والرجاء في واحدِ نرجي غناتـه .

‏لا سطا رمح الطواري على الضلع القصير
‏طاح عزم الشاعر الي على الصده قوي .

‏سلام الله على وجهٍ عليه الخاطر الملتَاع
‏ما يبرد لو نسانيس الشمال ملاعبه ثوبه .

مايغسل الكبد عقب الكذوب الا الصدوق
‏ولايبين قيمة الطيبين الا الردي

‏تمر الظروف اللي مامرّت مرور إكرام
‏وكنْها علينا نسمةٍ من طرف وادي .