Acba bank OJSC
✔
4.89K subscribers
59 photos
2 videos
34 links
Ակբա բանկի նպատակն է ինքնատիպ և նորարար լուծումներով նպաստել հասարակության կայուն զարգացմանը: 💚

🖇️ www.acba.am
📩 acba@acba.am
📞 (010) 318888
ℹ️ www.fininfo.am
Download Telegram
Media is too big
VIEW IN TELEGRAM
Պատրա՞ստ ես Երևանի գինու օրեր փառատոնին 🍷

Այս տարի էլ, ավանդույթի համաձայն, փառատոնի գլխավոր հովանավորն է Ակբա բանկը` ներկայանալով իր Վիզա վճարային համակարգի քարտերով: Փառատոնին ընդառաջ հինգ ակտիվ, գինեսեր հետևորդներ կստանան 2-ական գինու փաթեթ նվեր։ Փաթեթներում կգտնես փառատոնի գինու գավաթ և հատուկ պատյան, 12 տոմսակ, գլխավոր խաղարկության կտրոն և տեղեկատվական ու զեղչերով լի գրքույկներ 🍷🤩

Ընդամենը չորս քայլ, և պատահականության սկզբունքով հենց դու կարող ես հաղթել ամենասպասված փառատոնի տոմս-փաթեթը.

❣️ հավանիր Instagram-ի տեսանյութը,
❣️ գրառման մեկնաբանություններում նշիր այն ընկերոջը, ում հետ գնալու ես գինի խմելու,
❣️ հետևիր Ակբա բանկի և Վիզայի Instagram էջերին, ծանոթանալով Ակբա բանկի կողմից մատուցվող ծառայություններին և բանկային պրոդուկտներին` www.acba.am պաշտոնական կայքում։
❣️ բաժանորդագրվիր Ակբայի ❤Telegram ալիքին։

Չմոռանաս նաև ակտիվացնել Visa Digital անվճար քարտը՝ Գինու օրերի հատուկ դիզայնով և այդ օրերին գործող լի՜քը առաջարկներով ու զեղչերով։

Գովազդային վիճակախաղի պայմաններին ծանոթացիր այստեղ։

Դե, կհանդիպենք գինու օրերին 🥂
Please open Telegram to view this post
VIEW IN TELEGRAM
❤50👍2🤩1
Երևանում գինու օրեր էին 🍷❤️

Լավ հիշողությունները դեռ երկար կմնան մասնակիցների հետ, իսկ այդ հարցում նրանց կօգնեն լուսանկարները։

📸 Եթե այս տարի մասնակցել ես «Երևանի գինու օրեր» փառատոնին, ապա գտիր քո լուսանկարը այստեղ։
Please open Telegram to view this post
VIEW IN TELEGRAM
❤28👍4😍1
Կայուն բիզնեսի կայացումը ենթադրում է երկար և մանրակրկիտ աշխատանք 📊

🧐 Ըստ միջազգային հետազոտությունների՝ ստարտափների 5️⃣8️⃣% են կարողանում բարեհաջող անցնել ինկուբացիոն շրջանը և հաստատվել որպես կայուն բիզնես։
Հաջող մեկնարկի համար առանցքային է պատրաստված շուկա մուտք գործելը (🔗 սկսելու համար քեզ կօգնի այս հոդվածը)։
Կարևոր է ուսումնասիրել համապատասխան ոլորտը և ունենալ օրինակներ, որոնց անցած ճանապարհից կարելի է դասեր քաղել։ Կպատմենք այդպիսի մի օրինակի մասին․

2003 թվականին հայտնվում է մի ընկերություն, որն ի վերջո հեղափոխում է ավտոմոբիլային արդյունաբերությունը: Այդ ընկերությունը 🚘Tesla-ն էր. նորաստեղծ ստարտափից մինչև էլեկտրական մեքենաների համաշխարհային առաջատարի նրանց անցած ճանապարհը լի է արժեքավոր դասերով սկսնակ ձեռներեցների համար: Առանձնացրել ենք 4 դաս, որոնք կարելի է սովորել TESLA-ի կայացման ճանապարհից․

1️⃣ Հստակ TESLAկան
Ամեն ինչ սկսվում է հստակ և հավակնոտ տեսլականով: Էբերհարդը և Թարփենինգը ցանկանում էին ապացուցել, որ էլեկտրական մեքենաները կարող են լինել նույնքան լավը, եթե ոչ ավելի լավը, քան այրման շարժիչով մեքենաները: Այս տեսլականը գրավեց Իլոն Մասկին, որը իր սեփական միջոցներից ներդնում է 6,5 միլիոն դոլար՝ առաքելությանը աջակցելու համար:

Հստակ սահմանված տեսլականը կարող է ներգրավել նոր համախոհների ու ներդրումներ, ամրապնդել թիմը և առաջնորդել դժվար ռազմավարական որոշումներ կայացնելու հարցում:


2️⃣ Նորարարություն
Երբ արդեն կար հստակ տեսլական՝ ընկերության հիմնադիրները գիտեին, որ նորարարությունը կլինի իրենց հաջողության բանալին: TESLA-ն սկսեց զարգացնել մարտկոցների տեխնոլոգիան և ստեղծել մեքենա, որը կգերազանցի ավանդական մեքենաներին: 2008թ.-ին թողարկվեց Roadster-ը, որը մեկ լիցքավորմամբ կարող է անցնել ավելի քան 200 մղոն: Այս բեկումնային օրինակը ապացուցեց, որ էլեկտրական մեքենաները կարող են լինել հարմար առօրյա կյանքում:

Նորարարության առաջնահերթությունն ու ներդրումները հետազոտությունների ոլորտում (R&D-ում) կարող են ապահովել վճռորոշ մրցակցային առավելություն:


3️⃣ Ճկունություն
Tesla-ի ճանապարհը սկզբում հարթ չէր: Roadster-ի արտադրությունն ավելի բարդ և ծախսատար էր, քան ենթադրվում էր, ինչը հանգեցրեց ֆինանսական դժվարությունների: Թիմը փոխում է ռազմավարական ուղղությունը․ նրանք կենտրոնանում են ավելի մատչելի, մասսայական շուկայի մեքենա ստեղծելու վրա: Այս որոշումը թույլ տվեց ընկերությանը հաղթահարել անհաջողությունները և շարժվել դեպի իրենց երկարաժամկետ նպատակները:

Սկսնակ ձեռնարկությունները պետք է պատրաստ լինեն առանցքային ռազմավարական փոփոխությունների՝ հիմք ընդունելով շուկայական պայմանները, ներքին մարտահրավերներն ու արդի տենդենցները:


4️⃣ Ուժեղ ապրանքանիշ
Tesla-ում լավ գիտակցում էին բրենդինգի ուժը: Նրանք Roadster-ը դիրքավորեցին որպես շքեղ, բարձր արդյունավետությամբ մեքենա, որը նաև էկոլոգիապես մաքուր էր: Այս եզակի դիրքավորումը գրավեց հաճախորդների հավատարիմ բազա և հրավիրեց լրատվամիջոցների ուշադրությունը: Երբ արտադրանքի գիծը ընդլայնվեց՝ ներառելով Model S-ը, Model X-ը և Model 3-ը, նրանք շարունակեցին հիմնվել իրենց ամուր ապրանքանիշի վրա:

Ազդեցիկ բրենդի պատմություն ստեղծելը և եզակի արժեքային առաջարկների ընդգծումը կարող են ուժեղ ներկայություն հաստատել շուկայում:


📚 Շարունակական կրթության և զարգացման շնորհիվ նույնիսկ ամենախենթ երազանքդ հնարավոր է իրականություն դարձնել։ Այդ գործում քեզ կօգնեն մեր հոդվածները՝ sme.acba.am կայքում։
Please open Telegram to view this post
VIEW IN TELEGRAM
❤35👍15💯2👏1
Վաղուց տեխնոլոգիաների և թվային աշխարհի վերջին թարմացումների մասին չենք պատմել, չէ՞․ Դե ինչ, գնացի՜նք 👾

📱 Meta-ն ներկայացրեց նոր լրացված իրականության (AR) ակնոցները՝ Orion-ը:
Meta-ի նոր Orion ակնոցները արդեն իրականություն են՝ 2024-ի հոկտեմբերին պաշտոնապես ներկայացվելով որպես ընկերության առաջին լրացված իրականության (AR) ակնոցներ։ Orion-ը ոչ միայն տեսողական ինտերֆեյս է, այլև կարողանում է կապվել իրական աշխարհի օբյեկտների հետ, նորարարական շարժման և ձայնային ինտերֆեյսների միջոցով։ Meta-ն պնդում է, որ այս ակնոցները կփոխեն մեր շփումը թվային աշխարհում՝ համադրելով վիրտուալ ու ֆիզիկական իրականությունները։ Ըստ Meta-ի, ակնոցները կդառնան մասայական շուկա ներթափանցող արտադրանք՝ փոխելով սովորական մարդու առօրյան։


📱 Google-ը սկսել է փորձարկել նոր գործառույթ, որը հարթակում որոնման արդյունքների ստուգված կայքերի կողքին ավելացնում է ✅վերիֆիկացված նշան՝ նպատակ ունենալով օգնել օգտատերերին տարբերակել իրական ու կեղծ կայքերը:
«Մենք կանոնավոր կերպով փորձարկում ենք նոր գործառույթներ, որոնք օգնում են գնորդներին ավելի հեշտ տարբերակել վստահելի բիզնեսները առցանց և այժմ մենք փոքր փորձարկում ենք իրականացնում՝ ցույց տալով կապույտ նշան որոշ վերիֆիկացված նյութերի կողքին», - The Verge-ին ասել է Google-ի հանրային կապերի խոսնակ Մոլլի Շահինը:


🚕 Իսկ Իլոն Մասկը և Tesla-ն գիտական ֆանտաստիկան ավելի իրական են դարձնում, այս անգամ՝ ռոբոտաքսիներով:
Ընկերությունն օրեր առաջ ներկայացրեց իր մեծ աղմուկ հանած
Tesla Robotaxi
մեքենան Warner Bros.-ի Բըրբանքի կինոստուդիայում։ Մասկը առաջին անգամ ակնարկել է
Robotaxi
միջոցառման մասին ապրիլին, միջոցառման ամսաթիվ նշելով օգոստոսի 8-ը, սակայն Tesla-ն ստիպված էր հետաձգել միջոցառումը՝ «դիզայնի կարևոր փոփոխության պատճառով»: Գաղափարը կայանում էր նրանում, որ Tesla-ները կարողանան գործել որպես ծրագրային ապահովման թարմացումներով ինքնավար մոդելներ՝ պոտենցիալ հնարավորություն բացելով Tesla-ի սեփականատերերի համար և ստեղծելով առանց վարորդ երթևեկության հնարավորություն։


Ի դեպ, մինչ աշխարհում էլեկտրական մեքենաների արտադրությունը գնալով ավելի մեծ թափ է հավաքում, ուզում ենք հիշեցնել, որ դու նույնպես հնարավորություն ունես քայլել, կամ ավելի ճիշտ՝ վարել ժամանակին համընթաց։ Մինչև դեկտեմբերի 12-ն Ակբա բանկի քո 📱 𝐕𝐢𝐬𝐚 քարտով կատարիր առնվազն 3 անգամ նվազագույնը 20,000 ՀՀ դրամի (կամ համարժեք արտարժույթ) վճարային գործարք և ստացիր հնարավորություն շահելու 2 BYD Yuan Up 2024 գերժամանակակից և էկոլոգիապես մաքուր ավտոմեքենաներից մեկը։

🔗 Արշավի մանրամասներն` այստեղ:
Please open Telegram to view this post
VIEW IN TELEGRAM
❤27👍6👏3🔥2
Երբևէ մտածե՞լ ես, թե ինչն է ստիպում մարդկանց կրկին ու կրկին վերադառնալ նույն բրենդին 🤔

🎨 Բրենդինգը պարզապես լոգո և անուն չէ։ Դա բրենդի հոգին է, որի միջոցով ընկերությունը հաճախորդների հետ հաստատում է վստահելի և երկարաժամկետ հարաբերություններ։

Գիտե՞ս, որ վստահելի բրենդն ու դրական փորձառությունը ավելացնում են հաճախորդների վերադարձի հավանականությունը մոտ 6️⃣0️⃣%-ով։ Ավելին՝ ճանաչելի բրենդերը, ըստ վիճակագրության, հաճախ ունենում են 2️⃣0️⃣% ավելի բարձր վաճառք մրցակիցների համեմատ։

Ճիշտ կառուցված բրենդբուքը նպաստում է հենց այդպիսի կապի ձևավորմանը։ Այն ապահովում է, որ բրենդի հաղորդագրությունները միշտ լինեն համահունչ և նպատակային՝ անկախ նրանից, թե որտեղ են կիրառվում։ 👀

📚 Որո՞նք են բրենդինգի ամենատարածված սխալները և ինչպե՞ս դրանք կանխել։ Կարդացեք մեր հոդվածն այստեղ, որպեսզի բացահայտեք այս ամենն ու ավելին:
Please open Telegram to view this post
VIEW IN TELEGRAM
❤28👍8🔥2
👩🏻‍🎓 Ուսանողների միջազգային օրվա առթիվ Ակբա բանկը հրավիրում է ուսանողներին ստուգել իրենց գիտելիքներն ու տրամաբանությունը։

✅ Ի՞նչ է պետք անել:

Հետևել Ակբայի Ինստագրամի էջին, բաժանորդագրվել Տելեգրամյան ալիքին, լրացնել անձնական տվյալները և, իհարկե, ճիշտ պատասխանել Quiz-ի բոլոր հարցերին։

🎁 Ի՞նչ կստանան հաղթողները:

Գրախանութի 5000 ՀՀ դրամի 10 նվեր քարտերից մեկը՝ հարստացնելու իրենց գրադարանը:

❓Ինչպե՞ս են ընտրվելու հաղթողները։

Բոլոր հարցերին ճիշտ պատասխանած մասնակիցներից կընտրվեն տասը՝ պատահականության սկզբունքով։

👉 Quiz-ին մասնակցելու համար սեղմիր այստեղ:

🔗 Մասնակցության պայմաններն այստեղ:

Ոգեշնչված ձեզնով 💚
Please open Telegram to view this post
VIEW IN TELEGRAM
❤39👍10😱2
📈 Ցանկացած ֆինանսական որոշում, հատկապես՝ ներդրում կատարելիս, նախ և առաջ հարկավոր է լավ ուսումնասիրել ոլորտը և գործիքները։ Այսօր կպատմենք այդպիսի մի գործիքի՝ պարտատոմսի մասին։

🏦 Պարտատոմսը ֆինանսական գործիք է, որը թույլ է տալիս «վարկ տալ» կազմակերպությանը՝ դրա դիմաց ստանալով կայուն եկամուտ։ Երբ գնում ես պարտատոմս, դառնում ես ներդրող, որը բանկին կամ կազմակերպությանը տրամադրում է գումար՝ նախապես սահմանված ժամկետներում և պայմանագրով համաձայնեցված տոկոսադրույքով։ Պարտատոմսերի դիմաց ընկերությունը պարտավորվում է յուրաքանչյուր տարի վճարել տոկոսներ և վերջնաժամկետի ավարտին վերադարձնել քո ներդրած գումարը:

Պարտատոմսը, որպես ներդրումային գործիք, ունի մի շարք առավելություններ․

💰 Կայուն եկամուտ՝ առանց մեծ ռիսկերի։
💰 Ամենամյա տոկոսավճարներ՝ անկախ շուկայի փոփոխություններից։
💰Ապահով ներդրում՝ հուսալի կազմակերպության միջոցով։

🧮 Ավելի լավ պատկերացնելու համար կատարենք պարզ հաշվարկ․ եթե ներդնես 1,000,000 ՀՀ դրամ Ակբա բանկի պարտատոմսերում՝ 10.5% տարեկան տոկոսադրույքով և 5 տարվա ժամկետով, ապա ամեն տարի կստանաս 105,000 ՀՀ դրամ տոկոսավճար։ Այսպիսով՝ պարտատոմսերում կատարած ներդրման ամբողջ ժամանակահատվածի համար վերջնարդյունքում ստանում ես քո սկզբնական ներդրումը` 1,000,000 ՀՀ դրամ և հավելյալ եկամուտ` 525,000 ՀՀ դրամ։

Եթե դեռ երկմտում ես՝ պարզապես հիշեցնենք, որ պարտատոմսերում ներդրված գումարը ապահովագրված է «Ավանդների հատուցումը երաշխավորող հիմնադրամի» կողմից, իսկ մինչև 31.12.2024թ. ցուցակված պարտատոմսերից ստացված եկամուտը չի հարկվում։


💸 Կատարիր եկամտաբեր խնայողություն և ձեռք բեր պարտատոմսեր՝ անցնելով հղումով:

Պարտատոմսեր կարող ես ձեռք բերել
📱
𝗮𝗰𝗯𝗮 𝗱𝗶𝗴𝗶𝘁𝗮𝗹
հավելվածով կամ Ակբայի քեզ հարմար մասնաճյուղից։
Please open Telegram to view this post
VIEW IN TELEGRAM
👍19❤12👏1
🛍️ Սև ուրբաթ. ինչպես խուսափել զեղծարարներից և պահպանել ֆինանսական անվտանգությունը

Սև ուրբաթն ու նախատոնական գնումները ոգևորությամբ են լցնում մեր օրերը, բայց սա նաև զեղծարարների սիրելի շրջանն է: Նրանք առաջարկում են գրավիչ զեղչեր, «անհավանական» նվերներ և ստեղծում են թվային «թակարդներ»․ Ինչպե՞ս պաշտպանվել և խուսափել նման իրավիճակներից:

1️⃣ Զգուշացիր անծանոթ հաղորդակցություններից
Սև ուրբաթի ու նախատոնական գնումների շրջանում հնարավոր է ստանաս կասկածելի զանգեր, SMS-ներ կամ հաղորդագրություններ 💬 Viber-ով, 💬WhatsApp-ով, կամ 📱 Telegram-ով: Հիշիր, որ բանկի աշխատակիցները երբեք չեն պահանջում գաղտնի տվյալները՝ OTP կոդեր, քարտի տվյալներ կամ այլ անձնական տեղեկատվություն: Եթե ինչ-որ մեկը ձգտում է արագորեն ձեռք բերել քո տվյալները, պարզապես մերժիր և կապվիր բանկի հետ:


2️⃣ Խուսափիր կեղծ կայքերից
Զեղծարարները հեշտությամբ ստեղծում են խաբուսիկ կայքեր, որոնք նման են հայտնի առցանց խանութներին:

• Ուշադրություն դարձրու կայքի հասցեին՝ այն պետք է սկսվի «https»-ով և պարունակի կողպեքի նշան:
• Երբեք մի վստահիր անհավանական առաջարկներին՝ դրանք հաճախ խաբեություն են:


3️⃣ Հետևիր գնման գործընթացին
Առցանց գնումների ժամանակ ստուգիր բանկից ստացված SMS-ը՝ համոզվելու համար, որ գանձված գումարը համապատասխանում է գնումներիդ:


4️⃣ Ակտիվացրու «ֆինանսական վահաններդ»
Թարմացրու հակավիրուսային ծրագրերը և օգտագործիր միայն վստահելի սարքեր առցանց գնումներ կատարելու համար:


📱 Եթե դարձել ես զեղծարարության տուժող՝ հետևիր հետևյալ քայլերին.

1️⃣ Անմիջապես բլոկավորիր քարտդ՝ 📱 acba digital հավելվածով,
2️⃣ Կապվիր մեզ հետ բանկի շուրջօրյա համարներով՝ +37410318888 | +37495318889 (Viber, եթե գտնվում ես արտերկրում):

ℹ️ Քարտի անվտանգության կանոններին առավել մանրամասն կարող ես ծանոթանալ այստեղ։

Մաղթում ենք հաճելի և զգոն գնումներ: 🎁💳
Please open Telegram to view this post
VIEW IN TELEGRAM
❤36👍10👏2
🎁 Նվիրիր iPhone 16 Pro նրան, ով ոգեշնչում է քեզ

🎄✨ Ամանորն ավելի կախարդական դարձնելու ժամանակն է։ Ակբա բանկը հնարավորություն է տալիս քեզ ուրախացնել նրան, ով դարձել է քո ոգեշնչման աղբյուրը։

📌 Ինչպե՞ս մասնակցել մրցույթին.

👉 Հետևիր Ակբայի Ինստագրամի էջին
👉 Միացիր Ակբայի Տելեգրամ ալիքին
👉 Ինստագրամի հրապարակման մեկնաբանությունում նշիր այն մեկին, ով միշտ քո կողքին է ու ոգեշնչում է քեզ
👉 Հավանիր Ինստագրամի հրապարակումը

📅 Հաղթողը կընտրվի 2024 թվականի դեկտեմբերի 27-ին՝ պատահականության սկզբունքով։ Ամանորը դարձրու անմոռանալի նրա համար, ով արժանի է լավագույնին:

🔗 Գովազդային վիճակախաղի պայամաններն` այստեղ:
Please open Telegram to view this post
VIEW IN TELEGRAM
❤375👍60🔥28🤩8💯4
🚗 Նախատոնական այս օրերին, երբ բոլորը հրաշքի սպասումով են, առաջարկում ենք ընկղմվել Ամանորի պատմությունների աշխարհ, որտեղ յուրաքանչյուր դրվագ լի է ջերմությամբ ու ոգեշնչմամբ։ Ուշադիր անցեք ցանկով, և եթե որևէ ֆիլմ դեռ չեք դիտել, անպայման ավելացրեք այն ձեր watchlist-ում։

☃️ Այս ֆիլմերը նախատեսված չեն պարզապես լավ ժամանակ անցկացնելելու համար. դրանք պատմում են կյանքի փոքրիկ, բայց կարևոր պահերի մասին, որոնք սովորեցնում են հավատալ բարության ուժին և գտնել երջանկություն անգամ ամենացուրտ օրերին։

Պատրա՞ստ եք սկսել կինոմարաթոնը։ Եկե՛ք բացահայտենք ֆիլմերի կախարդական ուժը միասին։

🪟 Trading Places 1983
Սարկաստիկ կատակերգություն, որտեղ կյանքը մեկ դրվագում փոխում է հաջողակ ֆինանսիստի ու փողոցային խարդախի դերերը։


☃️ National Lampoon's Christmas Vacation 1989
Կլարքերի ընտանիքը պատրաստվում է Սուրբ ծննդյան տոնին, բայց ամեն ինչ դուրս է գալիս վերահսկողությունից, երբ հավաքվում են տարօրինակ բնավորություններով ընտանիքի անդամները։


🧦 Jingle All the Way 1996
Իր տղայի սիրելի խաղալիքը ձեռք բերելու համար պայքարող հայրիկի պատմությունը ոչ միայն կծիծաղեցնի, այլև կսովորեցնի, որ կարևորը ոչ թե նվերն է, այլ այն ջանքերը, որոնք նա գործադրում է սիրելի մարդկանց երջանկացնելու համար։


⭐️ The Family Man 2000
Նիկոլաս Քեյջի հիանալի դերակատարումը կպատմի այն մասին, թե ինչպիսին կարող էր լինել կյանքը, եթե հերոսը ժամանակին այլ ընտրություն կատարեր։


🧝 Elf 2003
Ուրախ պատմություն Բադի անունով էլֆի մասին, ով սովորում է գտնել իր տեղն աշխարհում։


💡 Deck the Halls 2006
Երկու հարևան մրցակցության մեջ են մտնում, երբ նրանցից մեկը որոշում է իր տունն այնպես զարդարել, որ այն տեսանելի լինի նույնիսկ տիեզերքից։


🎁 Arthur Christmas 2011
Սանտայի ընտանիքի ամենակրտսեր անդամ Արթուրն ամեն ինչ անում է մի փոքրիկ աղջկա նվերը ժամանակին հասցնելու համար։


🎩 The Grinch 2018
Նույնիսկ Գրինչի սառած սիրտը կարող է փափկել սիրո և ընկերության շնորհիվ։


🛷 The Christmas Chronicles 2018
Քույր ու եղբայր պետք է միավորեն ուժերը Սանտայի հետ, որպեսզի տեղ հասցնեն բոլորի նվերները և վերադարձնեն մարդկանց հավատը հրաշքների նկատմամբ։


🥂 Last Christmas 2019
Եթե սիրում եք Ջորջ Մայքլի «Last Christmas» երգը, ապա կհավանեք նաև համանուն ռոմանտիկ կատակերգությունը` Էմիլիա Քլարկի գլխավոր դերակատարմամբ։


😱 Klaus 2019
Սանտայի ծագման պատմությունը։ Անիմացիոն ֆիլմը ոգեշնչում է հավատալ փոքրիկ արարքների հզորությանը, որոնք կարող են փոխել մարդկանց կյանքը։


🔥 Falling for Christmas 2022
Ֆիլմը պատմում է երես առած հարսնացուի մասին, ով հիշողությունը կորցնելուց հետո նորովի է բացահայտում սիրո ու ընտանիքի իրական արժեքները։


🍪 Spirited 2022
Սուրբ Ծննդյան հոգիները փորձում են ուղղել վնասակար սովորություններով PR մասնագետ Քլինթին։ Գլխավոր դերերում՝ Ուիլ Ֆերրել և Ռայան Ռեյնոլդս։


🤭 Red One 2024
Ժամանակակից Սանտայի առօրյան մի փոքր տարբերվում է մեր պատկերացումներից, դե լավ մի փոքր չէ, բավականին տարբեր է։ Նա նույնիսկ կոդային անուն ունի՝ «Կարմիր»։
Please open Telegram to view this post
VIEW IN TELEGRAM
❤58👍14🔥1🤩1💯1
📚 Այսօր Հայաստանում նշվում է Գիրք Նվիրելու օրը՝ հիանալի առիթ ընթերցանության կարևորության մասին հիշելու և մոտիվացնող գրքերով կիսվելու համար։

Օրվա առթիվ առանձնացրել ենք 5️⃣ հետաքրքիր բիզնես գիրք, որոնք կոգեշնչեն քեզ նոր բարձունքներ նվաճելու ճանապարհին։

1. «Կոշկավաճառը» (Shoe Dog) – Ֆիլ Նայթ
Nike-ի հիմնադիր՝ Ֆիլ Նայթի ինքնակենսագրական գիրքը բիզնեսի կառուցման, ռիսկի գնալու և չհանձնվելու մասին է։ Այն կպատմի, թե ինչպես մեկ գաղափարը կարող է փոխել աշխարհը։


2. «Մակդոնալդսի ստեղծումը» (Grinding It Out) – Ռեյ Քրոք
Ռեյ Քրոքի պատմությունն ապացուցում է, որ հաջողության հասնելու համար երբեք ուշ չէ։


3. «Ինչպես ես կառուցեցի սա» (How I Built This) – Գայ Ռազ
Աշխարհահռչակ փոդքասթների հեղինակ Գայ Ռազն այս գրքում կիսվում է հայտնի ձեռնարկատերերի պատմություններով՝ ցույց տալով, թե ինչպես են նրանք վերածել իրենց գաղափարները հաջողակ բիզնեսների։


4. «Ծրագրավորված հաջողություն» (The Hard Thing About Hard Things) – Բեն Հորովից
Վենչուրային կապիտալիստ և հաջողակ գործարար Բեն Հորովիցը բացահայտում է բիզնեսի իրական մարտահրավերները և տալիս գործնական խորհուրդներ, թե ինչպես ղեկավարել ընկերությունը բարդ իրավիճակներում։


5. «Ամազոն. Ամեն ինչի խանութը» (The Everything Store) – Բրեդ Սթոուն
Ջեֆ Բեզոսի և Amazon-ի ստեղծման պատմությունը՝ մի փոքրիկ գրախանութից մինչև աշխարհի ամենահզոր տեխնոլոգիական ընկերություններից մեկը։


Այս գրքերը ոչ միայն ոգեշնչող են, այլև կօգնեն քեզ հասկանալ հաջողության գաղտնիքները, զարգացնել ճիշտ բիզնես մտածողություն և երբեք չհանձնվել։ Մաղթում ենք հաճելի ընթերցանություն և մեծ նվաճումներ բիզնեսում։ 💚📗
Please open Telegram to view this post
VIEW IN TELEGRAM
❤45👍11👏1
🤖 Դու՞ էլ ես վախենում, որ արհեստական բանականությունը շուտով կփոխարինի քեզ։

Մայիսի մեկին ընդառաջ արի տեսնենք՝ ինչպե՞ս է փոխվել աշխատանքը, և արդյոք իրատեսական է, որ մի օր մարդկային աշխատանքն այլևս պետք չի լինի։

Նախ՝ սկսենք նրանից, որ աշխատանքն, ինչպես մենք գիտենք այսօր, ընդամենը 208 տարեկան է։ Մինչ Ռոբերտ Օուենը ձևակերպեց «8 ժամ աշխատանք, 8 ժամ հանգիստ, 8 ժամ քուն» աշխատանքային ռեժիմը՝ կյանք-աշխատանք սահմանը չափազանց լղոզված էր։ Ագրարային տնտեսությունը պահանջում էր սեզոնային օրնիբուն աշխատանք, իսկ արդյունաբերական հեղափոխության տարիներին աշխատում էին 24/7։

Այսօր էլ մարդիկ փնտրում են միջոցներ՝ ինչպես պակասեցնել աշխատանքը՝ առավելագույնս ավտոմատացնելով մեխանիկական գործերը։ Դե իսկ այդ ավտոմատացման հետևում հաճախ կանգնած են նորագույն սարքավորումներն ու արհեստական բանականությունը։

🤔 Ինչպե՞ս սա կազդի մեր աշխատանքային կյանքի վրա։ Չէ՞ որ երբ ստեղծվեցին ավտոմատ վերելակները, հին ուղեկցորդները մնացին առանց աշխատանքի։ Երբ սկսեց գործել արբանյակային հեռախոսակապը, հազարավոր կանայք այլևս ձեռքով չէին միացնում զանգերը։

😨 Իսկ ես վախենա՞մ

Ցանկացած մասնագիտության ավարտ միշտ դարձել է նորի սկիզբ։ Յուրաքանչյուր անցած մասնագիտություն փոխարինվել է նորով՝ ավելի մարդկային, ստեղծագործ, իմաստալից։ Ժամանակի ընթացքում մարդիկ սովորում են պատվիրակել մեխանիկական գործերը՝ ավելի շատ ժամանակ ազատելով սովորելու, նոր փորձառություն ձեռք բերելու համար։

Այսօր արդեն ծնվում են նոր մասնագիտություններ, որոնք մի քանի տարի առաջ գոյություն չունեին՝ AI էթիկայի մասնագետներ, տվյալների համապատասխանության խորհրդատուներ, վիրտուալ իրականության ճարտարապետներ և թվային հոգեբաններ։

Աշխատանքը չի անհետանում։ Այն զարգանում է։ Մենք՝ նույնպես։ Մեր ալիքի հեղինակն էլ հույս ունի, որ որքան էլ GPT-ն ու մյուս AI մոդելները սովորեն ավելի ու ավելի լավ հայերեն տեքստեր գրել, իր աշխատանքը կտարբերվի ու չի կորի, քանի որ մարդկային ստեղծագործականությունն ու մշակութային ենթատեքստի ընկալումը դեռ երկար կմնան մարդու մենաշնորհը, չէ՞:

🔮 Ինչպե՞ս կփոխվի աշխատանքը. փորձենք կանխատեսել

⏺ 10 տարի անց հավանաբար արդեն չես մասնակցի աշխատանքային տեսազանգերին՝ քո փոխարեն «ուղարկելով» թվային երկվորյակիդ։ Կմեծանա անհատականացված ուսուցման մասնագետների, AI-մարդ մարզիչների և մետավերսի ճարտարապետների պահանջարկը։

⏺ 50 տարի անց այլևս չեն լինի հաշվապահներ, իրավաբաններ, տվյալների վերլուծաբաններ. նրանց կփոխարինեն ռոբոտները։ Նրանք կկարողանան իրականացնել նաև բժշկական միջամտություններ, ծրագրավորում ու մարքեթինգային ծառայություններ մատուցել։

⏺ 100 տարի անց աշխատանք հասկացությունն ամբողջությամբ կվերաիմաստավորվի։ «Աշխատանք» և «ժամանց» հասկացությունների սահմանը կջնջվի, քանի որ մարդիկ կզբաղվեն հիմնականում ստեղծագործական և ձեռքի աշխատանքով։ Ըստ Յուվալ Նոյ Հարարիի, մարդիկ կդառնան «հոմո դեուս»՝ նվիրելով իրենց կյանքը մտավոր, հոգևոր և ֆիզիկական զարգացմանը։

⏺ 1000 տարի անց մարդկությունը, հավանաբար, կհասնի այնպիսի մակարդակի, որտեղ տեխնոլոգիան և մենք կձուլվենք։ Աշխատանքի մեր ներկայիս հասկացությունը կդառնա պատմական հետաքրքրության առարկա։ Գուցե, ինչպես նշել է ֆիզիկոս Միկիո Կակուն, դառնանք տիեզերական քաղաքակրթություն, որի գործունեությունը հեռու է մեր ներկայիս պատկերացումներից։ Ամենօրյա փոփոխվող աշխարհում հնարավոր չէ հստակ կանխատեսումներ անել ապագայի վերաբերյալ, բայց հույս ունենք, որ աշխարհն ավելի շատ կզարգանա «Her» ֆիլմի սցենարով ու ոչ «Matrix»-ի:

💪 Աշխատանքի մշակույթը և իմաստը

Մեր վերաբերմունքն աշխատանքի հանդեպ արդեն իսկ փոխվում է։ Միլենիալների սերունդը փնտրում է ոչ թե պարզապես աշխատանք, այլ իմաստ, առաքելություն։

Հետազոտությունները ցույց են տալիս, որ ավտոմատացման պայմաններում մարդիկ ավելի շատ կարժևորեն իրենց աշխատանքի սոցիալական ազդեցությունը։

Իսկ ինչպիսի՞ն կլինի աշխատանքը հարյուր տարի հետո, ի՞նչ ես կարծում դու, կիսվիր մեկնաբանություններում։ 💬
Please open Telegram to view this post
VIEW IN TELEGRAM
❤35👍10👏4🤩2
🍷 Նվիրի՜ր գինոտ պահեր քեզ և մտերիմներիդ

Մասնակցիր խաղարկությանը Ակբայի ինստագրամյան էջում ու ստացիր «Երևանի Գինու Օրեր» փառատոնի խաղարկող 10 փաթեթներից երկուսը։

📌 Մասնակցության կանոնները շատ պարզ են.

👉 Հետևիր Ակբայի ինստագրամյան էջին
👉 Միացիր Ակբայի Տելեգրամ ալիքին
👉 Հավանիր Ինստագրամի այս հրապարակումն ու հրապարակման մեկնաբանություններում նշիր ընկերոջդ, ում հետ վայելելու ես գինու փառատոնը
👉 Կիսվիր story-ում՝ նշելով Ակբային (tag-ով)

🎉 Հունիսի 3-ին՝ պատահականության սկզբունքով կընտրվեն 5 հաղթողներ։

💚 Գինին կատարյալ է, երբ կիսում ես սիրելիների հետ։ Կհանդիպենք հունիսին։

🔗 Մասնակցության պայմաններին կարող ես ծանոթանալ այստեղ:
Please open Telegram to view this post
VIEW IN TELEGRAM
❤39👍4🔥3
Գալու՞ ես այսօր Գինու Օրեր 🍷
Anonymous Poll
58%
Իհարկեեե՜ 🍷
20%
Այոոո՜ 💃
21%
Արդեն այստեղ եմ 😍
❤9
Աննախադեպ առաջարկ. պատվիրիր քարտ հիմա և ստացիր այն 500.000 ՀՀ դրամ լիցքավորված 🤩

Լավ է չէ՞ հնչում։ Դե հիմա անկեղծ գրիր 💭 մեկնաբանություններում՝ ի՞նչ կանեիր, եթե տեսնեիր նման գովազդ օրինակ հենց մեզնից՝ մեր քարտերի դիզայնով և մեր կայքին շատ նման վեբ հասցեով։ Հիմա մեկ այլ պատմություն պատմենք...

✈️ Էլենն ինչքան ժամանակ փնտրում էր մատչելի ավիատոմսեր դեպի 🇪🇺Եվրոպա։ Գովազդային ալգորիթմները նրա էջ են բերում գրավիչ գովազդ՝ «Ուղիղ չվերթ՝ 🇦🇲Երևանից 🇪🇸Բարսելոնա, 29 դոլար։ Մնացել է վերջին 3 տեղը»։ Գովազդը չափազանց գրավիչ էր, որոշում է սեղմել ու իմանալ ավելին։

Հղումը տարավ մի կայք, որը կարծես իրական ավիաընկերության կայք լիներ՝ նույն գույները, նույն լոգոն, նույն ոճը։ Էլենը ներմուծեց բանկային քարտի տվյալները, ստացավ 🙅🏻‍♂️ «Մերժված է» հաղորդագրություն և... այդտեղ ամեն ինչ սկսվեց։ Էլենը բարկացած էր 😤 և համառ, անպայման ուզում էր լուծել խնդիրը, այնպես որ, երբ կայքում նրան առաջարկեցին լրացնել բանկային գաղտնաբառը, որպեսզի խնդիրը լուծվի, Էլենն արեց դա։

Սա միայն Էլենի պատմությունը չէ։ Վերջին շրջանում խարդախության սխեմաները դառնում են ավելի բարդ, ավելի նման իրականներին։ Ոմանք նույնիսկ օգտագործում են արհեստական բանականություն՝ ստեղծելով բանկի աշխատակցի ձայնով խոսող ավտոմատ զանգեր կամ chatbot-եր, որոնք շփոթեցնում են մարդուն։

🥺 Բայց հնարավո՞ր է պաշտպանվել զեղծարարությունից, եթե դրանք այսքան իրական են։

Այո, պարզապես պետք է հետևել մի քանի պարզ քայլերի.
✅ Ոչ մի տեղ մի մուտքագրեք անձնական կամ բանկային տվյալները, եթե վստահ չեք՝ հղման աղբյուրն իրական է, թե ոչ։
✅ Մի մոռացեք․ բանկը երբեք չի խնդրի OTP կամ գաղտնաբառ՝ ոչ հաղորդագրությամբ, ոչ էլ զանգով։
✅ Ակբայի բոլոր առաջարկներն ու ակցիաները հասանելի են բացառապես 👉 acba.am կայքում կամ մեր պաշտոնական սոցիալական էջերում։
✅ Եվ եթե կասկածում եք, անգամ մի փոքր, զանգեք մեզ՝ 010 31 88 88։ Ավելի լավ է նախապես հարցնել, քան հետո սխալը շտկել։

💬 Տեխնոլոգիաների հետ, այո, ցավոք զարգանում են նաև խարդախությունները։ Զգուշությունը նոր իրականության մեջ ոչ թե ցանկալի, այլ անհրաժեշտ հմտություն է։

Եթե Էլենը մի փոքր ավելի ուշադիր լիներ, Բարսելոնայի համար նախատեսված ամբողջ միջոցները չէր ուղարկի զեղծարարին։💸
Please open Telegram to view this post
VIEW IN TELEGRAM
❤49👍12😱33💯2
📚 Գիտելիքի օրվա առթիվ Ակբա բանկը նվիրում է Բուկինիստ գրախանութի 20 նվեր քարտ։

Մասնակցելու համար՝
1️⃣ Հետևիր Ակբա բանկի ինստագրամյան էջին,
2️⃣ Հետևիր Ակբա բանկի Տելեգրամ ալիքին,
3️⃣ Հավանիր Ինստագրամի հետևյալ գրառումը և մեկնաբանություններում նշիր քո դասընկերոջը կամ կուրսեցուն:

📅 Հաղթողները կընտրվեն սեպտեմբերի 5-ին՝ պատահականության սկզբունքով և 10 մասնակից նվեր կստանա 2-ական նվեր քարտ։

📍 Մասնակցել կարող են հանրակրթական դպրոցների աշակերտները, քոլեջների ու ԲՈՒՀ-երի ուսանողները։

👉 Գովազդային վիճակախաղի պայմաններին առավել մանրամասն կարող ես ծանոթանալ այստեղ:
Please open Telegram to view this post
VIEW IN TELEGRAM
❤52👍9🤩2
Ինչքա՜ն ավելի ազատ կլիներ վաղվա օրը, եթե սկսեիր խնայել հենց այսօր՝ թեկուզ փոքր քայլերով

💰 Խնայել նշանակում է ունենալ ազատություն վաղը՝ ընտրելու, ստեղծելու, ապրելու։ Այն ոչ թե սահմանափակում է, այլ ապահովում է կայունություն և հնարավորություն՝ ապրել ավելի վստահ ու խաղաղ։

Հոկտեմբերի 31-ին նշվում է «Խնայողությունների համաշխարհային օրը» 🌍

Կարևորելով խնայելու սովորության զարգացումը բոլորիս կյանքում՝ միասին դիտարկենք, թե որ տարիքից և ինչ նպատակներով է այն ձևավորվում մի շարք զարգացած երկրներում։

▪️Սկանդինավիա (Նորվեգիա, Շվեդիա, Դանիա, Ֆինլանդիա, Իսլանդիա). սովորաբար 17–18 տարեկանից, առաջին աշխատանքից․ հիմնական նպատակ՝ առաջին բնակարան նաև երկարաժամկետ կուտակումներ։
▪️ Շվեյցարիա. սկսում են խնայել միջինում 18 տարեկանից, ունեն հատուկ մշակված պետական ծրագիր, որը խրախուսում է երկարաժամկետ խնայողությունը և տուն գնելու նպատակադրումը։
▪️ Նիդերլանդներ. առաջին աշխատանքից (դեռահասության վերջ)․ տարածված է բյուջետավորման 50/30/20 մոտեցումը՝ աշխատավարձի ~20%-ը ուղղելով խնայողություններին։
▪️ Նոր Զելանդիա․ խնայողություններ ինտենսիվ կուտակում են 18-25 տարեկանները, գնում են ավտոմեքենա առաջին աշխատանքի ընդունվելուն պես, իսկ առաջին բնակարանը գնելու ցանկությունը արագացնում է խնայելու գործընթացը։
▪️Ճապոնիա. սկիզբը՝ 18 տարեկանից։ Նպատակը՝ երկարաժամկետ կապիտալի ձևավորում, օրինակ՝ կրթություն, բնակարան։

Ի՞նչ օրինաչափություն ենք նկատում. որքան զարգացած է պետությունը, այնքան ավելի վաղ տարիքից են սկսում մարդիկ խնայել, և խնայողությունները սկսում են ավելի շուտ աշխատել կյանքի բարեկեցության օգտին։

Ակբա բանկում մենք առաջարկում ենք գումար խնայելու մի քանի տարբերակ.
☑️ ավանդ
☑️ խնայողական հաշիվ
☑️ պարտատոմս
☑️ բաժնետոմս

Սկսիր խնայել հիմա, թող գումարն աշխատի քո փոխարեն։
👍13❤6
🎄 Ինչպե՞ս ստեղծել հեքիաթ՝ չվնասելով իրականությունը

Դեկտեմբերը տարվա ամենաարտասովոր ամիսն է. մի կողմից օդում կախված է հրաշքի սպասումը, մյուս կողմից՝ դրամապանակի տագնապը։ Մենք հաճախ ընկնում ենք էմոցիոնալ թակարդը՝ կարծելով, թե սերը չափվում է զրոների քանակով, իսկ ուրախությունը՝ սեղանի առատությամբ։

Բայց արի՛ անկեղծ լինենք. հունվարի «բյուջետային սառնամանիքը» ոչ ոքի դուր չի գալիս։ 🥶

Իսկ ինչպե՞ս մնալ տոնական տրամադրությամբ, լինել առատաձեռն, բայց և սթափ։ Ահա անհոգ տոների քո ուղեցույցը։ 👇

📍 Մարտահրավեր 1. Բյուջեն՝ որպես ստեղծագործական նախագիծ

Մոռացի՛ր «տնտեսել» բառը, դա ձանձրալի է։ Դրա փոխարեն արի կառավարենք։ Տոնական բյուջեն քո սցենարն է, որտեղ դու ես որոշում, թե ով է գլխավոր հերոսը։

✅ Սահմանիր կարմիր գծեր։ Նախքան խանութ մտնելը, որոշիր այն թիվը, որից այն կողմ անցնելը քեզ կզրկի հունվարյան հանգստությունից։ Դա քո անվտանգության բարձիկն է։

✅ Էմոցիաներ։ Հիշիր անցած տարվա տոները։ Ի՞նչն է տպավորվել՝ թա՞նկ ափսեները, թե՞ ընկերներիդ հետ անցկացրած խենթ երեկոն։ Ներդրում արա մթնոլորտի, ոչ թե ավելորդ ատրիբուտների մեջ։

📍 Մարտահրավեր 2. Նվերների արվեստը (կամ ինչպե՞ս տպավորել՝ առանց սնանկանալու)
Կա մի կարծրատիպ, թե լավագույն նվերը ամենաթանկն է։ Սա հորինած ամենամեծ սուտն է։ Լավագույն նվերը ուշադրությունն է, որը նյութականացվել է։

1️⃣ Պատմություն նվիրիր։
Մի շիշ լավ գինին պարզապես խմիչք է։ Բայց մի շիշ գինին՝ «հիշու՞մ ես, սա խմում էինք մեր առաջին հանդիպմանը» պիտակով, արդեն հուշ է։


2️⃣ Օգտվիր հնարավորությունից։
Իհարկե, լինում են դեպքեր, երբ սպասելիքները մեծ են և պետք է շոշափելի ու արժեքավոր նվերներ գնել (օրինակ՝ երկար սպասված սմարթֆոն)։ Այստեղ պետք չէ զոհաբերել սեփական խնայողությունները միանգամից։


💡 Հիշիր Ակբայի 0%-ով ապառիկի մասին. սա քո հնարավորությունն է կատարելու մեծ գնումներ հիմա, իսկ վճարումը բաժանելու մասերի՝ առանց որևէ հավելյալ վճարների։

3️⃣ Փաթեթավորման մոգությունը։
Մի՛ թերագնահատիր մատուցման ձևը։ Սեփական ձեռքերով ու սիրով պատրաստված փաթեթավորումը հաճախ ավելի մեծ էմոցիա է փոխանցում, քան ինքնին նվերը։ Դա հոգատարության լուռ խոստովանություն է։


🥂 Տոները մրցավազք չեն, թե ով ավելի շքեղ կզարդարի տունը կամ ավելի թանկ նվեր կանի։ Տոները դադար են՝ հիշեցնելու, որ կյանքը գեղեցիկ է։ ✨

Մի՛ թույլ տուր, որ թվերը սպանեն հեքիաթը։ Պլանավորիր խելացի, նվիրիր սրտով ու օգտվիր ընձեռված հնարավորություններից, որպեսզի հունվարի 1-ին արթնանաս ոչ թե ափսոսանքով, այլ ժպիտով։
Please open Telegram to view this post
VIEW IN TELEGRAM
❤16🔥3💯3👍1
🎄✨ Նոր տարի, նոր էջ, նոր հեռանկարներ

Այս տարին մեզ համար նշանավորվեց կայուն ձեռքբերումներով և շարունակական աճով։ Մեր յուրաքանչյուր հաջողության հիմքում ձեր վստահությունն է, որն ուժ է տալիս մեզ՝ շարժվելու առաջ և սահմանելու նոր նշաձողեր։

Միասին մենք հաղթահարել ենք մարտահրավերներ, ստեղծել նորարար լուծումներ և դարձել ավելի կայուն ու վստահ։ Շնորհակալ ենք, որ ընտրում եք մեզ որպես ձեր ֆինանսական գործընկեր։ Ձեր հավատարմությունը մեր ամենամեծ ոգեշնչումն է։

Ակբա բանկը շնորհավորում է ձեզ Ամանորի և Սուրբ Ծննդյան առթիվ՝ մաղթելով խաղաղություն, կայունություն, նոր հաղթանակներ և իրականացած նպատակներ։ Թող հրեղեն ձիու տարին լինի ձեր կյանքի ամենաարագընթաց վերելքի տարին։ 🐎
Please open Telegram to view this post
VIEW IN TELEGRAM
❤32🎄5👍1
🏰 Մի վճարում, մի քայլ ավելի մոտ Disneyland® Paris-ին

Պատկերացրու՝ դու և ընտանիքդ քայլում եք Փարիզի նեղ փողոցներով, հիանում տեսարժան վայրերով ու....հետո բացվում են հեքիաթի դարպասները ✨

Այո՜, հենց Disneyland® Paris-ի դարպասները։

💫 Ակբան և Visa-ն իրականացնում են ձեր այդքան սպասված երազանքը

Հատուկ Ակբայի Visa քարտապանների համար բացառիկ արշավի շրջանակում 2 երջանիկ ընտանիք (յուրաքանչյուրը 4 անձ) հնարավորություն կստանան մեկնելու 5-օրյա ամբողջական ճամփորդության դեպի Disneyland® Paris 🎁

Փաթեթում ներառված է՝
✈️ Երևան—Փարիզ—Երևան ավիատոմսեր,
🏨 2 օր Disneyland® Paris-ի և 3 օր Փարիզի կենտրոնում գտնվող հինգաստղանի հյուրանոցներում,
🎫 Disneyland® Paris-ի տոմսեր,
🕺 Հատուկ ընտրված փորձառություններ Փարիզում։

🤔 Ի՞նչ պետք է անել. մինչև փետրվարի 27-ը ներառյալ կատարել առնվազն 5՝ յուրաքանչյուրը 15,000 ֏ դրամին համարժեք վճարում Ակբայի Visa քարտով և, վերջ, դու մասնակցում ես խաղարկությանը։

✨ Disneyland® Paris-ը սպասում է քեզ

Վճարիր Ակբայի Visa քարտով ու սկսիր հավաքել ճամպրուկդ🧳
Please open Telegram to view this post
VIEW IN TELEGRAM
❤42🔥7👍3👏2😍2
Channel photo updated