Ибн Каси́ра (АллахIа къинхетам бойла цунах) аьлла:

«Жайна яздечарех дукханна марзделла Iела (АллахI реза хуьйла цунна) хьахийча «IалайхIис-салам» алар я «АллахIа юьхь нуьре йойла цуьнан» алар, кхиболу асхьабаш хьахийча ала а ца олуш, ткъа иза аьлча мегаш делахь а, асхьабаш цхьатерра лара беза цу тIехь, и алар уьш базбеш, церан ларам беш олуш ду, тIаккха ши Шайх а (Абу Бакр, Iумар ХаттIа́б), бусалба нехан амир (хилла волу) Iусма́н а тIех хьакъ ву и ларам шайна баре, царна массарна хуьйла АллахI реза».

[Тафси́р: Ибн Каси́р, агIо: 11/238]
🚀Ӏадлан Харачо

Имам А́журрис (АллахIа къинхетам бойла цунах) аьлла:

«Хьалха а я хIинца а Iеламнехан къовсам ца хилла хаварижаш вон нах хиларна тIехь, уьш Лекха волчу АллахIна а, Цуьнан Элчанна а (саллаллахIу IалайхIи ва саллам) Iеса нах хиларна тIехь, цара мел ламазаш дахь а, мел марханаш кхабахь а, мел Iибадатехь цара къахьегахь а, и дерриге а царна пайда бийр болуш дац хьуна, цара мел дика дерг де бохуш делахь а, вон дерг ма де бохуш уьш белахь а, царна иза пайда бийр болуш дац хьуна, Къуръан шайн дегIан лаамашца туьдуш, бусалба нахах бакъдерг къайлахьуш нах уьш болун дела, ткъа Лекха волчу АллахIа царах лардалар тIедиллина вайна, Пайхамара а (саллаллахIу IалайхIи ва саллам) царах лардалар тIедиллина вайна, цул тIаьхьа нисонна тIехь хиллачу халифаша а царах лардалар тIедиллина вайна, асхьабаша а (АллахI реза хуьйла царна) царах лардалар тIедиллина вайна, царна тIаьхьа мел баханчара а».

[Шари́IахI, агIо: 1/190]
🚀Ӏадлан Харачо