KIMYO 🔗 ABDIYEV

🔬 Fanga yangi birikma qo‘shildi!

Bugun katta quvonch bilan shuni ma’lum qilmoqchiman: fanda ilgari ma’lum bo‘lmagan yangi organik birikmani sintez qildik. Yangi birikmamiz Cambridge Crystallographic Data Centre (CCDC) bazasida CCDC 2528498 depozit raqami ostida saqlandi. Bu men uchun alohida quvonch — o‘zbek olimi sifatida CCDC bazasiga yana bir yangi kristall tuzilmaning kiritilgani katta natija. 💎

Yangi birikma haqidagi ilmiy maqolamiz xalqaro Journal of Molecular Structure jurnalida (Elsevier, Scopus) chop etildi.

🔗 ScienceDirect:
https://www.sciencedirect.com/science/article/abs/pii/S0022286026024130

Tadqiqot davomida ilgari fanga ma’lum bo‘lmagan furan-pirazolin gibrid birikmasi — methyl 1-(furan-2-carbonyl)-5-hydroxy-5-phenyl-4,5-dihydro-1H-pyrazole-3-carboxylate sintez qilindi. Uning molekulyar formulasi C₁₆H₁₄N₂O₅.

Bu natijaga kelish esa oson bo‘lmadi. Uyqusiz tunlar, laboratoriyada o‘tgan kunlar, qayta-qayta bajarilgan tajribalar, kerakli kristallni olish uchun qilingan ko‘plab urinishlar, hisob-kitoblar, tahlillar va, albatta, taqrizchilarning talablariga javob berish jarayonlari — bularning barchasi ushbu ishning bir qismi bo‘ldi.

Yangi birikmaning tuzilishi FT-IR, ¹H NMR, ¹³C NMR va single-crystal X-ray diffraction (SC-XRD) usullari yordamida kompleks ravishda o‘rganildi. X-ray tahlili birikmaning kristall holatda yopiq halqali pyrazoline shaklida mavjudligini va kristall tuzilmasida Z′ = 2 ekanini ko‘rsatdi. Molekula ichidagi va molekulalar orasidagi O–H···O=C vodorod bog‘lari kristall packing jarayonida muhim rol o‘ynashi aniqlandi.

Tadqiqotning eng qiziqarli jihatlaridan yana biri — ring–chain tautomerism. DFT hisob-kitoblari gaz fazasida ochiq zanjirli hydrazone shaklining energetik jihatdan qulayroq ekanini ko‘rsatdi. Biroq real kristall tuzilmasida yopiq halqali pyrazoline shakli kuzatildi. Ushbu farq vodorod bog‘lari va kristall packing ta’siri bilan izohlandi.

Bundan tashqari, birikmaning Hirshfeld surface analysis, DFT, HOMO–LUMO, MEP, ADMET va molecular docking tadqiqotlari ham amalga oshirildi.

Ayniqsa, in silico molecular docking natijalari yangi birikmaning EGFR va HER2 kabi onkologiyada muhim bo‘lgan tirozin kinaza nishonlari bilan o‘zaro ta’sirlashish imkoniyatini ko‘rsatdi. ADMET va docking natijalari ushbu molekulani rakka qarshi dori vositalarini izlashda potensial nomzod sifatida keyingi tadqiqotlar uchun qiziqarli birikma ekanligini ko‘rsatdi.

📖 Maqola:
B. Abdiev, M.A. Tursunov, B.B. Umarov, F. Tilavova, K. Ibrohimov.
Ring–chain tautomerism of a novel furan-pyrazoline hybrid: crystal structure, DFT, and in silico studies.
Journal of Molecular Structure, 1381 (2027), 147661.

🔗 DOI:
https://doi.org/10.1016/j.molstruc.2026.147661

💎 CCDC: 2528498

Bu hali boshlanishi. Yana bir nechta yangi birikmalarimiz bor… 🔬🧪

Ilm yo‘lida yangi moddalar, yangi kristallar, yangi strukturalar va yangi natijalar sari davom etamiz. 🙏

Mehnat davom etadi. Ilm davom etadi. ❤️

👍4🔥3

276 views09:43

About

Blog

Apps

Platform