Менга ўхшаб: “Қанийди бир ёмғир шаррос қуйиб берса-ю, ўпкам тўлиб нафас олсам”, деяётганлар сони анча бўлса керак. Бунчалар узоқ муддат ёмғирни кутганимни эслай олмайман.

Иқлим ўзгаришларини инобатга олсак, бундай ҳолат ҳали кўп такрорланадиган кўринади. Шу боис, вазиятдан фойдаланиб айрим маслаҳатларни улашай:

Ҳаво ифлосланиш ҳолати куни-кечагидек “рекорд”ни қайд этганини илова ёки интернетдан билдингизми, қандайдир огоҳлантиришни кутиб ўтирманг:
1) кўчада тиббий ниқоб тақишни одат тусига киритаверинг;
2) кўчада халлослаб югуриб, бадан тарбия қилишни фойдаси йўқ;
3) деразаларни ёпиб, хонани тез-тез намли тозалаб туринг, гул ва хона ўсимликлари ушланг;
4) кўчадан келгач душ қабул қилинг, бурнингизни яхшилаб ювиб қоқинг;
5) кўпроқ суюқлик қабул қилинг;
6) Очиқ майдонда режалаштирилган барча спорт тўгаракларини, айниқса болалар машғулотларини ўйлаб ўтирмасдан бекор қилинг!

@abrorpirmuhammad

Bir zamonlar... )

@abrorpirmuhammad

Oқшом бир мухлис қўнғироқ қилиб футболни циркка ўхшатиш борасида сўз очди. Уйқуга кетгунимча бу мавзу хаёлимда айланди.

Туш кўрдим. Тушимга Коллина кирибди. У ватанидаги Рим колизейининг императорлик ўриндиғидан “Футбол бу циркми!? деб жанг саҳнида турган каминага савол бераётганмиш.
-Цирк сўзи лотинчада “айлана, доира” маносини билдиради, яъни доира ичидаги томоша - узоқдан сўз бошладим. Футбол ҳам томоша, фақат доира эмас, тўртбурчак саҳндаги. Мана колизей ҳам...
-Гапни айлантирма! - ўдағайлади рефери. – Мен ҳам циркнинг бир қисми бўлган эканман-да.
-Аслида ҳаёт бу катта цирк. Агарда сиз футболдек бир ажойиб томоша - буюк циркнинг бир бўлаги бўлишни истамасангиз, айланиб-ўргилиб ҳаётнинг бошқа бир цирки иштирокчисига айланишингиз аниқ. Ихтиёр ўзингизда...
-Бошни қотирдинг-у сен файласуф!!! – ялтираган калбош Коллина ғазабланиб, кўзларини чақчайтирганча мени бўғизлашга ошиқди...

Босинқираб, уйғониб кетдим. Буни қаранг-ки зилзила бўлаётган экан. Соатга 01:30. Сув ҳўплаб, бир муддат шифтга қараб ётдим...

21-октябрь – Ўзбек тилига Давлат тили мақоми берилган кун

ОНА ТИЛИМ

Минг йилларким булбул каломи
Ўзгармайди, яхлит ҳамиша.
Аммо шўрлик тўтининг ҳоли
Ўзгаларга тақлид ҳамиша.

Она тилим, сен борсан, шаксиз,
Булбул куйин шеърга соламан.
Сен йўқолган кунинг, шубҳасиз,
Мен ҳам тўти бўлиб қоламан!

Абдулла Орипов

Hissiyotlarni junbushga keltiruvchi lahzalarga boy bo'lgan finalga xos bahs.

@abrorpirmuhammad

Мушукда инсон саломатлиги учун қатор ижобиятлар мавжудки, бугунга келиб "кототерапия" йўналиши ҳам шаклланиб улгурди.

Мушукда инсон танасидаги муаммоли соҳани аниқлаш ва ўша жойда жойлашиб олиш хусусияти бор. Шу боис бу уй ҳайвони инсондаги стресс ҳолатини ечиб, уни тинчлантириш хусусиятига эга.

Масжидга кириши мумкин бўлган бу ягона ҳайвон асаб тизими, ички аъзолар ва бўғинлардаги муаммоларни енгиллатишда беминнат воситадир. Шундай экан, имкониятга қараб мушук парваришлаш хонадонингиз ва оила аъзоларингиз учун фойдадан холи эмас.

@abrorpirmuhammad

Юргил табиатга кетайлик дўстим,
Диққинафас уйда ётмоқ пайтимас.
Олтин Ватанимнинг тупроғи бу кун,
Бир пари фаслнинг оғушида маст...

@abrorpirmuhammad

Munosib raqib, matonatli o'yin va ajoyib g'alaba! Barakalla!!!
Tabriklar va olg'a!

PS: Yigitlar ancha charchashdi. Lekin g'alaba zavqi va rejali reabilitatsiya chora-tadbirlari futbolchilarimizga qayta kuch bag'ishlashiga ishonaman.

@abrorpirmuhammad

Ko'chada tibbiy niqob taqish, xonadonda havo tozalagichdan foydalanish va gulni ko'paytirish hozircha amal qilish zarur bo'lgan minimum zaruriyat!

Bunday ifloslangan havoda ko'chada sport bilan shug'ullaniah - o'zini o'zi zaharlash bilan barobar!

@abrorpirmuhammad