البداية: الاثنين القادم بإذن الله، 17 أغسطس، الساعة 8:30 م، زوم.
ملحوظة خالية من أي إكليشيهات تسويقية كاذبة:
ناس كتير جدًا سألونا عن الدفعة الجديدة والحمد لله، وفيه ناس مسجّلة في هذه الدفعة بالفعل قبل هذا الإعلان = فلو بتفكر تآنسنا في الرحلة: الحق ")
للتسجيل أو الاستفسار.. اضغط هنا:
https://wa.me/201023535502
نلقاكم على خير.. ")
#نحو_نحو_مختلف
#برنامج_عين_عربية
ملحوظة خالية من أي إكليشيهات تسويقية كاذبة:
ناس كتير جدًا سألونا عن الدفعة الجديدة والحمد لله، وفيه ناس مسجّلة في هذه الدفعة بالفعل قبل هذا الإعلان = فلو بتفكر تآنسنا في الرحلة: الحق ")
للتسجيل أو الاستفسار.. اضغط هنا:
https://wa.me/201023535502
نلقاكم على خير.. ")
#نحو_نحو_مختلف
#برنامج_عين_عربية
❤16
أحمد عبد المنصف
Photo
● قلل علاقات، وعمقها، واستثمر فيها، وانتقيها بعناية، ولا ترض بما يُفرض عليك من علاقات في بيئات الدراسة أو العمل أو السكن فتُحولها إلى "صداقات" دون وعي.
● صلّ، واقضِ ما عليك من صلوات، ولا تقطعها أبدا.
●العب رياضة قتالية واتعلم سباحة.
● كل أكل صحي أو شبه صحي، وماتتخنش.
● حافظ على صحتك، وحاول ماتعياش طول ما إنت في مصر، بقدر الوسع.
● احفظ القرآن وداوم على قراءته والاستماع إليه، وكذا مع الحديث الشريف، والشعر العربيّ.
● أتقن اللغة العربية وعلومها.
● اقرأ وتعلم، ولا تتوقف عن التعلم أبدا.
● أتقن الإنجليزية، وإن زدت عليها كان خيرًا.
● ماتقارنش نفسك بحد، ولا تطلب رضا الناس، وركز في ورقتك.
● داوم على ذكر الله في كل وقت، وخاااصة الصلاة على سيدنا النبي صلى الله عليه وسلم فهي ترياق كل داء.
● اتجوز في أسرع وقت لو عندك القدرة المادية وقدرا من الوعي والخُلق.
● ابعد عن القروض الربوية، وابعد عن الديون بشكل عام، (العصر ده بيتكالب عشان يسلسلك بالديون بكل شكل)، ولو عليك فاجعل قضاءها أولويتك الأولى.
● اتعلم حرفة (نجارة-سباكة-كهربا-حدادة-صيانة أجهزة-خياطة..) تتكسب منها إن لزم الأمر.
● في الكلية: هات أكبر مجموع ما استطعت، واشترك في أنشطة طلابية وتطوعية وادخل بيئات ثقافية واجتماعية مختلفة.
● ابعد عن الشللية، أي شللية في الدين أو الدنيا.. ولا تحبس نفسك في حزب أو جماعة توالي عليها وتعادي، وخليك منصف ومعتدل ورأيك حُرّ ومستقل وحقّاني حتى لو هيزعّل الناس منك.
● ماتحرقش وقت كتير في سؤال (أبدأ منين).. ابدأ بالمتاح قدامك، والطريق بيوضح وينوّر مع كثرة الخطى.
● اتعلم مهارة تقنية (برمجة-ذكاء اصطناعي-تسويق إلكتروني- تحليل بيانات.. ).
● أتقن الأساسيات في علوم دينك على مذهب معتمد من مذاهب المسلمين المستقرة، وعلى أهل علمٍ متحققين بما يُدرّسون، ولا يغلب عليهم عقلية الشللية والصراعات، بل يكسوهم الأدب والذوق والرحمة ورجاحة العقل وغزارة الاطلاع (في علوم الدين والدنيا)، ولا تحصر نفسك في شيخ واحد، وصوت واحد، وتعلم لتفهم أولا، سواء اقتنعت واعتنقت هذا الرأي أم لا، لكن اسمع لتفهم لا لتردّ.
● ولا تحصر نفسك في علوم الدين، بل اجمع إليها ما استطعت من علوم الدنيا (الإنسانية والاجتماعية والطبيعية)، فهذا يعمّق فهمك لعلوم الدين أولا، ثم لعلوم الواقع الذي تُنزّل عليه الدين ثانيًا.
● لو عندك القدرة المادية والبدنية: خلّف كتير واعمل عزوة وأهل وسند، وتوكل على الله.
● تصدق كتير جدا جدا، في كل وقت، وبسبب وبدون سبب، وأحسن في تقديم صدقاتك بما تُحب أن يُهدى لك، وأنفق ولا تخش من ذي العرش إقلالا خاصة في الظروف المادية الصعبة التي يُمسك فيها الناس ويخافون.
● اعمل فلوس كتير، وخليك غني، واستعمل مالك فيما يُرضي الله، ويعيّشك عزيز ومستمتع بحياتك، واستثمر في جودة حياتك وراحتك، وسافر ولف البلاد، واتعرف على ثقافات مختلفة، واسع في قضاء حوائج أهلك والناس.
● خاطب أهلك في وقت التعارض بلغة العاطفة لا العقل، لا تحاول إقناعهم، حاول تطمينهم والعزف على وتر مشاعرهم لا محاججتهم.
● استشر في أمورك واستخر الله، فإذا عزمت فتوكل على الله، وتحمل قراراتك، ولا تقل ليتني، ولا تحرق وقت كبير أوي في التردد والخوف من الخطوة.. الحياة الحقيقية التي ستستمتع بها = تستلزم قدرا من الشجاعة، والمواجهة، والمخاطرة.
● اتعرف على العلوم والمجالات المختلفة، واعرف كل علم بيبحث في إيه وبيجاوب على إيه، فمعرفة مظان العلم نصف العلم.
● صاحب أهل العقل والأدب والعلم، الذين تتأدب بأدبهم وتستزيد من عقولهم وبصيرتهم، فإن لم تجدهم مجتمعين في أحدهم وهو الغالب في هذا الزمان = فاطلب من هذا عقله، ومن ذاك أدبه، ومن ذلك علمه، وخذ من كل قولٍ أحسنه.
● ابعد عن النساء الأجنبيات عنك، أي العلاقات المُحرّمة أو المساحات المشبوهة أو غير الواضحة، وضع بينك وبينها ألف حاجز وحاجز، وأحسن الظنّ بالناس، ولا تعرِّض نفسك للفتن.
● اهتم بأن تكون لا أن تبدو.. خليك صادق وحقيقي، خاصة في عالم الشو والزيف هذا، وحافظ على مبادئك ودينك وأخلاقك حتى لو مش هتلاقيها موضة ولا هتجيب الريتش والفلوس الأكتر ")
● ادع كتير، واستعن بالله ولا تعجز ")
● صلّ، واقضِ ما عليك من صلوات، ولا تقطعها أبدا.
●العب رياضة قتالية واتعلم سباحة.
● كل أكل صحي أو شبه صحي، وماتتخنش.
● حافظ على صحتك، وحاول ماتعياش طول ما إنت في مصر، بقدر الوسع.
● احفظ القرآن وداوم على قراءته والاستماع إليه، وكذا مع الحديث الشريف، والشعر العربيّ.
● أتقن اللغة العربية وعلومها.
● اقرأ وتعلم، ولا تتوقف عن التعلم أبدا.
● أتقن الإنجليزية، وإن زدت عليها كان خيرًا.
● ماتقارنش نفسك بحد، ولا تطلب رضا الناس، وركز في ورقتك.
● داوم على ذكر الله في كل وقت، وخاااصة الصلاة على سيدنا النبي صلى الله عليه وسلم فهي ترياق كل داء.
● اتجوز في أسرع وقت لو عندك القدرة المادية وقدرا من الوعي والخُلق.
● ابعد عن القروض الربوية، وابعد عن الديون بشكل عام، (العصر ده بيتكالب عشان يسلسلك بالديون بكل شكل)، ولو عليك فاجعل قضاءها أولويتك الأولى.
● اتعلم حرفة (نجارة-سباكة-كهربا-حدادة-صيانة أجهزة-خياطة..) تتكسب منها إن لزم الأمر.
● في الكلية: هات أكبر مجموع ما استطعت، واشترك في أنشطة طلابية وتطوعية وادخل بيئات ثقافية واجتماعية مختلفة.
● ابعد عن الشللية، أي شللية في الدين أو الدنيا.. ولا تحبس نفسك في حزب أو جماعة توالي عليها وتعادي، وخليك منصف ومعتدل ورأيك حُرّ ومستقل وحقّاني حتى لو هيزعّل الناس منك.
● ماتحرقش وقت كتير في سؤال (أبدأ منين).. ابدأ بالمتاح قدامك، والطريق بيوضح وينوّر مع كثرة الخطى.
● اتعلم مهارة تقنية (برمجة-ذكاء اصطناعي-تسويق إلكتروني- تحليل بيانات.. ).
● أتقن الأساسيات في علوم دينك على مذهب معتمد من مذاهب المسلمين المستقرة، وعلى أهل علمٍ متحققين بما يُدرّسون، ولا يغلب عليهم عقلية الشللية والصراعات، بل يكسوهم الأدب والذوق والرحمة ورجاحة العقل وغزارة الاطلاع (في علوم الدين والدنيا)، ولا تحصر نفسك في شيخ واحد، وصوت واحد، وتعلم لتفهم أولا، سواء اقتنعت واعتنقت هذا الرأي أم لا، لكن اسمع لتفهم لا لتردّ.
● ولا تحصر نفسك في علوم الدين، بل اجمع إليها ما استطعت من علوم الدنيا (الإنسانية والاجتماعية والطبيعية)، فهذا يعمّق فهمك لعلوم الدين أولا، ثم لعلوم الواقع الذي تُنزّل عليه الدين ثانيًا.
● لو عندك القدرة المادية والبدنية: خلّف كتير واعمل عزوة وأهل وسند، وتوكل على الله.
● تصدق كتير جدا جدا، في كل وقت، وبسبب وبدون سبب، وأحسن في تقديم صدقاتك بما تُحب أن يُهدى لك، وأنفق ولا تخش من ذي العرش إقلالا خاصة في الظروف المادية الصعبة التي يُمسك فيها الناس ويخافون.
● اعمل فلوس كتير، وخليك غني، واستعمل مالك فيما يُرضي الله، ويعيّشك عزيز ومستمتع بحياتك، واستثمر في جودة حياتك وراحتك، وسافر ولف البلاد، واتعرف على ثقافات مختلفة، واسع في قضاء حوائج أهلك والناس.
● خاطب أهلك في وقت التعارض بلغة العاطفة لا العقل، لا تحاول إقناعهم، حاول تطمينهم والعزف على وتر مشاعرهم لا محاججتهم.
● استشر في أمورك واستخر الله، فإذا عزمت فتوكل على الله، وتحمل قراراتك، ولا تقل ليتني، ولا تحرق وقت كبير أوي في التردد والخوف من الخطوة.. الحياة الحقيقية التي ستستمتع بها = تستلزم قدرا من الشجاعة، والمواجهة، والمخاطرة.
● اتعرف على العلوم والمجالات المختلفة، واعرف كل علم بيبحث في إيه وبيجاوب على إيه، فمعرفة مظان العلم نصف العلم.
● صاحب أهل العقل والأدب والعلم، الذين تتأدب بأدبهم وتستزيد من عقولهم وبصيرتهم، فإن لم تجدهم مجتمعين في أحدهم وهو الغالب في هذا الزمان = فاطلب من هذا عقله، ومن ذاك أدبه، ومن ذلك علمه، وخذ من كل قولٍ أحسنه.
● ابعد عن النساء الأجنبيات عنك، أي العلاقات المُحرّمة أو المساحات المشبوهة أو غير الواضحة، وضع بينك وبينها ألف حاجز وحاجز، وأحسن الظنّ بالناس، ولا تعرِّض نفسك للفتن.
● اهتم بأن تكون لا أن تبدو.. خليك صادق وحقيقي، خاصة في عالم الشو والزيف هذا، وحافظ على مبادئك ودينك وأخلاقك حتى لو مش هتلاقيها موضة ولا هتجيب الريتش والفلوس الأكتر ")
● ادع كتير، واستعن بالله ولا تعجز ")
❤140👏14👍3👌3❤🔥2
الآن الأحد.. وأنت تقرأ هذه الكلمات
في جميع محافظات مصر.. يجتمع الناس في مساجد ومعاهد ومكاتب تحفيظ معينة تابعة للأزهر الشريف..
يجتمعون ليقرأوا كتاب الله.. كلٌ يقرأ مما يحفظ.. ربعا.. أو جزءا.. أو القرآن كاملا!.. كلٌ بحسب وسعه.
المساجد تتزين وتتعطر بكلام ربنا جل وعلا وحلقات الذِكر.. كدوي النحل!
في مبادرة راائعة يُطلقها الأزهر الشريف في مصر والعالم كله للنسخة الثالثة؛ بعنوان:
اليوم العالمي للسرد القرآني - اقرأ وارتقِ
ما أبهى وأجمل مشهد كهذا والله!
أكتب هذه الكلمات الآن وأنا أجلس في رحاب الجامع الأزهر، والناس مجتمعون، والنساء، والأطفال، والمشايخ أمامهم يقرأون معا بصوت مسموع في مشهد يشرح الصدور ويُطَمئِن القلوب.
ويُقال أن يوم السرد ٣٠ أغسطس العام الماضي ٢٠٢٥ شارك في المباردة أكثر من ١٠٠ ألف مشارك.. وأرجو أن يزيدوا هذا العام.
ووزارة الأوقاف -مشكورةً- شاركت في المباردة أيضا بمختلف مساجد مصر والكتاتيب وغيره.
شكرا للأزهر الشريف..
ولفضيلة الشيخ الدكتور أحمد الطيب شيخ الأزهر.
#اليوم_العالمي_للسرد_القرآني
في جميع محافظات مصر.. يجتمع الناس في مساجد ومعاهد ومكاتب تحفيظ معينة تابعة للأزهر الشريف..
يجتمعون ليقرأوا كتاب الله.. كلٌ يقرأ مما يحفظ.. ربعا.. أو جزءا.. أو القرآن كاملا!.. كلٌ بحسب وسعه.
المساجد تتزين وتتعطر بكلام ربنا جل وعلا وحلقات الذِكر.. كدوي النحل!
في مبادرة راائعة يُطلقها الأزهر الشريف في مصر والعالم كله للنسخة الثالثة؛ بعنوان:
اليوم العالمي للسرد القرآني - اقرأ وارتقِ
ما أبهى وأجمل مشهد كهذا والله!
أكتب هذه الكلمات الآن وأنا أجلس في رحاب الجامع الأزهر، والناس مجتمعون، والنساء، والأطفال، والمشايخ أمامهم يقرأون معا بصوت مسموع في مشهد يشرح الصدور ويُطَمئِن القلوب.
ويُقال أن يوم السرد ٣٠ أغسطس العام الماضي ٢٠٢٥ شارك في المباردة أكثر من ١٠٠ ألف مشارك.. وأرجو أن يزيدوا هذا العام.
ووزارة الأوقاف -مشكورةً- شاركت في المباردة أيضا بمختلف مساجد مصر والكتاتيب وغيره.
شكرا للأزهر الشريف..
ولفضيلة الشيخ الدكتور أحمد الطيب شيخ الأزهر.
#اليوم_العالمي_للسرد_القرآني
❤124🕊3
(لو مش بتقبض 10 آلاف جنيه ماتتجوزش)
جملة مش هتسمعها من فقيه.
ليه؟
لأن سؤال (أقبض كام عشان أعرف أتجوز؟) داخل فيه ألف عامل وعامل ممكن يغير موازين المعادلة كلها..
● هتعيش في شقة تمليك ولا إيجار؟
● الإيجار دي في القاهرة ولا أقاليم؟
● لو في القاهرة: في الشيخ زايد والتجمع والزمالك..، ولا في شبرا وعين شمس والمطرية ولا إمبابة ولا دار السلام..؟
● والأقاليم: في المدينة نفسها ولا في قُرى نائية على أطراف المحافظة؟
● هتعيش مع أهلك أو أهلها أو في سكن قريب منهم ولا بُعاد ومستقلين بشكل كُلي؟
● إيه مستوى الدعم والترابط والتكافل الاجتماعي والمادي في عُرف أسرتك وعيلتك؟
● هتخلفوا ولا مش ناويين أو عندكم ما يكفيكم من الأولاد وعايزين من الجوازة دي الونس فقط؟ (آه ده أوبشن بردو لو مش واخد بالك)
● بتشتغلوا من البيت ولا من الشارع؟
● لو شغلك برا، بعيد عن البيت ولا قريب؟ ومواصلاته قد إيه؟
● شغلك بيتطلب اشتراكات شهرية (نت وتطبيقات ومواقع.. إلخ) ولا مفيش؟
● إيه استهلاكك من الكهربا؟ مساحة شقتك كام؟ مستوى الإضاءة؟ كام أوضة؟ عندك تكييفات؟ عدادك عادي ولا كارت؟
● إيه مستوى استهلاكك من الغاز والمياه؟ سخانك غاز مثلا وبتحب تاخد دُش بالساعات وتتأمل في حياتك... ولا بتقضي غرضك وتطلع؟ وقس على هذا.
● إيه مدى أولوية الإنترنت عندك؟ وإيه مستوى استهلاكك ليه؟
● إيه مستوى اللبس بتاعك؟ وبراندات ولا عادي؟ وبتستهلك قد إيه في السنة أو في خلال خمس سنين؟
● مراتك بتعرف تطبخ؟ ولا هتأكلك كل يوم من إيد الدليفري؟ ولو الثانية: فـ إيه أسعار المطاعم عندك ونوعية الأكل الي بتطلبوه؟
● وأكلتكم عاملة إزاي؟ الأكلة الكبيرة بتقعد يومين ولا يوم ولا نص يوم؟ ولازم 3 وجبات في اليوم ولا وجبتين بتمشّي الدنيا مع حبة نقنقة في النص؟ والنقنقة دي بتمشي بقُرَص عادي ولا لازم مولت كيك أو قشطوطة من مطعم جنبكم؟
● عندكم عربية ولا مواصلات عامة ولا أوبر وإخوته؟ وعلى كل احتمال منهم: إيه معدل مشاويركم الأسبوعية خارج البيت وكُلفتها؟
● مين الي مسئولين منك في الإنفاق؟ زوجتك فقط وأولادك، ولا أمك وإخواتك معاهم مثلا وإنت رب الأسرة؟
● عندك تأمين صحي ولا لأ؟
● فيه أمراض عندك أو عند زوجتك أو أولادك لا قدر الله؟ وهل مزمنة؟ وإيه كُلفة الدواء؟
● ولادك شاطرين ولا محتاجين دروس؟ وفي إيه بالظبط؟ وزوجتك عندها من العلم الي تمكّنها من المذاكرة ليهم أم لا؟
● إيه المستوى الاجتماعي والمادي لزوجتك الي اتربت عليه قبل الزواج؟ مثلا: كانوا عايشين في فيلا أو شقة كبيرة مثلا؟ كان عندهم خادمة ديما بتساعدهم؟ ولا هي الي بتنفض البيت كل يوم بنفسها هي أو إخواتها؟
● بتعرف تعمل أعطال البيت البسيطة ولا لو مسمار اتفك هتجيب نجار يربطه أو كهربائي يركّب اللمبة؟ ولو الثانية: فـ إيه أسعار الصنايعية في منطقتك؟
● إيه مستوى رضاك وزوجتك وقناعتكم ورضاكم بالواقع وظروفه؟ وإيه مدى مرونتكم وتأقلمكم مع هذه الظروف إن اشتدت؟
● عندكم تموين؟ وإيه مستوى الخزين بتاع البيت؟ سكر وزيت ورز ومكرونة عادي ولا لازم نوع معين حتى لو غالي؟ الفاكهة عادي ولا لازم أورجانيك أو في طبق متكيس؟ والبروتين نظامه إيه؟ والبيض والفراخ تمام عندكم ولا ماشيين على نظام المهلكات والعياذ بالله؟ والسمك شغال؟ وإيه نوعية اللحمة الي بتحبوا تاكلوها؟ وتقدروا تستغنوا عنها قد إيه؟
● بتنزلوا تجيبوا الخزين من السوق ولا لازم حد بتاع دليفري أو خادم يتسوقلكم؟
● بتنضفوا البيت بنفسكم ولا بتجيبوا حد أسبوعيا يساعدكم؟ ولا من ده على ده؟
.
خمسمية سؤال وسؤال، هينبلي عليه كلام كتير.. ولا يُفصل فيها إلا في مقام الفتوى الخاصة لا الخطاب العام.
ومن قلة الفقه أن نخاطب عموم الناس في كل مكان وبمختلف ظروفهم اوحتياجاتهم بما يوافق ظروفنا نحن وحاجاتنا نحن وبيئتنا نحن بزعم الواقعية! هذه واقعية زائفة متوهمة.
والأهم من كل الأسئلة الي فاتت:
● إيه مستوى توكلكم على ربنا؟ لو الفلوس قلّت شويه قلبكم واستقراركم النفسي إيه وضعه؟
● بيتكم هادي ومتناغم وسايبها على ربنا.. ولا بيضرب يقلب على خناقات الفلوس؟
● بتتصدقوا كتير ولا ماسكين في القرش؟
.
دي مش أسئلة دراويش.. سيبكم من العبط المنتشر..
يقولك (اعقلها وتوكل).. وهو طول حياته وفي مدارسه وكليته بيسمع بس عن (اعقلها بالمعنى المادي).. وعمره ما سمع كلمتين عن (توكَل) دي، ووالله ما فاهم يعني إيه توكل أصلا! بس أهو كلام بنرصه ولا عمرنا استشعرناه ولا فاهمينه نظريا حتى.
.
وفيه ناس دلوقتي لو إنت مابقتش عبد للفلوس وللمادة وبتحسبها بالورقة والقلم في كل لحظة، ولو فلوسك اختفت من حسابك في البنك أو نقصت يبقى احتمال تجيلك سكتة قلبية وانسداد شرايين.. لو إنت مش كده في نظره تبقى درويييش! ومش بتعقللللللللللها وتتووووكل.
جملة مش هتسمعها من فقيه.
ليه؟
لأن سؤال (أقبض كام عشان أعرف أتجوز؟) داخل فيه ألف عامل وعامل ممكن يغير موازين المعادلة كلها..
● هتعيش في شقة تمليك ولا إيجار؟
● الإيجار دي في القاهرة ولا أقاليم؟
● لو في القاهرة: في الشيخ زايد والتجمع والزمالك..، ولا في شبرا وعين شمس والمطرية ولا إمبابة ولا دار السلام..؟
● والأقاليم: في المدينة نفسها ولا في قُرى نائية على أطراف المحافظة؟
● هتعيش مع أهلك أو أهلها أو في سكن قريب منهم ولا بُعاد ومستقلين بشكل كُلي؟
● إيه مستوى الدعم والترابط والتكافل الاجتماعي والمادي في عُرف أسرتك وعيلتك؟
● هتخلفوا ولا مش ناويين أو عندكم ما يكفيكم من الأولاد وعايزين من الجوازة دي الونس فقط؟ (آه ده أوبشن بردو لو مش واخد بالك)
● بتشتغلوا من البيت ولا من الشارع؟
● لو شغلك برا، بعيد عن البيت ولا قريب؟ ومواصلاته قد إيه؟
● شغلك بيتطلب اشتراكات شهرية (نت وتطبيقات ومواقع.. إلخ) ولا مفيش؟
● إيه استهلاكك من الكهربا؟ مساحة شقتك كام؟ مستوى الإضاءة؟ كام أوضة؟ عندك تكييفات؟ عدادك عادي ولا كارت؟
● إيه مستوى استهلاكك من الغاز والمياه؟ سخانك غاز مثلا وبتحب تاخد دُش بالساعات وتتأمل في حياتك... ولا بتقضي غرضك وتطلع؟ وقس على هذا.
● إيه مدى أولوية الإنترنت عندك؟ وإيه مستوى استهلاكك ليه؟
● إيه مستوى اللبس بتاعك؟ وبراندات ولا عادي؟ وبتستهلك قد إيه في السنة أو في خلال خمس سنين؟
● مراتك بتعرف تطبخ؟ ولا هتأكلك كل يوم من إيد الدليفري؟ ولو الثانية: فـ إيه أسعار المطاعم عندك ونوعية الأكل الي بتطلبوه؟
● وأكلتكم عاملة إزاي؟ الأكلة الكبيرة بتقعد يومين ولا يوم ولا نص يوم؟ ولازم 3 وجبات في اليوم ولا وجبتين بتمشّي الدنيا مع حبة نقنقة في النص؟ والنقنقة دي بتمشي بقُرَص عادي ولا لازم مولت كيك أو قشطوطة من مطعم جنبكم؟
● عندكم عربية ولا مواصلات عامة ولا أوبر وإخوته؟ وعلى كل احتمال منهم: إيه معدل مشاويركم الأسبوعية خارج البيت وكُلفتها؟
● مين الي مسئولين منك في الإنفاق؟ زوجتك فقط وأولادك، ولا أمك وإخواتك معاهم مثلا وإنت رب الأسرة؟
● عندك تأمين صحي ولا لأ؟
● فيه أمراض عندك أو عند زوجتك أو أولادك لا قدر الله؟ وهل مزمنة؟ وإيه كُلفة الدواء؟
● ولادك شاطرين ولا محتاجين دروس؟ وفي إيه بالظبط؟ وزوجتك عندها من العلم الي تمكّنها من المذاكرة ليهم أم لا؟
● إيه المستوى الاجتماعي والمادي لزوجتك الي اتربت عليه قبل الزواج؟ مثلا: كانوا عايشين في فيلا أو شقة كبيرة مثلا؟ كان عندهم خادمة ديما بتساعدهم؟ ولا هي الي بتنفض البيت كل يوم بنفسها هي أو إخواتها؟
● بتعرف تعمل أعطال البيت البسيطة ولا لو مسمار اتفك هتجيب نجار يربطه أو كهربائي يركّب اللمبة؟ ولو الثانية: فـ إيه أسعار الصنايعية في منطقتك؟
● إيه مستوى رضاك وزوجتك وقناعتكم ورضاكم بالواقع وظروفه؟ وإيه مدى مرونتكم وتأقلمكم مع هذه الظروف إن اشتدت؟
● عندكم تموين؟ وإيه مستوى الخزين بتاع البيت؟ سكر وزيت ورز ومكرونة عادي ولا لازم نوع معين حتى لو غالي؟ الفاكهة عادي ولا لازم أورجانيك أو في طبق متكيس؟ والبروتين نظامه إيه؟ والبيض والفراخ تمام عندكم ولا ماشيين على نظام المهلكات والعياذ بالله؟ والسمك شغال؟ وإيه نوعية اللحمة الي بتحبوا تاكلوها؟ وتقدروا تستغنوا عنها قد إيه؟
● بتنزلوا تجيبوا الخزين من السوق ولا لازم حد بتاع دليفري أو خادم يتسوقلكم؟
● بتنضفوا البيت بنفسكم ولا بتجيبوا حد أسبوعيا يساعدكم؟ ولا من ده على ده؟
.
خمسمية سؤال وسؤال، هينبلي عليه كلام كتير.. ولا يُفصل فيها إلا في مقام الفتوى الخاصة لا الخطاب العام.
ومن قلة الفقه أن نخاطب عموم الناس في كل مكان وبمختلف ظروفهم اوحتياجاتهم بما يوافق ظروفنا نحن وحاجاتنا نحن وبيئتنا نحن بزعم الواقعية! هذه واقعية زائفة متوهمة.
والأهم من كل الأسئلة الي فاتت:
● إيه مستوى توكلكم على ربنا؟ لو الفلوس قلّت شويه قلبكم واستقراركم النفسي إيه وضعه؟
● بيتكم هادي ومتناغم وسايبها على ربنا.. ولا بيضرب يقلب على خناقات الفلوس؟
● بتتصدقوا كتير ولا ماسكين في القرش؟
.
دي مش أسئلة دراويش.. سيبكم من العبط المنتشر..
يقولك (اعقلها وتوكل).. وهو طول حياته وفي مدارسه وكليته بيسمع بس عن (اعقلها بالمعنى المادي).. وعمره ما سمع كلمتين عن (توكَل) دي، ووالله ما فاهم يعني إيه توكل أصلا! بس أهو كلام بنرصه ولا عمرنا استشعرناه ولا فاهمينه نظريا حتى.
.
وفيه ناس دلوقتي لو إنت مابقتش عبد للفلوس وللمادة وبتحسبها بالورقة والقلم في كل لحظة، ولو فلوسك اختفت من حسابك في البنك أو نقصت يبقى احتمال تجيلك سكتة قلبية وانسداد شرايين.. لو إنت مش كده في نظره تبقى درويييش! ومش بتعقللللللللللها وتتووووكل.
❤50👌10👏4👍3
.
حوش حوش القلوب الي مليانة توكل يا جدعان!!!
حوش حوش الأفلام والمسلسلات ومناهج التعليم والبيزنس والتسويق وإدارة الأعمال الي مليانة دروس عن الزهد والتوكل على الله وتخلية القلب مما سوى الله!!
حوش حوش المولات والإعلانات واسنتجرام وتيك توك الي كلها بتقولك ازهد في الدنيا وارض بما قسمه الله وقلل احتياجاتك واستغنِ يُغنك الله!!
إحنا هنهرج يا جدعان ونضحك على بعض؟!!
.
إحنا شاطرين بس في (بس ناخد بالأسباب بردو).. لكن التوكل ع الله والإيمان برب الأسباب ومدبر الأمر؟ = لا أكيد المعاني دي معروفة بالبداهة ومغروسة في قلوبنا بالفطرة ومش محتاجين كلام عنها لأننا زُهَّاد بالفطرة!
.
اعقلوها فعلا.. ومن العقل إن الواحد يفكر في آلاف الاحتمالات قبل أن يُطلق مثل هذه الإطلاقات غير الشرعية وغير العلمية وغير المنضبطة.
.
اعقلوها فعلا.. ومن العقل أن نُدرك معنى التوكل على الله أولا.. وأن نسعى في تعلمه نظريا والامتلاء به عمليًا/تزكويًا.. وحينها لن يضاد العقلُ التوكلَ.. ولن يتحول التوكل إلى تواكل أبدا.
.
اعقلوها فعلا .. ومن العقل الدعوة العامة إلى تيسير الزواج (بالمعروف).. وهذه الدعوة إسلامية بامتياز.. ولا تُوجِب التفريط في الحقوق أو المزايدة على مطالب الناس المباحة والمشروعة فيما يرضيهم من أسباب المعاش إلا أن يتنازلوا هم عنها عن طيب خاطر من باب الفضل لا المزايدة.
الناس مش ناقصة يا جماعة، سيبوهم في حالهم أرجوكم..
وقولوا خيرا.. أو اكتفوا بالدعاء..
وربنا يزوج كل محتاج وييسر الحال على الجميع يا رب.
حوش حوش القلوب الي مليانة توكل يا جدعان!!!
حوش حوش الأفلام والمسلسلات ومناهج التعليم والبيزنس والتسويق وإدارة الأعمال الي مليانة دروس عن الزهد والتوكل على الله وتخلية القلب مما سوى الله!!
حوش حوش المولات والإعلانات واسنتجرام وتيك توك الي كلها بتقولك ازهد في الدنيا وارض بما قسمه الله وقلل احتياجاتك واستغنِ يُغنك الله!!
إحنا هنهرج يا جدعان ونضحك على بعض؟!!
.
إحنا شاطرين بس في (بس ناخد بالأسباب بردو).. لكن التوكل ع الله والإيمان برب الأسباب ومدبر الأمر؟ = لا أكيد المعاني دي معروفة بالبداهة ومغروسة في قلوبنا بالفطرة ومش محتاجين كلام عنها لأننا زُهَّاد بالفطرة!
.
اعقلوها فعلا.. ومن العقل إن الواحد يفكر في آلاف الاحتمالات قبل أن يُطلق مثل هذه الإطلاقات غير الشرعية وغير العلمية وغير المنضبطة.
.
اعقلوها فعلا.. ومن العقل أن نُدرك معنى التوكل على الله أولا.. وأن نسعى في تعلمه نظريا والامتلاء به عمليًا/تزكويًا.. وحينها لن يضاد العقلُ التوكلَ.. ولن يتحول التوكل إلى تواكل أبدا.
.
اعقلوها فعلا .. ومن العقل الدعوة العامة إلى تيسير الزواج (بالمعروف).. وهذه الدعوة إسلامية بامتياز.. ولا تُوجِب التفريط في الحقوق أو المزايدة على مطالب الناس المباحة والمشروعة فيما يرضيهم من أسباب المعاش إلا أن يتنازلوا هم عنها عن طيب خاطر من باب الفضل لا المزايدة.
الناس مش ناقصة يا جماعة، سيبوهم في حالهم أرجوكم..
وقولوا خيرا.. أو اكتفوا بالدعاء..
وربنا يزوج كل محتاج وييسر الحال على الجميع يا رب.
❤63👍7
النهاردة الصبح، ومع بداية العام الدراسي، ظهر لي فيديو جميل لمديرة مدرسة إعدادية بنات، المديرة واقفة في الطابور بتقول تعليمات الزِيّ المدرسي للبنات بمنتهى الحزم، وبتشدد على منع المكياج داخل الحرم المدرسي، لا تقوليلي كُحل ولا معرفش إيه، مفيش مكياج لا في مدرسة ولا كلية، ولا أشوف واحدة مطلّعة قُصّة من الطرحة زي ما أنا شايفة دلوقتي، يا تتحجبي صح يا ماتتحجبيش، وتلمّي شعرك من ورا بتوكة، واللبس يكون واسع مش ضيق، ولا جينزات ولا مقطّع ولا غيره، كل الكلام ده ممنوع.
.
طبعا أنا أقدِّر كلام المديرة جدا في سياقنا، ربنا يبارك فيها،
لكن الفيديو بالنسبة لي كان حزين جدا.. ومؤسِف جدا..
لكنه عند كثير من المصريين هيبقى جميل جدا ومُفرح و(لسه فيها حاجة حلوة أهو)، لو أنك نظرت إليه بمعزل عن السياق الاجتماعي العام!
لكن تسمحولي نعمل زوم آوت شويه خارج المشهد ده؟
.
هي البنت، في مصر، المفروض تتعلم الحاجات دي فين؟ والمفروض تمارسها بحرية واستمتاع فين؟
يعني فين وإمتى البنت المصرية في صغرها يتقالها:
- اقلعي الحجاب.. اقلعي النقاب.. مفيش رجالة هنا.. البسي عادي، وخدي راحتك المحيط كله بنات، وحافظي على عورتك فقط التي يجب سترها قدام البنات.
- خدي راحتك، فكي التوكة، افردي شعرك، وسيبي الهوا يحرّكه، واستمتعي بشعرك، وسشوريه، واصبغيه، واعملي كل الي نفسك فيه..
- حطي كُحل، وفول ميكيب يا ستي، وتعالي أقولك تحطيه إزاي، وأعلمك كل فنون المكياج والتزين والاكسسوارات وتطقيم الملابس.
- ومالك متخشبة ليه كده.. جربتِ تتعلمي رقص؟.. تعالي أعلّمك! (أنا عارف إن الجملة دي فسق وفجور عند بعض الناس للأسف، وذهنهم أوتوماتيك ربط الجملة بإنها تطلع تُرقص للرجالة في الشارع أو ع تيك توك!)
وأنا بشوف الفيديو افتكرت كلام قريبتي،
إكمنها وُلدت وعاشت في السعودية إلى أن أنهت الثانوية، وكانت بتحكيلي عن مدرستها، (مدرسة بنات) مختلفة تماماااا عن (مدرسة النبات) الي أنا أعرفها في مصر!
كانت بتقولي إن النقاب كان العُرف السائد للبس البنات هناك في البلاد،
كلنا كنا منتقبات.. بس مكناش منتقبات بردو!
قلت لها إزاي؟
قالت لي: ما هو إحنا إمتى بنضطر نلبس النقاب أصلا؟!
في المدرسة مثلا؟!
إطلاقا!
مجرد ما بندخل المدرسة، بنسلّم جميييع الموبايلات، الي تتقفش بموبايل في الفصل دي مصيبة وكارثة ممكن تتتفصل من المدرسة بسببها.
المدرّسين والعمال والمديرة والأمن وكل مخلوق في محيط المدرسة = أنثى فقط، مفيش رجالة مطلـــــقًا!
فمجرد ما بندخل المدرسة والفصول بنخلع النقاب والحجاب كمان!
وكل واحدة من البنات بتكون عاملة (فول ميكَب)... والمُعلِّمة كذلك!
والمُعلّمات كمان في أوقات الاستراحة أو الحصص الاحتياطية أو في حصة التدبير والاقتصاد المنزلي كانوا بيعلّمونا إزاي نحط مكياج ونتزين واللبس والطبخ وغيره.. ده غير مسائل النظافة والطهارة الشرعية للنساء الي بنتعلمها في المقررات.
يعني المُعلّمة أصلا كنا بنتعلم منها الأنوثة قبل أي حاجة!
في الشعر والميكب والبس والكلام والصوت والقعدة والمشية وكل شيء!
وكذلك كنا بنتعلم من صحابنا الي أشطر مننا في بعض التفاصيل.
وكنا بناخد حريتنا على الآخر في لبسنا وإظهار زينتنا وغيره.
وعنده الخروج من المدرسة نضع العباية ونُنزل النقاب فقط! وشكرًا!
طيب في الأفراح والمناسبات العامة؟!
إطلاقًا بردو؛ لأنها غير مختلطة!
فـ جميع الأفراح بتكون مساحة أخرى من ممارسة الأنوثة بحرية.
وكذلك المطاعم في منطقتنا، لازم بيبقى فيه قسم خاص بالنساء، أقدر أشيل النقاب والحجاب حتى، وآكل براحتي.
طبعا هي لما نِزْلِت مصر اتصدَمِتْ ")
مش بس لأن المدرسة مابتعلّمش الكلام ده بحرص ومنهج واهتمام كما عرفت
ومش بس لأن أغلب مدارس البنات مختلطة (بمعنى وجود رجال في المدرسة عمالًا أو مُعلّمين، حتى لو مفيش طلاب ذكور)
ومن ثَمَّ ممنوع ممارسة مثل هذه النشاطات في وجود الرجال!
ومش بس لأن أغلب الأفراح هنا مختلطة.. فيا عيني البنات ممكن تنفّس عن نفسها في ليلة الحِنَّة الي ممكن البعض يعملها ع الضيق قبل الفرح.
ولا من المطاعم والمساحات العامة والحمّامات العامة وأغلب المساجد الي هي غير مُصممة لوجود النساء ومراعاة خصوصيتهنّ ابتداء!
لكن الصدمة المؤلمة أكتر إن حتى داخل البيوت، البنت مش بتتعلم ده!
بل في الغالب لو فكّرت تمارس أنوثتها وتجرب المكياج والشياكة والأناقة وغيره داخل بيتها أو تتخفف من الملابس قليلا... أمها بتقولها:
بتعملي ده لمين؟!!
أو (عيب، اختشي)
أو (لما تتجوزي ابقى اعملي الي إنتِ عايزاه).
بالمناسبة، الجملة السابقة بتُقال على حاجات كتييير جدا مباحة البنت في بلادنا بتطلبها من أهلها، وهم بيرفضوا وبيرصّوا الجُملة دي زي ما هي كده: (لما تتجوزي اعملي الي إنتِ عايزاه مع جوزك، هنكون خلصنا من مسئوليتك وهمّك).
.
طبعا أنا أقدِّر كلام المديرة جدا في سياقنا، ربنا يبارك فيها،
لكن الفيديو بالنسبة لي كان حزين جدا.. ومؤسِف جدا..
لكنه عند كثير من المصريين هيبقى جميل جدا ومُفرح و(لسه فيها حاجة حلوة أهو)، لو أنك نظرت إليه بمعزل عن السياق الاجتماعي العام!
لكن تسمحولي نعمل زوم آوت شويه خارج المشهد ده؟
.
هي البنت، في مصر، المفروض تتعلم الحاجات دي فين؟ والمفروض تمارسها بحرية واستمتاع فين؟
يعني فين وإمتى البنت المصرية في صغرها يتقالها:
- اقلعي الحجاب.. اقلعي النقاب.. مفيش رجالة هنا.. البسي عادي، وخدي راحتك المحيط كله بنات، وحافظي على عورتك فقط التي يجب سترها قدام البنات.
- خدي راحتك، فكي التوكة، افردي شعرك، وسيبي الهوا يحرّكه، واستمتعي بشعرك، وسشوريه، واصبغيه، واعملي كل الي نفسك فيه..
- حطي كُحل، وفول ميكيب يا ستي، وتعالي أقولك تحطيه إزاي، وأعلمك كل فنون المكياج والتزين والاكسسوارات وتطقيم الملابس.
- ومالك متخشبة ليه كده.. جربتِ تتعلمي رقص؟.. تعالي أعلّمك! (أنا عارف إن الجملة دي فسق وفجور عند بعض الناس للأسف، وذهنهم أوتوماتيك ربط الجملة بإنها تطلع تُرقص للرجالة في الشارع أو ع تيك توك!)
وأنا بشوف الفيديو افتكرت كلام قريبتي،
إكمنها وُلدت وعاشت في السعودية إلى أن أنهت الثانوية، وكانت بتحكيلي عن مدرستها، (مدرسة بنات) مختلفة تماماااا عن (مدرسة النبات) الي أنا أعرفها في مصر!
كانت بتقولي إن النقاب كان العُرف السائد للبس البنات هناك في البلاد،
كلنا كنا منتقبات.. بس مكناش منتقبات بردو!
قلت لها إزاي؟
قالت لي: ما هو إحنا إمتى بنضطر نلبس النقاب أصلا؟!
في المدرسة مثلا؟!
إطلاقا!
مجرد ما بندخل المدرسة، بنسلّم جميييع الموبايلات، الي تتقفش بموبايل في الفصل دي مصيبة وكارثة ممكن تتتفصل من المدرسة بسببها.
المدرّسين والعمال والمديرة والأمن وكل مخلوق في محيط المدرسة = أنثى فقط، مفيش رجالة مطلـــــقًا!
فمجرد ما بندخل المدرسة والفصول بنخلع النقاب والحجاب كمان!
وكل واحدة من البنات بتكون عاملة (فول ميكَب)... والمُعلِّمة كذلك!
والمُعلّمات كمان في أوقات الاستراحة أو الحصص الاحتياطية أو في حصة التدبير والاقتصاد المنزلي كانوا بيعلّمونا إزاي نحط مكياج ونتزين واللبس والطبخ وغيره.. ده غير مسائل النظافة والطهارة الشرعية للنساء الي بنتعلمها في المقررات.
يعني المُعلّمة أصلا كنا بنتعلم منها الأنوثة قبل أي حاجة!
في الشعر والميكب والبس والكلام والصوت والقعدة والمشية وكل شيء!
وكذلك كنا بنتعلم من صحابنا الي أشطر مننا في بعض التفاصيل.
وكنا بناخد حريتنا على الآخر في لبسنا وإظهار زينتنا وغيره.
وعنده الخروج من المدرسة نضع العباية ونُنزل النقاب فقط! وشكرًا!
طيب في الأفراح والمناسبات العامة؟!
إطلاقًا بردو؛ لأنها غير مختلطة!
فـ جميع الأفراح بتكون مساحة أخرى من ممارسة الأنوثة بحرية.
وكذلك المطاعم في منطقتنا، لازم بيبقى فيه قسم خاص بالنساء، أقدر أشيل النقاب والحجاب حتى، وآكل براحتي.
طبعا هي لما نِزْلِت مصر اتصدَمِتْ ")
مش بس لأن المدرسة مابتعلّمش الكلام ده بحرص ومنهج واهتمام كما عرفت
ومش بس لأن أغلب مدارس البنات مختلطة (بمعنى وجود رجال في المدرسة عمالًا أو مُعلّمين، حتى لو مفيش طلاب ذكور)
ومن ثَمَّ ممنوع ممارسة مثل هذه النشاطات في وجود الرجال!
ومش بس لأن أغلب الأفراح هنا مختلطة.. فيا عيني البنات ممكن تنفّس عن نفسها في ليلة الحِنَّة الي ممكن البعض يعملها ع الضيق قبل الفرح.
ولا من المطاعم والمساحات العامة والحمّامات العامة وأغلب المساجد الي هي غير مُصممة لوجود النساء ومراعاة خصوصيتهنّ ابتداء!
لكن الصدمة المؤلمة أكتر إن حتى داخل البيوت، البنت مش بتتعلم ده!
بل في الغالب لو فكّرت تمارس أنوثتها وتجرب المكياج والشياكة والأناقة وغيره داخل بيتها أو تتخفف من الملابس قليلا... أمها بتقولها:
بتعملي ده لمين؟!!
أو (عيب، اختشي)
أو (لما تتجوزي ابقى اعملي الي إنتِ عايزاه).
بالمناسبة، الجملة السابقة بتُقال على حاجات كتييير جدا مباحة البنت في بلادنا بتطلبها من أهلها، وهم بيرفضوا وبيرصّوا الجُملة دي زي ما هي كده: (لما تتجوزي اعملي الي إنتِ عايزاه مع جوزك، هنكون خلصنا من مسئوليتك وهمّك).
❤72😢37👌5👍1👏1
أفكار بتأمل فيها في صباح يوم مدرسي منعش، وأنا بفكر:
إزاي أربي ليلى بنتي في مصر؟!...
أو بعبارة أعم:
إزاي أربّي أنثى في مصر؟!
وإزاي أصنع لها مساحة الحُرية التي أباحها لها الله جل في علاه، وحرّمها وجرّمها عُرف هذا المجتمع؟
لعل الوقت والنفسية تُسعفني وأكتب لنفسي هنا خواطر أطول عما أحلُم أن أفعله مع ليلى إذا قدَّر الله لي ولها أن نكمل ونستمر هنا...
ونية المرء أبلغ من عمله.. والله المُعين ")
إزاي أربي ليلى بنتي في مصر؟!...
أو بعبارة أعم:
إزاي أربّي أنثى في مصر؟!
وإزاي أصنع لها مساحة الحُرية التي أباحها لها الله جل في علاه، وحرّمها وجرّمها عُرف هذا المجتمع؟
لعل الوقت والنفسية تُسعفني وأكتب لنفسي هنا خواطر أطول عما أحلُم أن أفعله مع ليلى إذا قدَّر الله لي ولها أن نكمل ونستمر هنا...
ونية المرء أبلغ من عمله.. والله المُعين ")
❤118😍10👍5😢3👀3👌1
أحمد عبد المنصف
Photo
البداية: الأحد بعد القادم 27 سبتمبر بإذن الله..
وهدية مجانية بمناسبة بدء الدراسة ")
مَن يُناسبه هذا المستوى؟
يناسبك إذا كنت:
1- قد مللت من المكوث في الكتاب أو المتن الأول وتريد أن تترقى عنه.
.
2- أو عندك خلفية نظرية للنحو، لكن تريد التوسع في التطبيق وكتب الأعاريب والتدرب على التحليل النحويّ على نصوص مختارة من القرآن الكريم والحديث والشِعر والنثر وغيره؛ لتحوّل المعلومات إلى مَلكة تفكير.
.
3- تريد أن تتعرف إلى جانب من الخلاف النحويّ وأدلته، وكيف يفكر النحوين ولماذا يختلفون، وتعرف بعض المبادئ عن علم أصول النحو (وهو علمٌ مختلف عن علم النحو).
.
4- تريد أن توسع مداركك بالعلاقات والتطبيقات البينية بين النحو وغيره من العلوم؛ كعلاقة النحو بالصرف والبلاغة والأدب والمنطق والفلسفة والشريعة وغيره؛ لتعميق فهمِك الشموليّ للنحو وشعورِك بأهميته وأثرِه في العلوم الأخرى العقلية والشرعية والتطبيقية.
.
5- تبحث عن صُحبة تشجّعك وتشاركك المذاكرة والمدارسة، وبيئة آمنة فيها تشارك أسئلتك وتتناقش بأريحية كما هو معروف في مجتمعنا الطلابيّ.
للتسجيل والاستفسار تواصل مع الإدارة:
https://wa.me/201023535502
● وسيرسلون لك الهدية ")
وهي المحاضرة الأولى من مساق «نحوَ نحوٍ مختلف -المستوى الأول»
(مجانًا)، لمن يريد الاطلاع عليها وأخذ فكرة عن طريقتنا في الدرس..
كما ستعرف من خلالها -عمليًا- جانبا من جواب سؤال: لماذا ندرس النحو؟ وما قيمته في بناء العقل والمعرفة؟
نسأل الله العون والتيسير ")
#نحو_نحو_مختلف
#عين_عربية
وهدية مجانية بمناسبة بدء الدراسة ")
مَن يُناسبه هذا المستوى؟
يناسبك إذا كنت:
1- قد مللت من المكوث في الكتاب أو المتن الأول وتريد أن تترقى عنه.
.
2- أو عندك خلفية نظرية للنحو، لكن تريد التوسع في التطبيق وكتب الأعاريب والتدرب على التحليل النحويّ على نصوص مختارة من القرآن الكريم والحديث والشِعر والنثر وغيره؛ لتحوّل المعلومات إلى مَلكة تفكير.
.
3- تريد أن تتعرف إلى جانب من الخلاف النحويّ وأدلته، وكيف يفكر النحوين ولماذا يختلفون، وتعرف بعض المبادئ عن علم أصول النحو (وهو علمٌ مختلف عن علم النحو).
.
4- تريد أن توسع مداركك بالعلاقات والتطبيقات البينية بين النحو وغيره من العلوم؛ كعلاقة النحو بالصرف والبلاغة والأدب والمنطق والفلسفة والشريعة وغيره؛ لتعميق فهمِك الشموليّ للنحو وشعورِك بأهميته وأثرِه في العلوم الأخرى العقلية والشرعية والتطبيقية.
.
5- تبحث عن صُحبة تشجّعك وتشاركك المذاكرة والمدارسة، وبيئة آمنة فيها تشارك أسئلتك وتتناقش بأريحية كما هو معروف في مجتمعنا الطلابيّ.
للتسجيل والاستفسار تواصل مع الإدارة:
https://wa.me/201023535502
● وسيرسلون لك الهدية ")
وهي المحاضرة الأولى من مساق «نحوَ نحوٍ مختلف -المستوى الأول»
(مجانًا)، لمن يريد الاطلاع عليها وأخذ فكرة عن طريقتنا في الدرس..
كما ستعرف من خلالها -عمليًا- جانبا من جواب سؤال: لماذا ندرس النحو؟ وما قيمته في بناء العقل والمعرفة؟
نسأل الله العون والتيسير ")
#نحو_نحو_مختلف
#عين_عربية
❤18👏4
Media is too big
VIEW IN TELEGRAM
● ما سُباعية صناعة العالِم المتخصص؟
● ما علاقة هذا بالنحو والفقه والفيزياء؟
● ما منهجنا في الدراسة؟
● ماذا فعلنا في النحو 1؟ وماذا سنفعل في نحو2؟
(مقطع مهم ومفيد إن شاء الله، أرجو أن تكملوه إلى آخره).
● ما علاقة هذا بالنحو والفقه والفيزياء؟
● ما منهجنا في الدراسة؟
● ماذا فعلنا في النحو 1؟ وماذا سنفعل في نحو2؟
(مقطع مهم ومفيد إن شاء الله، أرجو أن تكملوه إلى آخره).
❤23👍2👏1
يا جماعة، الله يرضى عليكم،
فيه فارق ضخم بين (البودكاست) و(الندوة).
(البودكاست) مش اختراع جديد، مش عشان سميناه اسم إنجليزي يبقى لسه مولود النهاردة، لأ هو نفس الحوار الإذاعي أو الحوار الصحفيّ القديم، زي ما (الفريلانس) هي نفس مفهوم (الراجل الأُرزَقي) عادي بس بالإنجليزي.
يعني إيه حوار بقى؟
1- يعني (مُحاوِر) مُلمّ بأبجديات وأساسيات قضية معينة (يُفضّل يبقى متخصص طبعا بس أضعف الإيمان عنده الأساسيات المعرفية للموضوع محل النقاش) + أساسيات في إدارة الحوار وآداب الحديث وغيره.
2- و(ضيف) المفترض إنه متخصص وعنده مادة حقيقية يقدّمها وفاهمها كويس، يعني مش لمجرد إنه صاحبك وحبيبك وكفاءة وعايز تنقلنا قعدتك معاه ع القهوة في بث حي مع الجمهور.
3- و(حوار)
إيه هدفه؟؟
إن المُحاوِر يكشف لنا عن مادةٍ أو جانبٍ لا يقوله المتخصص عادةً في كتبه وصفحاته ومحاضراته وندواته وقنوات إنتاجه المعرفيّ التقليدية (أصل لو هيجي يقول نفس كلامه في كل حتة يبقى إيه الجديد؟)
زي مثلا إنك تكشف لنا -أيها المحاور- عن جزء من سيرة حياته وكيف تشكل علميا أو تربويًا ليصير على ما هو عليه الآن.. أو خواطر وتأملات وآراء شخصية خرج بها من رحلته.. إلخ تلك الفوائد والنِكات التي كنا نجدها قديما في كُتب التراجم وسيَر الأعلام والطبقات وغيره.
أو إنك -أيها المحاوِر- تقوم بدور (الصوت الآخر) المُعترِض الرخم المشتبِك مع بعض الأفكار التي يدعو إليها الضيف، بحيث الجمهور يشوف الرأي والرأي الآخر، ويشوف الضيف المتخصص إزاي هيعالج هذه الاعتراضات التي تُوجَّه له أو لمشروعه الفكري أو العلمي أو الفني أو الأدبي.. إلخ.
بحيث نشوف (حوار).. أكشن.. دراما.. أخذ وردّ.. رأي وآخر..
لكن فكرة إن (الندوة) بدل ما كان فيها (مايك واحد) يبقى فيها اتنين، واحد بيتكلم والتاني يقوم بدور مدحت شلبي: الله الله، يخرب عقلك يا راجل، سبحان الله، جميل، عجيب، لطيف، رائع، مدهش، شممكن.
فأنا مقدِّر والله هذا اللون من التعليق الصوتي، وممكن أحبّ أسمعه عادي، وساعات بدور في اليوتيوب ع مقاطع معلقين رياضيين ع بعض الماتشات، بس المهم مانسميش ده (حوار)، نسميه (ندوة) أو (محاضرة) في ثوب جديد، معنديش أي مشكلة، وهحب أسمعها بكل حب ممَن أستفيد منهم.
لكن تقولي حوار وبودكاست، والناس في التعليقات ألاقيها بتقيّم المحاوِر بقدرته على (السكوت أطول فترة ممكنة) وترك المايك للضيف ليكمِّل محاضرته، قصدي فكرته = فده ملوش علاقة بالحوار يا شباب 😅
لكن بعد ما بقول الكلام ده جوايا، بمسك كباية الشاي، وأرجع بضهري لورا وأسأل نفسي: هل ثقافتنا الحالية مُهيأة أصلا ومُرحِبة بثقافة الحوار والرأي والرأي الآخر وقلة الأدب والوقاحة دي؟!
سؤال يطرح بلح..
لكنها مغامرة تتتطلب التضحية والجرأة على كل حال ")
فيه فارق ضخم بين (البودكاست) و(الندوة).
(البودكاست) مش اختراع جديد، مش عشان سميناه اسم إنجليزي يبقى لسه مولود النهاردة، لأ هو نفس الحوار الإذاعي أو الحوار الصحفيّ القديم، زي ما (الفريلانس) هي نفس مفهوم (الراجل الأُرزَقي) عادي بس بالإنجليزي.
يعني إيه حوار بقى؟
1- يعني (مُحاوِر) مُلمّ بأبجديات وأساسيات قضية معينة (يُفضّل يبقى متخصص طبعا بس أضعف الإيمان عنده الأساسيات المعرفية للموضوع محل النقاش) + أساسيات في إدارة الحوار وآداب الحديث وغيره.
2- و(ضيف) المفترض إنه متخصص وعنده مادة حقيقية يقدّمها وفاهمها كويس، يعني مش لمجرد إنه صاحبك وحبيبك وكفاءة وعايز تنقلنا قعدتك معاه ع القهوة في بث حي مع الجمهور.
3- و(حوار)
إيه هدفه؟؟
إن المُحاوِر يكشف لنا عن مادةٍ أو جانبٍ لا يقوله المتخصص عادةً في كتبه وصفحاته ومحاضراته وندواته وقنوات إنتاجه المعرفيّ التقليدية (أصل لو هيجي يقول نفس كلامه في كل حتة يبقى إيه الجديد؟)
زي مثلا إنك تكشف لنا -أيها المحاور- عن جزء من سيرة حياته وكيف تشكل علميا أو تربويًا ليصير على ما هو عليه الآن.. أو خواطر وتأملات وآراء شخصية خرج بها من رحلته.. إلخ تلك الفوائد والنِكات التي كنا نجدها قديما في كُتب التراجم وسيَر الأعلام والطبقات وغيره.
أو إنك -أيها المحاوِر- تقوم بدور (الصوت الآخر) المُعترِض الرخم المشتبِك مع بعض الأفكار التي يدعو إليها الضيف، بحيث الجمهور يشوف الرأي والرأي الآخر، ويشوف الضيف المتخصص إزاي هيعالج هذه الاعتراضات التي تُوجَّه له أو لمشروعه الفكري أو العلمي أو الفني أو الأدبي.. إلخ.
بحيث نشوف (حوار).. أكشن.. دراما.. أخذ وردّ.. رأي وآخر..
لكن فكرة إن (الندوة) بدل ما كان فيها (مايك واحد) يبقى فيها اتنين، واحد بيتكلم والتاني يقوم بدور مدحت شلبي: الله الله، يخرب عقلك يا راجل، سبحان الله، جميل، عجيب، لطيف، رائع، مدهش، شممكن.
فأنا مقدِّر والله هذا اللون من التعليق الصوتي، وممكن أحبّ أسمعه عادي، وساعات بدور في اليوتيوب ع مقاطع معلقين رياضيين ع بعض الماتشات، بس المهم مانسميش ده (حوار)، نسميه (ندوة) أو (محاضرة) في ثوب جديد، معنديش أي مشكلة، وهحب أسمعها بكل حب ممَن أستفيد منهم.
لكن تقولي حوار وبودكاست، والناس في التعليقات ألاقيها بتقيّم المحاوِر بقدرته على (السكوت أطول فترة ممكنة) وترك المايك للضيف ليكمِّل محاضرته، قصدي فكرته = فده ملوش علاقة بالحوار يا شباب 😅
لكن بعد ما بقول الكلام ده جوايا، بمسك كباية الشاي، وأرجع بضهري لورا وأسأل نفسي: هل ثقافتنا الحالية مُهيأة أصلا ومُرحِبة بثقافة الحوار والرأي والرأي الآخر وقلة الأدب والوقاحة دي؟!
سؤال يطرح بلح..
لكنها مغامرة تتتطلب التضحية والجرأة على كل حال ")
❤35😁5👍1👏1👌1
أحمد عبد المنصف
Photo
أجب عن الأسئلة.. وفُز بمقعد مجانيّ..
فكرة مسابقة أطبّقها معكم لأول مرة يا رفاق مع قُرب بَدء مجلس النحو الجديد
«نحوَ نحوٍ مختلف - المستوى الثاني»؛
غرضها أن أستمتع بمناقشة العلم معكم والاطلاع على مستوى المهتمين منكم،
وأن ننتقي من المتابعين المحبين للنحو والعربية مَن نشرف بصحبته في الطريق، ونُعفيه من رسوم المجلس كاملةً منحةً له، ونبذل له جميع الخدمات التعليمية التي نقدّمها.
وشرط المسابقة الجوابُ من الذهن مباشرةً دون الاستعانة بأي وسائل مساعدة.
والأسئلة هي:
في باء «بسم الله الرحمن الرحيم»:
1- ما اسم الحرف؟ وما مُسمّاه؟
2- وما نوع الحرف من حيث عدد أحرف مبناه؟
3- وهل له عملٌ؟ وإن كان فما هو؟ وما معموله؟
4- وهل هو حرف جرٍ أصليّ أم زائد أم شبيه بالزائد؟ وما الفرق بين الثلاثة؟ وما معناه على كُلٍ؟
5- وما إعرابه؟
أول مَن يُجِيب عنها جميعا إجابة وافية يفُوز بالمقعد المجانيّ..
فإن تكرر الجواب الوافي عن الأسئلة الخمسة، أو أُجيب عن 4 منها إجابة وافية = قدّمنا له/ها خصومات وتسهيلات خاصة إن شاء الله لعددٍ محدود.
ومَن يُسدد ويُقارب = فنحن في خدمته ")
يُرسل الجواب واتساب على حساب الإدارة
https://wa.me/201023535502
فكرة مسابقة أطبّقها معكم لأول مرة يا رفاق مع قُرب بَدء مجلس النحو الجديد
«نحوَ نحوٍ مختلف - المستوى الثاني»؛
غرضها أن أستمتع بمناقشة العلم معكم والاطلاع على مستوى المهتمين منكم،
وأن ننتقي من المتابعين المحبين للنحو والعربية مَن نشرف بصحبته في الطريق، ونُعفيه من رسوم المجلس كاملةً منحةً له، ونبذل له جميع الخدمات التعليمية التي نقدّمها.
وشرط المسابقة الجوابُ من الذهن مباشرةً دون الاستعانة بأي وسائل مساعدة.
والأسئلة هي:
في باء «بسم الله الرحمن الرحيم»:
1- ما اسم الحرف؟ وما مُسمّاه؟
2- وما نوع الحرف من حيث عدد أحرف مبناه؟
3- وهل له عملٌ؟ وإن كان فما هو؟ وما معموله؟
4- وهل هو حرف جرٍ أصليّ أم زائد أم شبيه بالزائد؟ وما الفرق بين الثلاثة؟ وما معناه على كُلٍ؟
5- وما إعرابه؟
أول مَن يُجِيب عنها جميعا إجابة وافية يفُوز بالمقعد المجانيّ..
فإن تكرر الجواب الوافي عن الأسئلة الخمسة، أو أُجيب عن 4 منها إجابة وافية = قدّمنا له/ها خصومات وتسهيلات خاصة إن شاء الله لعددٍ محدود.
ومَن يُسدد ويُقارب = فنحن في خدمته ")
يُرسل الجواب واتساب على حساب الإدارة
https://wa.me/201023535502
❤15🕊3😢2🤔1
استكمالًا لرحلة الجواب عن الأسئلة، ومشاركةً مع الأصدقاء هنا ")
● فقد قُبلت بالحمد لله في برنامج تمهيدي الماجستير في قسم الفلسفة الإسلامية بكليتي العزيزة «دار العلوم جامعة القاهرة».
(ولعلي أحدّثكم لاحقًا عن هذا القسم بالكلية تحديدًا ومجالاته وأسئلته وأهميته في واقعنا وترِنداتنا اليوم لأنه مجهول عند الأكثر).
.
● كما قُبلت في برنامج الدبلوم العام في التربية بكلية «الدراسات العليا للتربية جامعة القاهرة»،
وهي الخطوة الأكاديمية الأولى لبَدء التخصص في أصول وفلسفة التربية والتعليم، وعلم المناهج وطُرق التدريس في قابل الأيام إن شاء الله.
.
● وهو خطٌّ تكميليّ -كما تعرفون- يسير بالتوازي مع برنامج دراستي الأساسية الحُرّة بصحبة عدد من الأشياخ والأساتذة المختصين -وبعض البرامج التعليمية- في العلوم الفلسفية والإسلامية والإنسانية.
هذا لمن أراد أن يشرّفني ويؤنسني بمقابلته والتعرف إليه في الأيام والشهور القادمة ")
مساؤكم فُلّ ")
● فقد قُبلت بالحمد لله في برنامج تمهيدي الماجستير في قسم الفلسفة الإسلامية بكليتي العزيزة «دار العلوم جامعة القاهرة».
(ولعلي أحدّثكم لاحقًا عن هذا القسم بالكلية تحديدًا ومجالاته وأسئلته وأهميته في واقعنا وترِنداتنا اليوم لأنه مجهول عند الأكثر).
.
● كما قُبلت في برنامج الدبلوم العام في التربية بكلية «الدراسات العليا للتربية جامعة القاهرة»،
وهي الخطوة الأكاديمية الأولى لبَدء التخصص في أصول وفلسفة التربية والتعليم، وعلم المناهج وطُرق التدريس في قابل الأيام إن شاء الله.
.
● وهو خطٌّ تكميليّ -كما تعرفون- يسير بالتوازي مع برنامج دراستي الأساسية الحُرّة بصحبة عدد من الأشياخ والأساتذة المختصين -وبعض البرامج التعليمية- في العلوم الفلسفية والإسلامية والإنسانية.
هذا لمن أراد أن يشرّفني ويؤنسني بمقابلته والتعرف إليه في الأيام والشهور القادمة ")
مساؤكم فُلّ ")
❤71
الله يكرمكم، لكن بعضهم لا يكمل حرفا مما أكتب ويستثقله بشدة، وكذلك آراء الناس في أي كاتبٍ غيري، وهذا ما ينبغي أن تدركيه أولا.
ثم السؤال المحوري في رأيي ليس: كيف نكتب؟
وإنما: ماذا نكتب؟
قلت لطلابي منذ أيام: ما أكثر الكلام أو "المحتوى" في زماننا وما أقل الفقه، ولا أبرئ نفسي.
فالمهم أن تتفقهي في الأمر الذي تهتمين به.. تاخذينه بجِد.. وتدرسينه بعمق.
وأن تتعلمي علوم الآلة والمنهج التي تعينك على ضبط طريقة النظر والتفكير، وتنظيم المعلومات في الذهن.
فجوهر البلاغة أن يكون كلامك واضحا بيّنا لا مبهما غامضا.. وأن يكون مُدللا -أي قائما على الأدلة- مبرهنا مؤصلا لا انطباعيا عاطفيا مرسَلا.
والعلوم التي هي تثوّر الأفكار في عقلك.. والازدياد من العلم يزيد الفِكَر وضوحا وجلاء وعمقا وصلابة.
ثم يزيد الحُسنَ حُسنا أن نكسوا المعاني الشريفة بألفاظ عالية منيفة -لا أدّعيها لنفسي.
وإنما يُستمد الكلام العالي من مِداد الأدباء وأرباب البيان.. كالمنفلوطي وصحبته، ومن الكتّاب المعاصرين كذلك.. فاطلبيه منهم.
فإذا بلغتِ شأوهم.. فسيُرسل أحدهم إليك كمن أرسل إليهم أنه يمقت حرفك ويستثقل ظلك.. فلا تبتئسي.. فتلكم هي الحياة ")
ثم السؤال المحوري في رأيي ليس: كيف نكتب؟
وإنما: ماذا نكتب؟
قلت لطلابي منذ أيام: ما أكثر الكلام أو "المحتوى" في زماننا وما أقل الفقه، ولا أبرئ نفسي.
فالمهم أن تتفقهي في الأمر الذي تهتمين به.. تاخذينه بجِد.. وتدرسينه بعمق.
وأن تتعلمي علوم الآلة والمنهج التي تعينك على ضبط طريقة النظر والتفكير، وتنظيم المعلومات في الذهن.
فجوهر البلاغة أن يكون كلامك واضحا بيّنا لا مبهما غامضا.. وأن يكون مُدللا -أي قائما على الأدلة- مبرهنا مؤصلا لا انطباعيا عاطفيا مرسَلا.
والعلوم التي هي تثوّر الأفكار في عقلك.. والازدياد من العلم يزيد الفِكَر وضوحا وجلاء وعمقا وصلابة.
ثم يزيد الحُسنَ حُسنا أن نكسوا المعاني الشريفة بألفاظ عالية منيفة -لا أدّعيها لنفسي.
وإنما يُستمد الكلام العالي من مِداد الأدباء وأرباب البيان.. كالمنفلوطي وصحبته، ومن الكتّاب المعاصرين كذلك.. فاطلبيه منهم.
فإذا بلغتِ شأوهم.. فسيُرسل أحدهم إليك كمن أرسل إليهم أنه يمقت حرفك ويستثقل ظلك.. فلا تبتئسي.. فتلكم هي الحياة ")
❤34
وعليكم السلام
اسم جميل لسيدنا عليه السلام.
وخوفهم مشروع، فلو ناديت عليه لقلت (يا هود)،
ولو كنت مكانهم لتركت الاسم لغيره.
ومذهبي في التسمية مراعاة العرف اللُّغوي الذي سيعيش فيه الطفل.. وتجنيبه كل اسم يغلب على ظننا أنْ قد يُحرَّف صوتيا أو يسوؤه في قابل الأيام لجهل الناس أو لغيره.
وأحيانا يستشيرني بعض الأصدقاء في أسماء جميلة لأولادهم ولكن أقول لهم: المصريون لن ينطقوه بهذا الجمال المتوهم.. بل سينطقونه كذا.. أو لن يفهموه بفهمك الجميل هذا... فهل سيظل جميلا في عينك وعين طفلك كما تنطقه أمامي الآن؟.. لا؟.. إذن فكّر في اسم آخر.
والاجتهاد في اختيار الاسم الحسن من حقوق الطفل الشرعية.. وكثير من الناس يتساهلون فيه للأسف.
اسم جميل لسيدنا عليه السلام.
وخوفهم مشروع، فلو ناديت عليه لقلت (يا هود)،
ولو كنت مكانهم لتركت الاسم لغيره.
ومذهبي في التسمية مراعاة العرف اللُّغوي الذي سيعيش فيه الطفل.. وتجنيبه كل اسم يغلب على ظننا أنْ قد يُحرَّف صوتيا أو يسوؤه في قابل الأيام لجهل الناس أو لغيره.
وأحيانا يستشيرني بعض الأصدقاء في أسماء جميلة لأولادهم ولكن أقول لهم: المصريون لن ينطقوه بهذا الجمال المتوهم.. بل سينطقونه كذا.. أو لن يفهموه بفهمك الجميل هذا... فهل سيظل جميلا في عينك وعين طفلك كما تنطقه أمامي الآن؟.. لا؟.. إذن فكّر في اسم آخر.
والاجتهاد في اختيار الاسم الحسن من حقوق الطفل الشرعية.. وكثير من الناس يتساهلون فيه للأسف.
❤33👏2
ربنا يبارك فيكم ")
وربنا يعلمنا والله.. لأن فعلا التحدي كبير ومش سهل.. لكن ربنا موجود.. وهو اللطيف الخبير.
ومازلت أقول إن الرجل قبل الزواج شيء وبعده شيء آخر... ثم بعد الإنجاب شيء ثالث... ثم بعد إنجاب فتاة تحديدا = شيء رابع عجيب مازلت أكتشفه في نفسي ")
ويكفي أن يجلس رجل مثلي يسهر ليله في حفظ:
يا عصفوري مين لبسك ريش؟.. يا خروفي مين لبسك صوف؟.. يا أرنوبي مين لبسك فرو؟
ثم أدخل على: ليلى يا ليلى ليش عم تبكي.. ليلى يا ليلى يلا احكي
ثم: في منزل أنثى السنجاب.. دق دق الباب 😅
فالمشهد المعرفي تغير خالص 😁
وربنا يعلمنا والله.. لأن فعلا التحدي كبير ومش سهل.. لكن ربنا موجود.. وهو اللطيف الخبير.
ومازلت أقول إن الرجل قبل الزواج شيء وبعده شيء آخر... ثم بعد الإنجاب شيء ثالث... ثم بعد إنجاب فتاة تحديدا = شيء رابع عجيب مازلت أكتشفه في نفسي ")
ويكفي أن يجلس رجل مثلي يسهر ليله في حفظ:
يا عصفوري مين لبسك ريش؟.. يا خروفي مين لبسك صوف؟.. يا أرنوبي مين لبسك فرو؟
ثم أدخل على: ليلى يا ليلى ليش عم تبكي.. ليلى يا ليلى يلا احكي
ثم: في منزل أنثى السنجاب.. دق دق الباب 😅
فالمشهد المعرفي تغير خالص 😁
😁55❤10
وعليكم السلام
لو لسه ماتخرجتيش ماينفعش تلتحقي بأي كلية.
لما بتتخرجي بتتحولي من طالبة جامعية إلى "من حملة المؤهلات العليا".. ودول ليهم نظام ولوائح أخرى أيسر في قبولهم في كليات جديدة (غير معتمدة على نظام تنسيق الثانوية مُطلقًا).
والمدمج مقفول فعلا ولا تعوّلي عليه.
وذاكري دلوقتي كليتك وخلصيها بأعلى تقدير.
وأي حاجة أخرى عايزة تذاكريها يبقى بالتوازي وبشكل حر مش رسمي.
ودخول الكليات بالتوازي ده بعد التخرج إن شاء الله.. وحتة" بالتوازي" دي لها شروط وقيود بردو قانونية وعملية مش بإطلاقه كده.
لو لسه ماتخرجتيش ماينفعش تلتحقي بأي كلية.
لما بتتخرجي بتتحولي من طالبة جامعية إلى "من حملة المؤهلات العليا".. ودول ليهم نظام ولوائح أخرى أيسر في قبولهم في كليات جديدة (غير معتمدة على نظام تنسيق الثانوية مُطلقًا).
والمدمج مقفول فعلا ولا تعوّلي عليه.
وذاكري دلوقتي كليتك وخلصيها بأعلى تقدير.
وأي حاجة أخرى عايزة تذاكريها يبقى بالتوازي وبشكل حر مش رسمي.
ودخول الكليات بالتوازي ده بعد التخرج إن شاء الله.. وحتة" بالتوازي" دي لها شروط وقيود بردو قانونية وعملية مش بإطلاقه كده.
❤32