Ниҳоят, Солиқ кодексига қўшимча киритилмоқда

Президент фарзандларини хусусий боғча ва мактабларга бераётган ота-оналарга солиқ имтиёзи берилишини айтган эди. Лекин ҳалигача қонунчиликка тегишли ўзгартишлар киритилгани йўқ эди.

Солиқ кодексига киритилаётган қўшимчага мувофиқ, нодавлат мактабгача таълим ташкилотлари ва мактабларга фарзандларини юбораётган ота-оналарнинг ойига 3 миллион сўмгача бўлган тўловлари даромад солиғидан озод этилади.

Ҳужжат парламент қуйи палатасида депутатлар томонидан кўриб чиқилмоқда.

Кадастри йўқ уйларга 3 карра миқдорда ер солиғи солиш вақтинча тўхтатиб турилади

Бу ҳақда бугун Шавкат Мирзиёев раислигидаги видеоселектор йиғилишида маълум қилинди.

Адлия вазирлиги, Солиқ қўмитаси, Кадастр агентлигига бир ҳафта муддатда ишчи гуруҳларини шакллантириб, ишларни бошлаш топширилди. Ишчи гуруҳлари:

- 1 октябрга қадар маҳаллабай кадастр ҳужжати бўлмаган хонадонларнинг электрон рўйхатини шакллантиради;

- уй-жойга бўлган ҳуқуқларни эътироф этишга асос бўлувчи ҳужжатларни тўплайди ва электрон базага киритади.

Мутасаддиларга республиканинг барча ҳудудларида кадастри йўқ хонадонлар масаласини узил-кесил ҳал қилиш учун алоҳида қонун лойиҳасини ишлаб чиқиб, муҳокамага киритиш вазифаси қўйилди.

Янги қонун қабул қилингунига қадар бу уй-жой эгаларига уч карра оширилган солиқ қўллаш тўхтатиб туришга қарор қилинди.

Тelegram | Facebook | Youtube| Instagram

Ҳисобот топширишга кечиксангиз, қандай санкциялар қўлланилади
– Шунга ўхшаш вазиятда ҳам юридик шахс, ҳам унинг мансабдор шахслари жавобгарликка тортилиши мумкин.
Солиқ ҳисоботини ўз вақтида тақдим этмаганлик учун солиқ тўловчи бўлган юридик шахснинг мансабдор шахси ёки солиқ тўловчи бўлган жисмоний шахс маъмурий жавобгарликка тортилади СК 220-м..
Эътибор беринг
Солиқларни ҳисоблаб чиқариш ва тўлаш учун зарур бўлган солиқ ҳисоботларини, ҳисоб-китобларини ҳамда бошқа ҳужжатларни ўз вақтида тақдим этмаганлик мансабдор шахсларга БҲМнинг 1 бараваридан 3 бараваригача, бир йил давомида такрор содир этилган бўлса БҲМнинг 3 бараваридан 10 бараваригача жарима солишга сабаб бўлади МЖТК 175-м..
Эслатиб ўтамиз, айнан бухгалтерия ҳисоби субъекти раҳбари солиқ ҳисоботининг ва бошқа молиявий ҳужжатларнинг тайёрланишини таъминлаши шарт 30.08.1996 йилдаги ЎРҚ-279-I-сон Қонун 11-м..

Шуни таъкидлаш муҳимки, МЖТКнинг 175-моддаси 1-қисмида назарда тутилган ҳуқуқбузарликни биринчи марта содир этган тадбиркорлик субъектининг мансабдор шахслари ёки ходимлари ёхуд тадбиркорлик фаолияти билан шуғулланувчи фуқаролар йўл қўйилган бузилишларни ҳуқуқбузарлик аниқланган пайтдан эътиборан 30 кунлик муддатда ихтиёрий равишда бартараф этган ва (ёки) етказилган моддий зарарнинг ўрнини қоплаган бўлса, маъмурий ҳуқуқбузарлик тўғрисидаги ишларни юритишни бошлаш мумкин эмас, бошланган иш эса тугатилиши лозим. Бундан фуқароларнинг ҳаёти ва (ёки) соғлиғига зарар етказилган ҳоллар мустасно МЖТК 271-м. 11-б..

МЖТКнинг 175-моддасида назарда тутилган маъмурий ҳуқуқбузарлик тўғрисидаги ишлар жиноят ишлари бўйича судлар томонидан кўриб чиқилади МЖТК 245-м..

Солиқни ўз вақтида тўламаганлик учун, солиқдан ташқари пеня тўланади (уни тўлаш бўйича мажбуриятнинг бажарилишини таъминлашга доир бошқа чоралар, шунингдек солиқ тўғрисидаги қонун ҳужжатларини бузганлик учун жавобгарлик чоралари қўлланилишидан қатъи назар).

Ҳар бир кечиктирилган кун учун пеня солиқнинг тўланмаган суммасидан келиб чиқиб фоизларда белгиланади. Пенянинг фоиз ставкаси Марказий банкнинг шу даврда амалда бўлган асосий ставкасининг 1/300 га тенг этиб қабул қилинади СК 110-м..

БУХГАЛТЕР ТЎСАТДАН АРИЗА ЁЗДИ. НИМА, У ИСТАГАН ВАҚТДА БЎШАБ КЕТА ОЛАДИМИ?

САВОЛ.
Сизга қуйидаги мазмунда саволим бор эди, яъни 3 мингтадан ортиқ ходим ишлайдиган корхона бош хисобчиси хохлаган пайтида ўз хохиши билан ариза ёзиб ишдан бўшаб кетиши мумкинми? Бўшашдан олдин огохлантириши керакми? Корхона бош хисобчини ўрнига бошқа муносиб одамни ишга олиши учун уни лавозимидан бўшатмасдан турса буладими? Агар бўлса қанча вақт бўшатмай туриши мумкин? Корхонани банкротлик масаласи ҳал бўлаётган пайтда бош ҳисобчи ўз ҳохиши билан ишдан бўшаб олиши тўғрими? Илтимос, имкони бўлса батафсил жавоб беринг. Жавоб учун олдиндан катта рахмат.

ЖАВОБ.

Бу ерда бир нарсага чалғиманг.

Меҳнат кодексининг 99-моддаси 1-қисмига асосан:

➖ходим номуайян муддатга тузилган меҳнат шартномасини ҳам, муддати тугагунга қадар муддатли меҳнат шартномасини ҳам, икки ҳафта олдин иш берувчини ёзма равишда огоҳлантириб, бекор қилишга ҳақлидир;

➖огоҳлантириш муддати тугагандан сўнг ходим ишни тўхтатишга ҳақли, иш берувчи эса, ходимга меҳнат дафтарчасини бериши ва у билан ҳисоб-китоб қилиши шарт.

Яъни, ҳар қандай ходим у бухгалтер бўладими, ёки бошқами, иш берувчини 2 хафта олдин огоҳлантириб, ўз ташаббуси (аризаси) билан шартномани бекор қилишга – ишдан бўшаб кетишга ҳақлидир. Бу ходимнинг ҳуқуқи ҳисобланади.

Бундай ҳолатда иш берувчи ўша муддат тугаши билан ходимнинг меҳнат шартномасини бекор қилиш ҳақидаги буйруқ чиқариб бериши керак.

Ўша 2 хафталик огоҳлантириш муддати тугаганидан кейин ходим ишни батамом тўхтатишга ва ўзини ишдан бўшади деб ҳисоблашга ҳақли бўлади.

Демак, ана шу 2 хафталик муддат давомида иш берувчи бўшаётган бухгалтернинг ўрнига бемалол номзод қидириши мумкин, шу муддат охиригача иш берувчи бухгалтерни бўшатмай туриши мумкин.

👉@yuristkadr

#qonunchilikdagi_yangiliklar

Norezident jismoniy shaxslarning O‘zbekistondagi manbalardan oladigan daromadlari bo‘yicha soliq solish stavkasi pasaytirildi

Soliq stavkasi 20%dan 12%gacha pasaytirildi.

Masalan, agar norezidentning bir oyda daromadi 1000 shartli birlikni tashkil etgan bo‘lsa, budjetga ushbu summadan 200 shartli birlik to‘langan. Hozir ushlab qolish summasi 120 shartli birlikni tashkil qiladi.

Eslatib o‘tamiz, 12% – rezident jismoniy shaxslar uchun ham JShODS stavkasi.

Soliq stavkasini pasaytirish qaysi paytdan e'tiboran amal qiladi?

O‘RQ-785-son Qonunga asosan 12% stavka 2022-yil 1-maydan boshlab hisoblangan daromadlarga qo‘llaniladi.

Qaysi daromadlarga 12% stavka qo‘llaniladi?

12% stavka mehnat shartnomalari va fuqarolik-huquqiy xususiyatdagi shartnomalar bo‘yicha olingan daromadlarga, shuningdek boshqa daromadlarga qo‘llaniladi, bundan dividendlar, foizlar va fraxtdan olinadigan daromadlar mustasno.

Oldingi darajada saqlanib qolgan soliq stavkalari:

▫️dividendlar va foizlar bo‘yicha – 10%;
▫️xalqaro tashishlarda transport xizmatlarini taqdim etishdan olinadigan daromadlar bo‘yicha (fraxtdan olinadigan daromadlar) – 6%.

May-iyun uchun JShODS bo‘yicha hisobotni qayta topshirish zarurmi?

Yo‘q, qayta topshirmasa bo‘ladi. Hisobot yil boshidan o‘sib boruvchi yakun bilan taqdim etilishi bois, iyul hisobotida tuzatishlarni aks ettirish yetarli.
__________
#новое_в_законодательстве

Снижена ставка налогообложения по доходам физлиц-нерезидентов, полученным от источников в Узбекистане

Ставка налога на доходы снижена с 20% до 12%.

Например, если доход нерезидента за месяц составлял 1000 у.е., то ранее в бюджет уплачивалось 200 у.е. от этой суммы. Сейчас сумма удержания составит 120 у.е.

Напомним, что ставка НДФЛ и для физлиц-резидентов - 12%.

С какого момента действует понижение ставки налога?

Согласно принятому № ЗРУ-785, ставка 12% применяется к доходам, начисленным с 1 мая 2022 года.

К каким доходам применяется ставка 12%?

Ставка 12% применяется к доходам, полученным по трудовым договорам и договорам гражданско-правового характера, а также к другим доходам, за исключением дивидендов, процентов и доходов от фрахта.

Ставки налога, которые остались на прежнем уровне:
▫️по дивидендам и процентам – 10%;
▫️по доходам от предоставления транспортных услуг при международных перевозках (доходы от фрахта) – 6%.

Нужно ли пересдавать отчетность по НДФЛ за май-июнь?

Нет, можно не пересдавать. Так как отчет представляется нарастающим итогом с начала года, достаточно отразить корректировки по итогам июля.

Тelegram | Facebook | Youtube| Instagram

Ишга тиклашга оид қизиқ бир амалиёт ҳақида.

Амалдаги Меҳнат кодексининг 112-моддасида тахминан мана бунақа мазмундаги қоида бор:

➖ходимнинг илтимосига кўра суд ишга тиклаш ўрнига унинг фойдасига камида 3 ойлик иш ҳақи миқдорида қўшимча ҳақ ундириб бериши мумкин.

Эътибор беринг, бу қўшимча ҳақ ходимга ундириб бериладиган мажбурий прогул тўловидан, ишга тиклаш учун ходим қилган ҳаражатлардан ва маънавий зарар учун ундириладиган суммалардан ташқари ундириладиган алоҳида тўловдир.

Масалан, ходим иш берувчи билан келишмовчилик ортидан ишдан бўшатилган бўлади. Ишга тикланган тақдирда у ўша корхонада бир кун ҳам ишлашни истамайди. Ор-номус ва ғурур учун ишга тикланиб ва ўзининг ҳақлигини исботлаб, шу заҳоти ишдан бўшаб кетишни режа қилади. Асосийси, ишга қайта тикланиб, юзи ёруғ бўлса бўлди. Бошқа томондан раҳбарнинг айби билан қанчадир вақт ишсиз юрганлиги учун суд унга мажбурий прогул учун иш ҳақларини, у кўрган маънавий зарарини ва адвокат учун қилган ҳаражатини ундириб беришини билади. Бундай ҳолларда ходим биз айтган юқоридаги қоидадан унумли фойдаланиб, “стадионинггаям...” дейтши мумкин. Талабларини асослантириб бўлганидан кейин, суд жараёнида ишга тикланишдан воз кечадида, унинг ўрнига судга қўшимча равишда 3 ойлик иш ҳақи (окладига қўшимча устамалар, мукофот ва бошқа тўловлар қўшилган ҳолдаги иш ҳақи) миқдоридаги пул маблағларини ундириш ҳақида илтимоснома киритади.

▪️Бундай ҳолатларда агар ходим ҳақиқатдан ҳам ноқонуний бўшатилганлиги аниқланса, суд даъво талабларидан келиб чиқиб ходим фойдасига:

➖мажбурий прогул вақти учун иш ҳақини;

➖ходим судда даъволашиш ва ҳуқуқини тиклаш учун қилган ҳаражатларини;

➖ходимга етказилган маънавий зарар суммаларини;

➖ҳамда ишга тиклаш ўрнига 3 ойлик иш ҳақи тўловларини ундириб беради.

Мисол. Ишдан бўшатилгандан кейин тахминан 6 ой давомида бўш юрган ва ойига дейлик 7 млн. сўм иш ҳақи олиб келган ходим бўйича тахминан мана бундай сумма ундирилиши мумкин: мажбурий прогул вақти учун 42 млн. сўм, адвокатга ва ҳуқуқини тиклашга қилган ўртача 10 млн. сўм, маънавий зарар учун 10 млн. сўм ва 3 ойлик иш ҳақи учун 21 млн. сўм, жами 83 млн. сўм.

☝️Баъзи бир вазиятларда, масалан, бошқа иш топиб бўлган ва аввалги ишхонасидан хафсаласи пир бўлган ходимлар учун албатта бундай позиция анчагина қулай бўлиши мумкин.

👉@yuristkadr

Амалдаги қонунчиликда контракт пулига йўналтирилган даромадларга берилган солиқ имтиёзидан кимлар ва қай тартибда фойдаланади

Ўзбекистон Солиқ кодексининг 378-моддаси 16-бандида жисмоний шахсларнинг иш ҳақи ва бошқа даромадларидан ўзининг, 26 ёшга тўлмаган фарзанди ёки эри (хотини)нинг таълим олиши учун йўналтирилган қисми даромад солиғидан озод этилиши белгиланган.

Таълим учун тўлов қуйидагилар ҳисобидан амалга оширилганда солиқ чегирмаси тақдим этилади:

👉 ўз маблағлари;
👉 жисмоний шахсга тижорат банклари томонидан берилган таълим кредитлари;
👉 юридик шахслар томонидан жисмоний шахсларга қайтариш шарти билан берилган маблағлари (ссудалар).
👉 тўлов ойлик иш ҳақидан эмас, мустақил амалга оширилганда, солиқ органига жами йиллик даромад тўғрисидаги декларацияни топширган ҳолда солиқ чегирмасидан фойдаланиш мумкин (27.05.2010 йил Адлия Вазирлигидан 2107-сон билан рўйхатга олинган Низом).

Бунда, солиқ чегирмасига бўлган ҳуқуқни тасдиқлаш учун ариза орқали қуйидагилар тақдим этилади:

👉 ОТМ тўловли-контракт асосида ўқиш тўғрисида шартнома нусхаси;
👉олий ўқув юртлари ҳисоб рақамига пул маблағларини тўланганлигини тасдиқловчи ҳужжатлар нусхаси;
👉 шахсни тасдиқловчи маълумотлар.

Солиқ чегирмаси давлат солиқ хизмати органлари орқали жисмоний шахснинг жами йиллик даромади тўғрисидаги декларацияни тақдим этиш йўли билан ҳамда солиқ тўловчининг ёзма аризасига биноан тўлов манбаида — иш берувчи томонидан ҳам берилиши мумкин.

Ака-ука, опа-сингил, амма-хола, амаки-тоға, васий ва бошқаларнинг таълими учун тўловларда ушбу имтиёз қўлланилмайди

Эслатиб ўтамиз, жами йиллик даромадингиз тўғрисидаги декларацияни солиқ инспекциясига шахсан ташриф буюриш ёки почта орқали буюртма хатда юбориш ёхуд солиқ тўловчининг шахсий кабинети орқали электрон шаклда тақдим этишингиз мумкин.