Тажрибали инсонларга кўпроқ яқин бўл. Чунки уларнинг тажрибалари уларга қимматга тушган, сен эса бепулга оласан.

@AbdullohRahim

Бир инсон яхши кўрса, яхши кўрганининг ҳар ишини, ҳар ёзганини ва барча хатти-ҳаракатларини яхши кўради.

@AbdullohRahim

Офият ўн нарсададир. Тўққизтаси сукутда, биттаси инсонлардан қочишда.

@AbdullohRahim

Муаллим, чўпон ва аёллар билан кўп ўтирадиган билан маслаҳатлашма.

@AbdullohRahim

Изоҳ: муаллим (яъни ўқитувчи) ҳодисага назарий ёндашади. Чўпон инсон эса инсонлардан узоқ бўлади. Аёллар билан кўп ўтирадиган эса ҳиссиётли, туйғучан бўлади.

Маслаҳат қилинадиган инсон ақлли, тажрибали ва ҳис-туйғуга берилмайдиган бўлиши лозим. Акс ҳолда, сўзни ақл эмас, одат ва ҳис тайинлайди.

Қарз — асирликдир. Кимнинг асири бўлишингизни яхшилаб танланг.

@AbdullohRahim

Бир нарсага етишишлик истаги уни қўлга киритишдан кўра ёқимлироқдир.

@AbdullohRahim

Бир аёл йиғласа бошқа аёллар унинг дугонаси бўлиб олади. Уларнинг унга раҳми келгани учун эмас, нима бўлганини билиш учундир.

@AbdullohRahim

Отангни тупроққа бериб қайтганингда билки, ўзидан кўра яхшироқ бўлишингни хоҳлаган охирги инсонни ерга топширдинг.

@AbdullohRahim

Дунё лаззати уч нарсада:

Оға инилар билан суҳбатлашишда, аёллар билан яқинликда ва чақалоқларнинг ёқимли ҳидида.

@AbdullohRahim

Инсоннинг ақли камолга етганида, сўзнинг вазнини яхши фарқлайдиган бўлади. Сўзнинг қадрини, натижасини, таъсирини тушуниб етади. Шундай қилиб, тилидан чиққан ҳар бир сўзга эътибор қилади, сўзларни жой-жойида ишлатади. Шу билан бирга, қаерда сукут сақлаб, қаерда гапиришни билади.

@AbdullohRahim

Ҳасад (кўролмаслик) қўшнилардан, душманлик эса қариндошлардан бўлади.

@AbdullohRaim

Эй ўғлим! Аёллар сўз билан яшайдилар ва биргина сўз билан ўладилар.

@AbdullohRahim

Сирингни ошкор қилмайдиган, камчилигингни беркитадиган, яхшиликларингни ёйиб, ёмонликларингни яширадиган инсон билан дўст бўл. Агар шундай инсонни тополмасанг, фақат ўзинг билан дўст бўл.

@AbdullohRahim

Кун насиҳати

• Бир инсонни ўзини ёнида мадҳ қилманг.
• Ёмонликка асло майл қилманг.
• Ҳар нарсага қизиқманг.
• Омонатга асло хиёнат қилманг.
• Молингизни бекорга сарф қилманг.
• Сирингизни ҳеч кимга ошкор қилманг.
• Ҳар қандай ҳолатда ҳам ҳолингиздан шикоят қилманг.

@AbdullohRahim

‏مَن غدر بأهل بيتِه كان لأهل وُدِّه أغدر

Оиласига нафи тегмайдиганни, дўсту биродарига ҳеч нафи тегмайди.

@AbdullohRahim