Ruhiy falajlik

Tanangizda og‘riq bo‘lsa dori izlaysiz. Kech bo'lsa ham shifokorga borasiz. Sog‘ayish uchun, eng noqulay holatda ham nimadir qilasiz.

Ruhiy og‘riqda esa teskarisi. Harakatdan umid uziladi.

Ruhiy falajlik jismoniy falajlikdan xavfliroq. U nafaqat harakatni, harakatga bo‘lgan ishonchni ham yo‘q qiladi.

Bunday holatda maslahatlar ham, motivatsiya ham ishlamaydi. Ishonch qaytishi kerak. Harakat qila olishiga bo‘lgan ishonch.

Bu ishonch tashqaridan kelmaydi. U faqat o‘z harakatingizdan tug‘iladi.

Eng kichik qaror ham signal. Miya unga javob qaytaradi. Qancha takrorlansa, ishonch ham shuncha qaytadi.

Shuning uchun, boshlash kerak. Keraksizdek tuyulganganda ham.

Siz qilgan harakat, og‘riqqa bergan yagona javob bo'ladi. Shu yetarli, faqat uni davom ettiring.

@abdusattor

Do‘stlarimiz yangi loyiha boshlayapti.

Shu sababli, sizni kichik so‘rovnomada ishtirok etishga taklif qilamiz. Javoblaringiz loyiha yo‘nalishini aniqroq belgilashda juda muhim.

Ushbu so’rovnomani to’ldirish orqali, ilk ishtirokchilardan bo‘lish imkoniyatingiz bor.

→ So‘rovnomada qatnashish

Yangi daftar sindromi

Odam yangi daftarga chiroyli yozgisi keladi. Xatolarsiz, birinchi varaqdayoq mukammal bo‘lishini xohlaydi.

Qog‘ozga tushadigan birinchi so‘zning bosimi eng kuchlisi bo‘ladi. Shuning uchun ko‘pchilik daftarning ikkinchi varag‘idan boshlaydi.

Birinchi sahifani buzib qo‘yishdan qo‘rqib, umuman yozmay qolganlar bo'lsa qancha?

Chiroyli yozishga emas, yozishga o‘rganish kerak.

Chunki shunchaki yozilgan o‘nlab sahifalar orasidan haqiqiy g‘oya tug‘iladi.

Varaqlar soni cheklangan. Har bir bo‘sh sahifani chiroyli yozishni kutib o‘tkazsangiz, daftar oxirigacha to‘lmaydi.

Oxirigacha yozilgan daftarni esa, hech qachon birinchi varaq bilan eslashmaydi.

@abdusattor

Dehqon kabi fikrlang
Hayotda ko‘p narsa tez bo‘lishini kutamiz. Lekin dehqon bir kunda hosil olmasligini biladi.

Ekinni sekin o‘sayotgani uchun urishmaydi.
Yomg‘ir yog‘may qoldi deb dalani ayblamaydi.
Ildiz otmagan urug‘ni erta yulib tashlamaydi.
Yeriga mos urug‘ni tanlaydi.
Vaqtida sug‘oradi, o‘g‘itlaydi, dalani begona o‘tlardan tozalaydi.
Yaxshi va yomon mavsumlar bo'lishini biladi va bunga oldindan tayyor turadi.

Dehqon kabi yashang: shoshilmang, ayblamang, ko‘proq mehr bering. Hosil baribir chiqadi.

@abdusattor

Doimo band bo‘ling

Odam harakat bilan tirik hisoblanadi. Chunki insonning miyasi, tanasi va ruhi har doim harakat, izlanish, o‘sish uchun yaratilgan.

Bo‘sh odam o‘zini yeb tugatadi: bekorchilikda asossiz tashvishlar, yomon odatlar, ortiqcha o‘ylash, asab buzilishlari boshlanadi. Chunki inson energiyasi ishga emas, ichki chirish jarayoniga ketadi.

Qarang, tabiatda ham tirik daraxt doimo o‘sadi: poya, barg, ildiz - hammasi doim harakatda. Qachonki o‘sish to‘xtasa, chirish boshlanadi.

Shuning uchun odam har doim biror ish bilan band bo‘lishi kerak. Bu - doimo charchab yurishi kerak degani emas. Bu - inson o‘zini foydali ish mashg’ul qilish kerak.

Kimdir band bo‘lsa, ichidagi dahshatli bo‘shliqni yaxshi maqsadlar bilan to‘ldiradi. Kimdir band bo‘lmasa o‘sha bo‘shliqni o’zi uni asta-sekinlik bilan yutadi.

Band bo‘ling. Lekin bekorchi ishlarga emas, balki o‘zingizni yashnatadigan ishlar bilan.

@abdusattor

Pessimistik odamlar - yashirin parazitlar

Bunday odamlarni aniq bilasiz. Ularga yangi g‘oya aytsangiz, “bo‘lmaydi” deydi. Harakat qilsangiz, “foydasi yo‘q” deydi. Siz orzu qilsangiz, ular kuladi.

Ular sizdan pul so‘ramaydi. Ammo eng qimmat narsangizni - ichki ishonchingizni va g‘ayratingizni so‘raydi.

Ba’zilar hayotning faqat yomon tomonini ko‘radi. Ular uchun bu go‘yoki aqllilik, “realistlik”.

Lekin aslida bu - harakat qilmaslikni oqlash usuli.

“Baribir foydasi yo‘q”, “Bu yerda hech narsa o‘zgarmaydi”, “Hamma narsa allaqachon bo‘lgan” degan gaplar - bu shunchaki bahona. Sinab ko‘rmaslik uchun, yutqazmaslik uchun, javobgarlik olmaslik uchun bahona.

Pessimist - sinab ko‘rishga jur’at topolmagan odam.

U boshqalarning intilishini kulgi bilan qarshi oladi. Orzularni “bolalarcha” deb biladi. Boshqalarga achinish orqali o‘zini ustun his qiladi.

Ammo aslida u faqat o‘zini himoya qilmoqda. Chunki harakat qilish og‘ir. Mas’uliyat olish qo‘rqinchli.

Pesimizm esa tinch. U hech narsa talab qilmaydi. “Men aytgandim” degan gap esa unga yolg‘on tasalli beradi.

Ammo oxir-oqibat natija bir xil: hech nima o‘zgarmaydi.

Va u ham buni juda yaxshi biladi.

Albatta, pessimistlarning barchasi bir xil emas. Ba’zilar hayotga salbiy nigoh bilan qarasa-da, baribir harakat qiladi, mas’uliyat oladi, o‘z yo‘lini izlaydi. Gap ular haqida emas.

Bu yerda biz passiv pessimistlar haqida gapiryapmiz. Ya'ni hayotga faqat salbiy tomondan qarab, hech narsa qilmaslikni shu bilan oqlayotgan odamlar haqida.

Men optimist bo‘ling demayapman. Yolg‘on ruhlantiruvchi gaplar ham aytmayman.

Lekin bir haqiqat bor: har qanday jamiyatda o‘sish, rivojlanish, o‘zini ko‘rsatish uchun imkoniyatlar mavjud.

Muammo imkoniyatlarda emas - ularni ko‘ra olmaslikda. Ishona olmaslikda.

Agar ko‘ra olsangiz va ishona olsangiz - sizga yetarli bo‘ladi. Qolgani - harakat.

@abdusattor

Kibrli odamlar = kichik natijalar

Hayotdagi eng katta to‘siqlardan biri bu - o‘zini haddan tashqari muhim deb hisoblashdir. Bunday odamlar hech qachon uzoq muddatli natijaga erisha olmaydi. Chunki kibrli odam o‘rganmaydi. U hech kimdan maslahat olmaydi, sabr bilan tinglamaydi, tanqidni dushmanlik deb tushunadi.

U uchun savol berish - zaiflik, bilmaslik - uyat, tan olish esa - mag‘lubiyat. Shu sababli hayot unga hech narsa o‘rgata olmaydi. U bir joyda qotib qoladi, lekin o‘zini harakatda deb hisoblaydi. Atrofidagi odamlar undan asta-sekin uzoqlasha boshlaydi. Chunki hech kim doim o‘zini ustun tutadigan, boshqalarni qadrlamaydigan odam bilan ishlashni xohlamaydi. Natijada u yolg‘iz qoladi.

Yolg‘izlik esa kuch emas, balki atrofdagilarga ta’sir qila oladigan kuch yo‘qligining belgisi. Kibrli odam yutqazganini hech qachon tan olmaydi. Uning nazarida ayb doim boshqalarda: tizimda, odamlarda, davlatda, oilada - lekin hech qachon o‘zida emas. Boshqalarga ayb yuklab yashash esa eng ishonchli yutqazish formulasidir. Buni u kechroq tushunadi, afsus bilan.

O‘zining zaif taraflarini tan olgan odam o‘sadi. Savol beradigan odam o‘rganadi. Tinglaydigan odam harakatini to‘g‘rilaydi. Yutadiganlar aynan mana shunday odamlardir. Kibr esa sizni baland ko‘rsatadi. Lekin aynan o‘sha balandlikdan yiqilish eng og‘riqli bo‘ladi.

@abdusattor

🧠 Katta pullar haqidagi afsona

Jamiyatda shunday bir afsona borki: go‘yoki katta pul topish uchun albatta tadbirkor bo‘lish kerak. Boshqacha qilib aytganda, biznes - erkin hayotning yagona yo‘li. Ammo bu haqiqatga to‘g‘ri kelmaydi.

Aslida, ko‘pchilik odamlar tabiatan tadbirkorlikka mos emas. Chunki tadbirkorlik - bu xavf, noaniqlik va doimiy stress. Bu esa ko‘plab odamlar uchun normal holat emas.

So‘nggi yillarda NVIDIA kompaniyasi sun’iy intellektning rivoji tufayli dunyodagi eng qimmat kompaniyalardan biriga aylandi. Kompaniyada ishlayotgan xodimlarning 76–78 foizi millionerga aylangan, va ularning yarmi 25 million dollardan ortiq boylikka ega. Bu xodimlar oddiy, o‘rta darajadagi turli lavozimlarda ishlovchi mutaxassislar. Masalan, IC-5 darajadagi muhandis 2022-yilda olgan 200 ming dollarlik aksiyalari bugun 2,8 million dollarga yetgan. Hech qanday startap ochmagan holda.

Bugungi dunyoda kim noyob va qimmatli ko‘nikmaga ega bo‘lsa, u ayniqsa rivojlanayotgan davlatlardagi tadbirkorlardan ham ko‘proq pul topishi mumkin. Chunki tadbirkorlik - bu boyish usuli emas, balki muammolarni hal qilish mexanizmi. Agar siz muammolarni yaxshi hal qilsangiz, qayerda bo‘lishingiz muhim emas - pul o‘zi keladi.

Tadbirkorlik - bu yagona yo‘l emas. Ko‘pchilik odamlar uchun bu eng og‘ir va yoqimsiz yo‘l bo‘lishi mumkin. Agar siz o‘z sohangizda kuchli bo‘lsangiz, kompaniyalarga real foyda keltirsangiz va o‘zingizni doimiy ravishda rivojlantirsangiz, biznes qilmasdan ham moliyaviy erkinlikka erishishingiz mumkin. NVIDIA va ko‘plab boshqa kompaniyalar xodimlari bunga yorqin misoldir.

Bu haqida MaqsadClub’da “Pul baxt olib keladimi?” degan mavzuda to‘liqroq gaplashganmiz.

MaqsadClub'ga qo'shilish uchun @maqsadobuna ga + qoldiring.

Hayotimiz o‘z fikrlarimiz natijasidir.

Mark Avreliy

Voqealar o‘z-o‘zidan yaxshi yoki yomon emas. Ularni qanday qabul qilishingiz muhim. Faqat salbiy fikrlasangiz, dunyoni ham shunday qabul qilasiz. Tashqi voqealar ustidan to‘liq nazoratimiz yo‘q, lekin fikrlarimizni boshqarish faqat o‘z qo‘limizda va bu haqiqiy kuch.

Tasavvur qiling, sizni anchadan beri kutgan lavozimingizga oʻtkazishmadi. Birinchi reaksiyangiz alam va norozilik boʻlishi mumkin, chunki bu siz uchun katta imkoniyat edi. Lekin shu qaror sizni kurslarga yozilib, mahoratingizni oshirish imkonini, yoki biznesingizni boshlash uchun anchadan beri kerak bo‘lgan qo‘shimcha vaqtni paydo qiladi.

Tashqi voqealarni o‘zgartira olmaymiz, lekin ularga bo‘lgan munosabatimizga to‘liq nazorat bor. Hayot sizga nima bersa ham, uni qanday qabul qilish — bu tanlovingiz. Haqiqat shundaki, qiyinchiliklar emas, ularga javobingiz sizni shakllantiradi. Sinovlar - kuchli shaxsiyatni tarbiyalaydi.

Hayotda eng muhim qarorlar har doim his-tuyg‘ular ostida qabul qilinadi. Shuning uchun hissiy intellekt - eng muhim qobiliyat.

EQ sizga o‘zingizni boshqarishni o‘rgatadi. Hayot faqat matematikadan iborat emas. U yerda g‘azab bor, umid bor, alam, baxt, xavotir bor. Bu narsalarni boshqarolmagan odam, o‘zini ham, atrofdagilarni ham qiynaydi.

Shuning uchun ham EQ sizni kuchliroq inson qiladi. O‘zingiz bilan til topishadigan, boshqalarni ham tushunishga harakat qiladigan inson qiladi. Uzoq davom etadigan do‘stlik, barqaror nikoh, jamoada obro‘, atrofdagilar bilan kelisha olish bularning bari EQ mevasidir.

O‘zingizni his qilishni, boshqalarni sezishni o‘rganmas ekansiz, hayotda eng kerakli joylarda to‘xtab qolasiz. Chunki his-tuyg‘ular - harakatning ichki yo‘nalishidir. Ularni boshqarolmasangiz, sizni boshqarishadi.

Shu sababli, EQ bu shunchaki qo‘shimcha ko‘nikma emas. Bu - inson bo‘lib yashash uchun zarur bo‘lgan asosiy poydevor.

@abdusattor

O‘zingizni bir vaziyatda tasavvur qiling: qafas ichidasiz. Qafas katta, ovqat bor, suv bor, tashqarida esa mavhumlik. Siz yillar davomida chiqib ko‘rishga urinasiz, ammo o‘xshamaydi.

Bir payt eshik ochiladi. Siz qafasdan chiqib ko‘rasizmi? Ko‘pchilik chiqmaydi. Chunki ularning miyasida allaqachon “tashqariga chiqish xavfli” degan xulosa bor.

O‘rganilgan ojizlik aynan shunday ishlaydi. Bir necha marta uringaningizdan keyin hech narsa o‘xshamasa, miyangiz og‘riqni eslab qoladi va keyingi safar urinmaslikni “xavfsiz” deb hisoblaydi. Oradan yillar o‘tadi, imkoniyatlar paydo bo‘ladi, lekin siz o‘sha qafasda qolaverasiz.

Biror narsaga “yo‘q” deyotganingizda, o‘ylab ko‘ring: bu hozirgi sharoitga tegishli xulosami yoki o‘tmishdagi tajriba oqibatimi? Chunki ehtimol, eshik ortidagi dunyo siz o‘ylaganchalik xavfli emasdir.

Shuning uchun inson kichik g’alabani ta’mini sezib ko’rish kerak, g’alabani ta’mini hechqachon sezmagan odamga katta maqsadlar faqatgina ziyonga ishlaydi, sizni ruhan boshlashidan oldin ezib qo’yadi. Shu uchun hayolparastlikni yig’ishtiraylikda va erishish mumkin bo’lgan minimumdan boshlaylik. Men buni yillar davomida qo’ygan maqsadlariga erisholmagan odam sifatida aytaman, hayolparastlik bilan qilingan reja, insonni ruhan ezib qo’yadi va u shunchaki ma’lum bir vaqtdan keyin taslim bo’lishiga olib keladi.

Bu haqida MaqsadClub’da “Ishlaydigan reja” degan mavzuda to‘liqroq gaplashganmiz.

Kichik g‘alabalarni ta’mini sezish uchun Maqsad Club'ga qo‘shilishingiz mumkin. 

@maqsadobuna ga + qoldiring!

Odamlar millionlab dollarlarni boshqargisi keladi, lekin ular xattoki har kuni bir xil vaqtda uyg’onishga ham qodir emas. Kulguli.

O’zini boshqara olmagan odamlar birovlarni qanday boshqarishi mumkin? Aynan shu uchun ko’plar uchun ho’jayin bo’lishi shart. Ularni faqatgina shu yo’l bilan ishlatish mumkin.

Oʻzbekistonliklar uchun +1 ta vizasiz davlat — Iordaniya 🇯🇴

Endi o‘zbekistonliklar 30 ta davlatga vizasiz, 43 ta davlatga kelganda/elektron viza bilan tashrif buyurishlari mumkin.
Masalan, Gruziya, Turkiya va BAAga vizasiz sayohat qilishingiz mumkin. Yaqinda esa Xitoy ham bu ro'yxatga qo'shildi.

🛫 Toshkent-Tbilisi 1,8 mln so'm https://i.avs.io/ugw2MRmt
🛫 Farg‘ona-Istanbul 2,5 mln so‘m https://i.avs.io/zUAlwz_M
🛫 Toshkent-Dubay 1,4 mln so'm https://i.avs.io/4dXblSG9
🛫 Samarqand-Urumchi 3,2 mln so‘m https://i.avs.io/YkNGu7Wg
🛫 Urganch-Boku 1 mln so'm https://i.avs.io/KxjRl9mF

Oʻzbekistonliklar uchun vizasiz mamlakatlarning toʻliq roʻyxati va chiptalar narxlari bilan aviasales.uz kanalida tanishing 👈

Insonni harakat qilishga undaydigan eng kuchli instrument bu - birov uchun ma’suliyat olishdir.

Erkak uylanganidan keyin, nega baraka keladi deb o’ylaysiz? Inson hayotida birinchi marta birov uchun ma’suliyat olishni boshlaganidan, to’xtash ilojisi yo’qligini xis qilishni boshlaydi. Va bu xissiyotdan keyin, hechqaysi erkak oldingiday bo’lolmaydi. Yoshlik, aynan shu yerda to’xtaydi. Bu erkaklar hayotidagi bayram va fojia nuqtasi.

Fojia — chunki bu majburiyatdan endi hechqachon qochib bo’lmaydi. Bayram — chunki bu majburiyatdan hechqachon qochib bo’lmaydi.

Biri sizni umringizni oxirigacha qulga aylantiradi, ikkinchisi esa qaxramonga.