👍 Brifing: O‘zbekiston Respublikasi Prezidentining tadbirkorlar bilan VI ochiq muloqotiga tayyorgarlik jarayonlari
 
Bugun, 25-may kuni Biznes-ombudsman Axborot xizmati rahbari Guljamol Shukurova ishtirokida brifing bo‘lib o‘tdi.
 
Unda 2026-yil 20-avgust – Tadbirkorlar kuni arafasida o‘tkaziladigan O‘zbekiston Respublikasi Prezidentining tadbirkorlar bilan VI ochiq muloqotiga tayyorgarlik jarayonlari to‘g‘risida ma’lumot berildi.
 
Tayyorgarlik raqamlarda:
👍 44 ta vazirlik va idora mutaxassislaridan iborat Respublika shtabi va ekspert guruhlari tuzildi.
 
👍 Mas’ul tashkilotlar tomonidan hududlarda 65 ta uchrashuv o‘tkazilib, 890 nafar tadbirkorning murojaatlari qabul qilindi (23-may holatiga).
 
👍 Biznes-ombudsman va SSP tomonidan o‘tkazilgan 5 ta uchrashuvda tekshiruvlar bilan bog‘liq 149 ta tizimli takliflar olindi (23-may holatiga).
 
👍 Batafsil saytda o‘qishingiz mumkin.

Website|Telegram|Instagram|Facebook|X|Youtube

#Adliya_xabari

📢“Bolalar va yoshlarning huquqlarini himoya qilish” huquqiy aksiyasiga start berildi

📅 Joriy yilning 25-mayidan 25-iyuniga qadar Adliya vazirligi tomonidan respublika bo‘ylab “Bolalar va yoshlarning huquqlarini himoya qilish” huquqiy aksiyasi o‘tkaziladi.

🔹 Aksiya doirasida bolalar va yoshlarning huquqlarini himoya qilish, ularning muammolarini o‘rganish va hal etish, buzilgan huquqlarini tiklash, huquqiy savodxonligini oshirish hamda qonunchilikda belgilangan imtiyoz va kafolatlar bo‘yicha keng tushuntirish ishlari olib boriladi.

🔹 Shuningdek:
✅ sayyor qabullar va “Adliya kuni” tadbirlari;
✅ “Rahbar va yoshlar” uchrashuvlari;
✅ huquqiy targ‘ibot tadbirlari va seminar-treninglar;
✅ “Bo‘sh ish o‘rinlari” mehnat yarmarkalari;
✅ bolalar va yoshlarni qiynayotgan huquqiy muammolarni hal etishga qaratilgan amaliy tadbirlar tashkil etiladi.

📌 Aksiya davomida bolalar va yoshlarning huquqlari va qonuniy manfaatlarini ta’minlash, ularga ko‘rsatilayotgan huquqiy yordam ko‘lamini kengaytirish hamda huquqiy madaniyatini yuksaltirishga alohida e’tibor qaratiladi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Men_bilgan_adliya

✅Adliya vazirligining intellektual mulk sohasiga oid huquqiy madaniyatni keng jamoatchilik orasida targ‘ib qilishga qaratilgan “Qaroqchi” lloyihasi haqida qanday fikrdasiz?

🔵Ushbu savolga huquqshunos, kino aktyor va jamoat faoli Otabek Mahkamov javob berdi.

#Intellektual_mulk

✅Adliya vazirligi tomonidan “ANDIJON DEVZIRA OSHI” geografik ko‘rsatkich sifatida davlat ro‘yxatidan o‘tkazildi

✅Andijon devzira oshi asrlar davomida shakllangan oshpazlik an’analari, o‘ziga xos tayyorlanish usuli va noyob ta’mi bilan ajralib turadigan milliy taom hisoblanadi. Ushbu osh turi asosan Farg‘ona vodiysida yetishtiriladigan mashhur devzira guruchi asosida tayyorlanadi.

✅Devzira guruchi o‘zining qizg‘ish tusli, zich va sifatli donalari bilan ajralib turib, oshga betakror ta’m, xushbo‘ylik hamda dona-dona ko‘rinish bag‘ishlaydi.

✅ Geografik ko‘rsatkich maqomining berilishi “Andijon devzira oshi” nomi va uning an’anaviy tayyorlash texnologiyasini huquqiy jihatdan himoya qilish, mahsulotning o‘ziga xosligini saqlab qolish hamda uning sifat kafolatlarini mustahkamlashga xizmat qiladi.

🌍 Mazkur maqom Andijon viloyatining gastronomik salohiyatini namoyon etish, milliy brendlarni rivojlantirish, turizmni qo‘llab-quvvatlash va o‘zbek oshpazlik madaniyatini xalqaro miqyosda targ‘ib etish uchun ham muhim ahamiyat kasb etadi.

🤝 Andijon devzira oshi — nafaqat milliy taom, balki xalqimizning mehmondo‘stligi, qadriyatlari va boy madaniy merosining yorqin timsolidir.

📌 Ma’lumot uchun: geografik ko‘rsatkich — mahsulotning ma’lum hudud bilan bog‘liqligini hamda uning sifati va obro‘-e’tibori aynan shu hududning tabiiy va ijtimoiy omillari bilan chambarchas bog‘liq ekanligini tasdiqlovchi intellektual mulk obyektidir.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

#Intellektual_mulk

❕Intellektual mulk huquqlarini buzish holatiga chek qo‘yildi!

✅Hozirgi kunda ko‘plab tadbirkorlar o‘z brendini ro‘yxatdan o‘tkazib, uni rivojlantirish maqsadida moddiy resurslarini sarflayotgan bir vaqtda tayyor mahsulotdan ruxsatsiz foydalanishga urinayotgan ayrim “uddaburon” shaxslar afsuski yo‘q emas.

✅Xususan, Adliya vazirligi tomonidan fuqaro N. Fayzullayevga tegishli “Darco Plus” tovar belgisiga bo‘lgan huquqlari YTT “G.O.” tomonidan buzilayotganligi to‘g‘risidagi murojaati ko‘rib chiqildi.

✅ O‘tkazilgan tekshiruv natijasida YTT “G.O.” tomonidan “Darco Plus” tovar belgisiga adashtirib yuborish darajasida o‘xshash bo‘lgan belgilardan huquq egasining ruxsatisiz foydalanish holatlari mavjudligi aniqlandi.

✅Holat bo‘yicha vazirlik tomonidan YTT “G.O.” rahbariga nisbatan O‘zbekiston Respublikasi Ma’muriy javobgarlik to‘g‘risidagi kodeksining 177-moddasi birinchi qismiga muvofiq ma’muriy huquqbuzarlik to‘g‘risidagi bayonnoma rasmiylashtirildi.

✅Hurmatli tadbirkorlar! O'z brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot

❕“Uddaburon” tadbirkor maqsadi amalga oshmay qoldi.

✅Hozirgi kunda ko‘plab tadbirkorlar o‘z brendini ro‘yxatdan o‘tkazib, uni rivojlantirish maqsadida moddiy resurslarini sarflayotgan bir vaqtda tayyor mahsulotdan ruxsatsiz foydalanishga urinayotgan ayrim “uddaburon” shaxslar afsuski yo‘q emas.

✅Shunday tadbirkorlardan biri “Y.W.” MChJ, tezda boyib ketish va katta foyda olish maqsadida “SAMSUNG ELECTRONICS CO. LTD” kompaniyasiga tegishli bo‘lgan “SAMSUNG” tovar belgisiga iste’molchini adashtirish darajasida o‘xshash bo‘lgan “samsyng” belgili elektronika mahsulotlarini respublikamiz hududiga olib kirishga uringan.

✅ Holat yuzasidan “SAMSUNG ELECTRONICS CO. LTD” kompaniyasi sudga murojaat qildi va sudning 04.06.2026-yildagi qarori bilan “Y.W.” MChJning xatti-harakatlari intellektual mulk huquqlarining buzilishi deb topildi va “Y.W.” MChJ tomonidan xorijiy davlatdan import qilingan “samsyng” belgili elektronika mahsulotlariga nisbatan taqiq qo‘yildi hamda javobgardan sud xarajatlari undirilishi belgilandi.

✅Hurmatli tadbirkorlar! O'z brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot