Оила аёлнинг қора кўзига ёки қизил лабига қараб қурилмайди, балки унинг гўзал одоб ва ахлоқи устига бино бўлади.

@AbdullohRahim

Араблар шундай дейди:

«Қанчадан қанча шошилиш борки, кечикишга сабаб бўлади».

@AbdullohRahim

Катта гапиришдан ҳазир бўлинг. Зеро инсон даъво қилган нарсаси ёки ноўрин гапирган гапи билан имтиҳон қилинади.

@AbdullohRahim

Душманинг билан улфат бўлма. Чунки у сенга қарши ишлатиш учун айбларингни йиғади, тўғри ишларинг борасида эса сени енгишга уринади.

@AbdullohRahim

Дўстликнинг аломатларидан бири, киши яқинининг дўстига дўст, душманига душман бўлиши керак.

@AbdullohRahim

Руҳлар орасида муҳаббат бўлса, икки севишган орасидаги бошқа фарқлар ўз аҳамиятини йўқотади ва бу муҳаббатга ҳеч нарса тўсқинлик қилолмайди.

@AbdullohRahim

Севадиган одам севгилисининг ҳол-аҳволини сўрашдан чарчамайди. Унга интилади, шамоллардан ифорини топишга ҳаракат қилади ва маҳбубасига олиб борадиган йўлга ошиқиб туради.

@AbdullohRahim

Сени ташвишлантираётган келажак — балки сен йўқ келажакдир?!

@AbdullohRahim

Ким кийимини тоза тутса, хавотири камаяди.
Ким ўзига хушбўй сурса, ақли зиёда бўлади.
Ким шу иккисини ўзига одат қилса, олийҳимматли бўлади.

@AbdullohRahim

Оқил киши билан занжирбанд бўлиш жоҳил билан ипак ва атласлар ичида яшашдан кўра яхшироқдир.

@AbdullohRahim

Ўғитланган ерда ўсган яшилликдан ҳазир бўлинг.

Яъни: Ёмон оила ва ёмон муҳитда ўсган гўзал аёлдан эҳтиёт бўлинг.

@AbdullohRahim

Сенга қилган яхшилигини унутган ва сенинг ундаги ҳақларини унутмайдиган инсон билан дўст бўл.

@AbdullohRahim

Кимнинг дардкаш дўсти бўлса, унга катта неъмат берилибди. Бунинг қадрини фақат бундан маҳрум бўлганларгина билади.

@AbdullohRahim

Эркакларнинг топганлари, харажатлари, ҳаракатлари, ғам-ташвишлари ва ўзларидаги нарсаларни чиройли қилиб кўрсатишга уринишларининг асосий сабаби аёллар ва уларга алоқадор нарсалар учундир.

@AbdullohRahim

Уч кишининг дўсти бўлмайди: маййитни, фақирни ва маҳбусни.

© Ибн Муқаффа

@AbdullohRahim

— Қандай севги кучлироқдир?

— Бир-бирига ўхшаган икки инсоннинг севгиси.

@AbdullohRahim

Кенгчиликда сенга шерик бўлишга энг ҳақли инсон — қийинчиликда ёнингда турган инсондир.

@AbdullohRahim

Ўғлим, камбағал бўлиб қолсанг камбағаллигингни ҳеч кимга айтма. Агар айтсанг, инсонлар сени ёқтиришмайди ва уларнинг олдида қадринг тушади.

@AbdullohRahim

Ҳаким зотлардан бири шундай насиҳат қилади:

— Илм ўрганишга ва мол-дунё йиғишга ҳаракат қил. Чунки инсонлар икки тоифа бўлади. Хослар ва омма. Хослар сенинг илминг учун, омма эса сенинг молинг учун эҳтиром қилади.

@AbdullohRahim