Stajirovkani chetga surib turamiz...

Sizlarga 1960-yillarda Amerikada qo'llanilgan, lekin bizga endi endi kirib kelayotgan marketingni bo'lishmoqchiman...

Tayyorlar bormi? Lekin men yuboradigan video materialni Ingliz tilini tushunadigan obunachilar ko'rsa mazza qvoradi...

Videoni qachon yuboray?)

1960-yillarda Amerikada lab bo'yog'ini sotishdan oldin nima qilishgan deb o'ylaysiz?

Ofisdagi qizlarni bitta xonaga yig'ib, o'nlab bo'yoqni sinab ko'rishga berishgan. Agentlik odamlari esa oyna ortidan kuzatib o'tirishgan: kim qaysi rangni oldi, nima dedi, qanday qaradi…

Eng zo'r g'oya esa bo'yoq surtmay chetda o'tirgan qizdan chiqqan. Hammasi lablarini artgan salfetkalarni ko'rib, u bunga "o'pichlar savatchasi" degan nom qo'ygan.

Mana shu — tadqiqot.
Mijoz nima deyishini emas, o'zini qanday tutishini ko'rasiz.

Biz esa hali ham "menimcha mijoz shuni xohlaydi" deb, ofisda o'tirib qaror qilamiz-da…

Video ingliz tilida, 6 daqiqa. Tushunadiganlar mazza qiladi)

@abloguz — eplab bo’lmaydigan daraja sari…

To'g'ri aytdingiz, Murshida, bu fokus-guruh.

Bizda kam qo'llaniladi, lekin oddiy kuzatuv ham ba'zan shunday natija beradi)

2024-yilda avtomobil egalariga xizmatdan keyin 2 dollarlik sovg'a berardik, ichida firmenniy osvejitel ham bor edi.

1000 tachadan keyin "ish bermayapti" deb to'xtatdik.

3–4 oydan keyin kechasi taksiga o'tirsam, oldida bizning osvejitel turibdi. Haydovchi bizni tanimaydi, lekin doimiy mijoz bo'lib qolgan ekan 😄

Mijozni kuzatsangiz, hisobotda yo'q narsani ko'rasiz-da…

Agar, olovlar bo’lsa, bu keysni batafsil ertaga aytardim…

2024-yil. Avtomobil egalari bilan ishlardik, o'rtacha chek 50 dollar edi.

Xizmatdan keyin har bir mijozga 2 dollarlik kichik sovg'a berardik:

garantiya taloni, keyingi safar uchun 10% vaucher, ekran va ko'zoynak artadigan salfetka, telefon uchun spirtli salfetkalar, firmenniy osvejitel va ikkita suv.

1000 tacha sovg'adan keyin to'xtatdik. Korxonaga ham, jamoaga ham "ish bermayapti" degandek tuyuldi. Rostini aytsam, meni ham demotivatsiya qildi…

3–4 oydan keyin kechasi kayfiyatsiz holda ishdan qaytayotib taksi chaqirdim. Mashinaga o'tirsam, oldida bizning firmenniy osvejitel turibdi.

Haydovchidan so'radim: "Bu korxonada tanishingiz bormi?" Yo'q, dedi. Ularning xizmatidan foydalanganman, juda yoqqan, endi doimiy mijozman, dedi.

O'sha kechasi ishga ishtiyoqim 110% qaytdi)

Ba'zan marketing natijasi hisobotda emas, kutilmagan joyda chiqadi.

Faqat uni ko'rish uchun mijozga yaqinroq bo'lish kerak-da…

Biznes sahifangizda aytilmaydigan 5 narsa

Jahl chiqqanda yoki quvonchdan bir post tashlab yuborish oson. Keyin o'sha post yillab brendingi bilan yuradi.

1. Daromad raqamlari. "Bu oy 100 ming dollar aylanma qildik" deysiz. Raqobatchi nishonga oladi, mijoz: "demak narxi qimmat ekan" deb o'ylaydi. Kam bo'lsa ham, ko'p bo'lsa ham, raqamingiz o'zingizda qolgani yaxshi.
2. Mijoz yoki hamkor bilan janjal. Haq bo'lsangiz ham, ochiq yozilgan urush o'quvchida "bular bilan ishlasam, men haqimda ham shunday yozishadi" degan qo'rquv uyg'otadi.
3. Hali bitmagan rejalar. "Kelasi oy yangi filial ochamiz" deysiz, qarsak eshitasiz, miya "ish bitdi" deb xotirjam bo'ladi. Ochilmay qolsa, hamma eslaydi.
4. Xayriya. Yaxshi ish reklama bo'lib qolsa, uning savobi ham, ishonchi ham kamayadi. Uni odamlar o'zi bilib ola qolsin. Mediada olib chiqmaganiz yaxshi.
5. Ichki muammolar. Xodim ketdi, pul yetmayapti, jamoada tartibsizlik. Buni ochiq yozish hamdardlik keltirmaydi, faqat mijozning ishonchini yo'qotadi. Ichki muammo ichkarida hal bo'ladi.

Sahifangiz kundalik daftar emas, do'koningizning vitrinasi.

Siz bu ro'yxatga yana nimani qo'shgan bo'lardingiz?

@abloguz — eplab bo'lmas daraja sari

Cash flow — pul oqimi

Biznesga qancha pul kirdi, qancha chiqdi, qachon va qayerga ketdi. Hammasi shu bitta so'zda.

Bizda ko'p tadbirkor buni boshida saqlaydi. Yoki daftarning chetiga yozib qo'yadi, keyin o'sha daftar topilmaydi.

Oxirida "oy yaxshi o'tdi shekilli" degan taxmin qoladi.

Marketingda bu ayniqsa qimmatga tushadi. Reklamaga 1000 dollar tikdingiz. Qaytdimi? Qaysi kanal pul olib keldi, qaysi biri faqat yedi? Pul oqimi yozilmagan bo'lsa, bunga hech kim javob berolmaydi. Keyin eng yaxshi ishlagan reklamani ham "foydasi yo'q ekan" deb o'chirib qo'yasiz.

Oddiy Google Sheets jadvali ham yetadi. Kirim, chiqim, sana, manba. Kuniga 5 daqiqa.

Pulingiz qayerdan kelib, qayerga ketayotganini bilmasangiz, jarayonni taxmin bilan boshqarayapsizdaaa.

@abloguz — eplab bo'lmas daraja sari

Yil tugashiga 3 oyga yaqin vaqt qoldi…

Ko'pchilik sarhisobni 31-dekabrga qoldiradi.

Lekin bir yilni bir kechada sarhisob qilib bo'lmaydi-da.

Hozirdan o'ylab ko'ring: yil boshida biznesingizga qanday reja qo'ygandingiz? Qanchasi bajarildi?

Ko'p tadbirkorda manzara bir xil: ish ko'paygan sari kun ham, dam olish ham ishga ketadi.

Reklama, lid, sotuv, hisobot… hammasini o'zi kuzatadi. Chunki tizim yo'q, hamma narsa uning boshida turadi.

Marketing tizim bo'lib ishlasa, siz har kuni "bugun nechta lid keldi?" deb xavotir olmaysiz.

Raqamlar ko'rinib turadi, reklama o'z ishini qiladi, sizga esa oilangizga va o'zingizga ham vaqt qoladi.

2027-yilni shunday boshlamoqchi bo'lsangiz, performance marketingni hozirdan birga yo'lga qo'yamiz.

Bemalol yozing 👉 @abloguz_admin