Нега аксарият ўқув марказлар ҳали ҳам айланмадан олинадиган солиқ тўловчи бўлиб қолмоқда? Уларга ҚҚС ва фойда солиғи тўловчиси бўлиш афзал-ку!

Таълим соҳасидаги фаолиятлар бир нечта солиқлардан имтиёзга эга.

Булар:

ҚҚС. СКнинг 243-моддасининг 10-бандига асосан ўқитиш (таълим) соҳасидаги хизматлар ҚҚС дан тўлиқ озод этилади.

Фойда солиғи. СКнинг 337-моддасида Ижтимоий соҳада фаолиятни амалга оширувчи солиқ тўловчилар учун фойда солиғи ставкаси 0% қилиб белгиланган. СКнинг 59-моддасида таълимга оид хизматлар ижтимоий соҳага оидлиги белгилаб қўйилган.

Ер солиғи. СКнинг 428-моддасига асосан таълим ташкилотлари ер солиғидан ҳам озод этилган.

Мол-мулк солиғи. Таълим ташеилотлари СКнинг 414-моддасига асосан мол-мулк солиғидан ҳам озод этилган.

Бундан ташқари мана бу қарорга асосан Тошкент ва Самарқанд шаҳарларидан ташқари ҳудудларда жойлашган таълим ташеилотларига 2024 йил 1 январга қадар таълим жараёнида фойдаланиладиган бино ва иншоотлар ижара тўлови харажатларининг 50 фоизигача, бироқ давлат кўчмас мулк объектларидан фойдаланганлик учун ижара тўловининг қонунчиликда белгиланган минимал ставкасининг 50 фоиз миқдоридан кўп бўлмаган миқдорда давлат бюджети маблағлари ҳисобидан қоплаб берилиши белгиланган.

Тошкент ва Самарқанд шаҳридаги таълим ташкилотлари эса мана бу қарорга асосан ижара тўловини бир қисмини бюджетдан қоплатиб олишлари мумкин.

Баъзи бугалтерларга ҳайрон қоламан.Мажбурий ижро бюроси ходимдан қарздорлик борлиги (кредит,алимент ва бошқа) сабабли ижро варақасини юборганда, ходимнинг ойлигидан ушлайми ёки ушламайми? агар ҳодимни огохлантирмасдан ойлигидан қирқиб олсам дарров менга тел қилиб, жанжал қилишади деб ўйлашади ва адашади.Лекин ижрочини талабни бажармасан мен эмас рахбар жавобгарликка тортилади дейишади.

Қонунчиликдан хабари камроқ бугалтерлар шундай пайтдан чув туширади.Бундай пайтда довдираб қолмаслик керак, тамом.Қўлида асос бўлса, қўрқишни кераги йўқ.

Меҳнат кодексининг 164-моддасининг биринчи қисмига асосан, умумий қоидага кўра, ходимнинг ёзма розилиги билан, бундай розилик бўлмаган тақдирда эса, — суднинг қарорига асосан меҳнат ҳақидан ушлаб қолиниши мумкинлиги кўрсатилган

Мазкур Кодексининг 164-модда иккинчи қисми 3-бандида ҳам ходимнинг иш ҳақи тўловларидан суднинг қарорлари ва бошқа ижро ҳужжатларини ижро этишда унинг розилигисиз ушлаб қолинади дейилган

Шуни эсдан чиқармаслтк керакки,Мажбурий ижро бюроси асоссиз сизга (бугалтерларга) ижро вароқасини юбормайди. Қонуний кучга кирган суд қарорларини ижро қилувчи орган –Мажбурий ижро бюроси ва унинг ҳудудий бўлинмалари ҳисобланади.

Эслатма: «Суд ҳужжатлари ва бошқа органлар ҳужжатларини ижро этиш тўғрисида»ги Қонунининг 66-моддасига кўра, ижро ҳужжатлари бўйича қарз тўлиқ узилгунга қадар, қарздорга тўланадиган иш ҳақи ва унга тенглаштирилган тўловларнинг кўпи билан эллик фоизи ушлаб қолиниши мумкин.

👉@yuristmuydinov

💰Бюджет маблағлари қандай йўқолади?

Қачонки халқ тўлаган солиқлардан жамланган, "ХАЛҚ ПУЛИ" эвазига тўпланган Бюджет маблағлари - шаффоф, очиқ равишда сарфланмас экан, ДАВЛАТ ҚАШШОҚЛАШИБ, одамлар илмсиз, кадрлар яроқсиз қолаверади.

Ўғри қўллар Швецария банкларини тўлдираверар, бюджет сарфи яширин қолаверар экан Давлат ҳеч қачон ривожланмайди!

👇👇👇
https://telegram.me/+2TDJY5V2L_00NDNi

👨‍💻👨‍💻👨‍💻 Якка тартибдаги тадбиркор товар моддий бойликлар олишда ишончнома (доверенность) БЕРМАЙДИ!

Ўзбекистон Республикаси Фуқаролик Кодексининг 134-моддасида бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланиши ўрнатилган. Ишончнома ишонч билдирувчининг бошқа шахс олдидаги вакилига ваколат берилган хатти-ҳаракатларни амалга ошириш учун берилади. Товар-моддий захиралари бўйича битимларни тузиш ва уларни олиш якка тартибдаги тадбиркорнинг ўзи томонидан амалга оширилади. Шунинг учун ишончнома ёзишга эҳтиёж йўқ.
4-сонли БҲМС, 12-боб, 93-моддада ТМЗ сотиб олиш учун ишончномани "ташкилот"лар бериши белгиланган. “Тадбиркорлик фаолияти эркинлигининг кафолатлари тўғрисида”ги Ўзбекистон Республикаси Қонунининг 6-моддасида эса якка тартибдаги тадбиркорлик жисмоний шахс (якка тартибдаги тадбиркор) томонидан тадбиркорлик фаолиятини юридик шахс ташкил этмаган ҳолда амалга оширишдир дейилган.

Хулоса қиладиган бўлсак, ЯТТлар товар моддий бойликлар сотиб олишда ишончнома бермайди. https://t.me/accounting_stuff

⚡️2022 йил 15 февраль: Диққат ҳисобчилар эътиборлик буламиз!!!
📌2022 йил учун йиллик молиявий ҳисоботни тақдим этишнинг сўнгги куни(Бухгалтерия баланси Ф1, Молиявий натижалар тугрисидаги ҳисобот Ф2 ва йирик корхоналар учун Пул оқимлари ва Хусусий капитали ўзгариши тўғрисидаги ҳисобот;)
📌2022 йил декабрь ойи учун ЖШДС ва ижтимоий солиқ ҳисоб-китобини тақдим этиш ва тўлов тўлашнинг сўнгги куни;
📌2022 йил декабрь ойи учун айланмадан олинадиган солиқ бўйича ҳисоботни тақдим этиш ва солиқни тўлашнинг сўнгги куни; 📌2022 йил учун юридик шахсларнинг мол-мулкига солинадиган солиқ ҳисоб-китоби 1-мартдан кечиктирмай; 📌2022 йил учун 4-чорак Фойда солиғи ҳисоб-китоби 1-мартдан кечиктирмай; 📌2022 йил учун сув ресурсларидан фойдаланганлик учун солиқ ҳисоб-китоби;
📌2023 йил январь ойи учун ЖШДС ва ижтимоий солиқ бўйича солиқ ҳисоботини тақдим этиш ва солиқларни тўлашнинг сўнгги куни;
📌2023 йил январь ойи учун айланмадан олинадиган солиқ ҳисоб-китобини тақдим этишнинг сўнгги куни; https://t.me/accounting_stuff

💲💲💲Жисмоний шахс бўлмиш корхона таъсисчиси ўтган даврлар учун олмаган дивидендларидан корхона фойдасига воз кечмоқчи.
Бунда қандай бухгалтерия ўтказмаси берилади?

Агар тақсимланмаган фойда таъсисчига дивиденд сифатида тақсимланмаган бўлса, уни тақсимламасдан ишлаб юриш маъқул. Бунда корхонанинг мулки ўзида қолади, ҳеч қандай солиқ оқибатлари вужудга келмайди. Шу билан бирга корхона фойда билан ишлашда давом этса, таъсисчи келажакда дивидендларини олиши мумкин. Бунда 8710 счётидаги фойда 8720 счётига ўтказиб қўйилади.
Агар корхона фойдаси дивидендга тақсимланган бўлса-ю, таъсисчи уни олмасдан корхона фойдасига воз кечса, корхонада даромад вужудга келади. Ушбу даромад фойда солиғига ёки айланмадан олинадиган солиққа тортилади (СК 297-м. 3-қ. 12-б., 463-м. 1-қ.). Бухгалтерия ўтказмаси:
Дт 6610 «Тўланадиган дивидендлар»
Кт 9390 «Бошқа операцион даромадлар».
Тақсимланмаган фойда дивидендга тақсимланганида ҳам ЖШДС тўланади (СК 375-м. 2-б., 387-м. 1-қ. 3-б.). https://t.me/accounting_stuff

Акциядорлик жамиятининг идораси, лабораторияси, ходимлар бўлими, ишчи ва мижозлар ўтиш жойларига кулерлар қўйилиб, шартнома асосида капсулалардаги булоқ суви сотиб олиняпти.
Мижозлар ва ишчи-ходимлар томонидан ичилаётган кулердаги булоқ суви бўйича харажатлар қандай солиқ оқибатларини келтириб чиқаради?

Кулер шу жойдаги одамларга қулайлик яратиш мақсадида қўйилади. Ундаги булоқ сувидан қайси жисмоний шахс қанча ичишини аниқлаб бўлмайди. Вакиллик харажатлари, юридик шахснинг ходимларнинг меҳнат ва дам олиш шароитларини таъминлаш билан боғлиқ ҳамда муайян жисмоний шахсларнинг даромади ҳисобланмайдиган бошқа харажатлари ЖШДС солиш мақсадида даромад деб қаралмайди ва бу солиқ бўйича солиқ оқибатларини келтириб чиқармайди (СК 369-м. 2-қ. 5-б.).
Иқтисодий жиҳатдан ўзини оқлаган ва ҳужжатлар билан тасдиқланган харажатлар фойда солиғи бўйича солиқ базасини аниқлашда чегирилади (СК 305-м. 1-5-қ.). Агар кулердаги булоқ суви бўйича харажатларингиз шундай харажатлар тоифасига кирса, уни чегиришингиз мумкин.

Корхона раҳбарига олинган хизмат машинаси бўйича ҚҚС ҳисобга олинмайди!

Озроқ мантиқсиздек кўринса ҳам бу рост. Маъмурият учун олинган транспорт воситалари агар фаолият турига алоқадор бўлмаса, тўланган ҚҚС суммасини ҳисобга (зачет) олиниши мумкин эмас (СК 267 модда). ҚҚС суммаси транспорт воситаси таннархига қўшилиши керак. Бу дегани, мисол учун Сиз гипсокартон ишлаб чиқарсангиз ва корхона директор учун "Малибу" сотиб олса, автосалонга тўланган ҚҚС машина таннархига киритилади. Машина учун сотиб олинадиган ёқилғи бўйича тўланган ҚҚС хам зачетга олинмайди.

@avantaj_buxgalteriya

🏢🏢🏢Ходим 2019 йилдан 2023 йилгача хориждаги чет эл корхонасида (ЭБР) меҳнат шартномаси бўйича ишлаган. Бироқ ушбу ташкилот томонидан ходимнинг меҳнат дафтарчасида ҳеч қандай ёзув акс эттирилмаган.
Юқоридаги ҳолатда қандай қилиб чет элда меҳнат шартномаси асосида ишлаган ходимнинг иш стажини меҳнат дафтарчасига киритиш мумкин?

Меҳнат дафтарчаларини юритиш тартиби тўғрисидаги йўриқномага асосан фақат ҳукуматлараро, идоралараро шартномалар (битимлар) асосида ва хусусий меҳнат контрактлари бўйича Ташқи меҳнат миграцияси масалалари агентлиги ва Фуқароларни чет элларда ишга жойлаштириш бўйича хўжалик ҳисобидаги минтақавий бюроларнинг кўмагида чет элларда амалга оширган меҳнат фаолияти тўғрисидаги маълумотларга кўра меҳнат дафтарчаларига тегишли ёзувлар киритилади. Илк бор ўзининг меҳнат фаолиятини чет элларда бошлаган фуқароларга меҳнат дафтарчалари Ташқи меҳнат миграцияси масалалари агентлиги томонидан расмийлаштириб берилади (АВда 29.01.1998 йилда 402-сон билан рўйхатга олинган Йўриқноманинг 1.2-б.).
Ходимнинг электрон меҳнат дафтарчаси - жисмоний шахснинг меҳнат фаолияти тўғрисидаги маълумотлар мавжуд бўлган электрон ҳужжат, у меҳнат шартномаси иш берувчи томонидан рўйхатдан ўтказилганлиги, якка тартибдаги тадбиркор сифатида рўйхатдан ўтганлик, ўзини ўзи банд қилганлиги, вақтинчалик меҳнат фаолиятини амалга ошириш учун чет элга кетаётган фуқаролар томонидан Пенсия жамғармасига тўланган суғурта бадаллари тўғрисидаги маълумотлар асосида ЯММТда шакллантирилади (ВМнинг 05.12.2019 йилдаги 971-сонли қарорига 1-илованинг 2-б.).
Чет элда ёлланган ҳолда ишловчи шахс Пенсия жамғармасига ягона ижтимоий тўловни (ижтимоий солиқни) ихтиёрий равишда тўлайди (ВМнинг 22.02.2016 йилдаги 46-сонли қарорига 1-илованинг 3-б.).
Шуларга асосан, агар ходим чет элда ишлаган давр учун Пенсия жамғармасига ягона ижтимоий тўловни (ижтимоий солиқни) ихтиёрий равишда тўлаб борган бўлса, унинг иш стажи ЯММТда электрон меҳнат дафтарчасига киритилади.

Корхона ишлаб чиқариш фаолияти билан шуғулланади. Омборхонада ҳисобда турган аввал ишлатилган сендвич панель корхона биноси томига корхонанинг ўз кучи билан ўрнатилди.
Томга ўрнатилган сендвич панель учун қандай бухгалтерия ўтказмаси берилади?

Корхона томонидан амалга оширилган бино томини таъмирлаш ишларининг бухгалтерия ҳисоби ушбу таъмирлаш қандай натижага олиб келишига қараб амалга оширилади.
Агар ушбу таъмирлаш натижасида келгусида бинодан фойдаланишда иқтисодий фойда олиш шартлари яхшиланса, бу харажат асосий воситанинг (бинонинг) бошланғич қийматига капитализация қилинади (5-сон БҲМС «Асосий воситалар»нинг 22-23-бандлари). Бухгалтерия ўтказмаси:
Дт 0810 «Тугалланмаган қурилиш»
Кт 1050 «Қурилиш материаллари».
Агар томни таъмирлаш бинони ишчи ҳолатда сақлаб туриш учун қилинган бўлса, бино қандай мақсадларда ишлатилишидан келиб чиққан ҳолда харажатлар тан олинади (5-сон БҲМС «Асосий воситалар»нинг 47-48-бандлари):
Дт Харажатларни ҳисобга олувчи счётлар
Кт 1050 «Қурилиш материаллари». https://t.me/accounting_stuff

🤝🤝🤝А корхона Б корхонага шартнома бўйича 100 000 сўмга маҳсулот сотди. Бошка шарнома буйича Б корхона А корхонага 50 000 сўмга товар сотди. Б корхона А корхонага 50 000 тўлаб берди. Ҳозирда корхоналар бир-биридан 50 000 сўм қарзи бор.
А ва Б корхоналар 2 та турли шартнома бўйича бир-биридан 50 000 сўм қарз бўлса, ушбу қарздорликни ўзаро ёпиб юбориш мумкинми?

Ҳа, мумкин. Тарафлар бир-бирига сотилган маҳсулот ва товар учун пул тўлаб беришлари керак, яъни бир-биридан пул қарз. Ушбу мажбуриятларни ўзаро ҳисобга олиб қарз суммаларини ёпиб юбориш ФК 343-моддасига мувофиқ амалга оширилади.
Бунда бир корхона иккинчисига ушбу мажбурият суммаларини ўзаро ёпиб юбориш тўғрисида ариза билан мурожаат қилади. Томонлар ўзаро қарздорликни юзага келтирган шартномалар асосида умумий таққослаш далолатномаси тузиб имзолайдилар. Қарз суммалари тенглиги сабаб тўлиқлигича ўзаро ёпилиб кетади. https://t.me/accounting_stuff

💵💸🤑 Корхонада корпоратив пластик карта (КПК) мавжуд. Корхона раҳбари хатолик туфайли ўз (шахсий) эҳтиёжлар учун товарларни сотиб олаётганда корпоратив карта билан тўловни амалга оширди. Мазкур суммани иш ҳақидан ушлаб қолишга қарор қабул қилинди.
Ходим томонидан КПКдан шахсий эҳтиёж учун ишлатилганда КПК бўйича харажатлар ва ойлик ҳисобланишига қандай ҳужжатларни расмийлаштириш лозим? Ушбу ҳолатда ўтказмаларни қандай расмийлаштириш лозим?

Корпоратив банк картаси (КПК)нинг сақловчиси уни ҳисобдорликка олган кундан бошлаб 10 кундан кечиктирмаган ҳолда корпоратив ишлатилган суммалар тўғрисида бухгалтерияга ҳисобот тақдим этиши шарт (АВда 18.04.2005 йилда 1470-сон билан рўйхатга олинган Низом). Унда маблағлар шахсий эҳтиёжлар учун ишлатилганлиги тўғрисидаги маълумотни ва иш ҳақидан ушлаб қолиниши лозимлигини қайд этиш лозим.
Сизнинг ҳолатингизда корхонанинг КПКдан шахсий мақсадлар учун ишлатилган пул маблағларини директор қарори/аризаси асосида иш ҳақидан ушлаб қолишни тавсия этиш мумкин . Агарда корхона рахбари корхонага тегишли корпоратив картадан кўп миқдорда шахсий манфаатлари йўлида харажатлар қилган бўлса, ҳамда ушбу маблағни иш хақи ҳисобидан қоплаш ёки рахбар томонидан қайтариш имконияти мавжуд бўлмаса даромад солиғи ва и жтимоий солиқга тортилиши лозим. Шунингдек, рахбар томонидан пуллар хар қандай холатда қайтариш имкони бўлмасдан, таъсичи қарорига асосан воз кечилганда ушбу харажат фойда солиги 317 модда талаблари доирасида чегирилмайдиган харажат сифатида кўрилалди. Бухгалтерия ўтказмаси иш хақи ҳисобидан қопланганда Дт 6710 Кт 4230 (асос ариза ) https://t.me/accounting_stuff

❓❓❓Штат қисқариши сабабли ходимларга 2 ойлик огоҳлантириш хатлари берилган.
Ушбу давр давомида ходим меҳнат таътилига чиқса ёки вақтинча меҳнатга лаёқатсиз бўлса, огоҳлантириш муддати чўзиладими?

Иш берувчи меҳнат шартномасини технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги муносабати билан, шунингдек ходимнинг пенсия ёшига тўлганлиги муносабати билан, қонунчиликка мувофиқ ёшга доир давлат пенсиясини олиш ҳуқуқи мавжуд бўлган тақдирда бекор қилинганда, бекор қилиш нияти ҳақида ходимни ёзма равишда (имзо чектириб) камида икки ой олдин огоҳлантириши шарт. Ходимни огоҳлантириш муддатига вақтинча меҳнатга қобилиятсизлик даври, шунингдек давлат ёки жамоат вазифаларини бажарган вақти қўшилмайди, меҳнатга оид муносабатларнинг корхона тугатилганлиги натижасида бекор қилиниши бундан мустасно (МК 102-м. 1-қ. 1-б. ва 6-қ.). Шунга асосан огоҳлантириш муддатига меҳнат таътили вақти қўшилиб кетади, бироқ вақтинча меҳнатга қобилиятсизлик даври огоҳлантириш муддатига кирмайди. Шу билан бирга, ходим вақтинча меҳнатга қобилиятсизлик ва таътилларда бўлган даврида меҳнат шартномасини иш берувчининг ташаббуси билан бекор қилишга йўл қўйилмайди (МК 100-м. 3-қ.). Шунинг учун, агар огоҳлантириш муддатининг охири таътил даврига тўғри келиб қолса, меҳнат шартномасини таътил тугагандан кейин бекор қилиш мумкин.

🏢🏢🏢 Умумбелгиланган солиқларни тўловчи корхонада инвентаризация натижалари бўйича тўлиқ амортизацияланган асосий воситанинг камомади аниқланди.
1. Асосий восита камомади қандай бухгалтерия проводкалари билан акс эттирилади? 2. Бу қандай солиқ оқибатларини юзага келтиради?
1. Инвентаризация ўтказиш ва унинг натижаларини расмийлаштириш 19-сон БҲМС "Инвентаризацияни ташкил этиш ва ўтказиш" (АВ томонидан 2.11.1999 йилда 833-сон билан рўйхатдан ўтказилган) билан тартибга солинади.
Мол-мулк камомади айбдор шахслардан ундирилади. Айбдор шахс мавжуд бўлмаса ёки уни аниқлашнинг имкони бўлмаса, камомад корхона харажатларига ҳисобдан чиқарилади (19-сон БҲМСнинг 5.70-банди).
Бухгалтерия ҳисобида инвентаризация вақтида аниқланган мол-мулк камомади айбдор шахслар аниқлангунга қадар 5910-"Камомадлар ва қийматликларнинг бузилишидан йўқотишлар" счётида акс эттирилади. Мол-мулк камомадини ҳисобга олиш бўйича бухгалтерия проводкалари Инвентаризация жараёнида аниқланган мол-мулк камомади ва ортиқчасининг бухгалтерия ҳисоби тартиби тўғрисида низомда (АВ томонидан 6.04.2004 йилда 1334-сон билан рўйхатдан ўтказилган) келтирилган.

2. Иш берувчининг мулки ўғирланганда, кам чиққанда, қасддан йўқотиш ёки қасддан бузиш натижасида ҳамда бошқа ҳолларда етказилган зарар ҳажми бозор қиймати бўйича ҳисобланади (Низомнинг 2-банди). Бунда асосий воситанинг тўлиқ амортизацияланганлиги аҳамият касб этмайди.
Корхона томонидан камомад айбдорини аниқлашнинг имкони бўлмаганда, кам чиққан АВни ҳисобдан чиқаришдан кўрилган зарар бозор қиймати бўйича эътироф этилади. Ушбу зарар суммаси фойда солиғи бўйича солиқ базасини аниқлашда чегирилмайди (СК 317-м. 10-б.).
Қимматликлар камомадини ҳисобдан чиқарилишини расмийлаштириш учун тақдим этиладиган ҳужжатларда тегов ёки суд органларининг айбдор шахслар йўқлигини тасдиқлайдиган ёки айбдор шахслардан зарар ундирилиши рад этилган қарорлари бўлиши керак (19-сон БҲМСнинг 5.70-банди

💲👨‍💻Жамият директор жамиятга зарурат туфайли накд пул куринишида харажатларни амалга оширса бўладими? Кайси меъёрий хужжатга асосан булади? Бухгалтерия проводкаси канака булади?

Жавоб: Директор корхонага нақд пул кўринишида қарз бериши мумкин, бу амалиёт Ўзбекистон Республикаси Фуқаролик кодекси 732-моддасига асосан қарз шартномаси орқали амалга оширилади. Директордан қарз маблағларини келиб тушиш операциясига Дт 5110 Кт 6820 бухгалтерия проводкаси берилади. Ёки накд пул кўринишида харажатлар амалга оширган тақдида Дт Харажатлар Кт 6820 . Одатда амалиётда комунал тўловларни жамият ҳисоб рақамида маблағ етарлик булмаганда шахсий картасида тўлаб юборишади. Бунда комунал туловлардан қарз хосил булганда Дт2010.2510.9420 Кт 6010 ва бу қарзни рахбар томонидан тўланганда Дт 6010 Кт 6820 бухгалтерия ўтказмаси берилди. Бухгалтерия ўтказмасининг асос бўлувчи хужжати сифатида тўлов квитацияси ва директор билан тузилган қарз шартномаси ҳисобланади.
Жамият ҳисоб рақамида етарлик маблағ бўлганида, қарз шартномасида берилган қарз директор СПКсига ёки нақд шаклда қайтарилиши мумкин. Бухгалтерия ўтказмаси Дт 6820 Кт 5110 ёки Дт 6820 Кт 5010 https://t.me/accounting_stuff