To‘g‘ri ovqatlanish

Oxirgi chiqqan videoda, to‘g‘ri ovqatlanish bo‘yicha post joylayman degan edim. Bu mahsulotlar ro‘yxatidan voz kechsangiz, siz to‘g‘ri ovqatlanish asosini bajargan bo‘lasiz. Buni har qanday bilimli diyetolog tasdiqlaydi.

Voz kechish kerak bo‘lgan mahsulotlar ro‘yxati:

Albatta, birinchi o‘rinda shakar. Klubimizda shakar chellenji bo‘yicha post bergan edim, o‘sha postni shu yerda qaytarib yuboraman. 

1. Har qanday tarkibida shakari bor mahsulotlar. Supermarketdan tayyor qadoqlangan mahsulot olib turganingizda, doim tekshirib, o‘qib keyin xarid qiling.

2. Shakarli ichimliklar. Energetiklar, tarkibida shakari bor soklar va gazli ichimliklar.

3. Turli xil souslar, ketchup, mayonez va hokazo.

4. Shakari bor tayyor go‘sht (aslida 70% go‘shti yo‘q) mahsulotlari. Bunga kolbasalarning barcha turi kiradi.

5. Shirinliklarning barcha turi.

6. Tarkibida shakari bor nonlar. Ba’zi bir qadoqlangan nonlar tarkibida shakar bo‘lishi mumkin.

Novvot mumkinmi deydiganlarga, novvot — bu shakar! “Novvot nima?” deb googleda qidiring. 1 yil davomida shu savolni so‘rab keladiganlar bor.

🍯Asalni faqatgina tabiiy, shakar bilan boqilmagan asalarilar asalidan iste’mol qilishingiz mumkin. Shunda ham, me’yori bilan.

Keyingi 30 kun ichida qo‘shilgan sun’iy shakar deyarli 80% mahsulotlarda borligini anglab, hayron qolasiz. Bu sizning sog‘lig‘ingizni va pulingizni asraydi. Ongli ovqat iste’mol madaniyati shundan boshlanadi.

Oziq-ovqatda 80/20 Pareto qonuni aynan shu. Men bu chellenjni yakunlab, 8 oydan keyin YouTubeda video chiqarganman. Va aniq ayta olamanki, shakardan voz kechish bu shunchaki vazn tashlash emas, bu ongli hayot boshlash uchun zarur bo‘lgan qadam.

Keyingilari:

1. Xamir mahsulotlari 

Xamir mahsulotlari ko‘pincha yuqori kaloriyali, oson hazm bo‘ladigan uglevodlarga boy bo‘lib, insulinni tez ko‘taradi va foydali moddalar kam bo‘ladi. Bu esa semirish, qandli diabet va boshqa sog‘liq muammolariga olib kelishi mumkin.

2. Uzoq qovurilgan mahsulotlar 

Qovurilgan mahsulotlar ham ko‘pincha yuqori kaloriyali va trans yog‘larga boy bo‘ladi. Bu esa yurak kasalliklari va yallig‘lanishlar xavfini oshiradi.

3. Yuqori darajada qayta ishlangan mahsulotlar. 

Buning ichiga, qadoqlangan ovqatlarning asosiy qismi kiradi. Kolbasalar, chipslar, tayyor ovqatlar, konservalar. Bu turdagi mahsulotlar ko‘pincha sun’iy qo‘shimchalar, konservantlar va ortiqcha tuz bilan to‘ldirilgan bo‘ladi.

Ovqatning asosiy ma’nosi bizga ozuqaviy qiymat berish, kayfiyatimizni ko‘tarish emas.

@abdusattor

Musiqa juda ham kuchli ta’sir o‘tkazadigan vosita. Musiqa orqali insonni kayfiyatiga, og‘riq sezishiga va hattoki supermarketlardagi tanlovlariga ta’sir o‘tkazsa bo‘ladi. Masalan, mana bu tadqiqotga ko‘ra, yoqimli musiqa 10 balli shkala bo‘yicha og‘riq kuchini o‘rtacha 1,13 ballga kamaytiradi. Musiqa tinglash paytida yurak urishi, qon bosimi va nafas olish tezligining pasayishi odamning tinchlanishini ko‘rsatadi. Bundan tashqari kreativlik, ish samaradorligini, diqqatni ham oshirishi mumkin. Ajoyib a? 

Faqat tanganing teskari tarafida, musiqaning xulq-atvor targ‘ibotiga ham ishlatsa bo‘ladi. Klassik musiqani eshitib ko‘ring va zamonaviy pop musiqani eshitib ko‘ring, qayerda san’atni sezyapsiz? Agarda bu mavzuga chuqurroq kirishaman desangiz, trendlardagi musiqalarning she’rlariga e’tibor bering. Chiroyli ritm bilan, sizga “armondagi sevgi”ni targ‘ib qiladigan musiqa sizni kuchli qiladi deb o‘ylaysizmI? Lug‘ati 4 ta so‘zdan iborat bo‘lgan musiqa sizni aqlli qiladi deb o‘ylaysizmi? 

Mana buni eshitib ko‘rib, taqqoslang.

@abdusattor

O'zbekistondagi eng baland binoning eng yuqori, 52-qavatida mana shu qushni ushlab oldim. Eng qizig‘i, "Nest One" so‘zi "Qush uyasi" degan ma’noni anglatar ekan.

@abdusattor

Avtohalokatlarning asosiy qismi e’tiborsizlikdan bo‘ladi, insonlarni bir biri bilan munosabatlari buzilishing asosiy qismi e’tiborsizlikdan, hattoki ko‘plab kasalliklar e’tiborsizlikdan paydo bo‘ladi. Umuman olganda muammolarimizni asosiy qismi e’tiborsizlikdan.

Hayotda muhim bo‘lgan narsalarga e’tibor qaratmadingizmi? Demak ma’lum bir vaqt o‘tganidan keyin bu haqida aniq afsuslanasiz. E’tiborsiz odamlar hammani baxtsiz qilishadi, hamkasblarini, chunki bir ishni bajartirish uchun bunday odamlarga bir narsani bir necha marta qaytarish kerak, turmush o‘rtog‘ini, chunki bunday odamlar oldida qolganlar o‘zlarini yolg‘iz his etishadi va eng asosiysi o‘zlarini, chunki ular birinchi o‘rinda o‘zlariga e’tibor qaratishmaydi va shu sababdan tashqi dunyoga ham.

”Yorug‘liksiz 72 soat” videosining 5:20 daqiqasidagi diskleymerni o‘qib ko‘ring va keyin izohlarga tushing. Kamida 100 ta odam videoda nega soya bor deb yozgan. Ba’zilari bu savolni qiziqishdan bergan bo‘sa, ba’zilari esa o‘zlarini xuddi mani yolg‘onda ushlab olganday tutishgan. Bu juda oddiy misol xolos, lekin sizlarga yetkazmoqchi bo‘lgan xabarimni tushundingiz degan umiddaman.

@abdusattor

Qiymat yaratishni bilsangiz, hech qachon och qolmaysiz.

Biz har kuni qiymat almashinuvida yashaymiz. Siz taksi bilan foydalanganingizda, kirakash jismoniy mehnati evaziga sizga qiymat berdi, siz kitob sotib olganingizda, yozuvchi aqliy mehnati evaziga sizga qiymat berdi. Siz esa ularga pul qiymatida javob qaytarasiz. 

Har qanday daromad qiymatga bog‘liq, uning miqdori esa qiymat noyobligiga. Siz bera oladigan qiymatni qancha kam odam bera olsa, demak shunchalar yuqori darajadagi qiymat almashinuvida qatnashasiz. Kirakash 1 soat mehnatiga 10$ daromad qilsa, kvant muhandisi 10 barobar qilishi mumkin. Hammasi qiymat noyobligiga taqaladi. Agarda kvant fizikani tushunadiganlar, kirakashlik qilishi mumkin bo‘lgan odamlar bilan teng bo‘lganida ularning daromadi bir xil bo‘lar edi. Majoziy ma’noda albatta.

@abdusattor

Yordam kerak bo‘lsa, so‘rang

Zamonaviy madaniyat bizga odamlarni bir-biri bilan ishi yo‘qligiga ishontirishga harakat qiladi. Ammo aslida qanchadan qancha odam bir-biriga yordam berishga tayyorligidan siz hayron qolasiz. Chunki bu inson tabiatida bor narsa, biz har doim bir-birimizga yordam berib kelganmiz yovvoyi muhitda tirik qolish uchun bu yagona yechim bo‘lgan. Aynan shunday qilib, odamlar butun insoniyat tarixida bir-birlari bilan ijtimoiy aloqalarni o‘rnatganlar. Yordam bering, yordam kerak bo‘lsa, so‘rang. Buni tanish-bilish yaratish deydi, g‘arb tilida esa networking deb atashadi. Mavzu qiziq bo‘lsa, Maqsad Club’iga tayyorlagan darsligimizdan bir parchasini tinglab ko‘ring, balki “Tanish-bilish” so‘ziga bo‘lgan dunyoqarashingiz o‘zgarar.

🎞 Shu yerda ko'rishingiz mumkin

⚡ Charchoqdan chiqing – o‘rningizdan turing

“Hech narsa qilgim kelmayapti, chunki energiyam yo‘q. Aslida, energiyam yo‘q, chunki hech narsa qilmayapman.”

Energiya osmondan tushadigan sovg‘a emas – siz uni o‘zingiz yaratasiz. Harakat qilmasangiz, mitoxondriyalar – tanangizdagi kichik zavodlar – sekinlashadi, quvvatingiz so‘nadi. Ular oziq-ovqat va kisloroddan tanangizning asosiy energiya manbasini – yaratadi. Lekin harakat qilmasangiz, bu zavodlar “uyquga ketadi”.

Yugurishni xohlamaysizmi? 50 metr yugurib ko‘ring, energiyani his qilishni boshlaysiz. Jismoniy mashqni hohlamay qilganingizdan keyin o‘zingizni tirikroq his qilasiz – chunki mitoxondriyalar harakat bilan tiriladi va energiyangiz oshadi. Harakat energiyani uyg‘otadi. Harakat qiling!

@abdusattor

Nima uchun inson hattoki o‘z hayoti uchun mas’uliyatni olishdan qo‘rqadi?

Chunki mas’uliyat olgan zahotidan, u o‘zidan boshqa hech kim uning hayotini boshqarmayotganini tan olishga majbur bo‘ladi. Bu esa yashash uchun juda noqulay, chunki aybdorlar yo‘q va o‘z hayoti ustida o‘zi ishlashi kerak bo‘ladi. 

Ba’zilar uchun mas’uliyatni boshqalarga yuklash qulayroq, bu odamning energiyasini juda samarali tejaydi, lekin faqat hayotning ma’lum bir nuqtasigacha. Chunki har qanday odam bir kun kelib mas’uliyat doim o‘zida bo‘lganini tushunadi, lekin odatda juda kech bo‘ladi.

Inson hayotidagi har qanday qarorni aslida o‘zi qabul qilganligini tushunganida, u ro‘yobga chiqmagan minglab ssenariylarni hayolida aylantirishni boshlaydi. Chunki, shaxsiy mas’uliyatini tan olgan inson, haqiqatdan ham ozod inson. Ozodlik esa, har doim cheksiz imkoniyat va tanlovlar beradi.

@abdusattor