-Абу Му‌са‌с (АллахӀ реза хуьйла цунна) дийцина, Пайхамар (саллаллахӀу ӀалайхӀи ва саллам) кхеравелла хьалаиккхира, къемат-де хӀуттуш хиларна, маьждиге а веъна ламаз дира цо, иштта деха деш суна цкъа а гина доцуш веха бисмалехь а, рукуӀехь а, сужудехь а Ӏаш. Цо элира: «АллахӀа хӀара билгалонаш яхкийтар ца хуьлу цхьаъ валарна, я цхьаъ дуьненчу валарна, мелхо а, АллахӀа шен лешна тосуш кхерам бу иза». [Сахьи‌хь: Буха‌рий: 1059]

-Ӏа‌ишата а (АллахӀ реза хуьйла цунна) дуьйцу, Пайхамара (саллаллахӀу ӀалайхӀи ва саллам) элира аьлла: «Малх, бутт АллахӀан билгалонех цхьа билгало ю, и шиъ лацар хуьлуш дац цхьаъ валарна, я цхьаъ дуьненчу валарна, ткъа цу тайпа дерг шайна гича АллахӀе доӀанаш делаш, АллахӀ воккха а велаш (АллахӀу акбар бахарца), ламаз а делаш, сагӀа а лолаш». Цул тӏаьхьа элира цо: «ХӀай Мухьаммадан уммат, валлахӀи, АллахӀалла а чӀогӀа эмгар йолуш цхьа а ма вац, шен лено зина дар ца дезарехь! ХӀай Мухьаммадан уммат, валлахӀи, суна хуург шайна хаьахьара, ма кӀезиг доьлур дара шу, ма дукха доьлхур дар шу!». [Сахьи‌хь: Буха‌рий: 1044]

-Шайх Iусайми‌на (АллахIа къинхетам бойла цунах) аьлла:

«ЦӀена а, Лекха а волчу АллахӀа малх, бутт лацар хуьлуьйту шен лешна кхерам тосуш, малх (бутт) лацар АллахӀера кхерам бу, тӀе да леринчу Ӏазапна, Ӏазап дац иза, мелхо а, кхерам бу, Пайхамара (саллаллахӀу ӀалайхӀи ва саллам) ма-аллара: «Малх, бутт лацийтарца АллахӀа кхерам тосу Шен лешна». [Сахьи‌хь: Муслим: 911]
Цо ца элира: «Малх, бутт лацийтарца Ӏазап ло Шен лешна». Мелхо а, кхерам бу иза, ткъа вайна ца хаьа-кх оцу кхерамна тӀаьхьадогӀург хӀун ду, хила тарло гергара хан чохь, я цхьа ехха хан яьлча цунна тӀаьхьадогӀуш Ӏазапаш, адамийн догӀмашца, я даьхнишца, я доьзалшца, я гергарчаьрца хоттаделла долуш, дерриге адаман тӀедуссуш Ӏазапаш, я цхьаболчу нахана дуссуш, ца хаьа вайна хӀун ду! Цундела, Пайхамара (саллаллахӀу ӀалайхӀи ва саллам) аьлла: «Шайна цу тайпа дерг гича, кхераделла сихо елаш АллахӀ хьехаваре». [Сахьи‌хь: Наса‌ий: 1470]
Цо ца элира «Ламаз де», цо ца элира «АллахӀ хьеха ве», мелхо а, цо элира: «Кхералой, сихо е, АллахӀ хьехаваре, Цуьнга гечдар дехаре (АстагӀфируллахӀа ва ату‌бу илайхӀи бахарца), Иза воккхаварца (АллахӀу акбар бахарца), сагӀанаш даларе, ламаз даре, леш хьалхабитаре».

ХӀокху дерригено гойту малх, бутт
лацар боккха болх хилар, ткъа хӀокху вай заманахь дегнаш делла хиларна, хила дезаш долу хӀума санна тӀехдолу иза нахана... Малх (бутт) лоцу, ткъа вай дӀа а хӀуьттий ламаз-м до, дагчохь цхьа а кхерам боцуш... Ткъа гӀуллакх-м чӀогӀа кхераме ду!».

[Ликъа‌ул-ба‌бил-мафту‌хь, агIо: 4/15]

-Хьал иштта ду, хӀинцца дара малх лаьцча, цу юкъа дукха хан а ца ели тӀаьххье бутт леци, ткъа адам кхетарна метта кхин а гал долуш, эрча долуш доьду, Деле дерза дезачу метта Jony-г доьрзуш, ткъа АллахIа-м виц велла Iаш вац, хан луш ву!
🚀Ӏадлан Харачо