Дивидендлар тарзидаги даромадларнинг солиқ ставкалари
Жисмоний шахс-таъсисчилар учун дивидендлар мулкий даромадларга киритилади ва уларга тўлов манбаида қуйидаги ставкаларда ЖШДС солинади СК 387-м. 1-қ.:

5 % - резидентлар учун СК 381-м. 2-қ.;
10 % - норезидентлар учун СК 382-м.
Юридик шахс-таъсисчилар учун дивидендларга тўлов манбаида қуйидаги ўша ставкаларда фойда солиғи солинади СК 343-м. СК 351-м.:

5 % - резидентлар учун СК 337-м.;
10 % - норезидентлар учун СК 353-м.
Норезидентларга дивидендлар тўлашда Ўзбекистоннинг икки ёқлама солиқ солишнинг олдини олиш тўғрисидаги халқаро шартномалари қоидаларини ҳисобга олинг. @accounting_stuff

Изохлардан: Тушунтириш хати – ҳар қандай факт ва ҳодисанинг сабабларини (иш жойида йўқлиги, кечикиш, меҳнат вазифаларини бузиш, иш берувчининг мулкига зарар етказиш ва бошқалар) тушунтириб берувчи ҳужжатдир.

Тушунтириш хатининг шакли (қўлда ёки компьютерда ёзилиши)га нисбатан қонун ҳужжатларида ҳеч қандай талаб белгиланмаган. Шунинг учун тушунтириш хати қўлда ёки компьютерда ёзилиб, имзоланиши мумкин. Тушунтириш хати талаб қилиниши шарт бўлган 2 та ҳолат мавжуд:

1. Интизомий жазо қўлланилишидан аввал ходимдан ёзма равишда тушунтириш хати талаб қилиниши лозим. Ходимнинг тушунтириш хати беришдан бош тортиши унинг илгари содир қилган ножўя хатти-ҳаракати учун жазо қўллашга тўсиқ бўла олмайди (МКнинг 182-моддаси).

Айнан тушунтириш хати орқали ходимнинг содир этилган ножўя хатти-ҳаракатга нисбатан ўз муносабатини аниқлаб олиш мумкин. Тушунтириш хати албатта ходимнинг шахсан ўзи томонидан ёзилиши, уни иш берувчи номига ёзиши, тушунтириш хатида содир этилган хатти-ҳаракатдаги айбдорлик масаласига тўхталиши керак.

Шу ўринда бир ҳолатга тўхталиб ўтсак. Ножўя хатти-ҳаракат содир этгани учун ходимдан тушунтириш хати олинди, лекин унга нисбатан ҳеч қандай интизомий жазо қўлланмади. Бир йил мобайнида (бу муддат давомида ходим интизомий ёки моддий жавобгарликка тортилмаган ёки унга нисбатан меҳнат тўғрисидаги қонун ҳужжатлари ва бошқа норматив ҳужжатларда назарда тутилган таъсир чоралари қўлланмаган бўлса) ходим томонидан такроран интизомга хилоф ножўя ҳаракат содир қилинди ва у билан меҳнат шартномаси ходим томонидан ёзилган аввалги тушунтириш хатини асос қилган ҳолда МК 100-моддаси 2-қисмининг 3-банди асосида бекор қилинди. Бу ҳолат ғайриқонунийдир.

Чунки тушунтириш хати ҳуқуқий таъсир чораси ҳам, интизомий жазо ҳам ҳисобланмайди. Бу вазиятда ножўя хатти-ҳаракат содир этгани учун ходимдан тушунтириш хати олингач, унга нисбатан интизомий жазо қўлланганда эди, меҳнат шартномасини МК 100-моддаси 2-қисмининг 3-банди асосида бекор қилиш мумкин бўлар эди. @accounting_stuff

Тушунтириш хати олишни 2. холати: Зарарнинг сабабини аниқлаш учун ходимдан тушунтириш хати талаб қилиниши шарт. Ходимнинг тушунтириш хати беришдан бўйин товлаши иш берувчи уни етказилган зарар учун моддий жавобгарликка тортишига моне бўла олмайди (МКнинг 204-моддаси).

Тушунтириш хати ходим томонидан иш берувчининг номига ёзилади. Амалдаги қонунчиликка кўра, фақатгина иш берувчи ходимдан тушунтириш талаб қилади. Шу билан бирга, амалиётга мувофиқ иш берувчи ходимдан муайян бир меҳнат интизомининг бузилиши юзасидан тушунтириш хати сўраш тўғрисида кадрлар хизматига кўрсатма бериши мумкин. Яъни кадрлар хизмати айнан иш берувчининг кўрсатмаси ёки фармойиши билан ходимдан тушунтириш хати сўрайди ва бу ҳолатда ходимга иш берувчининг кўрсатмаси ёки фаромойишини айнан кўрсатиши мақсадга мувофиқ.

Одатда меҳнат шартномасини ходимнинг айбли ҳаракатлари сабабли бекор қилишда ва бошқа ҳолатларда ходим тушунтириш хати ёки тилхат беришдан бўйин товлайди. Олий суд пленумининг 1998 йил 17 апрелдаги «Судлар томонидан меҳнат шартномаси (контракти)ни бекор қилишни тартибга солувчи қонунларнинг қўлланилиши ҳақида»ги 12-қарори 31-банди 3-хатбошисига кўра, судлар иш берувчи томонидан талаб қилинишига қарамай, ходим тушунтириш хати беришдан бош тортган-тортмаганини аниқлаши керак.

Бундай ҳолатда буйруқни расмийлаштиришга масъул ходим бошқа холис ходимлар иштирокида (иложи борича ходим ишлайдиган таркибий бўлинма ходимлари иштирокида) ходим тушунтириш хати беришдан бош тортгани ёки тилхат беришдан бўйин товлагани тўғрисида далолатнома тузиб қўйиши зарур. Далолатнома одатда кадрлар бўлими, ходим ишлайдиган бўлинма раҳбари ва касаба уюшмаси вакили иштирокида тузилса мақсадга мувофиқ ҳамда ушбу далолатномани буйруққа бириктириб қўйиш керак бўлади. @accounting_stuff

Marketpleys bu nima?

Marketpleys — bu operator tizimiga bog‘lanish imkoniyatiga ega bo‘lgan, operatorga taqdim qilgan chek ma’lumotlari asosida onlayn rejimda fiskal belgilarni qabul qiluvchi, cheklarni elektron shaklda xaridorlarga yuborish funksiyasiga ega bo‘lgan texnika vositalaridan, axborot texnologiyalaridan va axborot tizimlari xizmatlaridan foydalangan holda elektron to‘lov hujjatlari vositasida naqd yoki naqd pulsiz hisob-kitoblarni amalga oshirish tizimi.

👉VM-943-son qarori 1a-ilova
______
#маркетплейс

Что такое маркетплейс?

Маркетплейс - это система осуществления наличных или безналичных денежных расчетов посредством электронных платежных документов с использованием услуг технических средств, информационных технологий и информационных систем, имеющих функцию направления покупателям чеков в электронной форме, обладающая возможностью подключения к системе оператора, принимающая в онлайн режиме фискальные отметки на основании данных чека, представленного оператору.

👉Прил.№1а к ПКМ №943 @accounting_stuff

Ниҳоят, Солиқ кодексига қўшимча киритилмоқда

Президент фарзандларини хусусий боғча ва мактабларга бераётган ота-оналарга солиқ имтиёзи берилишини айтган эди. Лекин ҳалигача қонунчиликка тегишли ўзгартишлар киритилгани йўқ эди.

Солиқ кодексига киритилаётган қўшимчага мувофиқ, нодавлат мактабгача таълим ташкилотлари ва мактабларга фарзандларини юбораётган ота-оналарнинг ойига 3 миллион сўмгача бўлган тўловлари даромад солиғидан озод этилади.

Ҳужжат парламент қуйи палатасида депутатлар томонидан кўриб чиқилмоқда.

Кадастри йўқ уйларга 3 карра миқдорда ер солиғи солиш вақтинча тўхтатиб турилади

Бу ҳақда бугун Шавкат Мирзиёев раислигидаги видеоселектор йиғилишида маълум қилинди.

Адлия вазирлиги, Солиқ қўмитаси, Кадастр агентлигига бир ҳафта муддатда ишчи гуруҳларини шакллантириб, ишларни бошлаш топширилди. Ишчи гуруҳлари:

- 1 октябрга қадар маҳаллабай кадастр ҳужжати бўлмаган хонадонларнинг электрон рўйхатини шакллантиради;

- уй-жойга бўлган ҳуқуқларни эътироф этишга асос бўлувчи ҳужжатларни тўплайди ва электрон базага киритади.

Мутасаддиларга республиканинг барча ҳудудларида кадастри йўқ хонадонлар масаласини узил-кесил ҳал қилиш учун алоҳида қонун лойиҳасини ишлаб чиқиб, муҳокамага киритиш вазифаси қўйилди.

Янги қонун қабул қилингунига қадар бу уй-жой эгаларига уч карра оширилган солиқ қўллаш тўхтатиб туришга қарор қилинди.

Тelegram | Facebook | Youtube| Instagram

Ҳисобот топширишга кечиксангиз, қандай санкциялар қўлланилади
– Шунга ўхшаш вазиятда ҳам юридик шахс, ҳам унинг мансабдор шахслари жавобгарликка тортилиши мумкин.
Солиқ ҳисоботини ўз вақтида тақдим этмаганлик учун солиқ тўловчи бўлган юридик шахснинг мансабдор шахси ёки солиқ тўловчи бўлган жисмоний шахс маъмурий жавобгарликка тортилади СК 220-м..
Эътибор беринг
Солиқларни ҳисоблаб чиқариш ва тўлаш учун зарур бўлган солиқ ҳисоботларини, ҳисоб-китобларини ҳамда бошқа ҳужжатларни ўз вақтида тақдим этмаганлик мансабдор шахсларга БҲМнинг 1 бараваридан 3 бараваригача, бир йил давомида такрор содир этилган бўлса БҲМнинг 3 бараваридан 10 бараваригача жарима солишга сабаб бўлади МЖТК 175-м..
Эслатиб ўтамиз, айнан бухгалтерия ҳисоби субъекти раҳбари солиқ ҳисоботининг ва бошқа молиявий ҳужжатларнинг тайёрланишини таъминлаши шарт 30.08.1996 йилдаги ЎРҚ-279-I-сон Қонун 11-м..

Шуни таъкидлаш муҳимки, МЖТКнинг 175-моддаси 1-қисмида назарда тутилган ҳуқуқбузарликни биринчи марта содир этган тадбиркорлик субъектининг мансабдор шахслари ёки ходимлари ёхуд тадбиркорлик фаолияти билан шуғулланувчи фуқаролар йўл қўйилган бузилишларни ҳуқуқбузарлик аниқланган пайтдан эътиборан 30 кунлик муддатда ихтиёрий равишда бартараф этган ва (ёки) етказилган моддий зарарнинг ўрнини қоплаган бўлса, маъмурий ҳуқуқбузарлик тўғрисидаги ишларни юритишни бошлаш мумкин эмас, бошланган иш эса тугатилиши лозим. Бундан фуқароларнинг ҳаёти ва (ёки) соғлиғига зарар етказилган ҳоллар мустасно МЖТК 271-м. 11-б..

МЖТКнинг 175-моддасида назарда тутилган маъмурий ҳуқуқбузарлик тўғрисидаги ишлар жиноят ишлари бўйича судлар томонидан кўриб чиқилади МЖТК 245-м..

Солиқни ўз вақтида тўламаганлик учун, солиқдан ташқари пеня тўланади (уни тўлаш бўйича мажбуриятнинг бажарилишини таъминлашга доир бошқа чоралар, шунингдек солиқ тўғрисидаги қонун ҳужжатларини бузганлик учун жавобгарлик чоралари қўлланилишидан қатъи назар).

Ҳар бир кечиктирилган кун учун пеня солиқнинг тўланмаган суммасидан келиб чиқиб фоизларда белгиланади. Пенянинг фоиз ставкаси Марказий банкнинг шу даврда амалда бўлган асосий ставкасининг 1/300 га тенг этиб қабул қилинади СК 110-м..

БУХГАЛТЕР ТЎСАТДАН АРИЗА ЁЗДИ. НИМА, У ИСТАГАН ВАҚТДА БЎШАБ КЕТА ОЛАДИМИ?

САВОЛ.
Сизга қуйидаги мазмунда саволим бор эди, яъни 3 мингтадан ортиқ ходим ишлайдиган корхона бош хисобчиси хохлаган пайтида ўз хохиши билан ариза ёзиб ишдан бўшаб кетиши мумкинми? Бўшашдан олдин огохлантириши керакми? Корхона бош хисобчини ўрнига бошқа муносиб одамни ишга олиши учун уни лавозимидан бўшатмасдан турса буладими? Агар бўлса қанча вақт бўшатмай туриши мумкин? Корхонани банкротлик масаласи ҳал бўлаётган пайтда бош ҳисобчи ўз ҳохиши билан ишдан бўшаб олиши тўғрими? Илтимос, имкони бўлса батафсил жавоб беринг. Жавоб учун олдиндан катта рахмат.

ЖАВОБ.

Бу ерда бир нарсага чалғиманг.

Меҳнат кодексининг 99-моддаси 1-қисмига асосан:

➖ходим номуайян муддатга тузилган меҳнат шартномасини ҳам, муддати тугагунга қадар муддатли меҳнат шартномасини ҳам, икки ҳафта олдин иш берувчини ёзма равишда огоҳлантириб, бекор қилишга ҳақлидир;

➖огоҳлантириш муддати тугагандан сўнг ходим ишни тўхтатишга ҳақли, иш берувчи эса, ходимга меҳнат дафтарчасини бериши ва у билан ҳисоб-китоб қилиши шарт.

Яъни, ҳар қандай ходим у бухгалтер бўладими, ёки бошқами, иш берувчини 2 хафта олдин огоҳлантириб, ўз ташаббуси (аризаси) билан шартномани бекор қилишга – ишдан бўшаб кетишга ҳақлидир. Бу ходимнинг ҳуқуқи ҳисобланади.

Бундай ҳолатда иш берувчи ўша муддат тугаши билан ходимнинг меҳнат шартномасини бекор қилиш ҳақидаги буйруқ чиқариб бериши керак.

Ўша 2 хафталик огоҳлантириш муддати тугаганидан кейин ходим ишни батамом тўхтатишга ва ўзини ишдан бўшади деб ҳисоблашга ҳақли бўлади.

Демак, ана шу 2 хафталик муддат давомида иш берувчи бўшаётган бухгалтернинг ўрнига бемалол номзод қидириши мумкин, шу муддат охиригача иш берувчи бухгалтерни бўшатмай туриши мумкин.

👉@yuristkadr